أهلا وسهلا بك إلى المسافر السياحة و السفر.
أهلا وسهلا بك زائرنا الكريم، يسرنا ان تسجل معنا في اكبر مواقع السفر للتسجيل اضغط هنا

أنصحكم في أوبر بالبحرين

2018-03-09
عدد المشاركات: 2

السلام  عليكم ورحمة الله وبركاته 

صباح الخير / مساء الخير للجميع 

في البداية حبيت أطرحت لكم تجربتي مع تطبيق أوبر في البحرين 

قبل 6 أشهر سافرت للبحرين طيران وهناك لما أبغى تاكسي نصب في الاسعار مع ان المسافة قريبه 

يعني مثلا بطلع من الفندق بالجفير الى سيتي سنتر يقولك ب40 او 50 طبعا كثير لكن المصيبه تجي للتاكسي ألي بعده نفس الكلام 

وبنفس الكلام ونت رايح تسهر مشوار ابو 4 دقايق قال لك 50 

المره هذي رحت من 1 مارس الى 3 مارس جربت تطبيق أوبر طلعت من الجفير للمعارض اسهر ب15 ريال رايح و13 ريال راجع شفتوا الفرق 

وكلهم سواقين تاكسي هنود بس يشتغلون على التطبيق والمطار طلعت من الجفير والله ب 30 ريال مع أوبر

وقبل 6 شهور طلعت للمطار  بتاكسي من الشارع ب 80 ريال وبحب الخشوم بعد فنصيحه حتى لو معك سيارة رايح تسهر لا تطلع بسيارتك 30 ريال توديك وترجعك وتسلم من حوادث أو شرطة 

حبيت أفيد جميع الأخوان بهذه المعلومه ودمتم سالمين 

انشر هذا الموضوع

اكتب رد

7 الردود في "أنصحكم في أوبر بالبحرين"

avatar
  اشترك  
بلغني اذا
هاوي البحرين
مشارك

منكم نستفيد.

aboras
مشارك

صالح 44;1342272 wrote: لما اطلب يطلع رساله في التطبيق( اوبر في هذا البلد لا يقبل الدفع النقدي الرجاء تسجيل بطاقه ائتمانيه )
برقم بحريني والله مدري بس جرب
نصيحه اذا انت راعي سفر دايم طلع لك فيزا مسبقة الدفع من الراجحي واشحنها باللي تبي
تستعملها في اوبر وفي حجز الفنادق

تطبيق كريم شغال في البحرين نفس تطبيق السعوديه وسعره مناسب جدا ويتعامل بالكاش استخدمته لمواصلاتي في البحرين مدة 4 ايام الشهر الماضي

صالح 44
مشارك

zoro1970;1342268 wrote:

مشكلة اذا لازم فيزا 

طيب لو سويت حساب برقم بحريني

لما اطلب يطلع رساله في التطبيق( اوبر في هذا البلد لا يقبل الدفع النقدي الرجاء تسجيل بطاقه ائتمانيه )
برقم بحريني والله مدري بس جرب
نصيحه اذا انت راعي سفر دايم طلع لك فيزا مسبقة الدفع من الراجحي واشحنها باللي تبي
تستعملها في اوبر وفي حجز الفنادق

zoro1970
مشارك
zoro1970

مشكلة اذا لازم فيزا 

طيب لو سويت حساب برقم بحريني

صالح 44
مشارك

حياتي يالبحرين;1342264 wrote: انا محمل التطبيق في جوالي وبستخدمه أن شاء الله لما أوصل مطار الدمام يعني بيكون مشواري من مطار الدمام للجسر لقيت سعرهم ع التطبيق تقريبا 120 ريال .
لكن السؤال هنا
اذا وصلت للبحرين هل استخدم نفس التطبيق الي انا محمله او الوضع بيختلف
بما انك سبقتنا لهالتجربة ياليت تعطينا نصايحك بهالموضوع وكل مايخص التطبيق من طريقة الاستخدام وغيره
وألف شكر ع هالموضوع

نعم نفس التطبيق
بس اذكر قبل فتره اوبر في البحرين لا يقبل الا الحساب الا بفيزا
يعني لما تطلب لازم يكون عندك فيزا مسجلها واذا مافيها رصيد يرفض التطبيق
عاد مدري تغير الوضع ولا لا

حياتي يالبحرين
مشارك

راعي الددسن;1342262 wrote:

بيض الله وجهك ..هــــــــذه هي النصائح ولا بلاش

هالفكرة راحت عن بالي  ولا توقعت أن بالبحرين تطبيق اوبر شغال …وفعلا اسعار التاكسي نااااااااااااااااار بالبحرين وكل واحد فيهم يعطيك تسعيرة من رأسه الـــــــــــــــــــــــــــــــف شكر

انا محمل التطبيق في جوالي وبستخدمه أن شاء الله لما أوصل مطار الدمام يعني بيكون مشواري من مطار الدمام للجسر لقيت سعرهم ع التطبيق تقريبا 120 ريال .
لكن السؤال هنا
اذا وصلت للبحرين هل استخدم نفس التطبيق الي انا محمله او الوضع بيختلف
بما انك سبقتنا لهالتجربة ياليت تعطينا نصايحك بهالموضوع وكل مايخص التطبيق من طريقة الاستخدام وغيره
وألف شكر ع هالموضوع

راعي الددسن
مشارك

بيض الله وجهك ..هــــــــذه هي النصائح ولا بلاش

هالفكرة راحت عن بالي  ولا توقعت أن بالبحرين تطبيق اوبر شغال …وفعلا اسعار التاكسي نااااااااااااااااار بالبحرين وكل واحد فيهم يعطيك تسعيرة من رأسه الـــــــــــــــــــــــــــــــف شكر