أضف مشاركة إلى الموضوع: الله يسهل علينا و نعتمر بعد انتظار خمس سنين جزاكم الله خير ساعدوني
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
للي يحب يشوف التقرير على الرابط: http://www.arabtravelersforum.com/travel247181/
مشكورين على مروركم اختي الحرم مو زحمه الحين ... يعني فيه ناس بس مو واجد الاربعاء كان فاضي لكن خميس فيه اكثر ... اما الجمعه زحمه انصحكم تروحون الحين بهالوقت و ان شاء الله اليوم احط التقرير
الحرم اليومين هذه فاضي اخر موعد لخروج الحجاج 15 محرم ودحين مافي غير قليل واهل المملكة وبس اخر الليل على الساعه 12 الحرم روعه والجو الايام هذه حلو مره
افااااااااااا وانا مشتري الخروف تاركه في الحوش انتظر زوجك يشرف عشان نضيفكم ولا اعطيتوني خبر مالكم داعي والله ماتخلونا نضيفكم يالله اهم شي زرتوا مكة والحرم كيف بس مكة احلى ولا المدينة؟
الحمدلله على السلامة وتقبل الله طاعتكم بانتظار التقرير
الحمدالله سلامتكم وبانتظار التقرير
الحمدلله اعتمرنا و السفره كانت رووووووووووووووووووووووووووعه انتظروا تقريري
المشاركة الأصلية كتبت بواسطة المرام http://www.arabtravelersforum.com/tr...6/#post2584026 امس رحنا قبل الموعد ب ثلث ساعه بس ما رضوا يدخلونا ... قالوا لازم قبلها بساعه و طارت الطياره و قالوا انه فلوسنا راحت علينا ... رحت كلمت ادارة الجزيره اليوم .... أخذت طبيه عن أمس اني كنت تعبانه ( لا تعليق ههههههههه) و وديتها لهم قالوا خلاص نأجل السفره بس تدفعين ثمن التذاكره المهم قعدنا نأخذ و نعطي الى ان وصلنا الى اننا ندفع 36 دينار و الحمدلله دفعت و صارت السفره الاسبوع الجاي قال لي تعالي مبجر قلت خلاص من الصبح عندكم نصيحه ... روحوا قبل الموعد ب ساعتين و انتظروا التقرير اللي صارلي خمس سنين انتظره ههههههههه اخت مرام ... وينج وشصار على عمرتكم؟ ننتظر ردج
المشاركة الأصلية كتبت بواسطة top Speed http://www.arabtravelersforum.com/tr...9/#post2559889 والله سعر العرض مايفوت وخاصة قريب من الحرم 200 متر توكلوا على الله واحجزي واذا عندك وقت شيكي على المكاتب السياحية عندكم يصير فية خصم وانا بنفسي سكنت فية ولا علية اي ملاحضات من عندي شوفي الصور وقرري وهذا رقم الحجز من الكويت 2256200 ورقم ثاني 96625340000ومن السعودية 8008200107 ^^^^ هذي الصور لايش ؟ لأبراج مكة ؟ وش نوع الغرفة ؟
تسلمون على مروركم اختي ركاز ... نفس الموعد .. الساعه 7 مساءا ... انتي معانا بالطياره ؟
الأخت المرام تبلغ النية ما يبلغ العمل والله بيعطيكم عل نيتكم ان شاء الله
خيرها في غيرها ان شاء الله الجزيرة جذي لازم قبل الموعد بساعتين السفرة الجايه طيارتج تطير الساعه جم ؟؟؟؟
