الرد على الموضوع

كاكا ترا حنا نحتريك وينك الله يحييـــــــك
وترا الصيف هاذا ناوين نشلع
والموتر ينوومس يبيض الوجه
والدراهم وااااااااااجد والفيز على وشك انخلصها الي في الموتر اثنين انا وواحد شرواك وشروا الي يقرا الموضووع
والخرايط موجووده
والشرطان موجووده جراااااات وحلي صوووت والوعد في باب الهوى ان شا الله سبحاااااااااانه

مشكور على هالموضوع الحلووو
ممكن يا اخ كاكا تقول لنا كم هي المسافة بين الكويت الى رومانيا ؟ .

وينك يا كاكا ؟

حج مبرور وذمب مغفور ان شاء الله
وثانيا بقدم عزائى الى كل شعب الكويت العظيم فى وفاءة الامير ويارب تكون اخرالاحزان بالنسبة للشعب الذى نحبة الشقيق شعب الكويت وعازائى وعازاء كل المصريين لااخوة فى شعبالكويت العظبيم


وشكرا جزيل على سعة الرحب وعلى المشاركات الجيدة والمفيدة لنا وانتم فعلنا العرب الاخوان
اخوك وليد

حج مبرور وذمب مغفور ان شاء الله
وثانيا بقدم عزائى الى كل شعب الكويت العظيم فى وفاءة الامير ويارب تكون اخرالاحزان بالنسبة للشعب الذى نحبة الشقيق شعب الكويت وعازائى وعازاء كل المصريين لااخوة فى شعبالكويت العظبيم

مصعب ....... عاد عيدك ........ واسف على التاخير بالرد ........ وشكرا على المرور ... سوالف وعلوم رياجيل .... طلبتك حجتنا لا تخربها ....... كاكا مع التقدير .

من كاكا الى المسافر ............... عيدك مبارك ... واسف على التاخير ...

ايه والله بسوقها ....... وانت على يميني .......... اسمع علوم سفرات وراها .... بتقول راحت على ما جهزت العزبه............... كاكا مع التقدير

--------------------------------------------------------------------------------

السلام والتحية لااخى كاكا
كنت اريد استفيد من خبرتك الكبيرة الوضحة فى السفر انا من مصر وكل السفارات صعبة جدا بعد 11/9
عاوزين الى سافر من قبل ويكون جوازالسفر لدية مليان فيز وانا نفسى نفسى اشوف شكل الثلج على الطبيعة واروح اى دولة اوربية
اخوي كاكا الي ماقصر معك ممكن يساعدنا ويفيز من عندة اوكرانيا اوعن طريقة اومساعدتى كيف افيز
حيث انى من مصر المظلومة دائما
ولكم جزيل الشكر
اخو; tetoo

والله انك مبدع وجريء ياكاكا

الله يوفقك

تحياتي لك

سقها يا كاكا وحنا وراك سقها

السلام عليكم......

مساك الله بالخير ياخوي كاكا.....

ماشاء الله عليك دائما متواجد .... ومتابع رحلتك بتميزك اللي عهدناه....

والله لكم وحشه واسمحلنا على القصور ياذيب.....

تابع وعطنا من بحر خبرتك يالغالي.....

سلملي على الكاكوات.....

تمنياتي لك بالتوفيق الدائم،،،

................. اتبع كاكا


اخوك
~الوافـــــــي~

الاخ ابو على بعد التحية

بالنسبة لسؤالك ........ لم اسمع بان فى كراكوف تجمع للمسلمين بكثافة , والمعروف بان تجمعهم بالعاصمة وارسو او مدينة بيالوستوك شمال شرق العاصمة وارسو ولهم تواجد هناك , كما ان هناك

تواجد بمنطقة ( لايحضرني الاسم حاليا ) غرب العاصمة وارسو بالقرب من الحدود الالمانية ولهم جامع كبير هناك ..... كما ان فيه تجمع ومسجد بمدينة اقدانس

.................... اخوك كاكا.

