أضف مشاركة إلى الموضوع: فزكتم ياهل الخبرة
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
اللي اعرفه تحط 0 قبل الاحداثية الاولى جنوب افريقيا الاحداثية جنوب s وهذه تغيرها بدلاً من الشمال n وكذلك الشرق e وصدقني لو عندي اي معلومه ما راح اتأخر عليك يالغالي
شوف الاحداثيات 3 صيغ راح تلقها في القارمن درجات عشريه hddd.ddddd مثلا: N 21.42265 E039.82613 - درجات, دقائق عشريهhddd mm . mmm مثلا: N 21 25.359 E039 49.568 - درجات , دقائق ,ثواني hddd mm ss.s مثلا: N21 25 21.6 E039 49 34.1 يعني كل واحد ينزل الاحداثيات بطريقته لكن الحل انك تطبع الاحداثيات في ورق مع اهم الانشطة وتصير لك مرجع .. وليس شرطاً ان تكون كل الاحداثيات صحيحة 100% وانت اذا ادخلت الاحداثية راح يوضح لك مكانها قبل (الضغط على اذهب) واعتمد على اللوحات وخل القارمن مساعد لك تقدر تعرف من شركة ترافل جيغسو كم راح يحجزون المبلغ الحد الاعلى كلمهم وعطهم رقم الحجز وقلهم كم راح يحجزون ؟ والتأمين التكميلي مهم جداً .. وبالله طمنا اذا وصلت وخلنا على تواصل لا تنسانا
هلا اخوي فوكس كيف حالك ؟ الله يعافيك بالنسبه للاحداثيات فيها ملاحظة بعض الاحداثيات 8 ثمان ارقام والقارمن مايشيل الا 7 ارقام مثال : نقطة التقاء المحيطين 34.21.25.21 s 18.28.25.23 e ماقدرت اسجلها في الاحداثيات وغيرها كثير كم احداثية وش الحل ؟؟؟؟ ---------------------- الشي الثاني فيه احداثيات 6 ارقام مثال : مطعم كنتاكي نايزنا 34.2.155 s 23.3.134 e المفروض 7 ارقام هل معنا الاحداثية اني احط قبل ال 2 وال 3 احط رقم 0 صفر لان الاحداثيات تكتب من اليسار رقمين ثم رقمين ثم ثلاثة ارقام ؟؟؟؟؟؟؟؟؟؟؟؟ ------------------------ الشي الثالث انا قريت في التقارير ان اللي مايأمن على سيارته تأمين شامل يأخذون منه مبلغ تأمين تقريبا 5000 راند انا امنت تأمين ضمان تكميلي هل هذا هو التأمين اللي يتكلمون عنه ولا غير لازم ندفع يعني ؟؟؟؟؟؟ --------- اتمنى تجاوب على الثلاثة استفسارات ادري اني ازعجتك والله بس خلاص سفرتي بعد بكرة تبي ترتاح والله انك ماقصرت معي ويعلم الله اني ادعيلك * من الموبايل
مبروك النجاح شوف هذا الرابط http://www.arabtravelersforum.com/travel435189/ وهذا http://www.arabtravelersforum.com/travel599390/
هلا اخوي فوكس كيف حالك ان شاء الله تكون بخير حبيب قلبي ابي منك معلومه الله يعافية انا حطيت الخريطة في القارمن بس بغيت منك تعلمني الاماكن السياحية القريبة من بعض تكفى في الكيب تاون والقاردن روت علشان اذا بغيت اطلع تكون الاماكن السياحية قريبة من بعض ما ودي اورح مكان واذا طلعت منه يكون المكان الثاني بعيد ويروح علي اليوم فهمت علي ؟؟؟؟؟؟ لاني ناوي اخلي كل ثلاث مناطق او اكثر قريبه من بعض في يوم لحاله واليوم الثاني اماكن ثانية قريبة من بعض انا قريت في المنتدى في المواضيع ما حصلت احد يتكلم وينصح اننا نروح للاماكن المحددة لانها قريبة من بعضا لاني اخاف اتفلسف ويروح على اليوم مشاوير اذا تقدر ياغالي تككككككككككفى لاني ناوي اسجل الاحداثيات في القارمن واضبط جدولي
