رد: أسماء المطاعم ومواقعها مثبت في مواضيع رائعة
مطعم اسمه ( مونسون ) في العدليه .. ديكوره يجنن هو بيت على شكل كوخ و لم تدخل تصعد كم سلمه
وتحتك ماء
العدلية نسمع عنها وما شفناها
تقولون ورى فندق الخليج طيب
انا وصلت الحين عند الاشارة اذا رحت يمين صار فندق الخليج على يساري
واذا رحت يسار دخلت الجفير
تقصدون هذي الاشارة وندخل معها يمين والا كيف وضعكم ؟؟
والا فيه وصف اسهل المهم وصلنا اشارة فندق الخليج وبعدين :)
رد: أسماء المطاعم ومواقعها مثبت في مواضيع رائعة
umalzain
السلام عليكم
ياريت أعرف أنت جاية من السعوديه
و من وين تبقين تعرفين الطريق (هل في منطقه في البحرين تعرفينها نبتدي منها)
نعم انا جاية من السعودية وتقدر توصف لي من منطقة السيف (أو مجمع السيف)
أو من الطريق الاكثر سهولة للوصول للمطعم لآن زوجي ماعلامة يدل البحرين كثير وعامة أحنا من النوع اللي دااايم نروح البحرين حتى يمكن أكثر من الخبر (لآني من الاحساء) بس راحاتنا البحرين أماكن معروفة مانغيرها حتى يوم دخلت هذا الموقع وشف الاماكن اللي في البحرين تعجبت وقلت صج حنا مادل شي في البحرين الا الاماكن المعروفة مثل السيف والانوارو رامز والعالي ومارينا مولو بوابة البحرين تقريبا يمكن اشياء نسيتها
وعذراااا على الاطالة أدري ماصار جواب صارت قصة حياتي ههههههه
رد: أسماء المطاعم ومواقعها مثبت في مواضيع رائعة
https://www.otlaat.com/arabtravelers...quote_icon.png المشاركة الأصلية كتبت بواسطة ماري ألينا
http://www.arabtravelersforum.com/tr...7/#post2063787
umalzain
السلام عليكم
نعم انا جاية من السعودية وتقدر توصف لي من منطقة السيف (أو مجمع السيف)
أو من الطريق الاكثر سهولة للوصول للمطعم لآن زوجي ماعلامة يدل البحرين كثير وعامة أحنا من النوع اللي دااايم نروح البحرين حتى يمكن أكثر من الخبر (لآني من الاحساء) بس راحاتنا البحرين أماكن معروفة مانغيرها حتى يوم دخلت هذا الموقع وشف الاماكن اللي في البحرين تعجبت وقلت صج حنا مادل شي في البحرين الا الاماكن المعروفة مثل السيف والانوارو رامز والعالي ومارينا مولو بوابة البحرين تقريبا يمكن اشياء نسيتها
وعذراااا على الاطالة أدري ماصار جواب صارت قصة حياتي ههههههه
أولا يا هلا فيج بالبحرين :101:
بعد ما توصلين السيف اختي امشي على طول الطريق الى ما توصلينالمارينا مول و خليه على يمينك و طلولى راح تكون لعي على الجسر الى ما توصلين الأشارة الثالثه :112:
الأشارة الاولى راح تكون عند فندق الرجينسي و في على يمينه مدينة العاب حق الأطفال و جنبها مطعم بندروزا فيه بوفيه و ستيكات تقدرين تطلبين بس البوفية و ممكن تضيفين طبق الأستيك للبوفيه :114:
الأشارة الثانيه راح تكون عند فندق الشيراتون ولو تدخلين الى اليمين راح تحصلين مطعم الفردوس هندي بيكون عند الدوار و لو دخلتي داخل المنطقه راح تحصلين مطاعم وايد:115:
اللأشارة الثالثه راح تكون عند بداية جسر المحرق جسر الشيخ خليفه الطريق المؤدي الى المطار طبعا الأشارات راح تدليك:24:
اختي الأتجاه اليمين راح تدخلين سوق المحرق بس انتي طلعي على طول راح تلاقين مدرسة الهدايه و مكتبة المحرق على اليمين و فيه بعض المحلات على اليسار مثل صيدلية رويان و مذر كير و غيرها وىخذين يمين وراح تحصلين المطعم و جنبه دار للسينما و صحتين و عافية:108:
رد: أسماء المطاعم ومواقعها مثبت في مواضيع رائعة
https://www.otlaat.com/arabtravelers...quote_icon.png المشاركة الأصلية كتبت بواسطة umalzain
http://www.arabtravelersforum.com/tr...3/#post2064583
أولا يا هلا فيج بالبحرين :101:
اختي الأتجاه اليمين راح تدخلين سوق المحرق بس انتي طلعي على طول راح تلاقين مدرسة الهدايه و مكتبة المحرق على اليمين و فيه بعض المحلات على اليسار مثل صيدلية رويان و مذر كير و غيرها وىخذين يمين وراح تحصلين المطعم و جنبه دار للسينما و صحتين و عافية:108:
عذرا على المداخلة ....
