أضف مشاركة إلى الموضوع: تجربة استخراج فيزا شنقن لمدة سنتين وبدون رسووووم
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
قريت موضوع meme انا في بالي باريس و امستردام لأني مجبورة استعمل فيزتي الي من السفارة الفرنسية ان اما احب الديرة الهدوء و الريلاكس مثل ماقلتي باروح لها زيارة بو يوم و انا رادة امستردام بس هل في ديسمبر الرحلات السياحية للطواحين و المصانع شغالة لو الجو ما يساعد و يسكرونها؟
يعتمد على شنو تفضلون امستردام حيويه اكثر بروكسل هادئة تصلح للي يحب الروقان والرلاكس اذا الوقت كافي عنك زوري الثنتين المسافه قريبه بينهم شنو الدوله الثانيه الي بتضيفينها معاهم ؟! طبيعة الدوله وانشطتها راح تسهل عليك الاختيار بين امستردام وبروكسل في موضوع في بوابة دول اوروبا الاخرى للاخت MEME Bahrain زايره امستردام بروكسل وباريس شوفيه بفيدج وايد
شكرا للرد ما قصرتي بردتي قلبي و طمنتيني بعد سؤال: لو يحصلج تختارين بين امستردام و بلجيكا، شنو تختارين؟
شكرا للرد ما قصرتي بردتي قلبي و طمنتيني بعد سؤال: لو يحصلج تختارين بين امستردام و بلجيك، شنو تختارين؟
ممكن يكون اول دخول بلجيكا او هولندا شرط انه المده الاطول للاقامه تكون وحده من هاي الدول : فرنسا , النمسا ,اليونان , البرتغال
شكرا لكم على التعقيب على اي اساس يحددون المده ما عندي فكره عنها ما في قانون ثابت مثل ما ذكرت اختي قدمت بنفس الاوراق الي قدمناها لولدي اهي عطوها سنه وولدي سنتين بس حسب تجربتي البسيطه وتجارب المحيطين بي استنتجت التالي: القدره الماليه لها دور كبير في تحديد المده السفاره الايطاليه في البحرين هي الاسوء من حيث المده الممنوحه .... نادرا ما تعطي اكثر من 3 شهور السفاره الفرنسيه ما تعطي اكثر من 6 شهورلاول اصدار السفاره الالمانيه الافضل ... كل الي اعرفهم حصلوا من سنه وطالع حتى المقيمين الغير بحرينيين بس طبعا هذي مو قاعده
المشاركة الأصلية كتبت بواسطة MEME Bahrain http://www.arabtravelersforum.com/tr...6/#post8326016 عطوني السنه انه وبناتي فيزا بس ل 3 شهور 😢 أصغر من 12 سنه نص السعر . أحس أن مافي قانون معين للفتره على المزاج ...الله يهديهم... خل يعطون الكل على الأقل سنه وايفكون نفسهم من الزحمة. شكرا على عرض تجربتي. ..والمعلومة المفيدة .تحياتي مرات احس انه المكتب (كول سنتر) متفق مع السفاره اللي في البحرين انه لايعطي اكثر من ست شهور.
أخت فندا شكرا على طرحك للموضوع حيث اني متلهف لإجاد أجابه لسؤالي خاصة بالنسبة للسفاره الفرنسية في البحرين. حيث انهم للمره الثالثه اعطوني فقط لمدة ست شهور صلاحية الفيزا والمكوث ثلاث شهور مع العلم اني اختي سكان السعوديه والسفاره هناك منحتها فيزا سنتين والمكوث ثلاث شهور. سؤالي هل السفاره الفرنسية في البحرين لاتعطي اكثر من ست شهور؟. هل التاشيرة اللتي منحتها لك بصلاحية تتعدى الست شهور؟... فكرة السفارة الالمانيه فكره جيده حيث اني ازور منطقة شمال شرق فرنسا (الزاس) وهيا قريبه من فرانكفورت والحجز لفرانكفورت متوفر وارخص من حجز باريس خاصه في الاعياد وكما تفضلتي لا يوجد 15 دينار خدمة. شكرا مقدما
عطوني السنه انه وبناتي فيزا بس ل 3 شهور 😢 أصغر من 12 سنه نص السعر . أحس أن مافي قانون معين للفتره على المزاج ...الله يهديهم... خل يعطون الكل على الأقل سنه وايفكون نفسهم من الزحمة. شكرا على عرض تجربتي. ..والمعلومة المفيدة .تحياتي
المشاركة الأصلية كتبت بواسطة ali_d http://www.arabtravelersforum.com/tr...6/#post8267596 مشكورة اختي العزيزة على التوضيح المشكلة عندنا يتاخرون وغير كيذا بعض الناس يعطونهم اسبوعين وناس شهر مدة الفيزا ترى السالفه حظوظ اختي قدمت في نفس اليوم مع ولدي وبنفس الاوراق حتى انه زوجي هو الي وقع لها تكفل بالمصاريف عطوها سنه وولدي سنتين وواحد معنا في الدوام قدم قبل شهر رحلته 18 يوم عطوه فيزا 21 يوم فقط و single entry
مشكورة اختي العزيزة على التوضيح المشكلة عندنا يتاخرون وغير كيذا بعض الناس يعطونهم اسبوعين وناس شهر مدة الفيزا
الله يخليك لك شكرا ام ريم
ماشاء الله يستاهل البطل لاهنتي على مشاركتنا هالتجربة رحلة سعيدة ..