اذا قدرت قبلها بيوم افضل لكن انت لازم تحضر للمطار بدري اي قبل الرحلة بساعتين داخل المطار خلك في السليم بالنسبة لفندق المطار ارسل لهم ايميل افضل وعطهم التفاصيل اذا محتاج مساعدة انا حاضر
هلا اخوي فوكس جمعه مباركه عليك اخوي فوكس بالنسبه لقص البوردنق للرحلات الداخلية اقصها قبل الرحله بكم ساعه او قبلها بيوم وش رايك الافضل ؟؟؟؟؟؟ الشي الثاني الفندق اللي حجزته في جوهانسبيرغ فيه توصيل للمطار مجانا اقدر اركب فيه اول مااوصل للمطار يوصلني ولا لازم اسجل دخولي فية؟؟؟؟؟ ولو كنت اقدر وين احصل باصاتهم في المطار ؟؟؟؟؟؟ الله يجزاك خير ويوفقك ويعلم الله اني ادعي لك من الموبايل
اوكي بالنسبة لشريحة الاتصال اتصل من جوالي ولا اشتري شريحة من هناك اذا كنت تأيد اني اشتري شريحة من وين اشتري واي شركة اخذ وكيف الطريقة والنت كيف استخدمه لاني احتاج استخدم النت ضروري هل فية اشتراك غير اشتراك الفندق لان الفندق بالساعه وراح يكون غالي علي ادري اني كثرت اسئلة معليش تحملني شوي الله يعافيك
ههههههههههههههههههههههههههههههههههههه ياقدمك سيكل الناس ايبود وايباد وجالكسي تطورو ذا المبزرة ما يبون سياكل هههههههههههههههه لو تعطية سيكل ناظرك بطرف عين وقال خله لك ما ابية هههههههههه ان شاء الله تتسهل ذا الاختبارات بالنسبة للصرف انت تقول خذ معك دولارات من هنا طيب هناك اصرف الدولارات من وين ؟؟؟؟؟؟؟؟؟؟ ولا اتعامل معهم بالدولار؟؟؟ الاماكن شكلي باخذ احداثياتها من موضوع اخوي محيرهم اتوقع ممتاز ولا انت وش رايك علشان اضبط جدولي اليومي وانزل الاحداثيات في القارمن
اهلا بك اخوي وان شاء الله تسهلت اختباراتك بشتريلك سيكل اذا نجحت ** الحمد لله امورك في السليم عندك (العامة) في المرسلات الاغراض اللي تحتاجها مثل الادوية (خافض حرارة - مسكنات - مضاد - ادوية زكام) بالاضافة للمعقمات
هلا اخوي فوكس كيف حالك ان شاء الله تكون بخير ابشرك خلصنا الاختبارات ان شاءالله ربي يوفقنا ابشرك طلعت فيزت جنوب افريقيا وحجزت الفنادق والسيارة حجزتها اوكي وسدددت كل شي + طيران داخلي الان الباقي ادخل في القارمن خريطة جنوب افريقيا واحط جدولي اليومي في السفرة واجهز اغراض السفر المهمه هل الخريطة اخذها من اي محل اتصالات او فيه محلات في الرياض موثوقة ؟؟؟؟؟؟ وبالنسبه للاغراض قريت ان فية اشياء مهمه جدا لازم تكون معك في السفر هل هذا صحيح اتمنى افادتي بها اذا كان وقتك يسمح ياغالي
نعم الرخصة السعودية تكفي الصرف اقصد خذ دولار واصرفه هناك راند .. شد حيلك في الاختبارات ,,
يعني اللي فهممته اني اخذ الرخصة العادية تكفي وبالنسبه للصرف استخدم الدولار تقصد يعني مااصرف عملتهم وتعاملاتهم بالدولار هذاةاللي فهمته بالنسبه شكلي ببدا فيها الاسبوع هذا او الجاي اقدمها واخليها على قولتك من الموبايل