امس رحنا قبل الموعد ب ثلث ساعه بس ما رضوا يدخلونا ... قالوا لازم قبلها بساعه و طارت الطياره و قالوا انه فلوسنا راحت علينا ... رحت كلمت ادارة الجزيره اليوم .... أخذت طبيه عن أمس اني كنت تعبانه ( لا تعليق ههههههههه) و وديتها لهم قالوا خلاص نأجل السفره بس تدفعين ثمن التذاكره المهم قعدنا نأخذ و نعطي الى ان وصلنا الى اننا ندفع 36 دينار و الحمدلله دفعت و صارت السفره الاسبوع الجاي قال لي تعالي مبجر قلت خلاص من الصبح عندكم نصيحه ... روحوا قبل الموعد ب ساعتين و انتظروا التقرير اللي صارلي خمس سنين انتظره ههههههههه
حياج الله حبيبتي
شكرا اخواتي ركاز و مرام الله يجازيكم كل خير على توضيحكم
نفس ما قالت لج اختي ركاز ... احنا ما نأخذ فيزا و الله يسهل لكم و تعتمرون
اختي ممكن استفسر منك حول الفيزة هل اخدتي فيزة عمرة ولا سياحة وهل فيزة العمرة مفتوحة الحين يعني بشهر 1 لاني ودي اسافر ان شاء الله في النصف من الشهر الجاي اعمل عمرة انا وزوجي وابني وما ادري هل الفيز مفتوحة ولا لا انا للعلم مقيمة بالامارات تقبل الله منك عمرتك اختي وتروحي وترجعي بالسلامة يارب
المشاركة الأصلية كتبت بواسطة top Speed http://www.arabtravelersforum.com/tr...9/#post2559889 والله سعر العرض مايفوت وخاصة قريب من الحرم 200 متر توكلوا على الله واحجزي واذا عندك وقت شيكي على المكاتب السياحية عندكم يصير فية خصم وانا بنفسي سكنت فية ولا علية اي ملاحضات من عندي شوفي الصور وقرري وهذا رقم الحجز من الكويت 2256200 ورقم ثاني 96625340000ومن السعودية 8008200107 أخوي هذه الصور التي وضعتها صور الجنيور سويت وهذا له سعر ختلف فأرجو من الأخت المرام والاخوة القراء التنبه بأن هذه ليست صور الغرفة الي ب 386 أو نحو هالسعر
والله سعر العرض مايفوت وخاصة قريب من الحرم 200 متر توكلوا على الله واحجزي واذا عندك وقت شيكي على المكاتب السياحية عندكم يصير فية خصم وانا بنفسي سكنت فية ولا علية اي ملاحضات من عندي شوفي الصور وقرري وهذا رقم الحجز من الكويت 2256200 ورقم ثاني 96625340000ومن السعودية 8008200107
الفاضلة المرام اقترح عليك خطة كالتالي فور وصولك الى جدة تتوجهون الى مكة مدة 5 يوم ثم من عند أبراج مكة جنبكم باصات النقل الجماعي تطلبين تذاكر باصات في آي بي الفاخرة مكة المدينة تمكثون في المدينة 3 أيام ثم تتوجهون من المدينة الى جدة من طريق المدينة جدة وتنامون 2 ليلة في جدة وأعتقد هذا التوزيع هو النسب موفقين ان شاء الله
حياك الله في بلاد الحرمين انا عندي اقتراح شوفي اذا كان يعجبك اول شي تأخري الرحلة الى ما بعد 15 محرم لأنه في نص شهر محرم راح يرحل اخر حاج في المملكة وبكذا تضمنون انه مافي ولا حاج ولا هم يحزنون ثانيا تكون رحلتكم الكويت - جدة- المدينة- الكويت ( مطار المدينة يكون منه اقلاع دولي بعض الاحيان فقط ) وبالنسبة للتاكسي من المطار الى مكة مايزيد عن 100 ريال ومن مكة الى المطار نفس الحكاية ولو انتو شاطرين تاخذونها بأرخص والفنادق هذي متروكة لكم لكن تأكدي انه راح تحصلي بأي سعر ابتداء من 80 ريال للغرفة الى 10000 واي خدمة حنا متستعدين
