الرد على الموضوع

رد: رحلة روآق بعد التخرج إلى بلاد الاسبان

السلام عليكم ورحمة الله
اخواني/ اخواتي الكرام انا مسافر باذن الله لأوروبا نهاية جانوري ( يناير ) عشان عندي دورة لازم احضرها لمدة شهر تقريباً في اسبانيا ( اسبوع في بلد الوليد و الباقي في برشلونة ). حتكون اول محطة اوصل لها باوروبا هي فرنسا ( باريس تحديداً ) لاني مطلع الشنقن منها. ابغى الله يسلمكم افضل خط سير من باريس إالى بلد الوليد ( مدة اسبوع تقريباً ) ثم إلى برشلونة, سواءاً طيران أو قطار أو باص أو حتى سيارة. و أيضاً افضل و وأوفر سكن. واي نصيحة أخرى مرحب بها ولصاحبها اجرها باذن الله.
*ملاحظة: عائلتي بتكون معاي ( زوجتي وطفل عمره سنتين ونص ).

و الله يوفقنا واياكم وييسر امورنا واموركم
انتظر ردودكم و آراءكم في اقرب وقت
وشكراً

رد: رحلة روآق بعد التخرج إلى بلاد الاسبان

تقرير رائع ماشاء الله

بخصوص مدريد 4 ايام كيف تنصح بقضائها ،، ايش الاماكن الحلوة ،،
شكرًا

تقرير راااائع وصور أروووع شكرااا لك

استمتعت بما شاهدته يعطيك العافيه

روووعه الف شكر على التقرير

ماشاء الله
رحله موفقه وسعيده
وتقرير جباااار تشكر عليه

رحله جميله وسعيده
وتقرير جبااار تشكر عليه

يعطيج العافية الغالية

اختي عندي سؤال لك وللاخوة العارفين
كيف احمل الخرائط ع الابياد
او تقصدين خرائك الايباد الرسمية ؟
وايضا كيف استفيد منها بدون نت ؟؟
من لي بالنت وانا بالشارع مثلا ..؟

ألف مبرووك التخرج

يعطيك العافيه تقرير جميل

ماشاءالله تقرير متعوب عليه وبيفيد مره محبي التسوق

رحلة ممتعة بما تعنيه من كلمهايضا الصور تغني عن أي جمله سوف تقال
بالعربي الفصيح
" الصورة تتحدث "

روعة استمتعنا بالرحلة
واحى شي انها بوقت الشتاء
نفسي اجرب السفر بوقت الشتاء
تحياتي لك

روووووووووووووووووووووعه رووعه

حمستيني والله على برشلونه....كنت مترددة بينها وبين اليونان في عطلة الربيع الجايه

بس شكلي داااااااااايركت على اسبانيا

يعطيج الف الف عافيه ...........ومليون مبروك التخرج

يعطيك العافية ياغالي

حقيقة استمتعت بالتقرير كثيراً
وأتوقع أنني سأستفيد منه جيدا إن شاء الله
لك التحية من جميع النواحي .. شكراً لهذا التقرير الجميل ..
.. تحياتي لك

اول شي الف مبروك على التخرج و شي جميل و صحي ان الشخص يضع لنفسه مكافأة معينة بعد تحقيق انجاز ما ليعطيه دافع للتحمل و اكمال الانجاز

و التقرير رائع و الرحلة اروع بس في ملاحظات
اول الحمد لله على سلامتكم لكن ينبغي توخي الحذر في السفرات المقبلة و الحمد للهخ انها جت على كده مثل ما يقولون اخواننا في مصر

و اعجبني الاداد المسبق لاحتياجات الرحلة و التي تنم على خبرة و حماس ادى الى الاستعداد الجيد للرحلة و هذا اهم اسباب نجاح أي رحلة

لي ملاحظة على قصر فترة زيارة مدريد

يوجد برامج عديدة تختص بالسياحة في اسبانيا في الايفون

-
مشاءالله على اسبانيا
تصدقين كنت محتاره بين اسبانيا و فيينا
بس من قريت تقريرج اشتطيييت عليها
رحله وااايد حلووه .. بس حبوبه ابي اعرف كم كلفتج اسبانيا
بس بدون السكن و التذاكر !!