اهلا بك .. بالنسبة للرخصة الدولية .. انا ماعمري طلعتها في كل سفراتي لاني عندي الرخصة السعودية مترجمة ومكتوبه باللغة الانجليزية وانا واكثر من زميل جربها في جنوب افريقيا ومشت بدون اي مشكلة ... بالنسبة لاجراءات الفيزه (التأشيرة) هي بسيطة ما تأخذ اكثر من 5 ايام والافضل لك انك تبداء فيها في اقرب وقت عشان لا تتلخبط .. اطبع اوراقك وصورتين وانتهى الموضوع .. وخلها تأخذ وقتها .. لا تحشر نفسك بالوقت .. كلها 10 دقايق بالكثير داخل السفارة وينتهى موضوعك .. الصرف الافضل من هنا طبعاً .. وشوري لك انك تأخذ معاك 100 دولار لكل يوم .. و عند وصولك الى مطار جنوب افريقيا اصرف 100 دولار من المطار فقط والباقي من الصرافين هناك وسط البلد .. اتذكر امريكان اكسبريس في الواترفرنت كان سعر الصرف عندهم ممتاز جداً
هلا اخوي فوكس اخبارك ان شاء الله تكون باتم صحة وعافية ياغالي ابشرك خلصت حجوزاتي كلها والسيارة قالو نبي نرسل قسيمة التاكد اذا استلمنا كامل المبلغ . وصدقت يوم تقول لي اتصل عليهم فعلا بلغوني ان حجز السيارة راح يروح عليك واجلت حجزي لليوم الثاني الله يجزاك خير بس اللي كلمني قال لازم تاخذ معك رخصة دولية افضل يقول اخاف ما يقبلون الرخصة العادية انت وش رايك ؟؟؟؟؟؟؟؟ باقي الفيزة انا عندي اختبارات الجامعة تخلص يوم 1434/7/6 ورحلتي 1434/8/2 هل فية وقت كافي استخرج فيها الفيزة او ابدا من الان ؟؟؟؟؟؟؟ وباقي الاغراض اللي اوديها معي والاماكن وان شاء الله راح اقرا المواضيع واخذ الاحداثيات الموجودة ما شاءالله المواضيع ما يحتاج بالنسبة للصرف هل اصرف من هنا او اصرف من هناك وش الافضل برايك ؟؟؟؟؟؟ ولو كان من هناك من وين اصرف ؟؟؟؟؟؟؟علما اني راح اخلي مبلغ في الفيزا ومبلغ معي . الله يجزاك خير ياغالي
الافضل انك تغير وقت الاستلام لانهم ممكن يلغون حجزك بحجة انك ما استلمتها في وقتها ولما تتصل بالشركة راح يفصلك كل شي كلمهم افضل واسألهم عن المزود ودائماً يكون موجود في نفس الفاوتشر على شكل صورة (شعار) يمكن ما ظهرت عندك الصورة .. غير المتصفح
السيارة ما راح اعدل التاريخ لانه يوم ارسلت التعديل ارسلو لي ان السعر يبي يزود علي فقلت اخلي حجزي الاول واخذ السيارة من بكرة عادي ولا انت وش رايك تتوقع اذا كان حجزي في يوم 13 وخليت السيارة ما اخذتها الا يوم 14 مع انهم راح يستلمون المبلغ كامل قبل حضوري بشهر تقريبا تتوقع فيه مشاكل علي او يلغون حجزي ولا الامر عادي هو الفرق بسيط جدا لكن خفت يكون فيها لخبطه في الفيزا ولا شي قلت اخليها وبس الشي الثاني ياغالي ما عطاني اسم الشركه اللي استاجرت منها مكتوب في الموقع تم حجز السيارة من المزود ؟؟؟؟؟؟؟؟؟؟؟ طيب منهو المزود هل الشركة هناك باسم الموقع rentalcars ولا ايش ؟؟؟؟؟؟؟ انتظر ردك
اهلا بك اخوي .. واسف عالتأخير والحقيقة اخبار حلوه جداً ... والحمد لله انها تيسرت معاك بالنسبة للسيارة كلمهم افضل على رقمهم المجاني راح تلقاه في الموقع واكد على التعديل .. وراح تجيك رسالة للتعديل.. موفق يالغالي
