أضف مشاركة إلى الموضوع: مسافر لجنوب افريقيا ابي نصيحتكم
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
المشاركة الأصلية كتبت بواسطة اميرالحنان http://www.arabtravelersforum.com/tr...9/#post3650879 نصيييحه اخوي رح لكيب تاون مباشره وخل جلستك هناك باالنسبه للفنادق المقترحه فندق فكتوريا جنكشن سعر الليله فيه 600 ريال واخذته من دون فطور وقريب للوتر فرونت ادخل السايت تبع الفندق عشان تشوف شكله من الداخل غير كذا سواويقهم جاهزين بااي وقت تنزل يوصلونك للوتر فرونت وعندهم عروض سياحيه وفيه مطعم هندي خلف الفندق لايفوتك اكلهم وبجنب الفندق كنتاكي واذا تبغى تتغدى بمطعم بخارا بتلاقيه بشارع اسمه قرين ماركت سكوير اللي فيه السوق الشعبي يعني تتسوق من السوق الشعبي الصباح والظهر تتغدى بمطعم بخارا وهو يقدم الاكل الهندي ولاتنسى ثاني يوم لك بكيب تاون تروح لمكاتب الكلوك تاور بالوتر فرونت خلف برج الساعه الاحمر تحجز رحله سفاري طبعا بيواعدونك يوجونك للفندق 5 الفجر تكون جاهز برضه بنفس الفندق راح يعرضون عليك رحله سياحيه باالباص الصغير يودونك لشاطيء الباطريق ورأس الرجاء الصالح ويرجعونك للفندق بتلاقي عروض سياحيه كثيره بالوتر فرونت منها ركوب الهيلوكوبتر وكثييير بس انت اهم شي تجمع اسامي مطاعم وتحطهم عندك بورقه عشان ماتعاني هناك واي سؤال انا حاضر شكرا على كلامك انا رايحة ومن وصفك حسيت حالي فهمت كتير كيف رح يكون الوضع
3 ايام بكيب تاون ابدااا موكافيه اقل حاجه 7 ايام لانو فيها اماكن كثييير حلوة بالنسبة لجوهانسبيرغ ماانصحك تجلس فيها اول مافي امان ثانيا مافيها معالم سياحيه كثير هذا اللي عرفتو لاني ماجلست فيها على طول على كيب تاون بالتوفيق
وفقك الله اخوي المدريدي ان شاء الله تنكتب لك زيارة لجنوب افريقيا اتمنى لك التوفيق,, اخوك الفوكس
المشاركة الأصلية كتبت بواسطة مدريدي وافتخر http://www.arabtravelersforum.com/tr...5/#post3661985 ايه ونسيت اسألك وشي sun sity يعني وش فيها وش يميزها وكم يبيلها من يوم (ما تحس ان كل ردودنا تجي على دفعتين ما تجي في رد واحد هع) الصن سيتي .. (شكلك ماقريت تقريري)(لان فيه معلومات عنها) عبارة عن قرية ترفيهية مغلقة ونسبة الامان فيها 100% بإذن الله وتوجد بها 4 فنادق فقط وهي غاليه نوعاً ما وبها العديد من الانشطة مثل الامواج - البحيرة - حديقة التماسيح - افركن سفاري - العاب شعبية - .... وتستحق يومين لا اكثر ويمكنك زيارتها يوم واحد او نهار تبعد عن مطار جوهانزبيرج حوالي 190 كم
المشاركة الأصلية كتبت بواسطة مدريدي وافتخر http://www.arabtravelersforum.com/tr...7/#post3661967 قررت اخذ ليلة في فندق ميس اميس عطني موقعهم لا هنت بس ابسألك كيف اروح للجاردن يعني فيه رحلات او انا اروح بلحالي او كيف ؟؟ حياك اخوي عادي اسئل بالطريقة اللي تعجبك موقع ميس اميس http://www.mesamis.co.za وتراهم ممتازين بالتعامل ويمكنك الحجز بواسطتهم عن طريق الموقع او الاتصال بهم مباشرة بس لازم تعطيهم بيانات الفيزا الذهاب الى الجاردن روت اما بالسيارة وهو الاجمل والامتع "وجهت نظري الشخصية" او عن طريق مطار جورج
قررت اخذ ليلة في فندق ميس اميس عطني موقعهم لا هنت بس ابسألك كيف اروح للجاردن يعني فيه رحلات او انا اروح بلحالي او كيف ؟؟
المشاركة الأصلية كتبت بواسطة مدريدي وافتخر http://www.arabtravelersforum.com/tr...0/#post3660000 ايه شكلي ابستاجر سيارة بسواق اخوي مدريدي والله القيادة سهله هناك وتعطيك الحرية الشاملة وما تحتاج الا لرخصة "الجديدة" او مترجمة وبطاقة فيزا اما الجاردن فهي امنه بإذن الله وما تخوف... بس مارديت لي بخصوص الفندق اللي في ولدرنس "الجاردن"؟؟
الرخصة السعودية الجديدة الي فيها انجليزي مقبولة ...واذا تبي سواق فية موضوع مثبت لتجارب الاعضاء مع السواقين وارقامهم ممكن تاخذ فكرة عنهم .. القاردن روت امان وحلوة وسياحية لا تشيل هم..