الله يعافيكم

الحمدلله على السلامة

الحمدلله أنك استقدت من تقريري وبانتظار تقريرك

لا تطول علينا

يعطيك الف الف الف عافيه ميس

انا بصراحه تو رجعت من اسبانيا ورحلتك استفدت منها الكثير الكثير

وانا راح انزل الرحله كامله ان شاء الله بس مشاركاتي قليله




تحياتي ,,,

يعطيك العافيه

ومبروك التخرج

أول حاجة مبروك التخرج و شكرا على الموضوع الجميل و السلس.
ممكن تزودينا بأسماء المطاعم و أيضا البرنامج المستخدم بالآي باد
و شكرا

مبروك التخرج اول شي
والله يعطيج العافيه على هالتقرير
ماعليج امر ريلي ببرشلونه الحين
ويقوولي شنو اييبلج من هناك؟؟
شنو تنصحيني فيه؟؟
اقووله شنو ييب؟ومن وين فديتج
ابي ذوقج

تقريرك جميل جداً عن أسبانيا

وأعجبني تسلسل المعلومات وطريقة سردها

موفقين دائماً والحمد لله على سلامتكم

الله يسعدك رووووووووعه التقرير وشوقتينا الي زيارة اسبانيا

الله يعطييج العافيه تقرير مميز ووايد راح يفيدني برحلتي بالصيف

القطارات متى مواعيدها لمدريد ؟!

مشكورين على المرور

بوحمده uae
اسم الشركة اللي خذيناها Renfe وسعر التذكرة كان 189 يورو روحه ورده "ادري السعر غالي شوي" بس لإنه ماقررنا نروح مدريد إلا يوم وصلنا هناك، وهناك كل شي يسهل، تقدر تسأل الفندق عن محطة القطار ويجيبون لك تاكسي

KEVIN
اول مرة اسمع فيها والله

رحال في أوربا
مدريد كبيرة جداً وتدوووووخ .. وهذا عيب اكثر من انه شي ايجابي، بس تقدر تروح يومين تروح القصر الملكي بمدريد + شارع قران فيا الشهير ..

اول شى الحمد الله على سلامتكم جميعا والحمد الله كانت رحلة موفقه وبيني وبينك .. الرحلة ماتكون حلوة بدون نكبات ..

لكن اهم شى الوناسه وانا خوك وبالنسبه لتقريرك مره حلو بخصوص الاسعار والاماكن والتصوير المميز ..


يعطيك الف عافيه على التقرير الاكثر من رائع وبالفعل احلى هدية للتخرج ..


والله يوفقكم جميعا ..

موضوع اكثر من رائع والاسلوب جدا مميز....

اشكرك اختي على الموضوع الرائع

وكنت ابي اسالك انا ناوي انشاء الله اروح برشلونة بالصيف ومن بعدها باريس ولكن هل تنصحين اروح مدريد قبل باريس( وعلى فكرة أنا مارحت مدريد من قبل)...؟؟

السلام عليكم...

تقرير رائع جدا...

لكن سؤالي عن منطقة بأسبانيا على ما اعتقد اسمها لافيزا أو لابيزا...

ما هي هذه المنطقة؟؟؟

لأن جل ما وجدته بالنت هي منطقة اسمها ايبيزا وليست لافيزا...

فلا أدري كيغ تكتب المدينة؟؟؟؟؟؟؟؟

السلام عليكم ورحمة الله وبركاته

احييج الحقيقة ع الكم الهائل من المعلومات الواضحه الممتازه

اشكرج لان اخذنا من وقتج في تمتعنا بتقريرج الممتاز الذي اصنفه من الدرجة الأولى الحقيقة

اختي لي سؤال

انا بروح اسبانيا في 15ابريل انشأالله ..

ابغي مساعتج..

