السلام عليكم وصباحكم ورد يا احلى منتدى في النت كله
اليوم بناقش معكم موضوع تفاجأت فيه هل معقوله يوجد هالشي للحين ؟ كنت متصور انه انتهى من زمان ؟ولكن
قدر الله اني اعيش حتى هذا اليوم وارى هذا الشي لا يزال موجودا !!!
قررت انا وواحد من الشباب اننا بنسافر في العطلة وتباحثنا جميع الدول رخيصه غاليه بعيده قريبه من جميع النواحي
كنا محتارين بين الدول لسبب قصر مدة الاجازة عبارة عن 9 ايام ورفضنا للذهاب لاي دولة عربية او خليجية
تفرقنا وكل واحد كان يفكر بالدولة اللي بخاطره
طرحت دولة تركيا الشقيقة على طاولة الاجتماعات
دخلت المنتدى والتقارير اللي كل واحد اروع من الثاني شيكت على موقع بوكنق عشان الحجوزات شيكت على الخطوط لقيت ان تركيا مبالغ جدا في اسعارها تذاكر غاليه وسكن غالي
والاجازه قصيره يعني ما يمدينا ننبسط الا خلصت الاجازة .... شرحت الظروف لخويي واقتنع بكلامي
جلست في تالي اليل وانا اقلب المنتدى والقى منتدى من زمان ما دخلته ساحة السفر الى تايلاند
خصوصا ان تايلاند فيه اماكن ما رحت له في سفرتي الاولى
وبعد تشييكي ان اسعار التذاكر ليس مبالغ فيه مثل تركيا والسكن رخيييييييييييييييييييييييص جدا
فندق اماري 250 ريال يا رخا
وارفع سماعة الهاتف واتصل على ابو الشباب وش الامور وش الاخبار على طول وش رايك
بتايلاند
ومير يشهق
قلت خير انشالله وشبك
قال لا ياشيخ بلا شبهات 
قلت وش شبهاته وراه وش به تايلاند
قالي
ما راح نسلم من هرج الناس وش يبي يقولون عنا اذا درو اننا رايحين تايلاند
قلت له وراه وش حنا مسوين والعالم وش دخلهم بنا
قال ابد بس تايلاند سمعته شينه وما ينفع نروح له
قلت له انا رايح تايلاند قبل والحمدلله سمعتي مثل الذهب ولا علي من كلام الناس لو الواحد يبي يسمع هرج الناس بكل شي كان وقفت الدنيا وما احد سوى شي
الى هنا انتهت الحكاية
ما اردت ان اصل اليه هل في ايامنا هذه توجد تلك النظره من الناس لا تسافر عشان الناس ما يقولون كذا وكذا نتحرم الوناسه عشان الناس لا تسوي كذا عشان الناس
هل لا يزال هذا التفكير موجود