ابشرك حجزت ذهاب للقاردن روت يوم 14 الصباح وكنسلت اول يوم في القاردن روت وحجزت في فندق مطار جوهانسبيرغ اول يوم بالنسبه للسيارة اجلت الحجز ليوم 14/6 الصباح،،،،،،،،، وكان الحجز الاول يوم 13/6 العصر لكن بعد مااجلت تاكد الحجز الاول لكن ما ادري ماارسلو اي شي لي في الايميل وش رايك ؟؟؟؟؟؟؟ انتظر او احاول اتصل عليهم لانهم بعد التعديل كتبو سوف يتم الاتصال بك خلال 24 ساعة * من الموبايل
ياغالي بحجز عن طريق رابطك طيران لكن وقفت عند الرمز السري حق البريد الالكتروني ماعرفت وش فية رفض مرررررة الارقام السرية كلها دخلتها ورفض يقبل مدري وش فية ساعدني تكفى لاني اخاف تروح علي الحجوزات وش قصدة بالرمز السري حق البريد الالكتروني ؟؟؟؟؟؟؟؟؟؟
طيران الاتحاد طيب كم تتوقع تكلفني السفر كذا من جوهانسبيرغ الى بورت ثم بالسيارة الا جورج لاني اذا كانت التكلفه كثير سكنت في جوهانسبيرغ وطلعت من بكرة على اقرب طيارة ولا وش رايك بس اخاف حجزي في جورج يروح على رغم اني متنازل عن اول يوم بس ما ادري وش النظام اخاف اذا ما جيت اول يوم يلغون حجزي شكلي باخذ برايك بس حجوزاتي الثانية السيارة والفندق اتوقع ما عليها خوف لو اجي متاخر لان السيارة كاتب اني بوصل الساعه 5 العصر والفندق المفروض متواجد عندهم الظهر ولا وش رايك بعدين اذا رحت لبورت هل احصل اكيد مواصلات ولا اتورط هناك ابي شي اكيد تكفى معليش كثرت عليك بس احس اني متورط وعندي اختبارات الجامعه والله ودي اخلص حجوزاتي علشان اتفرغ للدراسه ياغالي
اللي اقصده انك تطلع طيران من جوهانسبيرج الى بورث ومنها بالسيارة الى جورج .. انت رحلتك على اي طيران (الدولية ).؟
ياغالي ما فيه اصلا رحلات من بورت اليزابيث الى مطار جورج ابدا ما حصلت في الرابط اللي عطيتني والله ضاق صدري افزع معي دبرني تكفى
والمسافة من بورث الى جورج حوالي 300 كيلو بحدود 3 ساعات
للاسف دورت في طيران جنوب افريقيا الرسمي و طيران كولولا وطيران مانجو مالقيت رحلة مناسبة الى جورج لكن في حل انك تطلع الى مدينة بورث Port Elizabeth في رحلات مناسبة تطلع من جوهانسبيرج على الخطوط الجوية الجنوب افريقية او كولولا
الله يجززاك خير يعني الخريطة اللي ب 30 الكراك ماتضيعك؟؟؟؟......... اذا كانت كويسه اخذتها وبس القارممن عندي واحد مايحتاج اشتري ريحتني الله يريحيك بخصوص حجز السيارة لاني استغربت تاخرو ما اكدو الحجز الفاوتشرات تقصد تاكيد الحجز اللي يرسلونه على الايميل فية رقم الحجز والرقم السري؟؟؟؟؟ الله يخليك ياغالي بدخل على حجز الطيران كولولا واشوف وان شاء تتيسر * من الموبايل
بالنسبة لحجز السيارة راح يتأكد خلال فتره اقصاه 72 ساعة لازم تطبع الفاوتشر وتأخذه معاك عند استلام السيارة __ بالنسبة للقارمن الافضل انك تأخذ قارمن من هنا (من بلدك) سعره بحدود 500 الى 800 ريال تنزل عليه خريطة جنوب افريقيا بمبلغ حول 300 ريال للخريطة الاصلية او تنزل خريطة غير اصلية (كراك) ب 30 ريال مثلي واذا تعرف احد عنده قارمن استعيره منه خلال سفرك ..فقط اضف الخريطة اللي يبيعون القارمن دارموجه (غالي) او العامة وهو ارخص __ الطيران الداخلي انا جاهز لخدمتك يالغالي .. بشوف الارخص وارجع لك ..