هذا رقم تلفونهم 0096625371900 اذا عندج خط فيفا دقي منه لانه مايحسب وايد على السعوديه دقي و قوليلي
حبيبتي مرام انا دقيت على فندق هيلتون وابراج مكه اسعارهم حلوه حيل حق شهر محرم بس الظاهر عندهم عرض لانه مو وقت الذروة وتقدرين تحجزين بالتلفون وتعطينهم رقم فيزتج كضمان للحجز بدون اي ضرائب او شي لان حجزج مباشر منهم ........... غرفه الهيلتون المطله على الحرم شي و 600 ريال والغرفه اللي بالابراج الغير مطله 368 ريال اذا كانت ميزانيتج على قدج لان الحرم تحت منتي قاعه بالغرفه على طوا تنزلين بالحرم وتقول الموظه اذا تبون مع الافطار تدفعون 50 ريال للشخص بس انا مابي لان داير لافل مدار الفندق مطاعم تبيع سندويتشات وشاي بالحليب وهالسوالف يطلع لي الريوق كامل بعشرة ريال انا مجربه هالطريقه قبل
الله ايسر امرج ان شاءالله وتعتمرون انا مره حت مع ابوي العمره مثل هالوقت بعد الحج بأسبوعين بس والله كانو فيه حجاج وايد يلسنا 10 تقريباً من يوم الثلاثاء الى يوم الجمعه= 3 ايام في مكه فندق لو مريديان وكانت الغرفه ب400 ريال في اليوم على ما اعتقد و (6) ايام في المدينه والسبب ان الوالد كان رايح حج سريع قبلها وما قدر يزور المدينه وهو يعشق المدينه وكلنا نعشقها والله ,,,الخميس طرنا من المدينه لجده ورحنا عند اصدقائنا من اهل الجده الكرام وبتنا عندهم يوم واحد بس وعقبها رجعنا للامارات.. وان شاء الله في عطلة الربيع بنسير العمره بس هالمره الوالد شاري استيديو وبنسكن فيه اذا بغيتي ارقام فنادق مكه كلها http://www.makkahgis.net/Default.aspx?pID=sortedByGrade وفي فنادق رخيصه وحلوووه بس ما اعرف اذا بعدها موجوده مره سكنا في فندق القصر الابيض وكان حلو ونضيف بس نظام شقق والحين الاسعار نازله وان شاء الله تلقين اللي يناسبج
الله يسهل عليكم وتاصلون بالسلامة ان شاء الله انا ماخلو لي شي الاخوان ماقصروا لكن فية نقطة ابضيفة وهي السكن اذا ماحجزتو السكن فية بالجريدة اليوم عروض محرم على ابراج مكة اعتقد الابراج مو الفندق هيلتون الفرد حوالي 140 غرفة مزدوجة مع اقامة مجانية لطفلين تحت 12 سنة وفية عروض ثانية ..
يا هلا فيكم اخوي عمر اقتراحك حلو لكن ما ادري نقدر عليه ولا لا لاني قلت يومين مكه بعدين يومين المدينه بعدين يومين جده لو قدرنا نروح الجمعه الصبح نلحق على الصلاه لمكه ..... راح استانس و مشكور على اقتراحك الحلو
اختي المرام رحلة العودة يوم الجمعه 9 يناير الساعه 11 في الليل يعني تصلوا الجمعه بالراحه في الحرم وتتغدوا وتتمشوا على الساعه 8 تنزلوا جدة توصلوا 9 في الليل يكون باقي ساعتين تنهوا اجراءات البوردنغ وكل شي
منظر من ساحة المسجد النبوي ( ما اجمل هذه الصوره هزتني من الاعماق ربي لا تحرمنا زيارة الحرمين الشريفين ) و ان شاء الله تعالى تروحون و تردون بالسلامه و عمره مقبوله مقدما بس بحبحوها شوي تحسبا للظروف و انسب و قت للعمره هو في شهر محرم لان الحجاج بيكونون رجعوا لبلدانهم بالسلامه ان شاء الله تعالى و بيفضى الحرم شوي
