الرد على الموضوع

استاجروا احسن لكم .. مالكم ومال هالدوشة ..

وعليكم السلام ورحمة الله

أخوي..ذكرتني برحلتي العام الماضي لصلالة..وحبيت افيدك بشيء بسيط..وياليت لو الاشراف يسمح بوضع الايميل من اجل التواصل بالماسنجر معك يكون افضل (يا ليت احد يفيدني عن وضع البريد الالكتروني هنا) لأني ما قدرت ارسل على الخاص

1- انصحك بقوة تروح بالطيارة من الدمام الى صلالة (مثل ما ذكر زميلنا)
انت معك عائلة والطريق طويل جدا (تقريبا الفين كيلو)
وممكن تفترض ان السيارة تاخرت عن الموعد المحدد وش بيصير فيك..راح تضطر تستاجر سيارة.

2- استئجارالسيارة بهالحدود اللي ذكرتها (اذكر جيب باثفيندر تقريبا 350 ريال).
والسيارة الصغيرة 150 ريال تقريبا.

3- الشقة..لا تشيل همها وانا اخوك..اذكر احد الشباب نسق لنا شقة من الرياض ولقيناها مناسبة جدا..
وبتلقى بعض الفنادق جدا رائعة (لكن يبي لك ترخي الريال

4- في اعتقادي ان رحلة 10 ايام مناسبة جدا.

5- جهز عزبتك وعدة الطبخ (المطاعم هناك رايح فيها)..


اتمنى اني افدتك..وبودي اخدمك بأكثر..ولا تتردد في السفر لصلالة.
تحياتي لك..

اهلا وسهلا فيك اخوي
افضل انك تسال مكاتب الشحن وتقارن التكاليف وبعدها قرر
واذا تبي اقتراحي ... اقترح انك تحجز تذكرة ذهاب فقط الى صلالة وتشحن السيارة الى صلالة وبعدها ترجعون بالسيارة وهذا راح يكون اقل تكلفة بالنسبة لك ومن جهة ثانية عشان تجربون الطريق البري ... وبالمرة تمرون على مسقط تتمشون فيها يوم او يومين ولك حرية الاختيار

شحن السيارة من الرياض لصلالة

السلام عليكم ..

إخواني واخواتي الاعضاء كيفكم..

بصراحة بعد ماشفت مواضيعكم هنا عن روعة صلالة قررنا انا واالاهل نروحلها ان شاء الله..

بس بما انناا بنروحلها بالطيارة ...اكلنا مقلب في شحن السيارة ..قريت ان مافيه شحن من الرياض مباشرة

لصلالة..وانه لازم تكون من الرياض-دبي-مسقط -صلالة!

فياليت اللي عنده خبرة فهالموضوع يعلمني..ووش احسن نشحن السيارة ولا نستاجر؟

لان ودنا الصراحة نشحنها عشان الاغراض لاانا عائلة كبيرة نوعا ماً 5 كبار و3 اطفال..!

يعني وش اللي بيكلفنا أكثر الشحن ولا الاستئجار ؟

لان اختي اللي سبق وراحت تقول ان اقل قيمة لاستئجار جيب هناك ب400 ..فياليت اللي يعرف ان فيه

اقل.. يعطيني اسم ورقم الشركة :24:

وبعد حبيت اسال عن السكن ..حبينا ناخذ فلة اوشقة مفروشة(تكون كوييسة) ..! ياليت اسمائهم و

اسعارهم!..

وبكم التذاكر من مسقط لصلالة ..يعني (ارخص خطوط)..:101:


اللي عنده اي معلومة ياليت يفيدني ..لاتبخلون علي ..