اخوي فوكس الله يعطيك العافية على المجهود اللي تبذله معي حجزت السيارة من موقع بوكنق ترافيل لكن الحجز ما تاكد الا الان ارسلوا لي على الايميل ان حجزك الا الان جاري تنفيذه وان شاء الله تتم ونخلص منه بالنسبه للقارمن انا معي قارمن هل انزل فيه خريطة جنوب افريقيا ولا لازم استاجر منهم .......... واذا كان عادي اودي معي قارمن من وين يحطون الخريطة وما هي افضل خريطة لجنوب افريقيا انزلها ياغالي الشي الاخير : انا خلصت كل الاشياء خلاص باقي شي واحد فقط ابيك تساعدني فيه الله يعافيك ابي احجز طيران داخلي ذهاب فقط من جوهانسبيرغ يوم 2013 / 6 / 13 العصر الى مطار جورج في القاردن روت ....... وعودة في 2013 / 6 / 27 من مطار الكيب تاون الى جوهانسبيرغ الساعه 9 او 10 الصباح كيف الطريقه ؟؟؟؟؟؟؟؟ شاكر لك سعة صدرك ياغالي
صدقت يالغالي كل فندق وله سياسته اكتشفت ان الفندق الاول يخصم 50% من الاجمالي والفندق الثاني ما يخصم شي لكن فندق جوهانسبيرغ الغو الحجز لان البطاقه غير صالحه بطاقة اخوي البلاد ورفضوها شكلي بنتظر فيزتي الفرنسي واحجز بها عندي استفسار الله يعافيك بالنسبه للايجار السيارة ما كتبو عن الكيلوات شي اخاف احجز يكون فية كيلوات محددة ولا كل السياراة بدون كيلوات محددة ؟ مهم الشي الثاني : فية شي اسمه ضمان تكميلي في بعض السياراة وبعضها لا ما فهمت وش المقصد منها وهل اخذ اللي بضمان تكميلي او اخذ اللي بدون ؟ مهم الشي الثالث : بالنسبه للرخصه هل يحتاج رخصة قيادة دولية او لا لان الرخصه اللي معي مكتوبه بياناتي فيها بالانقليزي ؟ اخر سؤال طولت عليك احجز اي سيارة او اخذ تويوتا او نيسان او هونداي يعني وكالات معروفه اخاف اخذ اي شي وانكب هناك وش رايك ؟ يعطيك الف عافيه
عادي تقدر تغير بطاقتك .. وتقدر تدفع لهم اذا وصلت اهم شي تكون البطاقة بأسمك بالنسبة للمبلغ قد يكون نسبة من الاجمالي (يعني يمكن يكون 30%) انت شوف سياسة الحجز والالغاء وراح تعرف
انا طلبت من الفرنسي فيزا قالو تبي توصل خلال يومين لاني من النوع ما احب فيز الشحن لاني احتاج الفيزا وقت الضرورة هل من الممكن اعادة حجوزاتي حقت الفنادق على فيزتي الجديدة او اذا سافرت سددت الايجار من الفيزا حقتي سؤال ثاني بعد الحجز خصمو من فيزت اخوي لكن مو المبلغ كامل ولا يوم واحد خصمو 1500 راند وسعر الجناح طلع علي بـ 310 ريال سعودي من القيمه الاجمالية لليوم الواحد هل السعر هذا حق يوم واحد ولا وش ؟؟؟؟؟؟؟اللي اعرفه وانت اخبر مني انه يتم حجز قيمة اول ليلة والباقي اذا وصلت تسدد كاش او من البطاقه كامل المبلغ ولا كلامي فية خطا ؟؟؟؟؟؟؟
هلا اخوي فوكس ابشرك خلصت حجوزات الفنادق لكن عندي استفسارات الله يعافيك 1/ في حجز الفنادق مكتوب لي مشمول ضريبة المدينه وضريبة اخرى ثم مكتوب السعر هل معنى ذالك ان الضرائب ضمن السعر المكتوب ام يكون زيادة غير مكتوبة؟؟؟؟ 2/. انا حجزت عن طريق فيزا لاخوي عادي اوديها معي للسفر واخليهم يسحبون منها قيمة الاجار ام لا (( طبعا الحجز باسمي يعني اخوي البطاقة فقط ))؟؟؟ بالنسبه لحجز السيارة ماعرفت احجز لاني قمت بتعبئة الفراغات جوهانسبيرغ --- جورج --- مطارجورج وبعدها ضغطت على اسماء الشركات ولا طلع لي شي مدري ليش ؟؟؟؟؟؟ وش الحل يالغالي ؟؟؟؟ من الموبايل