ياأخوان المساعدة لو سمحتوووووو ..... عنوان المراكز الإسلامية في مدينة كراكوف ببولندا

ممكن أي أحد من الأخوان الزملاء يدلوني على الأماكن الإسلامية بمدينة كراكوف ببولندا وله جزيل الشكر

والله انك قطاع خرايم يالذيب

بألف سلامه يا كاكا والصراحه سالفتك تحطم بس ما عليك راح أغلبك برحلتي مثل ما قالو يا زين ربعا لا تحدوا...... وانا انشالله اني ابي اضبطكم بصور بعد

وشـــــكــــــــرا يا كاكا ولا تقاطعنا ابد

تابع سفرة 1989

كان الجو مشمس ومائل للحرارة بذلك الوقت .... كما قلت فى اواخر شهر 7 .. رجعت بودابست العاصمة

ومحمد مع عبدالوهاب ... فيها وهناك فى فندق جراند هوتيل فى بود بست شاهدت ثلاثة من الكويتيين من ربع اخوتى وكانت المعرفة معهم سطحية وهم على سيارة فان رصاصي اللون ... وكانوا برحلة الذهاب الى بولندا , و تجمعنا مع بعض انا ومحمد معهم ... وقلنا خلنا نجلس كم يوم ومنها كانوا يراجعون السفارة البولندية لاخذ الفيزا ..

واتفقنا مع بعض ان نسكن باحد الشقق , وتم ذلك وفى ذيك الليلة .. تعرضت السيارات للسرقة والكسر , ومن حسن حظي ان سيارتي لم تتعرض للكسر ...

وقد كسرت جام سيارة محمد وايضا الفان الجام الصغيرة الجانبية , وقد حضرت الشرطة وعمل اثبات حالة بالموضوع ...

كنت فى ذلك الوقت متردد من الجلوس فى بودابست او العودة الى يوغسلافيا ... وكانت الاجازة باقى عليها

اكثرمن شهر ..... و بي البراد ... ابي المطر ..... وشفت الفرصة سانحة ... اعمل فيزا مع العداويين ورجع

.... الفلوس والحمدلله متوفرة ... و الاهل بخير ... والحمراء .... ثابته ... وشايلة عمرها ... والاجازة باقى الكثير منها .... رد وخلها سفرة ثانية بسفرة وحدة .... وتم

صارت السفرة فيها ربط شويه ... خاصة ان كنت تخاوي سيارة ثانية .... غير لما كنت بروحك .... المهم

قطعنا الشيك بدون توقف ... ويوم ونصف وحنا فى بولندا ........ يالله السلامة وصلنا ... وبديت رحلة

تقطيع الخطوط .... فيها ...من شرقها الى غربها ... نزول وصعود .... وقربت الاجازة على النهاية

..... حان وقت الرده

.......... ما ينتخاوي الصاحي مع راعى المشروب ........ يالله السلامة .... وينك يالكويت ... عقب شهرين

وزود .... ابشر هذه لوحة الجهراء على بعد 120 ك ... يالله انه مشور ورانا جينا منه هقوتي .. انه بعيد

....... الفجر ...... مرحبا بالبيت وصلناه ........ كاكا .

عاشق رومانيا ........... صباح الخير من كاكا .

لاتحسف , وجرب , ودور على الخوي اللى اللى ما يغثك .... لو ان الامور الحين تغيرت .. لكن صارت اسهل ... كاكا

العوازم ربع وجيران وخوتهم تنشري .. ويازين مخاوهم بالسفر ... كاكا .

والله يا كاكا انت اللي تبي تخليني اصرف ربعي واروح بروحي على الموستنغ 2002 أسود نظيف مسميه الخطوط الأرضيه الكويتيه وانتمنى الصراحه اسلوبك في قول المواضيع وانا هاقي فيك هقوه انك شاعر او لاعب قلطه بس ابي اسألك انت عازمي ؟؟ مدري ليش حاس انك عازمي وشـــكرا

جاسم ........ من كاكا ........ ناسف على الخطاء ....... بودابست ....... كاكا .

أهداء لك ياكاكا ..

المشاركة الأصلية كتبت بواسطة كاكا


ولما وصلت الى هنغاريا توجهت جنوب غرب العاصمة بوخارست ,,,
..




هههههههههه قصدك ( بودابست )

عاشق رمانيا ........ من كاكا تحيه وسلام ....... كاكا .