اول شي حجز القطار من مدريد لبرشلونا وبلعكس

في اي محطه بتكون
وهل احجزه اول ما اروح مدريد لضمان الروحه و الرجعه

اما عن برشلونا

سوف اكون هناك بإذن الله من 18ابريل لين 21 لازم ارجع مدريد

ابي جدول طلعه وزياره لي هاي الايام جزاج الله خير

انتظر ردج بفارغ الصبر

المشاركة الأصلية كتبت بواسطة سمايلي11
http://www.arabtravelersforum.com/tr...4/#post4876994

أخيرا لقيت أحد راح لهالمحل في أسبانيا
أختي هل هو نفس بري مارك بريطانيا ونفس الأسعار الرخيصه؟؟

مشكوره أختي عالتقرير والله يسعدك بوظيفتك ويوفقك
تقريرك من أجمل ما قرأت في هالمنتدى عن أسبانيا



ايييه نفسه واسعاره تجنن
خذيت منه اغرض كثير

تسلمين حبيبتي
وربي يتقبل دعوتك الطيبة

اسمحي لى على التأخير

اختي مارديتي على استفساري؟؟

موضوع رايق و خفيف
ويستاهل خمس نجوم

هههههه اكواب كثير
والله مدريد فيها اشياء الحمدلله رحت لها
بس بعد برشلونة هي الأفضل

موضوعك مميز جداً و فادني كتير في رحلتي .. ألف شكر على الموضوع المتميز

ملاحظه: انتي تقولين " مدريد خسارة على الفاضي وديرة تضيق الصدر " .. كل هذا بسبب السرقه معوضه خير هههه

انصحك تخلي كل ايامك في برشلونة ، مدريد خسارة على الفاضي وديرة تضيق الصدر
فندقنا حلو وسعرة ممتاز اذا عندك رحلة اوربية ومصاريف ، وقريب من البحر
بس تحتاج تاكسي للرامبلا
ومحطة الباص السياحي على طول جنب الفندق
اشوفه مناسب والله يوفقك
الله يوفقك
وبساعدك بأي شي في اسبانيا قبل ماتسافر

موضوع له رونقه الخاص وتقرير جميل جدا ,,
مشكوره مسز تينا على التقرير افدتيني كثيرا ,,

انا باكون بعد حوالي الشهر في اسبانيا من ضمن رحلتي الاوروبيه التي ستبدأ بعد اسبوعين من الان
وما عندي الا اربع ايام لاسبانيا احتمال ضعيف انها تتمدد ,,
وش رأيك بصراحه يومين ببرشلونه ويومين بمدريد او ثلاث ايام برشلونه ويوم واحد بمدريد
علما بأن رحلتي القدوم عن طريق برشلونه والمغادره عن طريق مدريد ,,
ثاني شي حجزت انا بفندق مو بعيد عن الرامبلا بس مدريد باقي للحين ,,
احتمال انزل بنفس فندقكم شرايك يستاهل ولا ادور غيره !!

اتمنى لك التوفيق في حياتك العلميه والعمليه

تقرير رائع وتشكرين علية .
كم كلفت الرحلة كاملة بدون طبعاً الهدايا الخاصة ؟

اهنيييييج سستر على هالتقرير الحلو والرحلة الاحلى
وان شاء الله ترجعين لها في اقرب وقت
استمعت في مشاهدة تقريرج
وعسى الله يكتب لي واروح برشلونة

مررررررررررررررررررررررررررررررررررره مشكوره على مجهودك المميز واسلوبك الرائع
والتقرير الخيالي
بصراحة استفدت مره كتييييييييييييييييييير

عندي استفسار
مالمحتي محلات ينشرب فيها معسل في مدريد او برشلونه

حاسس اني حتعب اذا ما لقيت
لاني ان شاء الله طالع اسبانيا بشهر ابريل

وبنزل في مدريد vincci via
وبرشلونه ayre caspe & TRYP APOLO

سؤال اخر
ماسمعتي عن منطقه اسمها تاراجونا

عسسآإْكِ عٌ القوهِ ُ يُ الغلآ . .
تقريرُ فِ قمةَ الروعهِ و الجمآإلُ ، آإمآإكنً و صورهًُ ، جميلهُ و تستحقً الزيآإرهُ

[b]من نآإحيتيُ ،

المشاركة الأصلية كتبت بواسطة الراقيه
http://www.arabtravelersforum.com/tr...6/#post4793696

معاك نتابع .... يعطيك العافية .... كأني مسافرة معاكم ... تعجبني التفاصيل وذكر اسماء الاماكن والمجمعات ..



