أضف مشاركة إلى الموضوع: من سريلانكا الجميله تقرير الف ليله وليله
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
صرااااااااااااااااااحه الصوووووووووووور عذااااااااااااااااب
ماشاء الله تبارك الله تقرير جميل وممتع ومفيد جداً جزاك الله خيرا والله يوفقك ودمت سالما
تقرير رائع يعطيك العافية ...
يعطيك العافيه
تقريررائع ماشاء الله ورحلة أروع
اخوي سدير ناوي اروح الى سيرلانكا بس كيف الطريقة في التنسيق ماهي الهواتف او الشركات ارجو الافادة
يعطيك العافية يالسديراوي ،، وكفيت ووفيت بهالتقرير الجميل ،، يعطيك الف عافية ،،
السلام عليكم اعتذر عن التأخير في اكمال التقرير اليوم نعود لإكمال الحلقات المتبقيه من هذا المسلسل المكسيكي توقفنا واياكم على مشااااااارف مدينة نوراليا وهي بريطانيا الصغرى ( اسم الدلع ) طبعا ليه بريطانيا .!! لأن الإستعمار البريطاني ترك أثره على أهل البلد وخصوصا في بناء البيوت وتصميمها .. بعد صوره مدخل المدينه اللي ودك تسمع بها ولا تشوف مدخلها الترابي كما في الصوره السابقه توجهنا مباااااااااااشره للفندق وهو فندق انجليزي فيه قسمين .. قسم للي يحبون البيوت المتعقه القديمه .. وهم الأنجليز خصوصا كبار السن منهم .. وقسم بني على الطراز الأنجليزي الحديث وهو ما يقصده معظم السياح العرب وبعض الأوروبيين صوره لداخل الغرفه في الفندق وتشوف التلفزيون اللي تحته هذا دفايه لأن الجو باااااااارد هناك الفندق يتميز بمطعم هندي على مشارف الفندق بالضبط على مدخل الفندق المطعم مسكت رهيب وعندهم خبز يسمونه تندوري او قريب من كذا اذا خذته تذكر خبز مطعم الفخار في الرياض يعني رهيب طبعا .. لا تقول لهم اي حوااار لأنك اذا بتقول لهم شوي شطه .. يعني عندنا 4 كيلو والله يخلف عليك في عشاك وصلنا ذاك اليوم متأخر وفضلنا الإستراحه في الفندق في الصباح طلعنا لحديقه اسمها حديقه الزهور وهي جيده ومنظمه ولكن كان فيها زحمه من سكان البلد مما دعاني إلى عدم المكوث فيها طويلا صور متفرقه للحديقه ودك ببريق شاي بين ذا الشجر هذا المدخل للحديقه بعدها اخذنا جوله في داخل المدينه ، والمدينه لا تختلف عن باقي المدن عدت للفندق وكان يوم الجمعه والحمدلله وفقني الله وذهبت مع السائق للصلاة في احد جوامع المدينه دخلت المسجد وكان الإمام يخطب باللغه السريلانكيه ... و بعد قليل صار يتكلم عربي ويتكلم عن فضل شهر شعبان وووو والاستعداد لرمضان والواجب والمكروه وووو اخذ يسرد الشيخ احكام تلك الأيام ثم اخذ بالدعاء ثم جلس بين الخطبتين قام للخطبه الثانيه ... وبالعربي كلهااااااااااا ثم آخرها دعاء ثم اقيمت الصلاه بعد الصلاه لاحظت شئ كان في نهايه كل صف من المصلين دلو او سطل ... المهم كان يمر بين المصلين وكل واحد يحط للي يقدر عليه ، بصراحه تعجبت من الوضع الحاصل ..!! بعد الصلاه طلبت مقابله الإمام وكان في غرفه جالس وعرف اني من السعوديه وجاء وقابلني وجاء العديد من المصلين للسلام ... المهم اخذت الأمام على جنب وكان يتكلم العربيه بطلاقه وسألته عن الأوضاع فأخذ يشكي لي ، بأن الدعم انقطع منذ سنوات ..