نشكرك على المشاركة , وحاضر نبي نكملها .... سوالف تطول ونبى نختصرها .... وش رايك اخلى الحمراء هناك ....... ابشر نبي نمتعك وجلس جنبي .. وخلنا فى ديرة ام العيون الزرق نقطعها عرض وشمال ..كاكا.

لايكون هذه النهايه ترى انا اندمجت ويات ويمكن تقول اني راكبن جنبك بدام انك ونستنا فيها كملها وقولنا شنو صار وياك اهناك وشلون رديت الحمرا ولا تقولي رديت عليها ترى تبي تحطمني لوووووول

سفرة 1989 بواندا

الجو رائق وملبد غيوم .... رشاش مطر ... يقطع الصمت ... صوت مسحات ... ما توقف .. رذاذ مطر

مع بريد ... تالى النهار ... والحدود البولندية .. قريبة ما هى بعيدة .. جايها من الشيك ... واللوحات تاشر

الى كراكوف المدينة البولندية .... مرحبابك يحدود ... بولندا وصلنها .. بعد اسبوع وزود .. وقفنا على حدودها ... صار الحلم حقيقة ... تقول متبشر بمولود يوم شفت الحدود ... هان التعب .. وسرت بعروقى ... نشوة النصر من غير وجود عدو غير نفسي اللى انتصرت عليها .. هذه الحدود وصلتها .. وانقطعت الاحلام

المزعجة .. انى ما راح اوصلها .... وردت الافكار الى البداية ... من الخروج من الكويت .. ياخبل.. انت صاحى.. واين بولندا ....

حمرا .. وش قلت فيك ما هى كفاية ... اشقتك وصرتى معشوقتي الوحيدة طول ذي المدة .. انتنافس انا ومن شافك من الاجانب من اكثر يحبك ويتمناك .. هم بالتمني انك لهم .. وصرت افضل منهم انى فيك اجلس ..

الحدود حالها حال الدول الاشتراكية بذلك الوقت ... سوق تمشي فيه وبنصف تشوف حديدة تقطعه بالنص
هذه الشيك وبعده بولندا .... متداخلين بين بعضهم .. ما يميزهم غير لون الثبوتية اللى يحملونها ...

والسيارات اختلفت .. قمت تشوف ملوخة .. مثل ما يسمونها .. ان زعل عليها صاحبها ... شالها .. صدق ما هو كذب ... 3 سلندر وقوطي .. انزل منها البولندي .. صارت السيارة الى خصره حدها .. مشالله متعافين

و طوال ... ما تدري وشلون يركبونها .... وعندهم .. سيارة ثانيها من صنعهم .. بوينيز .. ان كنت ماني غلطان هذا اسمها .. اكبر حجم واكشخ .. وهم ما يقضلونها .. تاكل البنزين ... كاكا

الدنيا ليل ... والمطر ديم ... والشوارع خاليه ... و كراكوف ما هي بعيد ... وقف هذا بنسيون .. بكم زلطي ناجير اليوم .. بحزمة الوف من عملتهم .. لنا ما هى بكثير ...

من شوقى .. مع الصبح اخاوي الطيور ... تقول فيني قاروص ما تمتعت فى كراكوف ... وزكبوانا مريتها

.. جبال ووديان والطريق واحد ... مشيت .. يالله دخيلك هم من المطر ما يغرقون ... مع وجبت فطور اموليت

... غيره ما عرف ... حركت سابوت ما هى بعيد ... 800 ك وزود ... غيم ومطر .. بدون رعد وبرق ..

تحلب عليهم حلب .... زانت الارض وصارت مسطحات خضر .... ويزينها كثرة الانهار ما تدري وين رايحه
او وين تصب ... نكمل قريبا

من كاكا الى الجميع وبدون استثناء ... لمن شارك ومن سأل ومن طلب ... وخاصة ان بين هولاء امير

قوم وانا منهم ... اتاسف ان كنت طولت الغيبة وقطعت الاستمتاع بالرحلة واخذ التجربة .. وطلب السموحة

وان كان الامير سوى مناشده بالبحث اعيد وكرر الاسف ....... اخوكم كاكا .