بس في اختصار للطريق بدن ما ترحون طريق سوق المحرق لان ممكن تتيهون شوي... وانتوا جايين من السعودية .. نفس ما تفضلت الأخت أم الزين ... بعد ما تخلين السيف على يسارج .. تطلعون سيده ... تطوفون أول إشارة جنب فندق الريجنسي ... وثاني إشارة جنب فندق الشيراتون ... عند ثالث إشاره ... تطلعون سيده على جسر المحرق اللي على شكل حرف الـ M وتروحون سيده ... تطوفون أول ثلاث اشارات ضوئية ... ولما تشوفون علامة الماكدونالدز تلفون عندها ... عند رابع إشاره أعتقد ... وبتلقون المطعم على يساركم ... وحياكم الله ...
رد: أسماء المطاعم ومواقعها مثبت في مواضيع رائعة
طلب مساعد
اخواني عيد زواجي بعد كم يوم
وناوي اسوي مفاجأة للمدام
ففكرت اخذها البحرين
واعزمهابمطعم مميز جداجدا
ونرجع نفس اليوم
فشنو تنصحوني
وانا مااعرف عناوين بالبحرين
مادل عدل
مكن مساعدة
مع العلم انا من الكويت
رد: أسماء المطاعم ومواقعها مثبت في مواضيع رائعة
وانا نفس الشي عندي عيد زواجنا وابي مكان حلو في البحرين
رد: أسماء المطاعم ومواقعها مثبت في مواضيع رائعة
طلب مساعد
اخواني عيد زواجي بعد كم يوم
وناوي اسوي مفاجأة للمدام
ففكرت اخذها البحرين
واعزمهابمطعم مميز جداجدا
ونرجع نفس اليوم
فشنو تنصحوني
وانا مااعرف عناوين بالبحرين
مادل عدل
مكن مساعدة
مع العلم انا من الكويت
وانا نفس الشي عندي عيد زواجنا وابي مكان حلو في البحرين
هلا بكم اخواني ... والله يسعد أيامكم دوم ويهنيكم ...
المطاعم في البحرين كثيرة كثيرة ... يعتمد على ذوقكم في الأكل .. هندي .. صيني .. عربي .. أوروبي .. المكان هل تحبونه يكون رومانسي ... أو شلون .. وطبعا يعتمد على ميزانيتكم ...
ياريت بس أعرف ذوقكم وميزانيتكم ... ومن عيوني بختار لكم مطعم يعجبكم ان شاء الله ... وحياكم الله ..
رد: أسماء المطاعم ومواقعها مثبت في مواضيع رائعة
يالغالية ابي شي يبهر
اب شي يطير العقل من الديكورات
شي مميز
رد: أسماء المطاعم ومواقعها مثبت في مواضيع رائعة
https://www.otlaat.com/arabtravelers...quote_icon.png المشاركة الأصلية كتبت بواسطة YOPY
http://www.arabtravelersforum.com/tr...8/#post2066578
يالغالية ابي شي يبهر
اب شي يطير العقل من الديكورات
شي مميز
أوكي أخوي .... عندي لك كم اقتراح ...
1. مطعم ميزالونا: موقعه في العدليه .. أكلات أوروبية .. متوسط السعر للشخص 11 دينار بحريني .. الديكور بيت قديم مجددينه ... بس يعتبر من المطاعم الراقية جدا ... ولازم حجز .. هذا رقمهم: 0097317742999
بتلاقي له صور في هالرابط: http://www.aramcoexpats.com/Articles...iews/1529.aspx
2. مطعم مونسون: موقعه بعد في العدلية .. اكلات الشرق الأقصى تايلندي صيني ياباني من هالنوع يعني ... الديكور رائع جدا جدا ... ويعتبر أيضا من المطاعم الراقية .. الحجز ضروري .. ومتوسط السعر للشخص 10 دنانير بحرينية ... والرقم: 0097317749222
وشوف الصور: http://www.aramcoexpats.com/Articles...iews/1688.aspx
3. مطعم كولستان: في فندق الشيراتون .. مطعم إيراني ... كان مسكر فترة ورجعوا فتحوه ... معروف بأكله المميز ومستواه الراقي جدا ... الحجز ضروري .. ورقمهم 0097317533533
الحقيقة أخي الكريم ... فيه نخبه كبيرة من المطاعم في البحرين ... انا اخترت لك 3 ... ومتأكده ان اخواني وخواتي الاعضاء ممكن يقترحون أماكن ثانية ...