تقريبا بعد موجه الإرهاب وما حصل بعدها واخذت جوله معه في مرفقات المسجد واذا هم يبنون مسجد ملاصق للمسجد توسعه جديده للمسجد ، لأن المسجد كان ضيق على انه دورين لكن كثر المصلين ، كذلك كان في الجامع حلقه تحفيظ قرآن يتعلم فيها أكثر من 100 طالب وطالبه وقال ان الدعم الآن يتمثل في دعم السياح المسلمين لنا ، حيث ان الإمام والمؤذن ليس لهم راتب وإنما على دعم المصلين لهم . في صباح الغد توجهنا الى مدينه كتاراجاااااااااما في الطريق واجهنا هذا الشلال الرااااااائع وهي مدينه سياحيه ، فيها برامج السفاري والصيد جلست فيها يوم واحد فقط للراحه ، واخذنا برنامج سفاااااري من الساعه 2 ظهرا الى الساعه 6 مساء هذي صور لبعض مشاهداتي في الرحله بدأنا من هنا الترتيب للدخول إلى المنطقه بأخذ الأذن من الجهات الحكوميه بوابه الدخوووول وصور متفرقه للعديد من الحيوانات هذا تمسااااااااح جالس في حاله وهذا الغزال اللي ما ذبحنا في السعوديه إلا هو كل شوي صادمين واحد على السريع من كثرهن عندنا ما عاد نبي شوفتهن الله من الصدق وهذي صوره لقطيع آخر ... غنم نعيم تمويه علشان محد يرمي الشاشه حقته بعدين يورطنا بهذا نكون انهيت الحلقه السااااااادسه وباقي حلقتين بإذن الله هي المدينه الساحليه والتقرير النهائي اتمنى ان ما اكون طولت عليكم
السلام عليكم عودة مره أخرى للتقرير الحلقه الخامسه الطريق إلى مدينة نوراليا مثل ما قلت لكم قبل ، الطريق من كاندي إلى مدينة نور اليا شئ خيااااااال وفيه من الجمال شئ لا يوصف . هذي صوره قريبه من الشلال وهي عند المطعم اللي جنب الشلال على طريق كاندي - نوراليا بعد ذلك توجهنا إلى مصنع الشاي واسمه بلو فيلد . blue filed وصاحبه مسلم . والدليل على ان غزو السياحه العربيه لهذا البلد اصبح على الأبواب هو ان صاحب المصنع كان له قريب يعمل في التميمي سيفوي في الرياض ، ولما رجع للزيارة اقنعه صاحب المصنع ان يعمل معه في الشرح والبيع للسياح العرب . لأنه يتكلم عربي وعارف للعرب . المصنع من الخارج طبعا اول ما توصل للمصنع ، يقابلك مدير المصنع وهو رجل مسلم ، ويرحب بك ، وبعد ذلك يرسلك مع رجل للتعريف بخطوات التصنيع في المصنع ، إبتداء من قطف أوراق الشاي ، حتى التغليف والبيع . ولأني انشغلت معه في الشرح .. وغير كذا كنت اسجل بالفديو كامل الشرح .. فما استطعت آخذ إلا كم صوره ، وهذي بعضها . المرحله اللي قبل يتم فيها طحن اوراق الشاي بعد ان تجف في مرحله اوليه . ثم يتم نخلها وتتوزع كما هو في الصوره بعد ذلك توجهنا للمتجر ، و قام مدير المصنع بتضيفنا شاي من اللي يحبه قلبك .. طبعا شئ بديهي شرينا شاي ، والصراحه كان مميز واسعاره جدا مناسبه ، وبحسبه تقريبيه اذا كان علبة شاي لبتون = 15 ريال .. الشاي الأصلي عندهم بـ = 7 ريال وقس على جميع انواع الشاي . وافضل نوع هو اللي يكون اسمه BOPF وفيه نوع اسمه golden tea بس هذا يقول ما يشتريه إلا اليابانيين وبعض الأوروبيين . المهم .. توكلنا على الله و مشينا من المصنع بعد ان سعدت بالتعرف على العاملين فيه طريق الخروج طبعا المنطقة كلها مزارع شاي وهذا مصنع شاي آخر النساء العاملات على قطف ورق الشاي صور متفرقه لمزارع الشاي العجيبه و احيانا القلم يعجز عن وصف مثل هذه المناظر وهذي صوره لمدخل مدينه نوراليا .. [blink]لاحظ [/blink] الطريق / ترابي وغير معبد .. وهذي مشكله الطريق بين كاندي ونوراليا .. على انه طويل لكن سبحان الله يمر عليك الوقت وانت تتأمل في جمال الطبيعه وما تدري إلا السواق يقول لك يالله وصلنا .
