بعد زيارة لماليزيا :
http://www.arabtravelersforum.com/travel382085/
قررنا الجلوس في سيريلانكا لمدة 4 ايام ..
و احب ان اشكر من ساعدني في التنظيم لرحلتي
و من اقترح علي زيارة فندق هوناس فل
===========================
نبدأ
.
.
.
.
1482009
المهم .. موعد طائرتنا كان في الصبح ، و حسب تخطيطي نوصل
سيريلانكا الساعة 12 و 4 ساعات مسافة فنوصل الفندق الساعة 5 ...
..
كان المفروض اخلي اول يوم يكون في كولومبو للراحة او نيقمبو و بعدين اطلع كاندي و ارجع مرة ثانية ...
و الغلط الثاني اني ما سويت أي برنامج جاهز ، و لا قريت اشياء وايد عن سيريلانكا لأن هدفي منها كان بس استرخاء .. يعني بس نقعد ف الفندق و لا نطلع إلا للتمشية و التسوق ...حتى اسماء مطاعم عربية ( و كأن بعدين قريت انه بس في مطعم في كولومبو اسمه عايدة ) ...
و لا اسعار المواصلات عندهم..
وصلنا
سيريلانكا على الساعة 4 ، و اول مادخلنا قاعة العائدون .. تفالتوا علينا اصحاب التكاسي .. و جى واحد قال بعطيكم عرض مغري ووو .. قلنا له لا نبي ناخذ تكاسي رسمية من المطار .. فراوانا
بطاقة ترخيص و خلاص رحنا وياه ..
طلع هو موظف ف المكتب اخذنا حق صاحب المكتب و هناك قعد يهر علينا و يهر
.. فقلنا ليه معليه .. و تم يراوينا من الفنادق الي عنده و كشختهم .. و اتفنقا وياه انه ناخذ سايق و عطانا بكج انه اول يوم بس يوصلنا الفندق ، يوم ثاني يجي يودينا في
كاندي :
حديقة النباتات و الزهور –
مطعم كنتاكي -
اعلى نقطة في كاندي –
السوق الشعبي –
رقص الفلكلور
اليوم الي عقبه يجي و يودينا :
مصنع الشاي –
حديقة البهارات -
محمية الفيلة – نيقمبو
و رابع يوم يجي يودينا المطار
المبلغ اعتقد كان
100 د.ب او
150 مو ذاكرة بالضبط .. حسيته
وايد و مبالغ فيه بس وافقنا عليه عقب التعب .. يعني تقريبا ماليزيا 14 يوم مواصلاتها ما تجاوزت 150 ..