الله يعافيك حياتي

وان شاءالله المرة الثانية نكون مع بعض

الف مبروووووووك التخرج،،
ومشكوووووره على التقرير الحلو،، الي استمتعت فيه واستفدت منه...

ما شاء الله الصووور مرهـ حلوووووووهـ ...

يعطيك العافيه يالغلا .. والحمدلله على سلامتك .. و ألف مبروك ع التخررج .. وعقبالنا


وإن شاء الله نشوفك بتقرير ثاني .. *_^

المشاركة الأصلية كتبت بواسطة سـاري قـطـر
http://www.arabtravelersforum.com/tr...2/#post4792552

ألف مبرووك التخرج ..

تقرير يبشــر بخيـرر ..

متآبـع بشغــف



الله يبارك فيك ساري ،

من ذوقك والله

في انتظار رأيك بعد ما انتهيت من التقرير

المشاركة الأصلية كتبت بواسطة الليل و النهار
http://www.arabtravelersforum.com/tr...0/#post4789680

يا سلام و ش ها الزين
تقرير رائع

مبروك التخرج ... عقبال الوظيفة




تسلم والله

وأشكرك على التثبيت اللي شجعني وحمسني ،

الله يبارك فيك ،

دعواتك لي بالسفرات الكثيرة حتى أكتب تقارير أكثر

المشاركة الأصلية كتبت بواسطة redjoory
http://www.arabtravelersforum.com/tr...4/#post4789394

ألف مبروك التخرج ...

والظاهر انها احلى هدية تهدين فيها نفسج بعد التخرج .. للراحة والإستجمام من عناء الدراسة ..

كل شوق لمتابعة برشلونة من خلال عدستك وتقريرك ..

تحياتي ..

الله يبارك فيك ،

ايه والله الحمدلله احلى هدية لنفسي ،

ورجعت للدوام بنفسية عالي العال

وان شاءالله تستمتعين بالتقرير كامل

ماشالله رحلتكم تهبللل احب هالرحلات المفاجئه

كل صورة احلى من الثانيه نزلت في البيبي كم صورة علشان اخليهم خلفيه لي

ابدعتي الصراحه ومبرووك التخرج والله يوفقك في وظيفه تريحك

غاليتي

لقد عشت معك لحظة بلحظة ولقد استمتعت جدا باسلوبك وشرحك الممتع الذي لا يمل منه ولقد حزنت لانتهاء التقرير .. واجد انك تتمتعين باسلوب قصصي رائع .. وتتمتعين بحسن اختيار كلماتك الجميلة والظريفة ...

تحية لك من القلب والله يوفقك في عملك وحياتك وان شاء الله تكثر سفراتك بشرط تمتعينا بها معك


الله يحفظ لك والدتك ويخليها لكم ويخليكم لها .. وان شاء الله السفرة الثانية تكون معاكم وتكون السفرة احلى واحلى ...

اليوم التاسع والأخير ،

قمنا الساعة 9 ورتبت شناطي بسرعة وجهزتها ،

وطلعت انا واخوي البحر نتمشى شوي

حاولت أعيش كل لحظة واتذكر كل هذه المناظر الحلوه



رجعنا عند باب الفندق ننتظر اختي بعد ماخلصت ترتيب اغراضها

وخذنا تاكسي للرامبلا

قوس النصر من التاكسي وللأسف مارحت له



نزلنا عند ساحة كتالونيا وفطرنا



جنب كورت انجليس

روعة



قهوتهم العجيبة نصها حار ونصحها بارد انصحكم فيها



وللمرة الأخيرة رحت اسلم على حمامي وأأكلهم



وكانوا جوعانين لأن كان الصبح ويوم الأثنين دوام مافي ناس كثير يأكلونهم

اللي بيروح ما أوصيكم عليهم

رجعنا الفندق خذنا اغراضنا وطلبنا فان يوصلنا

كنا رايحين بـ 6 شناط رجعنا بـ 9 شناط

وكنا نحاتي الوزن

رايحين المطار





وصلنا المطار والحمدلله الوزن ماسوا مشكلة

والحمدلله ان عندي بطاقة الامتياز للقطرية تعطي وزن زيادة 10 كيلو

تغدينا في ماك ودرنا شوي

ندمت اني ماتسوقت من المطار ، لكن كنت في حالة غثيان وخوف وارتباك من الطيارة وماكان بالي معاي

