أضف مشاركة إلى الموضوع: ملقا وبرشلونة تقرير عن سفرتي مع زوجتي
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
شي جميل وسفرة موفقة
مما جعل سفرتي الى اوروبا ناجحة بفضل الله ثم انتم تكتبون كل مايخطر في رحلتكم بصراحه ابدعت رحلتنا الى المانيا والنمسا والان تخطيطنا القادم اسبانيا - فرنسا - ايطاليا وسوف ابحث عن جميع المواضيع التقارير فتحياتي لك وشكرا
تقرير رائع وبانتظار الاجابه على اسئلة الاخوان
خوووش رحلة الله يوفقك
من 28 فبراير الى 16 مارس كيف راح يكون الجو بارد مره او متووسط.؟
يعطيك العافية على التقرير بالنسبة لبرودة الطقس ماتعبتكم؟ انا ان شاء الله رايح بداية شهر اثنين ومتخوف من البرد خصوصا انه شهر عسل
المشاركة الأصلية كتبت بواسطة سـعــد http://www.arabtravelersforum.com/tr...5/#post3520505 الله يعطيك العافية على التقرير الحلو أبيك تفيدني : أبي أزور أسبانيا لمدة 9 أيام من الرياض الى مدريد والعودة مدريد الرياض وأبي أقسم الأيام على (مدريد) و(برشلونه) و( ملقا وما حولها ) وش رايك كيف تقسمها لي ؟ ولك خالص تحياتي للرفع لأني ابا نفس المخطط
الله يجازيك خير...في شهر 1 اللي هو يناير الجو بارد مع ثلج او بدونه..ارجو الأجابة ياغالي..وكيف كانت الرحلة من حيث المعيشة(الفنادق و التماشي) و ش هو افضل مكان توصي عليه ياطيب
الله يعطيك العافية على التقرير الحلو أبيك تفيدني : أبي أزور أسبانيا لمدة 9 أيام من الرياض الى مدريد والعودة مدريد الرياض وأبي أقسم الأيام على (مدريد) و(برشلونه) و( ملقا وما حولها ) وش رايك كيف تقسمها لي ؟ ولك خالص تحياتي
تقرير خفيف وحلو .. [color="red"][b]وبصراحهـ في خاطري ازور اسبانيا بعد ماقريت تقارير الاعضاء
حمد الله عسلامتكم حبيت اسال 21000 مع التذاكر ؟والا؟ وشكرا
راااااائع ننظر باقي التقرير
اشكر الجميع على المشاركة والمرور اخويه almjazf.27 بالنسبة لي انا افضل يكون شهر العسل في ماليزيا لعدة اسباب منها: 1. اجواء ماليزيا شاعرية ورمانسية فتناسب للعرسان الجدد 2. دولة مسلمة واكلها حلال فما عندك خوف 3. طبعا في شهر العسل انت ما بتقول لا حق زوجتك فماليزيا الاسعار مناسبة على عكس اوربا ولا تنسى ان زوجتك بتاخذ هدايا لاهلها وصديقاتها وهذا الشيء صعبا نوعا ما في اوربا واذا قلت لها لا بتزعل شوية 4. في اوربا بتحتاج تمشي كثيرا على عكس ماليزيا وطبعا في بداية العرس الزوجة ما تقدر تمشي كثير اما اذا انت بتختار اوربا فخل السفرة اسبانيا وفرنسا مع بعض اسبانيا للتجول وفرنسا للشراء فالماركات حلوة وتنزل قبل الدول الخليجية واي شيء تحتاجه حاضرين في الخدمة
مشكووووووووووووور أخوي تنصحني بشهر العسل أسبانيا والا فرنسا .. والا الاثنين معا ...