المشاركة الأصلية كتبت بواسطة مدريدي وافتخر http://www.arabtravelersforum.com/tr...1/#post3657741 وعندي كمان سؤال ابغاء احجز غرفة تكون نظيفة في الجاردن رووت ابجلس فيها ليلة بكل تأكييد راجع تقريري وشوف الغرفة في ولدرنس هل تعجبك ؟
المشاركة الأصلية كتبت بواسطة مدريدي وافتخر http://www.arabtravelersforum.com/tr...2/#post3657732 يعني لو يكون اكثر تفصيل يكون افضل وحبيت اسألك كيف طريقة التنقل بين الاماكن السياحية يعني هل عندهم مترو واذا ما كان عندعم مترو ماهي افضل طريقة لتنقل للاماكن التي يصعب علينا التوجهة لها بالمشي كالتلفريك ابشر من عيوني اخوي راح افصلك اكثر وسيلة التنقلات : اما التاكسي وهو مكلف جداً والباصات وهي مخيفه نوعاً ما او استئجار سيارة وهو الافضل والاجمل والاكمل (مصطفى الاغا) ههههه من جد استئجار السيارة هو الاسلم والافضل واسعارهم زينه بعد... والقيادة هنا روعة
يعني لو يكون اكثر تفصيل يكون افضل وحبيت اسألك كيف طريقة التنقل بين الاماكن السياحية يعني هل عندهم مترو واذا ما كان عندعم مترو ماهي افضل طريقة لتنقل للاماكن التي يصعب علينا التوجهة لها بالمشي كالتلفريك
المشاركة الأصلية كتبت بواسطة مدريدي وافتخر http://www.arabtravelersforum.com/tr...8/#post3655598 يالغالي اول يوم ابجلس في جوهانسبرغ وحجزت من جوهانسبرغ يوم الجمعة 7/2 الى كيب تاون الساعة 12:00 ظهرا وحجزت العودة يوم السبت 7/10 من كيب تاون الى جوهانسبرغ الساعة 9:50 صباحا كان بودي انك تروح مباشرة الى الكيب ما لها داعي جلستك اقل من يوم لا انت جلست ولا انت رحت عالعموم يالغالي وبناءاً على المعلومات اللي عندي: انت حاجز الكيب تاون بتاريخ 27 ووصولك الساعة 2 الظهر وعودتك الى جوهانزبيرج 107 ووصولك الساعة12 الظهر والعودة الى ارض الوطن 137 ووصولك الساعة 8:30 العشاء وعليه انا افضل ان تبقى المدة كاملة في الكيب تاون من 27 وحتى 107 - اليوم الاول 27: استكشاف المنطقة والفندق في المساء التوجه الى الوتر فرنت للعشاء وشرب القهوة العودة للفندق للنوم -اليوم الثاني 37 (9ص - 3 م) الذهاب صباحاً الى الكيب بوينت ورأس الرجاء الصالح "المسافة 90كم وتحتاجون 3 ساعات للوصول نظراَ لمروركم بمناظر خلابه تستوقفكم كثيراً لالتقاط الصور .. وهناك عدة شواطي يمكنكم زيارتها والاستمتاع بها والدخول لهذه المنطقة 55 راند لشخص بعدها تتجهون الى مزارع النعام وهي قريبة منها... (3م-م5) بعدها تتجهون الى شاطئ البطاريق وهو طريق رجعتكم للكيب تاون (المدينة) الذهاب عالطريق الموازي للمحيط الاطلسي العودة عالطريق الموازي للمحيط الهندي "حتى تتمكنون من مشاهدت البطاريق بعدها عشاء ونوم هل تريد برنامج بهذه الطريقة ؟ او تريد اكثر تفصيل ؟ او تريد رؤس اقلام للمناطق؟ وانت تبحث عنها؟ انتظر ردك
يالغالي اول يوم ابجلس في جوهانسبرغ وحجزت من جوهانسبرغ يوم الجمعة 7/2 الى كيب تاون الساعة 12:00 ظهرا وحجزت العودة يوم السبت 7/10 من كيب تاون الى جوهانسبرغ الساعة 9:50 صباحا
وصولك بإذن الله صباح يوم 1-7-2010 الساعة 11ص بتوقيت جنوب افريقيا تتجه الى صالة الطيران الداخلي ورحلة الى الكيب تاون وحط ببالك اي تأخير من السعودية يعني لو تلقى لك رحلة على الساعة 2 الظهر مناسب او اكثر https://www.kulula.com/default.aspx هذه شركة طيران اقتصادية 1time.co.za وهذه شركة اخرى او البريطانية او طيران جنوب افريقيا اليوم الاول : الوصول الى الكيب تاون استكشاف المنطقة المحيطة العشاء والنوم استعداداً بيوم يبداء من الصباح الباكر انتظر ردك