أتمنى لك وقت سعيد وعيد زواج سعيد .... وحاضرة لك بأي شي تطلبه ... وحياكم الله .. :101:
رد: أسماء المطاعم ومواقعها مثبت في مواضيع رائعة
https://www.otlaat.com/arabtravelers...quote_icon.png المشاركة الأصلية كتبت بواسطة استهلال
http://www.arabtravelersforum.com/tr...8/#post2060998
العدلية نسمع عنها وما شفناها
تقولون ورى فندق الخليج طيب
انا وصلت الحين عند الاشارة اذا رحت يمين صار فندق الخليج على يساري
واذا رحت يسار دخلت الجفير
تقصدون هذي الاشارة وندخل معها يمين والا كيف وضعكم ؟؟
والا فيه وصف اسهل المهم وصلنا اشارة فندق الخليج وبعدين :)
هلا بك أخوي .. وسوري عالتأخر في الرد ...
عدل كلامك ... اذا أخذت يمين من الاشاره صار فندق الخليج على يسارك ... الحين اذا بتواصل سيده ... أول اشاره ضوئية تتركها ... عند الاشاره الضوئية الثانية ... تاخذ يسار ...
أوكي ... الحين:
1. اذا لفيت ورجعت U turn عند الاشاره تاخذ أول لفة عاليمين .. وتدخل .. هالمنطقة اللي قدامك كلها مطاعم ... كل شارع فيه مطعم أو كافيه ...
2. اذا لفيت يسار عند الاشاره ... تدخل شارع ومنطقة العدلية ... واي لفه تلفها على يسارك بتوديك لمنطقة المطاعم السابقة ...
وحياك الله ...
رد: أسماء المطاعم ومواقعها مثبت في مواضيع رائعة
هاااااااااااااااااااااي
الي يبوووووون مطعم راااااااااقي وفيه جو غنااااااااااااائي
عليه بمطعم الواااااااااحة في فندق الخليج واعتقد لازم حجز وهم يختارون لك كل شي
وفي واااااااااحد يعزف ويغني
والمتوسط لشخصين 50 دينااااااااااااااااااااار
رد: أسماء المطاعم ومواقعها مثبت في مواضيع رائعة
الله يعطيج العافية اختي بس اي واحد اللي يقولون عنة ارضيتة زجاج وماي تمشين فوقة
رد: أسماء المطاعم ومواقعها مثبت في مواضيع رائعة
مرحبا اخواني ومشكورين بس ودنا بمطاعم بحرينية شعبية تسوي التكة البحرينية المطعم الوحيد الذي ذكر
هو مطعم تبريز ويقع في عذاري جنب الجامعة العربية المفتوحه خلف منتزه عذاري بالضبط وايضا مطعم كباب
امين ارجو تذكرون المزيد الله يجزاكم خير تذكرت احد الاصدقاء مدح مطعم البنقلة شو رايكم فيه :114:
رد: أسماء المطاعم ومواقعها مثبت في مواضيع رائعة
مطعم ابستيرز داون ستيرز في العدلية ديكورة جميل ومقابلة مطعم كاميلوت ايضا ديكورة جميل يشبة القلعة .
رد: أسماء المطاعم ومواقعها مثبت في مواضيع رائعة
https://www.otlaat.com/arabtravelers...quote_icon.png المشاركة الأصلية كتبت بواسطة YOPY
http://www.arabtravelersforum.com/tr...2/#post2070092
الله يعطيج العافية اختي بس اي واحد اللي يقولون عنة ارضيتة زجاج وماي تمشين فوقة
الله يعافيك أخوي ... مادري والله أ×وي .. اللي اعرفه انه مونسون الديكور فيه عباره عن قنوات ماي دار مادار الطاولات .. وفيه مكان خاص بعيد عن باقي الطاولات ... يمشون له على أحجار وسط الماي ... بس أرضيه زجاج .. مادري والله ... ان شاء الله حد من الاخوان او الاخوات يذكرون هالمكان ...
وحياك الله :101:
رد: أسماء المطاعم ومواقعها مثبت في مواضيع رائعة
مرحبا للجميع اللي يسأل عن مطاعم حلوه وراقيه في فندق الخليج التايلندي او الصيني والله ماتذكر من زمان رايحه..
وقريت الموضوع من اوله الى اخره وحبيت اضيف فاير اوف برازيل في منه بمجمع السيف وفي بالعدليه...