شكرا على التقرير الرائع
شكرا اخوي عاشق على المرور والمشاركة
مشكور على المرور والمشاركة وان شاء الله التقارير القادمة بتكون مفصله
الحمد لله على سلامتك أخوي ودعواتنا لكم بالتوفيق و وبإنتظار باقي التقرير ومن متابعينك
هلا أختي في برشلونة انا سكنت في الرويال رامبلا والفندق 4 نجوم والفندق جيد جدا ونظيف وخاصة الغرف المودرن والفندق فيه مطعم ايطالي حلو اكله اما مدريد فانا ما رحت لها وما اقدر ارشح لج اسم فندق للعلم ان اوربا من اواخر شهر 10 الى نهاية 12 يكون high season وبالتالي ما داعي تستغربين اذا كانت اسعار الفنادق مرتفعه نوعا ما وبالتوفيق
اخوي تقرير حلو انا ان شاءالله بتزوج 17 ديسمبر وسفرتي 18 بروح برشلونة ومدريد وباريس باريس 5 ايام بنسكن في مالبورن اما برشلونة ومديد بعد ماندري وين نسكن ابي اوتيل مكانه حلو وسعره معقول وماشاءالله تكاليف رحلتك مو كثير خطيبي يقول اتوقع بنصرف 35 الف وطالع مع العلم انه مدة رحلتنا 15 يوم
لاااااااااااااااااااااااااااااااااا كذا مايستوى على قولتكم اخوانا بالامارات نبى تفاصيل الرحله وكثيرررررررررررر من الصور ومشكور اخوى .
تسلم أخوي أهب تقرير مختصر وجميل
أنا سكنت في فندق رويال رامبلا والفندق جيد جدا واربع نجوم ولكن حاول تحجز الغرف الحديثة وعندك فندق 5 نجوم وراقي ولكن سعره غالي وهو قريب من الفندق اللي سكنت منه واسمه 1898
الله يعطيك العافية شو الفندق اللى تنصحني فية ببرشلونة(سفرة 3 سباب)
حياكم الله وشكرا على المرور
تقرير خفيف ضل وممتاز ومبسط ومختصر تشكر عليــه يا استاذ تحيــه
رووووووووووووووعه
مشكورين وما قصرتوا على المرور والتعليق على الموضوع المشاركة الأصلية كتبت بواسطة المايسترو11 http://www.arabtravelersforum.com/tr...9/#post3319349 مشكور ماتقصر على التقرير الجميل بس الغالي ماعليك امااره بغيت افيد نفسي وافيد غيري كيف طريقة الحجز وعن السياراه والفندق والمباراه الاخ مايستروا انا كل سفراتي احجز عن طريق الانترنت وفي هذي السفرة حجزت السيارة والفنادق والطيران عن طريق النت وهذي المباراة الحجز عن طريق شباك التذاكر لاني كنت ما ادري ان في مباراة بتكون اصلا اما مباراة برشلونة وبايرن ميونخ حجزتها عن طريق النت بس هذي المواقع ترفع الاسعار اذا كانت مباراة مهم بس موقع نادي برشلونة الاسعار الاساسية للتذاكر بس اذا كانت مباراة مهمة مثل برشلونة وريال مدريد في شهر 11 فالحجز للاعضاء فقط ولهذا اضطرين نحجز عن طريق موقع online ticket experss
مشكور ماتقصر على التقرير الجميل بس الغالي ماعليك امااره بغيت افيد نفسي وافيد غيري كيف طريقة الحجز وعن السياراه والفندق والمباراه
الله يعطيك العافية ننتظر المزيد يا طيب
هلا أخوي قلنا ما انطول عليكم عشان ما تملون من التقرير الجو هناك بارد جدا في شهر 1 يعني لازم تلبس جاكيت وملابس شتوية داخلية بس فرنسا كانت ابرد من اسبانيا بكثير تنتفض من البرد
لا تقول خلص التقرير ما شبعنا بعد نبي تفاصيل أكثر دامك مسافر شهر 1 كيف الجو وقتها ؟؟ طبعا طلعت الاسعار عليه أنا وزوجتي شامل تذاكر الطيران والطيران الداخلي والفنادق وتأجير سيارة في ملقا 21 ألف درهم مع فرنسا طبعا . المبلغ معقول جدا
