الرد على الموضوع

سؤال هلاء لما اروح على اوكرانيا هل بالمطار بيغلبوني وممكن مايرضو يدخلوني ويرجعوني ولا كيف

السياحة في اوكرانيا فقط في يالطا

مو قايلك روح يالطا

جلست يومين في اوديسا وما اعجبتك غير المدينه -- كان رايح ليالطططططططططططططططططططططططا

السلام عليكم الحمد لله على السلامة حنا مسافرين قريبا ان شاء الله لكن لمدينة يالتا
وافضل شيئ لو انك نظمت رحلاتك من خلال مكتب وان شاء الله سينتظرونا في مطار سيمفاروبل
واكيد عند عودتنا ساخبر بكل شيئ

الحمد لله على السلامه أخوي والله بصراحه غريبه هالمدينه اجال وين شعب السكر

رجعت من اوديسا

بسم الله الرحمن الرحيم
اخواني الكرام لقد رجعت من اوديسا بعد ان كان من المقرر ان ارجع في 18 ابريل . سأسرد بعض الملاحضات على المدينه :
- لا تكاد ترى اي شخص يتحدث الانجليزيه ( يعني بالعربي تتكلم روسي ولا انثبر في ديرتك :112: ) لدرجه اني اقعد في المطعم نص ساعه اشرحلهم اني ما ابي اكل فيه خنزير ولا يفهمون :112: .
- تعاملهم إذا سألت واحد منهم كانك ذابح نص جماعته يقزك بنظرات ترفع ضغط ضغطك ويطنشك ويروح .
- مضاهر الفساد الأخلاقي واضحه جدا ( انا استغرب من الي يقول انها تصلح للعوائل ؟؟؟؟؟؟؟؟؟؟؟؟؟ )
- الأمان وهذا الموضوع كان اهم شي بالنسبه لي انا جلست اسبوع اروح واجي في كل الأوقات حتى في الليل في اوقات متأخره ولا شاهدت اي شي ( لاحظوا كلمت شاهدت ) لأني اسمع كثيرررررررررررر يقولون عن مشاكلهم هناك وش يصير لهم بالليل وإذا قلت لهم اني لي اسبوع ولا صار شي يقولون لي احمد ربك ودورك يبي يجيك . كنت ساكن قريب جدا من الشارع الرئيسي يمكن عشان كذا ما صار شي و الله اعلم ؟؟؟؟
- الشرطه هناك ما تعرضوني إلا مره احده فقط سألوني عن الجواز ويوم عطيته قعد يقلب فيه شوي ورجعه لي وهو ما يدري انا من وين اصلا من ملامح وجهه تحس انه قمه في الدلاخه قعد يسألني بألاشارات انت من وين وانا اقوله من السعوديه بكل اللغات الي اعرفها ولا رضى يفهم اخر شي جت وحده وقعدت تكلمه اخر شي التفت لي وقال ( اسامه بن لادن ) قلت له ايهههههههههههههههههههههههههه اسامه بن لادن ضحك ودق لي تحيه وقال اسامه Good قلت ايه ما يخالف سقها بس .
- فيه احساس حسيته هناك والله إنك من يوم تدخل المدينه انواااااااع الكاّبه تجيك والله ضاق صدري منهم مع اني ماحصلت لي اي مشاكل بس مدري لش ضاق صدري ورجعت للرياض .
- ما عندهم او على الأقل انا ما شفت اي شي يوسع صدرك كل ما سألت شخص اتعرف عليه هناك وهو قليل جدا لأني مثل ما قلت لكم ما احد يتكلم انجليزي كان يدلني على اماكن سهر بالليل يعني في النهار ما عندك احد . قعدت يومين الف ادور سينما اشوف فيها فلم اجنبي مالقيت لو تلف اوديسا كلها ما فيها اي سينما تعرض افلام غربيه كل افلامهم روسيه او غربيه ومدبلجينها بشكل غبي غبي غبي غبي غبي مره .