بعد الراحة و الصلاه انطلقنا بقية البرنامج
بما اني درست المترو جيدا و عرفت خطوطه اللي تناولوها الاعضاء في اكثر من تقرير وبتقسيم شارع الرامبلا الى 3 محطات سهلة وبسيطه وبدايته و نهايته و أوسطه
انطلقنا من محطة كتالونيا وهي في آخر الشارع الى النافوره السحرية بقرب المتحف و المحطه اسمها ESPANYA
واليكم الصور
المترو وفيه ناس يغنون وهذا عادي ولكن الغير عادي ان الناس يرقصون ههههههههههههه عدد ليس بصغير وقفت اطالعهم
ما اشوف الا واحد شيبه منتهي تاريخه
وانا اقوله نوو ثانكيو هههههههههههه وهو ملزم الاخ ما توقع ان اللي وراي زوجي يوم شافه قرب مني قال سوري شعقبه طيح قلبي في بطني اول و اخر مره اوقف فيها متر جدام زوجي بروحي " ناس تخاف ما تختشيش"
وصلنا وانا مقهوره من الشايب هههههههههههههههههههه
بس منظر النوافير اسعدني و نساني
وكان في عرض كل نص ساعه اذا ما خاب الظن و كان فيه ناس شكثررررر الكل كان ينتظر العرض وحنا وياهم
وبدى الموسيقى مب قوية مثل نوافير دبي
بس ما يمنع انها حلو و احلى بوجهة نظري من دبي
التصوير خانني نوع ما لان كان فالليل بس قدرت اصور هالصورتين تاخذون فكره بس
ومن ثم عدنا حيت اتينا الى شارع الرامبلا و من ثم الى عشاء سريع في برجر كنغ
و تمشينا فالشارع الصراحه الواحد ما يمل من الاشكال اللي يشوفها في هالشارع و جايتكم الصور ومن ثم الى عرض فلامنجو , في نفس الشارع و اسم المحل TABLAO FLAMENCO CORDOBES
واليكم صور المحل كان في مع العشاء او بدون واحنا اخترنا بدون العشاء بس على قولتهم لكم مشروب و طلع المشروب كحول اشوه ان ما خذنا عشائهم ههههههههههه
اليكم الصور
تكلفة العرض كانت 37 يورو للشخص الواحد
من وجهة نظري ما عجبني وايد تخيلته احلى من جذي وايد كانو يصرخون
و اللي يسوون العرض خصوصا النساء مافيهم لياقه بتموت هي تنقز
يعني ما اروح مره ثانيه نفس العرض اتأكد من العارضين قبل ,,,
و بعدين الى النوم لاستقبال يوم جديد في برشلونه
و للتقرير بقية ,,