الجناح اسمه جناح Dolphin. تبي الصدق حجزت وبس لانه كان اخر فرصه لي وحجزته وبس الله ان شاء الله يكون حلو بالنسبه للفندق اللي في كيب تاون كيف اعرف ان الغرفه مطله على البحر ؟؟؟؟؟؟ اما جوهانسبيرغ فشكلي بحجز فيه
اهلاً بك مجدداً هذا واجبي .. يالغالي ممتاز انك حجزت الفندق الاول في القاردن روت وهو مناسب وجميل جداً بس وش نوع الجناح اللي حجزته ؟ بالنسبة للكيب تاون الفندق الثاني جميل جداً وعلى الشاطئ اهم شي تأخذ غرفة مطله عالبحر .. في جوهانسبيرج اذا يوم خله في المطار مالك الا هذا الفندق حلو ورخيص http://www.booking.com/hotel/za/prem...tml?aid=358324
الله يسلمك اخوي محيرهم عز الله ان فوكس ماقصر معي الله يجزاه خير ويرزقه يارب اخوي فوكس ابشرك حجزت في القاردن روت الفندق الاول من اللي رشحتهم اما الكيب تاون ماحجزت لاني لاحظت انك تميل للاول اكثر من الثاني اما انا فارشح الثاني لانه على شاطئ فاحترت خفت احجز في اللي انا ارغب ويكون فيه مشاكل لانك مارشحته بقوة فقلت اخذ رايك يالغالي قبل احجز الشي الاخر مارشحت لي فندق الجوهانسبيرغ وهو اهم شي لانه يقولون الامان فيها مش ولا بد اتمنى تعطيني الفنادق اللي مناطقه امنه يالغالي اشكرك ثم اشكرك وتعجز الكلمات عن شكرك ياغالي لعدة اسباب واهمها تحملك لشخصي وكثرت اسألتي البساطه في تعاملك سرعة الردود ابداء النصح و و و و وغيرها الكثير الله يعطيك ماتتمنى ياااااااارب ويرزقك من حيث لاتحتسب * من الموبايل
ما شاء الله تبارك الله الله يوفقك يالغاااالي وبإذن الله راح تكون رحلة ماااااا تنساها ويمكن تعيدها بعد مشرفنا الغالي ابوريتال رايته بيضاء ما قصر كفى ووفى أنا مداخلتي أولاً للطريق بين القاردن رووت و كيب تاون تقريباً 550 كم والطريق حلوووو وأغلبه مسار واحد والمحطات والديار عليه موجودة ( شف تقريري آخر حلقة مصور الطريق المقصود ) وبإذن الله اليوم أنزل حلقة وفيها تكملة الطريق وأحكم بنفسك أنا شخصياً ريحت يوم بينهم وأنت شف وضعك وإذا مشيت بدري تاصل بدري عادي جداً وبالنسبة لبرنامجك حلوووو بس ودي تزود لو يوم للقاردن رووت تراها حلووووه والمزارات فيها كثيرة ومتباعدة نوعاً ما أما كيب تاون تقدر تزور أكثر من مزار بيوم واحد والمسافات مو بعيدة وجوهانسبرغ ترا حلووووه وخاصة إذا أنتم من محبي التسوق بآخر الرحلة فيها مولات كبيرة وخاصة اللي عند ساحة مناديلا وبنفس الوقت عندها فنادق بس بعيدة شوي عن المطار... والله يسهل أمركم ويستر عليكم ذهاباً وإياباً
ابشر من عيوني .. القاردن روت .. انا شخصياً افضل السكن في ويلدرنس لانها تقع تقريباً في المنتصف بين جورج ونايزيا الفنادق المقترح : http://www.booking.com/hotel/za/xana...tml?aid=358324 http://www.booking.com/hotel/za/mes-...tml?aid=358324 _____________ في كيب تاون الخيارات كثيرة http://www.booking.com/hotel/za/prem...tml?aid=358324 http://www.booking.com/hotel/za/lago...tml?aid=358324 ___________ بالنسبة لكيب تاون كما ذكرت لك الخيارات كثيرة لكن اخترت لك خيارين اذا ما عجبك نشوف غيرهم وهي فنادق مجربة ومقبولة الاول في السي بوينت منطقة جميلة تبعد اقل من 7 دقائق بالسيارة عن الواترفرنت والفندق يقع مطل على البحر (اطلاله جزئية) يفصل بينهم شارع الثاني جيد وموقع على الشاطي ولا يبعد عن الواتر فرنت الا دقائق بالنسبة للسيارة احجز من موقع ترافل جغيسو مجرب وامان يعطيك كيلو متر مفتوح وتأمين شامل والغاء مجاني حتى قبل استلام السيارة بيومين هذا رابطهم http://www.traveljigsaw.ae/Home.do?c...AF%D9%8A%D8%A9 اي خدمة انا حاضر ومستعد
