أضف مشاركة إلى الموضوع: تقرير مفصل بكل شيء من تحركت
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
بسم الله الرحمن الرحيم وباليوم الاول من برنامجي ذهبت الى مهرجان البلدية وبصراحه مهرجان قوي صحيح ان الموسيقى ازعجتني كثيرا الا ان اللي يبيعون الخبز بالتنور شيء ثاني لايفوتكم السنة القادمة او اسأل عن مكانه في صلالة وبالنسبة للحلوى طريق منتزه البليد في صلالة وبصراحه قرأت مقال عن الحلوى يعكس ماشاهدته فهناك طريق ومحلات كثيره تبيع الحلوى وللمعلوميه الحلوى العمانية لاتوضع في الثلاجه يااهل نجد انتبهوا من حريمكم ترى تعيش بالرطوبة والحر اكثر مماتعيش بالثلاجه اما بالحلقه القادمه عين صحلنوت وسوف احاول ارفاق صور باذن الله لاني تعلمت كيف احملها ونزلها بالموقع ومع السلامة
الحمدالله على السلامة وتقرير ممتع
تسلم اخوي محترم المحترمين على التقرير الرائع وننتظر البقية بعون الله
الله يسلم الجميع وعودة اخرى وبعد وصولي الى صلالة استيقظت باكرا وعزمت الذهاب الى سهل اتين وهناك رأيت ماسمعت ولكن المشاهده ليست كالسماع بصراحه الجو والخضار ينسيك الهموم ونزلت العزبه وانصح كل مسافر لصلالة ان تكون معه عزبه نفخ وطبخ ((ياخي لازم تتعلم المرجلة وتستعرض عضلاتك بالقهوة البرية والسكري وتقهوي ام العيال من يدين ماتدمها المهم بشكت انا وام العيال والاطفال وانتبهو لدرب الزلق اقصد من تزلق رجولك او سياراتك والله ياشباب ان رجال متهور ولااسمع الكلام مرتين بغيت اجيب العيد لولا لطف الله معي موتر جيب ودفع رباعي وفيه دف لك صحيح انه مساعد بس لاتنغر بنفسك خل المرجله بالقهوة :109: سهل تين يتميز بقربه من المدينة وهو طريق المهرجان في العوده فانصح له بالذهاب لاول يوم لانك تعبان من الخط والرجه شوي باقيه واحذر الشباب اللي ياخذون خزانات موية بالسياره دبروا اعماركم خزان الموية بصراحه تعبت مادري من وين اعبيه ماعندهم هناك محلات تحليه للتعبئة فعبيت من عين رزات لانها حلوه ولاادري اذا كان هناك تعليق من الاخوة الاعمانين واكتفي بهذا القدر والصور راح انزلها بس ابغى طريقه تحميلها كيف
الحمد لله على السلامة أخوي بداية جميلة و إسلوب سردي رائع
الحمد لله على السلامة وصراحة اخطأت بسالفة الكفرات لكن جت سلامات واصل والله يقويك بس مع الصور :114:
الحمد لله على السلامة .....البنزين يبيلك تعبيه قبل يصل الى الربع لان بعض المحطات يخلص البنزين وهذا ما لحظت في طريق العودة حيث شفت بعض السيارت مسحبوة انا بالنسبة لي افلل على نهيت التانكي الاول والتانكي الثاني تقريبا ما استخدمته تركه للطورئ
مشكور اخوي
مبدع أخوي محترم المحترمين بصراحة أسلوبك جميل جدا بصراحة خليتني أتعب معاك من الطريق والكفرات ههههههههه واصل أخوي
الحمدلله على السلامة وتقرير جميل يا محترم
الحمد لله على السلامه ، ويعطيك العافيه يا أخوي على التقرير المليء بالإثاره منذ البدايه :24: . متابعينك لا تتأخر يا غالي ، وترى كنت اتمنى أن يكون تقريرك مدعم بالصور ترى راح يكون أفضل بكثير ، بس براحتك يا أخوي ، وأهم شيء لا تتأخر علينا بالبقيه يا أخوي :101: . تحياتي
بارك الله فيك والحمد لله على السلامة ننتظر البقية