تسلمون على مروركم ركاز ... ما قررتي بأي فندق تسكنون؟ و ايلاف كنده حلو؟و بكم؟
الأخ / yatareem وضع الجوال ممنوع يرجى احترام قوانين المنتدى بارك الله فيك
مر الغرف مطله على الحرام في فندق حلووو وقريب للحرم نص الغرف مطله على الحرم اسمه ايلاف كنده بس انا رحت العام كان في يمه فندق كبير ينبني وصوت الرافعات واحسن ازعاج اسم المبنى وقف الملك عبد العزيز ارجو من اهل مكه الافاده اذا كان بجانب ايلاف كنده للحين ازعاج او لا
الله يسلمك اخوي
بالتوفيق و رحلة سعيدة إن شاء الله
عمرة مباركة إن شاء الله تعالى .. تقبل الله عمرتكم وأتمنى أن تستمتعوا بوقتكم .. في حال قدومكم للمدينة المنورة لا تنسوا أن تجربوا الرز الكابلي المشهور في المدينة المنورة حيث أن الكثير من الخليجيين يسألون عن هذه الوجبة عند قدومهم للمدينة .. وهي من الأكلات الحجازية المشهورة في المدينة ومكة ويرجع تسميتها إلى أصولها كابول في أفغانستان. مع تحياتي وتقديري،،
عندج مطاعم عاشور بمركز مكه عيوش وكبسات حلو وفي بمركز مكه مطاعم برا المجمع دائر مداره مطاعم منوعه كشري ومشكل ومطاعم عيوش ووجبات ( بروستد مشهورة فيه المملكه ) انا عن نفسي افكر اسكن ايلاف كنده او مركز مكه انشالله لا سهل الله علي ورحت لاني افكر اروح لقيت لي تذاكر ب 73 دينار على الجزيره
السلام عليكم: جكيتك شجايبك هني... أنصح بزيارة المدينة بصراحة شي روعة آخر يومين بطياران داخلي ..يعني تعتمرون وتقعدون 3أيام بعدها تردون جده وتطيرون طيران داخلي جدة المدينة وتقعدو يومين ولا أروع وبعدين تطيرون المدينة جدة وبعدين من نفس المطار جدة كويت بالتوفيق!
الف مبروك اختي المرام والله فرحت لفرحتك وعسى الله يكتبها لكم هالمرة يا رب ويتمملكم على خير انصحك بفندق كورال إن شاء الله يكون سعره مناسب لكم مستواه جيد واسعاره معقولة وعنده توصيل للحرم مجاني 24 ساعه وقريب منه مطعم البيك
مبروك اختي المرام على الحجز وعقبال تتسهل باقي الامور مره مبسوط منك انه فرحانه بقدومك لمكة واداءك للطاعات الناس يروحوا الخارج ويفرحوا ومكة يستكثروا فيها المبالغ ويستثقلوا القدوم للحرم
يعطيك العافيه
اما لو بغيتو اكل مديني أطعم رز عربي وبخاري وكابلي ورز بحمص أسألو عن مطبخ الفتح في شارع قربان الطالع خلف محلات السمك اللي على الشارع له فرع في مول عالية المدينة بآخر شارع قباء لو تبغو أكلة سمك برضو في شارع قربان الطالع أحسن محل اسمه المزين وعنده رز صياديه روعة بس برضو سفري
البيك جنوب غرب الحرم قريب من البقيع لو وصلتو جنب البقيع أسألو عن عمارة الجزيرة أعلى عمارة في المركزية هو تحتها في الدور الأرضي والدور الثاني للعوائل خذو ناجيت حراق وروبيان جامبو المندي والمظبي بكل مكان الحنيذ أحسن ناس يعملوه اليمنيين أسألو عن مطعم بلقيس أقرب فرع لكم فيه واحد في شارع الستين بجانب شرطة الحرم ومسجد الإجابة ومستشفى الأنصار بس ما فيه عوائل خذو الأكل سفري حنيذ لحم طبعا
