أضف مشاركة إلى الموضوع: خطوات التاشيرة من السفرة الالمانية بالرياض
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
نفس الموضوع حصل معايا الضبط وأنا كنت خايف من تعقيد الاجراءات لكن إذا كانت اوراقك سليمة ماتخاف أنا مسافر لمدة شهر ل أخن اعطوني فيزا لمدة 90 يوم سوي اوراقك مثل ماقال اخونا ماتحتاج معقب ينصب عليك ولا شي وال سالفة كلها 500 ريال
up للفائده
مبرررررروك الف مبروك استلاااام الجوازات ... عقبااالنا ولاتنسى الابليكيشن تحطه لنا .. اذا مافيه ازعااج عليك حتى يستفيد منه الجميع تحياتي لك
تحياتي للجميع وصلتني امس السبت رساله على الجوال تفيد بانتهاء اجراءات التاشيرة ، وقد راجعت المكتب بطريق الملك فهد قبل الظهر واستلمت الجواز وبه تاشيره اعتبارا من اول يوم للسفر ولمدة 29 يوم واستغرق استلام الجواز 3 دقائق ، اما انتظار التقديم كان المكتب مزدحم جدا ، وقد استلم المكتب مني الاوراق يوم الاحد 8/5/2010م واستلمت الجواز هذا اليوم الاحد 23/ 5 / 2010 م 0
من وين اجيب النموذج ؟ ممكن اعرف كيف اختار فندق كويس ؟ ما يطلبوا ستيتمنت بانك ؟ يعني مثلا انا واهلي مسافرين وابوي بيصرف علينا بس ما هو جاي كيف نسوي القصة هذي ؟ ممكن وصف دقيق للمكتب ؟
المشاركة الأصلية كتبت بواسطة ابومصطفي http://www.arabtravelersforum.com/tr...2/#post3828512 روووعه بارك الله فيك .. وجزاك الله الف خير .. كم يعطونك من يوم على الفيزا ؟ على حسب حجزك او طلبك ؟ يعني لو طلبت شهر يعطونك او طلبت شهرين؟ وياريت اذا فيه امكانيه تضع النموذج حق السفاره وتضع الاجابات المطلوبه تحياتي لك مرحبتين ابومصطفى بنسبة لمدة التاشيرة تحدد من قبل السفارة ة ولايوجد لها اي ذكر في النموذج واذا انا استلمت الجواز بشوف كم المدة ، وبالنسبة للنموذج سوف احاول ترجمتة ضمن هذا الموضوع انشاء الله 0
روووعه بارك الله فيك .. وجزاك الله الف خير .. كم يعطونك من يوم على الفيزا ؟ على حسب حجزك او طلبك ؟ يعني لو طلبت شهر يعطونك او طلبت شهرين؟ وياريت اذا فيه امكانيه تضع النموذج حق السفاره وتضع الاجابات المطلوبه تحياتي لك
المشاركة الأصلية كتبت بواسطة qwertyul http://www.arabtravelersforum.com/tr...6/#post3826466 طيب وبعد كم يوم بتستلم الجواز؟ انا لم استلم الجواز حتى الان ولكن في هذه الايام التسليم من 10 الى 12 يوم 0
الله يعطيك العافية .... معلومات مفيدة
طيب وبعد كم يوم بتستلم الجواز؟
مشكور وماقصرت
