نصيحه وقصه لاتسوي زحمه والشارع فاضي؟؟
السلام عليكم ورحمة الله وبركاته
هذه نصيحه بعدها قصه
اذا كنت بتسافر الى اي مكان داخل او خارج دولتك
وعندك حجوزات الفنادق
فمن الافضل انك تخلي صوره من الحجوزات عند اي شخص من اهلك
لان الحجوزات فيها اسماء الفنادق وارقامهم
ممكن لاسمح الله يصير لك اي شي
بسيط او كبير
وقتها يقدرون اهلك يوصولون لك بسهوله
القصه اللي صارت معي
عديلي رايح شهر عسل المالديف
وبعدها رجع جلس في الامارات كم يوم
وكان كل يوم يتصل على امه يصبحها بالخير ويطمنها عليه
واتصل علي يسألني عن كم شغله في الامارات
ومن حسن الحظ اني سألته عن اسم الفندق اللي ساكن فيه
وبعدها بيوم او يومين ما أتصل على اهله
وخافوا عليه واتصل علي ابو زوجتي يسألني عنه
واذا كنت اقدر اتصل عليه او اعرف الفندق لان اهله مستغربين الانقطاع من الاتصل منه
قلت له انا اتصلت عليه وجواله مقفل
واخر دخول على الواتسب كان قبل يوم او يومين
ف اتصلت على الفندق
وقلت لهم في شخص اسمه فلان
ساكن عندكم
حولوني على غرفته
وكلمته وتطمنت عليه
وعرفت سالفته
كان جواله ماادري وش اللي جاه ماصار يشتغل
المهم اني تطمنت عليه وطمنت اهله
ف تجنبا لمثل هذه المواقف
مايمنع انك تحط نسخه من حجوزاتك عند اهلك
عشان يعرفون يوصولون لك بسهول
لانه لو ماكنت عارف اسم الفندق ؟؟؟!!!!
كنا بنقلب الدنيا وبنسوي زحمه والشارع فاضي...
تحياتي للجميع
