أشكرك أخ محمد جزيل الشكر على جهودك , بالنسبة لي هذي أول سفره لأوربا وعندي مجموعة أسئلة عن تعبئة نموذج الشنقن السويسرية:
1- ايش معنى دخول متعدد أو دخول مره واحدة , هل معناها ما ادخل سويسرا خلال فترة السفر الا مره وحدة؟ لأن احنا ناوين خلال اقامتنا بجنيف نطلع انسي في يوم ونرجع بالليل لجنيف , وبعد خلال اقامتنا في سترازبورغ بنطلع بادن بادن في المانيا ونرجع في نفس اليوم , في هذي الحالة يعد دخول متعدد أم القصد الدخول الأساسي لسويسرا من المطار؟؟؟
2- رحلتنا بتكون جنيف ثم انترلاكن ثم سترازبورغ ثم باريس يعني وجهتنا الأولى سويسرا والعضوه فرنسا لكن خلال اقامتنا في سترازبورق بنروح بادن بادن في ألمانيا ورست وماحولها وكلها في المانيا هل نضع المانيا في الفقرة رقم 22 البلد الوجهة العضو مع اننا ماراح نقيم فيها زي سويسرا وفرنسا؟
3- بالنسبة للصفحة الأخيرة (صفحة اضافية لاستمارة طلب التأشيرة) ايش المقصود بعنوان الاشعار بقرار رسمي في سويسرا هل اضع عنواننا في الرياض او سويسرا , ولو كان في سويسرا كثيره عناويننا ؟؟؟ لو المقصود في السعودية ايش نحط مكان رقم الشارع ؟
4- كشف الحساب لازم حديث , لكن ماهي مدة حداثته ؟ يعني لو طلعته قبل موعدي مع السفارة باسبوع يقبل؟ والا لازم قبله بيوم أو يومين؟
5- نفس الشي بالنسبة لتعريف العمل ؟ هل عادي يكون مستخرج قبل باسبوع والا لازم يوم أو يومين قبل الموعد؟
6- فقره 34 هل لازم نعبيها؟
7- إذا اقامتي كلها مسبقة الدفع (سبق ودفعت) ما عدا فندق واحد هل اضع علامة قدام فقرة اقامة مسبقة الدفع واكتب ملاحظة ان فيه فندق لسا مااندفع؟
8- هل لازم اجيب فاكس من الفنادق لتأكيد الحجز؟
آسسفه للإطالة