المشاركة الأصلية كتبت بواسطة ناصر111 http://www.arabtravelersforum.com/tr...0/#post3825830 طيب اخوي هل يطلبون كشف حساب وتذاكر لأني سمعت انهم مايطلبون كشف الحساب غير مطلوب وصورة التذكره وضعتها من ضمن الاوراق المقدمه واخذوها 0
المشاركة الأصلية كتبت بواسطة الاربعاء http://www.arabtravelersforum.com/tr...8/#post3823468 صباح الخير اليوم ذهبت بالظرف الذي استلمته من المكتب بطريق الملك فهد الى السفاره الالمانيه بحي السفارات وموقع السفاره بعد الدخول من البوابه الشماليه للحي في الجهة المقابلة لجامعة الملك سعود يكون امامك الدوار رقم 1 تاخذ الدوار وتسير بنفس الاتجاه ياتيك الدوار رقم 2 تتجه الى اليمين ثم ياتيك دوار تتجه الى اليسار ثم تدخل المرور المحلي بعد تقريبا 600 متر تاتيك السفارة على يسارك محاطه بسياج اسود اللون وعند الحضور للبوابه يتم التشييك على موعدك ويتم بداية الدخول الساعة 30ر8 صباحا واحد بعد الاخر ثم الدخول بغرفه للجلوس حسب الترتيب اي عند دخولك تكون انت الاخير وعند وصول الدور تقف امام شباك زجاج وتسلم الظرف للموظف وبعد فتحه يكون الحديث مع الموظف بواسطة سماعة الهاتف بينكم وتراه من خلف الزجاج 0 وقد سالني بعد التحية هل سبق ان زرت المانيا (لا) هل زرت النمسا (لا) كم رقم جوالك ( سري) شكرا (خلاص) نعم (لوسمحت استلام الجواز من السفارة ) لا الاستلام من المكتب بطرق الملك فهد 0 ( يعطيك العافيه ) هذي هي المقابله حرفيا 0 نفس اللي صار معي بالضبط يوم الاربعاء الماضي لكن انا قعد يسولف معي وطولت معه بصراحة الموظف طيب جدا واحس انه خدوم . وتقبل تحياتي ....
المشاركة الأصلية كتبت بواسطة أصيل 1 http://www.arabtravelersforum.com/tr...9/#post3817139 طيب هل فيه نماذج نعبيها هل تكون عندك النموذج على موقع السفارة ويتكون من 3 صفحات يتم طباعته ثم تعبئته بخط اليد من نسختين 0
طيب هل فيه نماذج نعبيها هل تكون عندك
هلابك اخوي الاربعاء ،، لاهنت وتشكر على اهتمامك وحرصك وبيض الله وجهك .. عندي استفسارين يالغالي : الاول .. كم اجمالي المبلغ اللي دفعته للجواز الواحد ( الفيزا الوحدة ) من تأمين ورسوم تعقيب ورسوم التأشيرة نفسها .. وعلى فكرة كم رسم التأشيرة ؟؟ الثاني .. انت يوم حجزت من بوكينق هل حجزت وهمي يعني عشان التأشيرة بس .. ولا انت فعلا حاجز من بوكينق ؟؟ لانو انا بحجز وهمي وبرسل للفندق ويمكن يقولون لازم يكون حجزك مدفوع يعني مو بسياسة الالغاء المرن ؟؟ اتمنى انك فهمتني يالغالي !!