ملقا وبرشلونة تقرير عن سفرتي مع زوجتي السلام عليكم ورحمة الله وبركاته كيف حالكم أعود إليكم بتقرير قديم نوعا ما ولكن قلت أشاركم الفرحة والصور المهم أنا سافرت مع زوجتي في شهر 1/2009 لأسبانيا وفرنسا ..وخلينا من فرنسا لانها كانت للتسوق اللي افتقرنا منه رحلت اسبانيا كانت لملقا وبرشلونة 6 ليالي ملقا و 5 ليالي برشلونة طبعا طلعت الاسعار عليه أنا وزوجتي شامل تذاكر الطيران والطيران الداخلي والفنادق وتأجير سيارة في ملقا 21 ألف درهم مع فرنسا طبعا . والسعر اي شخص اخبره عنه يقول سعر خيالي وكانت الرحلة على الطيران الفرنسي. وكانت السفرة من اروع السفرات اللي سافرتها ... طبعا السنة هذي كلها سفرات الا سياحة والا شغل (الله يكفينا شر سفرات الشغل لانها متعبه جدا) واترككم الان مع بعض الصور اللي التقطتها عدستي (اطلع يا ابو عدسة) صورة بانورامية لقصر الحمراء هذه الصورة في قصر الحمراء .. واكيد تقولون شو هذي الصورة مقلوبة ولا ...طبعا الصورة التالية توضح معنى الصورة الصورة السابقة انعكاس على الماي .. (طبعا انا ذليت زوجتي على الصورة...شوفي كيف انا خطير) وفي الاخير انا مصور ولا ادري كيف طلعت الصورة وهذي صورة لاحدى ازقة قصر الحمراء الجو جميل وشاعري ...هالله هالله جو مال رقاد وصورة بانورامية أخرى لمنطقة ميخاس .. والله منطقة حلوة توقف السيارة في الموقف وتتمشى ... والحمير حواليك ودخلنا مطعم أكلنا أصابعنا من لذة الاكل ومكان جميل جدا ونحن رادين الفندق في ملقا .... شكل وعلق النيف قيشن وضعنا وجلسنا اندور في منطقة جبلية وموب عارفين نطلع وقصتنا قصة مع هذا النيف قيشن ... كل مرة قصة ومن القصص انه اول ما وصلنا مطار ملقا حطين اسم الفندق طلع موب موجود في الجهاز .. ولكن طلع فندق مشابهه لاسمه ونفس العنوان بالضبط قلت اطلع عليه ومن هناك بنتفاهم ويوم وصلنا المنطقة اللي ساكنين فيها الجهاز يعطيني الف طريق ولكن هذا الطريق ممنوع يخرب بيتك من جهاز العاقل ما بيلف هذا الطريق وجلسنا ساعة ندور حوالين المنطقة ونروح ونرجع موب امحصلين طريق يوصلنا للفندق كل الاتجاهات ممنوع الدخول وقلت خلني اغامر وادخل من هذا الطريق والله وكيلكم دخلت منطقة الناس تمشي فيها زوجتي تقولي الحينة الشرطة بيلحقونك قلت لها خايسه خايسه خلنا انغامر الاسبان فيهم عرج عرب بيمشونها معنا والمهم ونحن في هذي المعمعه شفت لافتت الفندق وما في غير البريك (فرامل) في نص الطريق وارجع للخلف وسوي زحمة وهرنات ووقف عند الفندق وانزل وخلصت الحتوته يالله وقت النوم صورة من متحف نادي برشلونة صورة لبعض الكؤوس والدروع التي حصل عليها النادي صورة بانورامية لملعب نادي برشلونة هذي صورة ونحن طالعين من النادي وباتجاه المترو .. وحصلت القطوة .. وقلت اصورها والناس اطالع شو يسوي الحبيب لاني فجأة وقفت وزوجتي المصونة تمشي ولا تدري اني وقفت صورة بانورامية اخر لملعب برشلونة وفي اجواء مباراة برشلونة وديبرتيفو بس الحبيب اللي طالع في الصورة شو سالفته فضول يبا يعرف شو يالس اسوي بس وحليلة مشجع برشلوني من خاطرة كان يصارخ وينفعل موب مثل هذاك اللي في مباراة برشلونة وبايرن ميونخ شكلي انا في كل مباراة لي قصة مع احد المشجعين ويالله بس تعبت من الكتابة وحياكم الله
ملقا وبرشلونة تقرير عن سفرتي مع زوجتي
قوانين المنتدى