ههههههههههه حلوه محمد طيب عزيزي عبدالعزيز لا يتكلم العربيه وللمعلوميه حق اللغه محسوب في التكاليف يعني اذا تبي واحد يتكلم عربي ياخذ حقه بعد .. بس ان شاء راح يفهم عليك و ترى وانا اخوك من المميز في السفر انك تتعلم لغه ولو شئ يمشي حالك شوي
انا جدااااااااااا اسف على التكرار والله ماكنت اعرف تراني عليمي .....
الحمد الله على السلامة ...الصور جدااا جميلة..... هل عبدالعزيز يتكلم عربي أرجو المساعدة في ترتيب رحلتي الى سيرلانكا ولك مني جزيل الشكر...............
الحمد الله على السلامة ... الصور رائعة جداااا هل المكتب الذي تعاملت معة يتكلم عربي .... ارجو المساعدة منك في ترتيب رحلتي الى سريلانكا مع المكتب ولك مني جزيل الشكر ....
السلام عليكم ورحمة الله وبركاته التقرير الرابع يحتوي التقرير حديقه الفيله + الطريق إلى نوراليا هذي اللوحه وهي المدخل الرئيس للحديقه والحديقه تحتوي على عدد 65 فيل ، فيهم الصغير والكبير والأعمى والمعوق ..... يالله ندخل الحديقه اذا دخلت تتوجه إلى الجزء المخصص بتغذية اطفال الفيله ، او بالأصح الأيتام اللي مالهم أم وتكون أمهم قتلت على يد الصيادين . سبحان الله الفيل هذا أعمى من يوم ولدته امه نسيت اقول لكم ان تغذية اطفال الفيله تكون في حدود الساعه 12 بعد الظهر ، وبعدها تاخذ لفه على الفيله ثم تطلع برى الحديقه إلى المحلات المنتشره قرب الحديقه وهي متخصصه في بيع الجلديات ، شنط جلد او نعال او كراسي جلد اشياء ومنتوجات حلوه جدا المهم اللي بيشتري جلديات يشتري من عندهم لأنهم ارخص وغير كذا تقدر تكاسر لأن المحلات كثاااار واذا ما عجبك محل تروح لعشره غيره وانت تمشي للمحلات تشوف على يمينك بعض العروض للكوبرا وانواع مختلفه للثعابين ، طبعا اذا وقفت لازم تدفع الحين صارت الساعه وحده وهو موعد حمام السباحه للفيله ويا فيه فيله اذا طبت الماء ما ودها تطلع .. يخلونها تجلس قرابه الساعتين في النهر وبينما الفيله تسبح والسياح ياخذون الصور لها ، سبحان الله تجد بعض الفيله تأخذ أشكال هندسيه راعه تلقائيه بعد الزيارة الرائعه لهذه الحديقه ، عدنا للفندق وبقينا ذلك اليوم في ردهات ( حلوه الكلمه هذي ... مثقف عربي ) الفندق اعتذر للتأخير غدا بإذن الله الطريق الى نوراليا ومدخل المدينه وصور متفرقه من الفندق
اهلا بك اخي سعود 0094777396983 مع العذر ما ادري اذا اداره المنتدى تسمح اولا http://www.jnwtours.com
مشكورة على التقرير الرائع
بودي أن توافينا برقم المكتب أو صاحبه الذي ذكرت (عبدالعزيز) وهو مسلم . كما بودي أن استفسر منك : هل واجهتك أي مشكلة في اصطحاب الزوجة من ناحية لفت النظر لحجابها ، خاصة إذا كان كامل مثل حجاب السعوديات عندنا بالرياض (عباية على الراس + غطوة).