المشاركة الأصلية كتبت بواسطة بنت حواء1429 http://www.arabtravelersforum.com/tr...9/#post3815949 اخوي احنا رحلتنا الى ميونخ وبنقعد في الماينا 6 ايام وبعدها النمسا 12يوم هل يدققون بهالسالفه؟؟ يعني المهم عندهم المطار اللي بتوصل له ولا السكن اكثر وين بهذا الترتيب لايمكن اصدار التاشيرة من المانيا وليس لهم علاقه بمطار الوصول او المغادره 0
المشاركة الأصلية كتبت بواسطة samaya http://www.arabtravelersforum.com/tr...7/#post3815927 أخي العزيز هل حجوزات الفنادق تحتاج تاكيد وختم من الفندق ,,,,,,,,ام ممكن حجز موقع بوكينك كافي انا حجزت عن طريق بوكينك وطبعت تاكيد الحجز من بوكنك وكتبت عليه بخط اليد بالانجليزي طلب تاكيد الحجز من الفندق وحطيت رقم فاكس وجتني الاجابه خلال ساعه على مطبوعات الفندق على شكل خطاب موقع في نهايته بدون ختم وقبلته السفاره 0
اخوي احنا رحلتنا الى ميونخ وبنقعد في الماينا 6 ايام وبعدها النمسا 12يوم هل يدققون بهالسالفه؟؟ يعني المهم عندهم المطار اللي بتوصل له ولا السكن اكثر وين
خطوات التاشيرة من السفرة الالمانية بالرياض الاخوة الاعزاء اعضاء وزوار المنتدى اعرض عليكم خطوات اصدار التاشيرة من السفارة الالمانية من الرياض وذلك من واقع التجربه على النح التالي : 1- الموقع بداية التقديم من مكتب متعاقد مع السفاره لمراجعة الاوراق بعد استلامها من مقدمها ويقع هذا المكتب بالرياض على طريق الملك فهد عند تقاطعه مع شارع الملك سعود وبالعاميه مقابل عمارة الصالحية للكمبيوترات وبينهم طريق الملك فهد وهي بنايه من الزجاج لون ازرق ويقع المكتب في الدور الخامس من المبنى 0 2- المستندات المطلوبه أ - اصل الجواز بعد توقيعه في صفحه 3 ب- صورتين للجواز من ص1 حتى ص3 مع تصوير التاشيرات ان وجدت خلال السنوات الثلاث الاخيره 0 ج- نسختين من النموذج المكون من 3صفحات الموجود على موقع السفارة بعد تعبئة النسختين بخط اليد ( تتم التعبية مرتين ) باللغة الانجليزية 0 د- صورتين 4*6 خلفيه بيضاء يكون الرجل محسور الراس ( بدون شماغ ولاطاقيه ) والمراة تكشف الوجه و الجبهه حتى منبت الشعر ملونه خلفيه بيضاء 0 هـ- تعريف بالراتب ومسمى الوظيفة وتاريخ الالتحاق بالخدمة مكتوب على ورق رسمي اصل باللغة الانجليزية 0 و- حجز للسكن من الوصول الى المغادرة ويلاحظ ان تكون ايام المانيا اكثر من ايام الدول الاخراء مثال لو ان كامل مدة السفر 9 ليالي وحجز الفنادق 5 ليالي زيلامسي و4 ليالي المانيا يرفض طلبك حتى تغير اليالي لتكون المانيا هي الاكثر ( شغل بزران ) 0 ز- صوره من تذكرة الطيران للذهاب والعودة 0 ح- تامين سفر ( انا اخذته من التعاونية لمدة 15 يوم بمبلغ 110 ريال ) 0 رسوم مراجعة الاوراق 90 ريال تدفع نقدا بعد قبول اوراقك 3 - استلام الاوراق وتحديد يوم المقابلة بعد قبول طلبك يطلب منك الموظف مراجعة المكتب في اليوم التالي لاستلام كامل الاوراق التي قدمتها لتقديمها للسفارة بحي السفارات وذلك بعد تحديد موعد المقابلة وفي الغالب يكون بعد 3 الى 4 ايام من قبول طلبك والموعد يحدد بموافقتك وحسب وقتك المناسب ( ديمقراطيه ) 0 ملاحظات *المكتب يستقبل الطلبات من الساعة 30ر8 صباحا حتى الساعة 4 عصرا ويستمر العمل حتى الساعة 5 عصرا *تحتاج من الوقت من ساعه ونصف الى ساعتين حيث ان هناك تاخير شديد في الانجاز اذ ان الموظف يستغرق 25 دقيقه لفحص طلب واحد وعدد الموظفين من واحد الى اثنين *لم اجرب المقابلة حتى الان وسوف اخبركم بما يتم تحياتي للجميع 0000
خطوات التاشيرة من السفرة الالمانية بالرياض
قوانين المنتدى