جزاك الله خير و ما قصرت جعله الله بموازين حسناتك
رحلة موفقة و هذه الروابط تفيدكم إن شاء الله تعالى http://www.arabtravelersforum.com/travel220265/ http://www.arabtravelersforum.com/travel203973/ http://www.arabtravelersforum.com/travel230882/ http://www.arabtravelersforum.com/travel204868/ http://www.arabtravelersforum.com/travel203238/
الحين ابي رأيكم بالفنادق و المطاعم ... الفنادق تكون نظيف و نروح لها مشي يعني قريبه هم ست أيام .. يعني يومين رايح جاي بقى 4 أيام قلت نخلي يومين بمكه و يوم بالمدينه و يوم بجده شرايكم؟ ودي نروح و نرد من المدينه بس اكيد تعب و المطاعم نبي الاكل السعودي ... يعني الحنيذ و غيره و سمعت كثير عن البيك ان شاء الله نجربه جزاكم الله خير و بانتظار ارائكم
بااااااااااااااااااركولي الحمد لله حجزت التذاكر توني راده من المطار رحت لهم بالمطار و كان فيه وية زحمه قلت ابي اسافر لجده قال ب ميه و مدري كم قلت ليش؟ قالوا انه فيه عرض قال انتي حجزتي العرض بالتلفون؟ قلت لا قال : لازم تحجزين بالتلفون بالاسم بعدين تجين هني تدفعين و اعطيج التذاكر ضاق خلقي و صكت فيني الدنيا لانهم ما يردون على التلفونات و قلت له ما راح يردون ... قال جربي لاني توني رديت واحد و دق عليهم و ردوا عليه المهم طولت و انا ادق ادق ادق ... الى ان شاله اخ سوري او عراقي الله اعلم لكنه ما قصر ... اخذرقم تلفوني و اسامينا و عطاني رقم الحجز كتبته و عطيته الاخ اللي بالمطار و الحمدلله حجز لنا قال لي التذكرتين ب 156 قلت اوكي ( طبعا بالنت ارخص) المهم دفعت له كاش قلت عادي احجز من النت؟ قال ايه ارخص قلت بالماستر و الكي نت قال ايه بس بالكي نت يطلع لج ايرور و عطاني الورقه اللي تعتبر تذاكر و طبعا ما اقدر اوصف لكم شكثر مستانسه والله امشي بالمطار ودي اركض من الوناسه ملاحظه: لا تنسون قبل تروحون لهم بالمطار لازم تحجزون الاول بالتلفون .. و الدفع كاشهم مكانهم بالمطار بالدور الثاني قلت له اذا ابي أأجل يومين شلون؟ قال تجين هني تعطيني خمس دنانير و نأجله اللحين اخليكم مع الصور الطريق للمطار : تذكرة مسافط المطار : مكان حجز التذاكر : وصل الدفع : التذاكر : السفر من 4/1 الساعه 7 الى 9/1 الساعه 11 يعني 6 أيام من الاحد للجمعه كان ودي اصلي الجمعه ب مكه بس ما عندهم رجوع الا الجمعه او الاحد ... ما فيه السبت ادعوا لي اني اسافر و ابشروا ان شاء الله بالتقرير السنع اللي يعجبكم
مرام حبيبتي انا شفت طيران الجزيرة تاريخ 25-1 والعوده 28-1 طلع لي بسبعين دينار بصراحه 120 وايد ماكو فرق عن الكويتيه وعندج فندق برج الاقصى حلو ونظيف ورخيص ومع بوفيه افطار ( حلو اكلهم ) انا سكنته لمده 3 ايام انا وزوجي نروح مشي للحرم تقريبا خمس دقايق مشي وعلى شارع واحد سيده لين الحرم وفي فندق اسمه ايلاف كنده بجانب ابراج مكه حلووو وراقي سعرة متوسط اتوقع 35 دينار بعض الغرف مطلعه على الحرم واخر فندق سكنته كان البستان الذهبي نظيف خلف ابراج مكه وتحته مطاعم عاديه وبقالات وعربانات خضرة كانت الغرفه 30 دينار بس اذا كلش ماعندكم ميزانيه اسكنوا في فندق بعيد في فندق سكنوا بيت عمي ليلته 12 دينار ويمدحونه قدامه شارع فيه نفق على طول تاخذين تاكسي ب5 ريال وتنزلين النفق جم دقيقه ولا عند الحرم