أخي سدير ماهو رقم الأخ اللي ظبط لك الرحلة
روعة!!!!! شكرا لك
أخوي مشكور على السرد الجميل عن سريلانكا00أتمنى ان تكتب رقم صاحب المكتب/ عبدالعزيز00وهل يتكلم العربيه00وما أفضل وقت للذهاب إليها من ناحية الأمطار0
أين التكملة ،،، أو أنت مثلي ؟؟ مازلنا منتظرين ابداعك وسردك الجميل وتقبل تحياتي وتقديري ،،،‘‘‘،،،
بصراحة تقرير أكثر من ممتاز تسلم على التقرير الطيب بس ما قلت لنا عن طبيعة الجو عندهم حار رطب معتدل
مشكور يالغالي على هالجهد الطيب
مشكور يالغالي على هالجهد الطيب :113:
:x1: يعطيك ألف عافية أخوي العزيز على التقرير والصور الحلوه:x1: :x1: :x1: :x1: :x1: :x1: :x1: :x1: :x1: :x1: :x1: :x1: :x1:
[blink][glint]الحمدلله على السلامه [/glint][/blink] الله يعطيك العافيه تقرير روعه
السلام عليكم ورحمة الله وبركاته الاخ سدير تقرير ورحله موفقه ماشاء الله اذا سمحت تضيف تلفون الاخ عبدالعزيز صاحب المكتب الي صلح لك البرنامج وشكرا اخوك ابوسيف
شى جميل بس طمنى عن مستوى النظافه لاهل البلد واهم شى الاكل الله يرحم والديك
سدير الحمد لله على السلامه مشاء الله برنامج حافل وفل ابشن......وتقرير رائع وصور اروع. مشكور على هذا الجهد...
ما شاء الله تبارك الرحمن أخوي سدير رحلة من البداية يتهياء لي أنها رائعة ولكن لي أستفسار على السعر هل هو للفرد أو للمجموعة اللي معك و هل الرحلة عائلية والا شبابية ،،، تحياتي كبيان
السلام عليكم ورحمة الله قبل نبدأ في الحلقه الجديده أحب أهنئكم بدخول شهر رمضان المبارك ========== نعود للتقرير بعد إقامة يومين في منتجع culture club الرائع جدا ، والذي يتميز بالهدوء ، وفي الليل وعند المسبح وجوار المطعم تقام مساء كل يوم بعض الفقرات المتنوعه وهي مجدوله لك في الغرفه مثلا : يوم الأثنين عرض السحر .. يجيبون ساحر و يقعد يستعرض على الناس ... ومثل كذا .. في صباح اليوم الرابع توجهنا إلى مدينه كاااااااااااااااندي kandy وفي الطريق توقفنا لشراء بعض الفواكه من المحلات و كان فيه على الطريق مزرعه كاجو صراح شئ رهيب لا يفوتكم اللي بيروحون هناك .. طاااازج ورهيب مره مره المهم طلعنا بعد الكاجو و محلات الفواكه إلى مزرعه البهارات : وهي مزارع كثيره منتشره على الطريق تبيع منتجات طبيعيه المصدر تستخدم لعلاج بعض الأمراض الجلديه ومسكنات الآلم و شئ يطول الشعر وشي يزيل الشعر ..... الخ صوره لمستخلص القرفه - الدراسين - cinnamon بعد الجوله مع المسؤول عن المزرعه والشرح الطووووويل عن النباتات وكيف تنبت وثمارها ، واستخداماتها الطبيه . نتوجه للعرض .. الحين يجلس يطلعك على كل المنتجات الطبيعيه اللي عندهم ، و بحكم التخصص فيه منتجات عندهم جيده .. وفيه كثير منتجات مالها داعي وغش للمستهلك . لكن المهم في الموضوع انك لك الخيار في الشراء