الرد على الموضوع

اللي اعرفه انه كل الفنادق اللي معانا بمسقط اوكي ونظيفة

خصوصا وانه مسقط ما فيها وافدين من الدول الغربية بذاك الشكل

بالنسبة لفنادق ثلاث نجوم
ليش ما تصلح تصلح وبالخصوص انك جاي عشان تدرس مو سياحه

بسألك الفنادق اللي 3 نجوم تصلح للسكن ولا لا

http://db.zorona.com/Arabic/countrie...m?countryid=13

شوف هالرابط فيه معلومات اوكيه عن عمان كلها بالفنادق والسكنات بمسقط وغيره

شوف اللي تبيه واذا ما حصلته خبرني

السلام وعليكم
اخوي سلطان انت برايك فنادق الثلاث نجوم تصلح للسكن يعني نظيفة وزينة ولا ما تنفع وايميلي فوق ياريت لو تكلمني على المسنجر الان

السلام وعليكم
اخوي سلطان انا بغيت فندق قريب من الجامعة وسعره زين ممكن تعطينا فنادق وشكرا

بالنسبة للزحمة فبصراحة موجوده بشكل كبير بهالوقت بالخصوص لانه الاخوان من الخليج ما شاء الله تارسين المكان بالاضافة الى السواح العمانيين من شمال عمان وعشان كيه تحصلون زحمه

انا من عمان بس من الباطنة قريب الامارات وممكن افيدك ببعض المعلومات

بالنسبة للطيارة نعم للشخص الواحد هذا المبلغ 65 ريال عماني (ريال عماني يساوي 9.5 ريال سعودي )

بس افضللكم تروحون بر لانه ارخص وما اعتقد انه راح يكون صعب عليكم خصوصا انكم في السعودية متعودين عالمسافات الطويلة

بعدين انتو من توصلون العين في طريق يوصلكم على نزوى على طول يمكن مسافه 200 كيلومتر
ومن نزوى الى صلالة يمكن 800 الى 700 كيلومتر

يعني كلها 1000 كيلومتر تقطعها خلال 10 ساعات بالكثير

الله يعطيكم العافيه على هذى الردود اللتي اثلجت صدري

المغوار1حبيت أسألك التذكره هذي للشخص الواحد والسعر هذا ماينخفض ابد
واحد متفيق السواق واحد واحنا عائله
على فكره ماخليت ولامكتب في صلاله الاودقيت عليه عشان نحجز لنا شقه كل شي فل مليان متروس
يعني مافيه طريقه أحجز بها شقه وتكون مضمونه
وأشكرمهاجر وسالم على المشاركة في الموضوع

اخوي متفق - المغوار1 ارحب فيكم وانا بروح عمان وعندي بعض الاستفسارات وياريت تضيفوني على الايميل اللي فوق

المشاركة الأصلية كتبت بواسطة الفارسة


وش ذا ولارد على عضوه مسيكينه جديده
ماتوقعت اني ماني لاقيه ولارد والله اني زعلانه حيل حيل حيل
وخصوصا اني ماخليت موضوع عن صلالة الاوقريته عشان ماأثقل عليكم أو يكون الموضوع
مكرر على بالي مابي ازعجكم
مره ثانيه أقول لكم تكفووووووووووووووون ابي صلالة




ليش تريدوا تشحنوا السيارة وتروحوا بالطائرة ما دمت وصلتم مسقط ما دمت قاطعين هذا الخط من السعودية.

بس أنتم تعالوا طريق عمان الداخل ولا ترحوا الطريق الساحلي الذي يؤدي إلى مسقط ومن توصلوا نزوى كلها 850 كيلو وتكونوا واصلين صلالة.

عيل أحنى العمانيين في السنة نجي السعودية 2 و 3 مرات للعمرة أو الحج وما قلنا الطريق طويل.

وصدقوني من توصلوا صلالة راح يهون الطريق كله

اشكرك اخوي المغوار على مشاركتك
وعندي بعض الاستفسارات ...( هل استطيع ان اكلمك على الماسنجر .. هذا الايميل
mailto:[email protected]

أخي مهاجر:
الطريق الذي ذكرته لا يرتبط بصلاله ابدا وانما يربط بين المنطقة الشرقية ومحافظة مسقط بمحاذاة بحر العرب. الطريق لا يزال تحت الانشاء والغرض منه تشجيع السياحة اذ انه يمر بمحاذاة الساحل ووسط الجبال ويقطع الكثير من الاوديه.(الا اذا كان المقصود طريق اخر, فأعذرني لجهلي به)

أخي سالم:
تقع جامعة السلطان قابوس كما تعلم في مسقط , وبها سكن داخلي الا ان الاولية هي للطالبات, اما بخصوص السكن المؤجر فان اغلب طلبة الجامعة بسكنون بمنطقتي الموالح والخوض وهما لا يبعدان عن الجامعة الا بكيلومترات معدوده ومتوسط الايجار 120 ريال عماني لشقة مكونة من ثلاث غرف نوم مع الملحقات.

أرجوا ان اكون قد وفقت في اجابة بعض تسائلاتكم ومنكم المعذرة على التقصير.

السلام وعليكم
اخي المغوار 1 بغيت مساعدتك فضلا لا امرأ
انا بروح ادرس في عمان جامعة السلطان قابوس في مسقط على تاريخ 18 -8 وبعرف وين السكن وكيف طبيعة الناس والحياة؟؟وشكرا

الأخ المغوار
شاكر لك أخي الكريم

ولكن يا ليت تفصل أكثر لأني سمعت انه في طرق جديده وساحليه ممكنا تفيدنا هالشي مرفقه بالخرائط اذا أمكن

أرجوا ألا اكون قد تأخرت كثيرا:

أولا يشرفنا قدوم اشقائنا من الدول الخليجية الى بلددنا الحبيب وعسى ان تترك مثل هذه الزيارات اطيب الاثر في نفوسكم.
سعر التذكرة من مسقط الى صلاله: 65 ريال عماني (ذهاب واياب) سعر مرتفع للأسف.
سعر شحن الساره: 20 ريال عماني.

مع ان الرحلة من مسقط الى صلاله طويلة بالسياره الا انه بتقسيم الخط الى مرحلتين, كل مرحله من 400كم , فأن المسافة وخصوصا للأخوة السعوديين تهون قليلا. مع ملاحظة ان مسقط ليست على خط الرحلة للقادمين من دول الخليج.

ساعدوني أريد صلالة يأهل صلالة

أريد أن أستشيركم عن طريق صلالة فهذه أول مشاركة لي في المنتدى أنا من الرياض ونبغى نروح على السيارة عارفة طريقه بالتفصيل الممل
بس اللي قاطع ظهري الطريق الطويل علينا ابغى أسألكم عن التكلفة لأن احنا ناوين اذا و صلنا لمسقط ان شاء الله نشحن السيارة لصلالة واحنا نطلع على الطيران من مسقط لصلالة مع العلم ان احنا عائلة مكونة من الأب والأم وثلاث أطفال دون الخامسة ابغى سعر الشحن والتذاكر ذهابا وإيابا من مسقط لصلالة
تكفففففففففففففففون لاتفشلوني لأن الملل مو مني من أبو العيال وهذا آخر حل توصلت له عشان أريحه شوي لأنه متردد من طول الطريق عليه