يعطيك العافية اخوي فوكس خلاص انا قررت 4 ايام قاردن روت --- 10 كيب تاون --- يوم جوهانسبيرغ الان ابي تعطيني الله يعافيك اسماء الفنادق في المدن اللي قلت لك وتكون اسعارها من ال بين 350 و500 وتكون اامنه اهم شي مثل ما انت عارف انا وزوجتي لازم يكون المكان امن علشان الواحد يرتاح نفسيا بالنسبه للقاردن روت انا قريت ان فيه قرى لوردنس وغيرها ما ادري كيف احجز فنادقي في اي قرية ابيك تكفى تعطيني افضل منطقه والفنادق الممتازة فيها تكفى سواء في القاردن روت او الكيب تاون او جوهانسبيرغ انا راح احجز من بوكينق اذا بالامكان تعطيني الاسماء بالانقليزي افضل ان قدرت او عطني بالعربي وانا ابحث علشان اخلص وندخل في سالفة كيف احجز السيارة والطيران الداخلي من الان ونخلص انتطر اسماء الفنادق الله يعافيك لاني دخلت بوكنق حصلت فنادق كثير بس المشكله المنطقه ما ادري تصلح او لا اتمنى انك تفيدني يالغالي بالاسماء .
حياك يالغالي وانا في خدمتك __ المسافة ليست بعيدة كما تراها المسافة معقولة جداً وممتعه للغاية الطريق امن ومافي مشاكل ابداً التقسيم الذي اراه : جورج او كيب تاون في البداية ما تفرق ابداً لنفرض انها كيب تاون : 9 ايام كيب تاون 5 ايام في القاردن روت اكتب لك وان ودي انك تزور الصن ستي و جوهانسبيرج لكنك رافض الفكرة .. مطار القاردن روت اسمه مطار جورج George ولازم تحجز الطيران والسيارة مسبقاً واي خدمة انا حاضر يالغالي
هلا اخوي اخوي فوكس اوووووف 4ساعات والله كثير يعني لو اروح لها وارجع يبي يروح علي يومين كثير يالغالي والله هل يوجد مطار في القاردن روت وياليت تعطيني اسمه الله يخليك علشان اول اما اوصل لجوهانسبيرغ احجز على القاردن روت واحجز السيارة ايضا من القاردن روت واسلمها في مطارالكيب تاون ويكون الجدول 4 ايام القاردن روت 10 ايام الكيب تاون اليوم الاول راح يكون سفر من القاردن روت الى الكيب تاون ((( كيف الطريق من القادرن روت الى الكيب تاون ان شاء الله يكون ممتاز وطرق امنه ؟؟؟؟ ))) يوم واحد جوهانسبيرغ ابي رايك في الجدول انا عدلت بناء على المسافه بين الكيب تاون والقاردن روت والله مسافه كثيرة اسف على ازعاجك وتحملني معليش ادري اني كثير اسئلة لكن وش اسوي كل شوي يطلع لي شي واحاول اخذ الجدول المناسب والاوفر الله يجزاك خير انتظر ردك واذا كان عندك اقتراح لا تبخل علي تكفى لان فيه وقت اعدل الجدول لاني انتطر اصدار بطاقة الفيزا علشان ابدا بالحجز
حياك اخوي .. بالنسبة للمسافة من كيب تاون الى القاردن روت 4 ساعات تقريباً بالنسبة للتقسيم كما تحب يالغالي موفق,,