انا ما قريت كل الردود بس أصحابي كوايته أذكياء يدخلو بسياراتهم لحفر الباطن ويرمون السيارات في مطار القيصومة ومن هناك الطيارات رخيصة ودايركت على المدينة حلو؟؟ انزلي المدينة واقعدي لك 8 ايام بلياليها 8*5صلوات يساوي اربعين صلاة صليها في المدينة ي الحرم النبوي الشريف تكسبي بها براءة من النفاق هاذي من حديث ومكتوبة ومنحوتة في الحرم لو دخلتو من باب خوخة ابي بكر الصديق رضي الله عنه وانوي في كل دخول للحرم الاعتكاف ولا خلصتي الثمانية عندنا أسألي عن موقف سابتكو واشتري التذكرة الثلاثية المخفضة المدينة مكة جدة المدينة الثلاث مدن مع بعض بأي ترتيب وأي اتجاه وتكبينها بأي وقت تذكرة ثلاثية بمائة وخمسين ريال فقط والحلو في سابتكو أو النقل الجماعي انهم عندهم رحلة منتظمة كل ساعة من مكة للمدينة والعكس مكان سابتكو شمال الحرم يعني عكس اتجاه القبلة تخلي الحرم وراكي وتتجهي لخارج المنطقة المركزية تلاقي شارع الستين اسألي عن تقاطع الستين مع ابي ذر وأمشي سيدا في أبي ذر إلى أن تلاقي شعار سابتكو على يدك اليمين
الاخوان ما قصروا ولا استطيع الاضافة بعدهم . الله يوفقكم وتروحون وتردون بالسلامة . اي خدمات او شيئ تحتاجونه اختي لكم بالخدمة .
جزاك الله خير و ما قصرت
للمعلومية اخر موعد لخروج الحجاج 15 محرم بعدها تلاقي الحرم فاااااااااضي والجو رووووعه اتذكر في احد المواضيع اخت كويتيه ذكرت انها مالقت خطوط تروح مباشرة على المدينة وانا ماانصح بالذهاب للمدينة مباشرة لانه مكه مقامها اعظم والمفروض الواحد يروح مباشرة لها مثل ماقلت اول خليه يستاجر سيارة وانا ممكن اعطي زوجك رقم جوالي وماراح اقصر معاكم في مكة وجده وفي المدينة اوصي اولاد عمي عليكم
جزاكم الله خير و ما قصرتوا يالغاليين
اذا تبين الراي روحو مكة والمدينة وخلو جدة اخر يوم او يومين يكون خط الرحلة الكويت المدينة طيران - المدينة مكة باص - مكة جدة تاكسي - جدة الكويت طيران 3-4 ايام في المدينة ، وباقي الايام في مكة واذا حسيتوا انكم مليتو في مكة تقدرون تروحون جدة وتقعدون كم يوم ثم تسافرون بالسلامة للكويت. صدقيني زيارة المدينة ماراح تندمون عليها ابد وبالنسبة لوقت العمرة اللي يبدأ في نهاية شهر 2 هذا بس للي يجون السعودية بفيزا وانتم ماتحتاجون فيزا بما انكم كويتيين الوقت اللي بتروحون فيه مارايح يكون موسم فالاسعار راح تكون معقولة ان شاء الله اهم شي لاتنسونا من دعواتكم
طيب أختي .. ليش ما تخلين طيرانكم على المدينة .. يعني توصلون من الكويت للمدينة .. وتقلعون الرجعة من جدة ..