تقرير مفصل بكل شيء من تحركت بسم الله الرحمن الرحيم اولا وقبل كل شيء من لايشكر الناس لايشكر الله اوجه شكري لهذا المنتدى الكبير الذي اتاح لنا الفرصه بالمشاركة واريحته في طرح كل مايفيد المسافر والشكر موصول لااعضاءنا الكرام واخص بذلك ابن سيف او عماني 99 وفي البداية احب ان ابدأ بتقريري واجعل الصور في الاخير ان تيسر انزالها ان شاء الله والصور تحكي عن فن المصور محسوبكم وانتم تقيمون ذلك اولا في تمام الساعة 3 فجرا ليلة الجمعة 14 - 8 -1429 تحركت وللأسف كنت مواصل لم انم ولكن الحمدالله على كل حال سلكت طريق الرياض الخرج حرض العين وكان الطريق جيد نوعا ما وخاصه لما اشرقت الشمس وقبل الكثبان الرمليه والامور ماشيه زي الحلاوة وعب الجيب 34 ريال فل الله يديم علينا النعمة واثناء وقبل الحدود قلت اعبيء بنزين احمر وللأسف وهذه بدايتها مالقيت الا اخضر قلنا اخضر اخضر وخل دربك اخضر دخلنا الامارات وبالطريق وقبل المفرق ابو ظبي عبيت بنزين وحصلت 3 انواع ممممممممممم بصراحه مادري وش اعبي قلت للبنغالي الوسخ ابغى البنزين المتوافقه بالبنزين حق السعودية الاحمر الممتاز قل بلس وهو اردى انواع البنزين عندهم صار التانكي كوكتيل الله يخلف المهم مشيت وكلمت واحد من الاخوة بالامارات وقال لاتعبي الا ممتاز بس غالي عب الخصوصي الوسط المهم مشيت وعبيت من البريمي جنب العين بعد ماسكنت في فندق الظاهري للشقق 350 ريال على فكره البنزين بالبريمي ارخص من الاماراتي وهم جنب بعض ونمت ساعتين وصحيت العصر طبعا الوصول 12.5 يعني الخط تسع ساعات ونص 9.5 المهم لمنتزه الاثار على معتقد وثم رحت الى الجبل وبصراحه حلوه التمشية وثم رحت لحديقة الحيوان بس مشكلة الحر ذبحنا حتى بالليل المهم روحت للشقة ونمت ثم تحركت الى صلالة الساعة 4.5 الفجر ومررت بالطريق المختصر العوفية واثناء مسيرنا في الطريق وفي قتنبيت لم اجد بنزين خلص عندهم وتوكلت على الله ومشيت والمؤشر تحت الله يستر مقطعه وحر وناس يالله تتحمل همها ونفسها ويابنتي ابتهلي وادعي الله يفرج عنا حتى وصلت المحطة والموتر يتفتف بينقطع والحمدالله عبيت بسلام واصلت سيري وفي الطريق وقبل صلالة 45 كيلو اعلى الجبل كرهت نفسي ضباب حسيت اني ماني بالدنيا ولحم ورى شاحنة مادريت الا والشرطة توقفنا حقون السياحه وقال شل الرشة اللي بالامام ومشيت ووصلت صلالة الساعة 2.5 يعني المشوار 10 ساعات المهم الكفرات وماادراك مالكفارت نسم الاول قلت اتفخها ولا ارقعها وتزين الامور قلت بشيك على الباقيات ونسيت اقولكم قبل حسيت باهتزاز بالموتر اثناء وصولي قلت الله يقلع زفلت عمان مضروب يخلي السياره تهزز المهم بعدما شيك على الكفرات لقيت ان راسي هو اللي يهز :110: وشلون الكفرات متشققه بتطلع اسيامها او خيوطها ياساتر الكفر طلع معوق ولاهو واحد بل اثنان بل الثلاثه بل الاربعة:110: وقلت الحمدالله على السلامة هذه نعمه من الله وتحذير لي ولامثالي ان الواحد مايقعط ويخاطر بعائلته بصراحه الكفرات اغرتني لان زرعها زين مره لكن ماشي عليها اكثر من 100 الف المهم قلت ابغى اغلى كفرات بمناسبة سلامتي وشكرا لله وبصراحه بنزين وكفرات خلتني اشوي احاسب نفسي وازهد بالدنيا :24: المهم بكمل لكم الكشتات والروحات والجيات وخاصة ماذا حملت معي من ادوات يستفيد منها المسافر لهذه الديار
تقرير مفصل بكل شيء من تحركت
قوانين المنتدى