او الرفض . هذي صوره للمحل التجاري للشراء دخلنا بعد ذلك مدينه كاندي ، وهي مدينه كبيره وتعد ثاني أكبر مدينه عندهم ، توجهنا مباشرة إلى الفندق اللي كان اسمه لي كانديان وهو في أعلا الجبل وتحتاج للصعود اعلا الجبل مده لا تقل عن 15 دقيقه . الوقت ما فيه مشكله .. المشكله في الطريق ضيق وكله حفر . المهم اذا وصلت استقبال الفندق ... راح تنسى كل التعب في الطريق لأن المنظر من هناااااااااك شئ خياااااااااااااااااااااااااال للأسف الصور اللي في الاستقبال كلها لا تصلح للعرض لكن هذي صوره من البلكونه حقت الغرفه وهذي صوره ثاني من الغرفه أخذنا وجبه الغداء في الفندق وريحنا شوي بعدين طلعنا على مصنع الأحجار الكريمه اللي تتميز به هذي المدينه ، وكان في استقبالنا مدير المصنع وعرض علينا الكثيييير من منتجاتهم الرائعه جدا ، واسعااارهم ارخص من هنا بنسبه بسيطه ، هذا طبعا بعد المكااااسر . وبعد ما انهينا الزيارة للمعرض ، توجهنا للمصنع واطلعنا على كيفيه صناعه تلك القطع الرائعه بعد ذلك وفي حدود الساعه السادسه مساااااء توجهنا لحضور العرض الثقافي ، وهو عرض يقام يوميا في مدينه كاندي في الساعه السادسه مساء . يقدم فيه انواع مختلفه من العروض الشعبيه عندهم ، وهي رائعه جدا و محتشمه ، استمر العرض حوالي الساعه ، بعد ذلك السلام الوطني السريلانكي ... ثم بدأ عرض النار . يقوم أفراد تلك الفرقه باللعب بالنار والمشي على الجمر وعروض رائعه جدا . صراحه العرض كان ممتع . الشئ الملفت للنظر انك اوقات تقول وين ذا العالم ما فيه سياح في ذا الديره ..!! لكن اذا دخلت العرض ، تتعجب من كثر الأوروبين واليابانيين . كثاااااااااااااااااااااااار مره . هذا كان نهاية برنامجي لذلك اليوم عدنا للفندق ، وا تصلت على مطعم بيتزا هت الموجود في كاااندي طلبت منهم طلب بقيمه لا تتجاوز الـ 20 ريال وتفاجأت بأنه الموظفه قالت : على خشمي نصف ساعه وهو عندك ( طبعا بلغتهم ) تحسفت اني راح اخليه يضرب المساااااافه هذي كلها علشان 20 ريال المهم : وصلت بيتزا هت ... وما تقول إلا فرع طريق الملك عبدالله ... يعني بالعربي تدخلك جو الرياض نلتقي غدا .. مع يوم آخر راااااااااائع في كاندي انتظروا ... صور من أجمل حدائق العالم صور خياااااااااااااااااااااال
من سريلانكا الجميله تقرير الف ليله وليله السلام عليكم ورحمة الله وبركاته كما وعدتكم .. أقدم بين أيديكم التقرير المصور لرحلتي لدوله سريلانكا معلومات عن سيريلانكا المعلومات مقتبسه من مشاركه أحد الأخوان هي عبارة عن جزيرة تقع جنوب شرق الهند وفي شمال المحيط الهندي تتكون من عدة جزر تحيط با لجزيرة الأم . المدن: كولومبو: العاصمة كاندي: ثاني مدينة من حيث المساحة وعدد السكان بعد كولومبو نوراليا: مدينة جبلية باردة بها مزارع ومصانع الشاي بنتوتا + برويلا + هيكادوا : وكلهم مدن ساحليه قريبه جدا من بعضها البعض . كتاراجاما : مدينه السفاري والغابات وهي قريبه من المحيط أيضا ، ولمزيد من التفاصيل بإمكانك معرفه مكانها من خلال الخريطه المرفقه في التقرير . العملة: الروبية السيريلانكية أسعار الصرف: 1دولار أمريكي=100روبية سيريلانكية او 1ريال سعودي=25روبية سيريلانكية تقريبا الديانة: بها عدة ديانات لكن الأبرز 1- البوذية: هي الديانة المنتشرة والحاكمة ولها الكثير من المعابد ( صنم بوذا ) في سيريلانكا 2- التاميل: هم عباد البقر ويعرفون بالنقطة الحمراء على جباههم 3- المسلمين: وهم قليل وما نسبته 7% فقط ( على كلام احد المسلمين هناك ) فارق التوقيت: +6 عن توقيت جرينتش و +3 عن توقيت مكة المكرمة اللغة: السيريلانكية وهي اللغة الرسمية ولكن يتقن أهل البلد اللغة الانجليزية وقليل من يتكلم العربية ================= الفكره لزيارة هذا البلد من خلال ما قرأت عنها في المنتديات العربية ومن خلال زيارة احد الأصدقاء لها قريبا . طبعا اطلعت على جميع المواضيع المتعلقة بها قبل السفر . اتصلت بأحد المكاتب هناك و طلبت منه الأسعار بخصوص البرامج ، طبعا فيه تفوات كبير جدا في الأسعار وفيه بعض المكاتب مثل مكتب ( زهران ) استغل الدعاية اللي عملت له من قبل بعض الأخوان في منتديات عربية ، وكان سعره خيااالي لكن الحمدلله توصلت إلى اتفاق مع شخص مسلم ، يعمل بشكل منظم وممتاز واعجبني فيه انه اول ما انهيت اتصالي معه ارسل لي فاكس مطبوع بشكل كامل بإسمي بجميع فقرات البرنامج وارسله لي على الفاكس . وكلما اتصلت عليه لتعديل فقره ، أعاد الإرسال مره اخرى بعد تصحيح البرنامج . البرنامج لمدة : 12 يوم تكلفة البرنامج : 4900 ريال سعودي شامله : ( فنادق خمس نجوم ، الإفطار + سيارة موديل 2005 + سائق تحت الطلب 24ساعه ) البرنامج : 10 سبتمبر : الأستقبال في المطار ثم الاتجاه إلى فندق ساليون كونتننتال وهو فندق رائع ، يقع بجوار منزل رئيس الدوله وهو بالقرب من فندق جالداري اللي يسكنه العرب ، وانصح الجميع من اولها ينحاااشون من فندق جالداري لأن ما فيه إلا عرب ضايع في ذلك اليوم رحلتنا كانت الساعه الثانيه وعشر دقائق ، توجت إلى المطار الساعه الثانية عشر ، كان فيه رحله في نفس الوقت لباكستان والهند وكانت الزحمه شديده جدا عند الجوازت ، لكن الأخوان هناك اول ما شافوني سعودي ... وقف واحد و قال لي تعال وخلص الجوازات توجهت الى صاله الأنتظار في وقت قياسي . الرحله تأخرت قرابه الأربعين دقيقه ، لأن الطياره ما بعد جت من جده على كلامهم ..!! بسم الله ركبنا الطياره قرابه الساعه الثالثه إلا شئ بسيط .. قال لي المشرف على الطائره .. تفضل للدرجه الأولى بالرغم من أن الحجز كان سياحي. وصلنا بحمدلله الساعه الحاديه عشر صباحا بتوقيت كولومبو