اهلا بك اخوي انت حدد الجدول اللي يناسبك وانا اساعدك في ترتيبه وجهت نظري البسيطة .. توصل جوهانسبيرج تتجه لشركات التأجير اللي تكون انت حاجز مسبقاً عندهم وتأخذ سيارتك وتتجه للصن ستي وعند الانتهاء ترجع تسلم السيارة بالمطار وتسافر بالطيران الى كيب تاون ونفس الطريقة تأخذ سيارة من مطار كيب تاون وتسبمها في مطار جورج بالقاردن روت طبعاً تبقى السيارة معاك في الكيب تاون وتسافر فيها للقاردن روت وتسلمها في مطار جورج وتسافر الى جوهانسبيرج يوم وترجع للوطن
يعطيك العافية اخوي mksf1981 الله يجزاك خير اخوي فوكس طيب اخوي فوكس كيف اذهب لصن سيتي عن طريق السيارة صح لاني سمعت ان المواصلات غالية وانا مخطط استاجر من الكيب تاون واخاف نقلنا للصن سيتي يكون غالي علي من جوهانسبيرغ ذهاب وعودة يكون مكلف وهل يوجد مطار في الصن سيتي علشان الكيب تاون كيف انتقل من جوهانسبيرغ للصن سيتي ؟؟؟ علشان ارتب جدولي خلاص لاني تاخرت مرررة باقي حجز فنادق وطيارة الكيب تاون وحجز السيارة كل هالاشياء ماسويت فيها شي ودي اخلص وارتاح اذا كان المواصلات ممتازة للصن سيتي عطني جدول للرحله بداية بالسكن اول يوم او يومين في الصن سيتي واخر يوم او يومين اذا كانت تستاهل في جوهانسبيرغ للمغادرة من الموبايل
مرحبا يااخوان الله يجزاكم خير سفرتي بتاريخ 2013/6/13 المغادرة والوصول بنفس اليوم الساعه 4 العصر في جوهانسبيرغ والمغادرة من جوهانسبيرغ بتاريخ 2013/6/28 الصباح الساعة 10 يعني الرحلة 16 يوم طبعا 16 يوم مع يوم المغادرة انا تخطيطي يوم جوهانسبيرغ يوم الوصول 4 ايام كيب تاون 3 ايام القاردون او ازيدها يوم 6 ايام كيب تاون يوم في جوهانسبيرغ مع يوم المغادرة طيران الاتحاد طبعا التذاكر قصيتها مافية مجال لتعديل انا الاغلب نصحوني بالكيب تاون والقاردن روت علشلن كذا تم التخطيط مانستغني عن نصائحكم طبعا اذا فيه تعديل * من الموبايل
وعليكم السلام ورحمة الله عندي لك اقتراح افضل ايش رايك تختار الفنادق وتحطها هنا ونعطيك معلومات عنها بالنسبة للسيارة احجزها من مواقع الانترنت من الان بالسعر والتامين اللي تبغاه ولو حبيت ممكن اساعدك باسعار حلوة للسيارات او الفنادق تحياتي خبير الزولو
فزكتم ياهل الخبرة السلام عليكم ورحمة اللة وبركاته اخوي فوكس او ابو العصافير او اي يشخص يستطيع المساعدة لايبخل علي فضلا وليس امرا انا حجزت على جنوب افريقيا في الصيف القادم ورحلتي ان شاء الله يوم 13 يونيو 13/6 والعوده 27 وانا قرات في المنتدى عن الاماكن الافضل فيها ووجدت انه افضلها الكيب تاون والقاردن روت فحبيت احجزعن طريق موقع بوكنق الفنادق وياليت تدلوني عن اسماء الفنادق الجيده في الكيب تاون وجوهانس بيرق والقاردن روت لان وصولي واقلاعي من جوهانس بيرق طبعا حدي في الفندق في اليوم من 500 ريال وتحت اهم شي يكون موقعها امن وكويس لاني حصلت في البوكنق بس خفت يكون موقعها مو اامن فقلت انتم اصحاب الخبرة وماراح تقصرون معي فزعتكم تكفووووووووووون اذا تقدرون تعطوني الاسماء بالانجليزي مثل ما هي في بوكنق اكون مشكووووووووور مرررة يتشرط سؤال اخير : حجز السيارة ناوي احجز يكون من الكيب تاون ولا من جوهانس بيرق وكيف طريقة الحجز لاهنتم رحلتي : جوهانس بيرق - الكيب تاون - القاردن روت - الكيب تاون - جوهانس بيرق الله يجزاكم خير
فزكتم ياهل الخبرة
قوانين المنتدى