ركبنا الطيارة وكانت رحلة 6 ساعات ، وصلنا الدوحة الساعة 11 ونص بالليل ،


وانتهت رحلتي الرائعة الى برشلونة ،

شكراً لكل من تابعني ويجدد صفحتي يومياً ،

شكراً لأغلى اخوان على الرحلة الشبابية والرائعة الى برشلونة

كانت رحلة غير متوقعة ، وكان الهدف بالنسبة لي اغير جو بعد اختبارات اخر كورس في الكلية ،

والحمدلله ربي يسر امورنا ، وعشنا احلى ايام ومغامرات في برشلونة ،

كان هدفي الرواق والاسترخاء لكن تحولت الى رحلة نكبات مع السرقة وتعب ومشي وتكسر بس كل شي يهون ويستاهل

والحين لما اتذكر كل شي انسى التعب اللي حسيت فيه ، واتذكر كل شي حلو

دعواتكم لي بالتوفيق وتتسهل أموري في الوظيفة الجديدة ،

وداعوتكم لأمي الغالية اللي خسرنا رفقتها في هذه الرحلة لانشغالها ،


انتهى تقريري عن اسبانيا ولله الحمد

وجاري الرد على الجميع ان شاءالله ولا تترددون في طرح جميع استفسارتكم

اليوم الثامن ،

قمنا متأخر شوي من التعب وقررت انا واختي ناخذ تاكسي ونروح الرامبلا حتى يجينا اخوي نقابله هناك ونروح مع بعض مجمع ايلا نتسوق

طلعنا من الفندق



وصلنا الرامبلا



كلينا في ماكدونالدز



اعشق القراءة وماقدر اقاوم مادخل مكتبة حتى المكتبات الاسبانية

وهذه اشهر مكتبة عندهم فيها كل شي بالانجليزي والاسباني



دورت عن كتاب حضارة كتالونيا بس مالقيت شي مُناسب

سوق اللحم والخضار



ولامرة دخلته ، وكان مسكر لأن يوم الآحد

محلات الورود



أحبببه هذا الشارع : ( جد وحشني



حتى ارانبهم حلوووه ماشاءالله



كان ودي اشتري من عندهم بس صعب الشحن وتطول السالفة واخاف اوصل الدوحة القاهم ميتين

وطبعاً رحت أأكل حمامي في ساحة كتالونيا



أكثر مكان حبيته وكان شعور حلوو ماينوصف

وصرت اخذ اكثر من 5 اكياس واطول عندهم

حتى راعية العربة حق اكل الحمام صارت تسوي لي خصم عليهم

جانا اخوي هناك وخذنا تاكسي رحنا مجمع ايلا نتسوق

وكل واحد راح يتسوق المكان اللي يبيه وتقابلنا بعد ماخلصنا

داخل المجمع

معرض للسيارات القديمة



خلصت بدري وقعدت هنا اشرب شاهي



خلصنا ورجعنا الفندق نرتاح

والمغرب طلعنا مرة ثانية

رحنا البحر مشي جنب الفندق



معشوقتي برشلونة



والله أحبك ياقطر



الغروب على الشاطئ ( تصوير اختي )



قطيت عملة معدنية في البحر قلت يمكن تصير نفس نافورة روما وارجع برشلونة مرة ثانية

خلصنا ورحنا الرامبلا

لقينا عربة خيل اخيراً لأول مرة



ساعة الا ربع بـ 50 يورو

مشانا في المناطق كلها حول الرامبلا ، حسيت اني توني اشوف كل هالاشياء

الحمدلله اننا لقيناه



تذكروا شكله لأن جد روعه وشرح لنا كل شي




بعد ماخلصنا تعشينا في المطعم الهندي



وبعدها رحنا كورت انجليس نتسوق وطولنا فيه حتى الساعة 10

انتهى اليوم الثامن

تقرير مره روعه


بـآنتظـآآر بــآآقي التقـريـر

تابع اليوم السابع ،

بعد ماخلصنا من متحف برادو اخذنا تاكسي ورحنا القصر الملكي ، وكان مطر كثير ماقدرنا نتمشى على راحتنا