إلى المطار ، وكان استقبال خاص لأني كنت في الدرجه الأولى ... و كان استقبال العاملين في المطار رائع جدا وما استغرق الجوازات إلا أقل من دقائق لا تذكر . اخذت الشنط واتصلت على عبدالعزيز ( صاحب المكتب ) وقال انا انتظرك بالخارج . طلعت وما دريت إلا ذا اللي جاي يمشي الف ويسلم علي كأنه واحد من العيال ، من زود الميانه جاب السياره والسواق ... وقال تفضل والوعد الليله في الفندق واتجهنا إلى الفندق ، وكان رايق .. على البحر وغرفه نظيفه يتميز هذا الفندق بمطعم هندي رهيب جدا جدا ، وعليه دجاج برياني وكباب تدووووخ وعندهم بعد نان ( خبز تنوري ) اذا شفته تذكر حقين الفول der: انطقلنا في الصباح الباكر إلى المدينه الثانيه : اليوم الثاني : مدينه دامبولا Dumbulla السكن في منتجع culture club لمده يومين واترككم مع الصور الطريق إلى منتجع culture club أحد تماثيل بوذا في الطريق إلى المنتجع صوره ونحن على الطريق الى المنتجع وتظهر البحيرة التي يطل عليها المنتجع صوره للغرفه في المنتجع ... وهي عباره عن أكواخ خاااااصه صوره من الداخل صوره للبحيرة من جهه المنتجع ، ويظهر القوارب اللي مسموح لك تستخدمها ، كذلك في المنتجع سياكل ، تعال وخذ السيكل وتمش في المنتجع براحتك مجااااني في نفس اليوم توجهنا إلى صخره سيجريا وهي صخره كبيره جدا .. يقولون انها اكبر صخره في العالم وفي اعلا الصخره معالم أثريه ، للصعود لها تحتاج تجي بدري لأن المسافه طويله إلى القمه ومتعبه جدا واشوف ان مالها داعي ... تعب على الفاضي . تقولون وش المميز فيها ...!@ يقولون ان من زمان كان في سريلانكا ملكين وكانوا راعين مشاكل مع بعض ( بلغه الشوارع ) المهم جاء واحد منهم وبناء قلعه فوق الجبل هذا .. لكن ما قدر يتحمل وانهدمت وباقي بعض اثار الجدار في الصوره واضح اثر الجدار اللي كان موجود المميز جدا في دامبولا انك تاخذ سفاري على ظهر الفيل لا تعليق ما زلنا في مدينه دمبولا وفي منتجع كالتشر كلوب culture club هذي صوره للتمثال الذهبي لبوذا وهو الأكبر ويقولون انه بعد حرق جثمان بوذا باقي الأسنان وتم توزيعها على أكبر المعابد وحصل هذا المعبد على بعضها .. الرائع في المنتجع انك تشوف الحياة الطبيعيه ويزين الأشجار اللي حول الكوخ او الغرفه منظر السناجب وهي تركض على الأغصان المنتجع فيه مدرب متخصص للعبة الكركيت وأي رياضه أخرى تريد واذا طلعت بعد العصر تقدر تاخذ لك شوط معهم ، كأنها لعبه المصاقيل der:rf: لكن بكوره او لعبه ما ادري وش اسمها .. اللي تحط علب و واحد يضربها بعدين تطيح ...... المهم القانون حطيته من رأسي والشئ الجيد انه وقت تواجدنا هناك أقيمت مباراة دولية بين منتخب بنغلادش ومنتخب سريلانكا وتشوف الزحمات كله علشان المباراه ..!!
من سريلانكا الجميله تقرير الف ليله وليله
قوانين المنتدى