الله ييسر لك العمرة اختي الغالية المرام رايي من راي الاخ الكريم مهند شوفي فندق كورال 5 نجوم وسعره بيكون حلو في محرم ان شاء الله وفي المدينة عندك فندق الامين امنياتي لك بالتوفيق
المشاركة الأصلية كتبت بواسطة المرام http://www.arabtravelersforum.com/tr...0/#post2543950 جزاكم الله خير اخوي ابو عبدالله ...والله فكرت نسوي نفسك من قبل ما أقرأ ردك لانه زوجي ولا مره راح للمدينه بحياته ف ان شاء الله ان حجزت التذاكر بأتصل على الشقق و اكلمهم و أعرف الاسعار يعطي حاطه ببالي انه السكن بكل المناطق ما يتعدى ال 150 دينار و 50 أكل و شرب مدري تكفي ولا لا!!! 150 -200 ريال تكفي ان شاء الله لفنادق الثلاث نجوم وقريبه من الحرم بالمنطقة المركزية تبعد عن الحرم مشي حول 5دقائق كنت بالمدينة في العيد و لفيت على كذا فندق من هالفئة ، والاسعار كانت جدا مناسبة مع ملاحظة ان السكن 3 نجوم بمعنى لازم يكون الفندق عن تجربة احد الاعضاء وال50 تكفي بالراحه مطاعم البيك والطازج والوجبات السريعه بجوار الحرم وعليكم بالعافية ان شاء الله ، أهم شي لا تخلون شي يعيقكم أو يكدر جوكم حتى وانتوا بالحرمين ولاتنسين تدعين لنا منظر من ساحة المسجد النبوي
جزاكم الله خير اخوي ابو عبدالله ...والله فكرت نسوي نفسك من قبل ما أقرأ ردك لانه زوجي ولا مره راح للمدينه بحياته ف ان شاء الله ان حجزت التذاكر بأتصل على الشقق و اكلمهم و أعرف الاسعار يعطي حاطه ببالي انه السكن بكل المناطق ما يتعدى ال 150 دينار و 50 أكل و شرب مدري تكفي ولا لا!!!
انا اقول حسافة تدقون مشوار من الكويت ولا تزورون الحرمين الشريفين أنا اقترح عليكي يوم الوصول من جدة لمكة مباشرة 3أيام المدينة المنورة يومين وبالاخير جدة يومين لا تنسبن الاستخارة ، توكلي ع الله وبانتظار التقارير
انا رايي خلي المدينه وركزي على مكه وجده واذا رحتي جده لازم تمرين كنز ابحر مطعم وجلسه خيال وفيها اجار سفن بس مكان راقي من جد واسعاره جيده..
أنا بعد اشوف تخلون المدينة مرة ثانية لأنها بعيدة عن مكة وممكن تلاقون بمكة سكن رخيص نوعاً ما خصوصاً إذا كان بعيد عن الحرم وفيه مواصلات اسئلي عن أسعار فندق كورال وعندهم نقل مجاني للحرم 24 ساعة
جدة لمكة 90 كيلو من المطار الى الحرم تقريبا انا ساكن في مكة وعملي في جدة ويوميا طالع نازل مكة للمدينة 450 المدينة لجدة 420 كيلو المدينة ممكن ليلة وحده بس بصراحه تعب الطريق 3 ساعات ونص على سرعه 140 او اذا بالباص 6 ساعات المدينة حقها يومين او 3 مكة اذا تجلسوا طول الوقت قدام الحرم بس بصراحه اجر وروحانية بس احتمال تطفشوا لانه في مكة مافي مكان تروحوا غير سوق وحرم مافي مطاعم حلوه كلها عادية وارجع اقول اتركوا التاكسي وخذوا سياره ايجااااااااار والله تتعبوا في التاكسي واذا ودكم ممكن تعطي رقمي لزوجك وانا ادله على الاماكن ولاتشيلوا هم
قوانين المنتدى