وعندكم كوكوز اكله رووووووووووعه مع انه القعده عاديه مو ذاك الزود
وان شاالله فدتكم :)
رد: أسماء المطاعم ومواقعها مثبت في مواضيع رائعة
الشكر للكل
فعلا الواحد استفاد
وفي انتظار الجديد
وتقبلو تحياتي
رد: أسماء المطاعم ومواقعها مثبت في مواضيع رائعة
أخي الكريم .. .. المراكشي...
تمت إضافة موضوعك الرائع للموضوع المثبت http://www.arabtravelersforum.com/travel198654/ ..
شكرا لك جزيل الشكر ..
رد: أسماء المطاعم ومواقعها مثبت في مواضيع رائعة
https://www.otlaat.com/arabtravelers...quote_icon.png المشاركة الأصلية كتبت بواسطة tonga
http://www.arabtravelersforum.com/tr...9/#post1129129
مطعم هونج كونج فى ام الحصم مطعم متميز وطبخهم رائع ...لاتفوتك شوربة الشارك فن اي زعانف سمك القرش .. او شوربة هوت اند ساور كلها لايعلى عليها ...كبدايه لاتنسى السلطه الخضرا ...بعدين اطلب دجاج كريسبي اى مقرمش مع بهار الستار انيس staranis وهو بهار ياتى على شكل نجمه.. ويعده المطعم بجوده وبطعم عالمي لايعلى عليه واطلب ارز بلين فرايد رايس اى رز مقلى ساده ...وعندما تخلط الدجاج مع الارز مع السلطه الخضرا ستعرف ماذا اعنى بعالمي الجوده ولا تنسى تختمها بالحلو ...فرايد بنانا اي موز مقلى على طريقة كانتونيز ... والف صحه وعافيه ...محبكم تونجا ....على فكره لاتنسى تحجز اذا عددكم كبير او اذا رايحين وجبة العشا اربعاء وخميس وجمعه ......... دعواتكم
لايفوتك ...تراه خطيييييييير
رد: أسماء المطاعم ومواقعها مثبت في مواضيع رائعة
https://www.otlaat.com/arabtravelers...quote_icon.png المشاركة الأصلية كتبت بواسطة tonga
http://www.arabtravelersforum.com/tr...6/#post1132196
المطعم اليابانى فى فندق الخليج ممتاز واحلى ما فيه الجلسه اليابانيه واللبس اليابانى واللي يستقبلك لابس يابانى.... لاتفوتك شوربة الصويا اللذيذه.... او شوربة البيض ..... وعلى فكره ترى اليابانيين يشربونها باليد تجغم .... من دون ملعقه..... اليابانيون يتفننون فى طهى الصويا ..... اشكال والوان.... ونبات الصويا يسمى الذهب الاخضر..... لشدة الطلب عليه فى اسواق العالم ...لاتفوتك السوشى .....وهو عباره عن سمك السلمون المدخن مع الارز الملفوف باعشاب البحر ....وطبق التمبورا ....وهو لحم البقر المطهى مع الخضار اليابانيه..... ويقدم مع موقد اشتعال للحفاض على على سخونته وهو اقتراحى الاول ...او قد تفضل الشيتاكى ...وهو لحم عجل مع صلصة الشيتاكى وهو ما اقترحه عليكم ثانيا ...المطعم غالي جدا ولكن يستحق كل قرش ...لاتنسونى من دعواتكم
ولا اروع من الاكل الياباني ...الا الشعب الياباني...
رد: أسماء المطاعم ومواقعها مثبت في مواضيع رائعة
بالنسبة لي مطعم نينو
في منطقة السيف خلف مجمع العالي ...رقم تلفونهم النينو 17566555
وهو مطعم ايطالي رائع
مكان جميل وطعم اجمل
انا كنت فية في العيد وزحمة المطعم
من حلاوة اكلة وخدمتهم جدا رائعة
وفي مطعم في السيف الدور الاول عند الملاهي
مطعم نسيت اسمة بس هو بوفية مفتوح
سعر الشخص بس 38ريال للبوفية من غير المشروبات وحلو طعم الاكل فية
وفي مطعم بعد حلو في سوق الدانة
بوفية مفتوح في الدور الاول سعر الشخص 100 ريال
حلو ديكور المطعم وحلو اكلة بعد
وبعد في مطعم تشيلز بعد حلو هالمطعم
وسلامتكم وبالعافية مقدما
رد: أسماء المطاعم ومواقعها مثبت في مواضيع رائعة
جربت كتير مطاعم بس انا عندي اهم وقت للاكل هو الفطور، والبنسبة للفطور في مطعم في سيتي سنتر البحرين اسمو آيهوب، جد رهيب والبانكيك عنهم جدا رهيبة. هاي اللينك للي حابب يشوف
http://www.citycentrebahrain.com/ar/...staurants/ihop