برشلونة
الجزء الأول
للذهاب إلى محطة باصات
Barcelona Bus Turistic
مواعيد عمل الباصات من: 9 صباحاً إلى 7 مساءاً في الشتاء
ومن: 9 صباحاً إلى 8 مساءاً في الصيف
المهم طريقة عمل الباص ..إنك تختار خط سير يكون أحمر أو أزرق..وموجود أخضر بس من تاريخ 26 /3 إلى 26 /9 يعني احنا ما لحقنا عليه
ركبنا وأحلى شي إنك تحصل مقاعد فوق في المنطقة المكشوفة لأنك تشوف المنطقة برؤية واضحة وممتازة للتصوير
أول محطة مرينا عليها كانت
Casa Batllo
الباص يقف عند كل محطة تقريباً 5 دقائق وينتظر إذا كان أحد يبي ينزل أو في أحد السياح يبي يصعد الباص
احنا ما نزلنا لأنه قلنا المكان وااايد جريب من الرامبلا ونقدر نجيه مرة ثانية
فكملنا لمحطتنا الثانية
La Pedrera
وهو مبنى غريب وعجيب من تصميم المبدع مرة آخرى قاودي
المحطة اللي بعدها كانت غراسيا وهي المنطقة القديمة من برشلونة
يتبع...