نزلنا في زاوية الشارع جنب القصر



وانا اصور طلعوا لي يسلمون للكاميرا



لوح ارشادات وعليها اسم القصر الملكي



وصلنا القصر



الدخول والتذاكر





القصر الملكي







ودخلنا داخل القصر ولكن ممنوع التصوير وصورت كم صورة وشافتني الشرطية قالت مسحي الصور قالت اوه طيب ماكنت ادري وسويت نفسي امسح وما مسحت الا صورة ماكانت واضحة اصلاً ، وكملت تصوير بس مو واضحين كثير

بعد ماخلصنا من المتحف تسوقت من متجر القصر واشتريت اشياء كثيرة منها خريطة العالم القديمة بعلقها في غرفتي

قدام القصر



رجعنا الفندق ، وقعدت عند الشنط واخواني راحو محلات السوفنير جنب الفندق ياخذون اشياء على اخر لحظة ورجعوا وخذنا تاكسي

رحنا محطة القطار الساعة 7 وكانت رحلتنا 8 ونص

عجلناها وخليناها 7 ونص

اخوي راح لمكتب القطار يغير الحجز واحنا نتمشى عند محلات محطة القطار

لقينا محل سوفنير حلو وتسوقنا منه ومعانا شنطنا الصغيرة السحب

خليت شنطتي بالمحل وتسوقت وخلصت وسلمت على الاسبانيات اللي يشتغلون واضحك وياهم

طلعت مع اغراضي مستانسة ونكمل تمشية في المحطة ندور مطعم

وانا امشي اطالع اختي وهي تسحب شنطتها واحاول اتذكر شي ، واحس اني ناسية شي

طالعت يدي اشوفها فاضية !!

الشنطة وين !

نسيتها بالمحل ياسلام

و ركضت بسررعة خفت تنسرق واموت

ورجعت المحل لقيتها داخل الحمدلله

يعني توني منسرقة امس !!

ما اتوب بعد !

وهكذا اكتشفت فيني الزهايمر

رجعنا بالقطار الساعة 7 ونص ووصلنا 10 ونص وكنت مشتاقة لمعشوقتي برشلونة

انتهى اليوم السابع ،

( اليوم السابع )

سوينا تشيك اوت من الفندق الساعة 12 وخلينا اغراضنا عندهم في المخزن





مشينا بشوارع مشاه فرعية جنب الفندق حتى نوصل للقران فيا وكل شارع احلى من الثاني وفيه عروض ومحلات ومطاعم حلوه

وشفنا هذا على بالي تمثال طلع واحد وصورنا معاه





اسم الشارع



ساحة لكن ماعرفت اسمها

عجيبه







فندق اعجبني موقعه وصورته حتى اتذكر اسمه ونسكنه اذا رجعنا مرة ثانية مدريد



تغدينا في مطعم ايطالي نظام بوفيه



وكملنا





وقتنا كان ضيق ومابغينا نضيع الوقت ، خذنا التاكسي ورحنا متحف برادو





قدام المتحف



الدخول : 8 يورو مع خصومات للطلاب ( لا تنسون بطاقاتكم الطلابية )

رائع جداً ، اسمتعت فيه كثير وتسوقت من المتجر الخاص فيه بعد ماخلصنا ، واول ماتدخلونه فيه مكان للوكرات لاغراضكم ( نظام كل المتاحف في اسبانيا ).

يتبع اليوم السابع في مدريد..

روعه التقرير

تقريرك ممتاز ومفيد جدااااااا

أحنا أشترينا المكواه البخارية ب 35 يورو من اشبيلية ( مقلب !!)

تحياتي

ما شاء الله .... كل حلقة أحلى من الثانية

والله يعوضكم عن اغراضكم المسروقة