المشاركة الأصلية كتبت بواسطة oceanus http://www.arabtravelersforum.com/tr...7/#post8266847 ماشاء الله عندنا ياخذون رسوم خدمة للاطقال اقل من 5 سنوات بالتوفيق اخت يافندا لما قدمنا عن طريق السفاره الفرنسيه قبل خذوا رسوم حجز موعد لكل جواز 15 دينار حتى الاطفال والفيزا كانت بالمجان لتحت 6 سنوات الالمانيه كله بالمجان لا الموعد ولا الفيزا دفعنا لها
المشاركة الأصلية كتبت بواسطة ali_d http://www.arabtravelersforum.com/tr...2/#post8266842 سلام عليكم مساء الخير هل من الممكن استخراج فيزا شنقن لسعوديين من البحرين؟؟؟ وعليكم السلام لازم تكون مقيم في البحرين عشان تقدر تطلع الفيزا حسب المكتوب في موقع السفاره : يجب على مواطني مجلس التعاون الخليجي المقيمين في مملكة البحرين إحضار نسخة من وثيقة الملكية أو عقد اليجار مع فاتورة الهاتف وفاتورة الكهرباء لمحل إقامتهم في البحرين.
شكرا أختنا على المعلومات والفيزه بتكون صلاحيتها سنتان ولكن كم المده المسوح بها بالاقامه هناك خلال هذه السنتين ؟؟؟
ماشاء الله عندنا ياخذون رسوم خدمة للاطقال اقل من 5 سنوات بالتوفيق اخت يافندا
سلام عليكم مساء الخير هل من الممكن استخراج فيزا شنقن لسعوديين من البحرين؟؟؟
تجربة استخراج فيزا شنقن لمدة سنتين وبدون رسووووم السلام عليكم ورحمة الله وبركاته حبيت اشارك معاكم تجربتنا في استخراج فيزا شنقن من السفاره الالمانيه في البحرين الفيزا كانت لولدي عمره خمس سنوات اما انه وزوجي وبنتي فعندنا فيزا ساريه من العام مطلعينها عن طريق السفاره الفرنسيه تاريخ 8 مايو 2014 حجزنا التذاكر بحرين ميونخ بحرين وعلى طول دخلنا موقع السفاره الالمانيه لحجز موعد وكان اقرب موعد حصلناه تاريخ 27/5/2014 الساعه 9 الصبح الموعد نحجزه اونلاين فقط وبدون رسوم وكان باسم ولدي وبرقم جوازه الاستماره مليناها اون لاين ووقت الطباعه تفتح الابلكيشن المعتاده للشنقن ويكون فيها البيانات الي دخلناها وينطبع معاها تعهد وباركود فيه رقم تسلسل ما ادري شنو فايدته صراحه الابلكيشن لازم يكون عليه توقيع الام والاب لانه لطفل قاصر المستندات المطلوبه (لولدي) استمارة الشنغن الموقعه من الوالدين صوره حديثه بخلفيه بيضاء الجواز الاصلي مع نسخه من اول صفحه ونسخه من الفيزا المنتهيه تذكرة الطيران تامين صحي يغطي مدة السفر شهادة الميلاد (المستندات باسم زوجي ) حجز سكن لكامل المده .... حجزنا كان من booking وكان حجز مسترد ومن الشروط المكتوبه انه فوجرات الفنادق من المكاتب السياحيه غير مقبوله وحجزنا كامل المده في ميونخ عشان الفيزا بس مع انه اكثر اقامتنا راح تكون في النمسا نسخه من جوازي وجواز زوجي مع التاشيرات الساريه شهادة راتب .... كان مكتوب شهادة راتب او كشف حساب لمدة 3 شهور خطاب تعهد بالمصاريف .... خذيت نموذج من المنتدى بس غيرنا فيه شوي ولما راح زوجي طلبوا انه يزيد بعض المعلومات مثل انه راح يكون مسافر مع ولدي وانه عنده فيزا ساريه المفعول يوم الموعد راح زوجي بس لانه ما يطلبون حضور الاطفال اقل من 12 سنه الموعد كان الساعه 9 بس ما وصل دوره الا 10 وربع وايد كان زحمه والطلبات الي قبله معظمها ناقصه فصار تاخير في المواعيد قدم الطلب وطبعا ما خذوا فلوس لانه الفيزا مجان لاقل من 6 سنوات وولدي عمره 5 سنوات وعطوه وصل عشان استلام الجواز الموعد كان يوم الثلاثاء والاستلام اليوم الاحد بعد الساعه 12 ونص يعني 3 ايام عمل فقط والحمد لله عطوه لمدة سنتين ان شاء الله تكون التجربه مفيده لكم واي استفسار في الخدمه
تجربة استخراج فيزا شنقن لمدة سنتين وبدون رسووووم
قوانين المنتدى