بكل تأكييد لان رحلات السعودية من جدة كل يوم اثنين وخميس واقلاعها الساعة 4:35 فجراً ووصولها الساعة 11 ص بتوقيت جنوب افريقيا
مشكورين على تفاعلكم معي وهذا شئ مو مستغرب منكم اقولك اخوي فوكس انا ابروح يوم 7/2 واجي يوم 7/13 والميزانية تقريبا مفتوحة والفنادق اعرف واحد هناك قالي ازهلها من ناحية الفنادق هو بيرتبلي الفنادق والمشكلة اني ابروح على الخطوط السعودية والخطوط ما فيه رحلات لكيب تاون على شان كذا بنروح لـجوهانسبرغ بس باقي الاماكن السياحية لو ترتبلي جدول وتقولي جدول كل يوم بيومه تطلع انت روعة هههه بنوصل يوم الجمعة 7/2 وبنرجع يوم 7/13 اللي هو يوم الاثنين وترتيب السفرة كالاتي نوصل جوهانسبرغ يوم الجمعة ,, ويوم السبت الظهر بنروح لكيب تاون ويوم السبت الصباح بنروح لجوهانسبرغ ويوم الاثنين نرجع مشكووووورين مقدما
اذا مايهمك الغلا والزحمة توكل علي الله وزي ماقال الفوكس الافضل انو تكون بين الكيب تاون والجاردن روت وهي منطقة جنب الكيب تاون رايقة مرررة متاكدة بتعجبكم...
المشاركة الأصلية كتبت بواسطة مدريدي وافتخر http://www.arabtravelersforum.com/tr...5/#post3650695 غيرت جدولي وابجلس 7 ايام في كيب تاون و 3 ايام في جوهانسبرغ المشكلة ان اجازتي اسبوعين من بداية شهر 7 لين نص شهر 7 يعني ما فيه وقت الله لايهينك ابغاء افضل جدول لزيارة حنا شباب يعني مافيه بزارين وهذا احلى شئ يعني وين نروح وين نجي افضل الاماكن افضل الفنادق يعني زي كذا واذا كان في قرى صغيرة حلوة جنب كيب تاون او جوهانسبرغ يعني ابغاء افضل جدول لشباب رايحين 7 ايام في كيب تاون و3 ايام في الجوهان حياك اخوي على اي طيران ؟ لا تنسى كأس العالم والزحمة والغلاء المتوقع!!! 6 ايام في الكيب تاون 4 ايام في الجاردن روت وش رايك؟؟ http://www.arabtravelersforum.com/travel351043/ الفنادق http://www.arabtravelersforum.com/travel358093/ وانا جاهز اخوي بترتيب رحلتك كاملة بس حدد لي الوقت والطيران والمدة وميزانيتك وابشر.. انتظر ردك
غيرت جدولي وابجلس 7 ايام في كيب تاون و 3 ايام في جوهانسبرغ المشكلة ان اجازتي اسبوعين من بداية شهر 7 لين نص شهر 7 يعني ما فيه وقت الله لايهينك ابغاء افضل جدول لزيارة حنا شباب يعني مافيه بزارين وهذا احلى شئ يعني وين نروح وين نجي افضل الاماكن افضل الفنادق يعني زي كذا واذا كان في قرى صغيرة حلوة جنب كيب تاون او جوهانسبرغ يعني ابغاء افضل جدول لشباب رايحين 7 ايام في كيب تاون و3 ايام في الجوهان
كما تفضلت مشرفتنا الغالية وقتك قمة الزحمة وقمة الغلاء الافضل انك تغيير وقت رحلتك وافضل وقت في شهر سبتمبر(9) حيث يبداء الموسم عندهم وحتى تتم خدمتك بشكل افضل لا بد من تحديد عدد الايام؟ والميزانية؟ على العموم اذا كانت المدة كما ذكرت 3ايام في الكيب تاون و4 في جوهانزبيرج فأنت بلا شك مخطئ بتقسيم الايام ومخطئ بإختيار المدة المناسبة لان الكيب تاون تحتاج ل 6ايام على الاقل.... ارجوا ان تتقبل مروري .. وانا على اتم الاستعداد لمساعدتك اخوي الكريم...
مسافر لجنوب افريقيا ابي نصيحتكم سلام عليكم انا رايح في بدايه شهر 7 وراح اجلس في كيب تاون 3 ايام هل هي كافيه وراح اجلس في جوهانسبرغ 4 ايام هل هي كافيه وهل اني ظلمت احد المدينتين في عدد ايام الجلوس واريد منكم برنامج للاماكن السياحية في المدينتين وابي افضل فندقين في المدينتين صح انا بديت اجهز لسفرة بدري قبل بـ4 شهور بس انتم عارفين ان بيصير فيه هناك كاس العالم علشان كذا انواع الزحمة على الفنادق مشكوريييييييين مقدما
مسافر لجنوب افريقيا ابي نصيحتكم
قوانين المنتدى