انا لو اعرفك يا كاكا اذبحك تكفه عشان حووووبتي كمل الرحله ترى حدي متأثر معاك

من ملك الطرب باك ستريت الى كاكا افندم
كل عام وانت بخير نتمى لكم الصحة والعافيه وقيام وصيام رمضان المبارك

مشكورررررررررررررر اخي كاكا لردك وانا احترم رايك نعم انا جديد على المنتدى.......... بس مافي شيء يجيء من خطوه وحده ................ انت يوم فكرت اتسافر الى الأشتراكيه كم يوم فكرت..............وانا احترم رايك عني ...................................... ومشكوا يا.......بو............ر............ا............ش ..............د...........شكرا

من كاكا الى الفيصل .......... شكرا على المرور ولك منا كل تقدير ومحبه ....... كاكا .

بالنسبة للكويتيين ...... اصبر وانا اخوك وتبي تجيك العلوم ... وبذكر كل ما شفت بالسفرة ... كاكا .

وبالنسبة الى كلفت الرحلة .... ما تعدت 600 دك واكثر بقليل .... واقتها كانت جميع الدول .. التى مريتها اشتراكية

...... ورخيصة جدا ... مع العلم بانى اصرف .. .. وقد رجعت وكان معى من المبالغ ما يزيد عن 500 دك .. لكن الشي المهم بانى لااشرب الخمر ... وبنات الليل ما يمرن على .. عندى سيارة .. ما يحتاج اوضحلك .. كاكا .

من النور 96 الى كاكا.............................................. ....................... وبعدين سكنت في فندق مغلونيا ................... كمل انا معاك ....... انا ناطر الرد ............ شكرا ..........على رد السابق............. النور ......................

وكم كلفت الرحله كاكا

وشكر مره اخري

كاكا مع التحيه

شكرا علي سرد الرحله وهل وجدت

كويتين اثناء ذهابك في السياره ام لم تجد احد

من كاكا الى alnoor96 ................. تحيه وتقدير من كاكا ......... شكرا على المشاركة

........ ومثل ما قلت كل شي له بداية ونهاية .... وتبقى الذكرى........ نعيشها بحلوها ومرها ..

.................... مع التقدير / كاكا .

يه يالامير ............... سوالفي ....... ذكريات ... لو اسولف بها .... محدن عاش ايامها ... كل ما كنبت حرف .. زاد

حنين .... وطلعت علوم ... اقول نسيتها ... تكشفت لى ... وتصدق انى اذوق حلاوتها ... ولو ما يقلون ابالغ .. كان

قلت ... ما مر عليها اكثر من شهور مو سنين ............ ابشر والعود دام راسه يشم الهواء .. بعيدها .. وبطريقة ..

...... جديدة .... كاكا يحب التجديد ...... وهذا وعد يالامير ... وكاكا ان قال فعل ... تذكر يالامير ... قبل نهاية السنه الجديدة ... الوعد يجيك خبره ........... من كاكا لك يالامير ... اطيب تحيه وتقدير ... كاكا .

ياهلا بالغالى ............... الوافى ............... معذور ....... ورسالتك وصلت ....... انت شفت الامير ... طاف بنا ..

برحلة للجنوب ...... عشناها وحنا بنت جالسين ...... بس ترانى بري منه ... صار سفاح للتيوس .... يكفى انك موجود

.......... ونوفمبر ما هو بعيد ......... منتظرين الامور وش تصير ........... اخوك كاكا مع كل تقدير .

الله يعطيك العافيه على الرحله القديمه نبي رحله جديده.................. لين الرحله القديمه لها وقتها عرفت اشلون كاكا....................

كاكا انت ذكرتني ايام زمان بس صج رحلت العمر هذي

ياناس

ياناس

أنا مدري وين يروح هالشايب .. .. يغطس له يومين ثلاثة أيام أربعة ،،، ثم يظهر ... :114: :114:

والمشكلة انه يشوقنا ويشد أعصابنا ، ثم يهملنا ( للطرقية ) :109: ، والله انك شوقتنا للمزيد ياكاكا بيك

عجل علااااااااانا جعلك العافية

ساز نور

[align=center]السلام عليكم ......

اتمنى انكم بالف خير......

والله اشتقنا لكم وللجميع حيــــل.....

ما شاء الله عليك بديت موضوع وصلت شيكوسلوفاكيا.....

:x1: :x1: :x1: :x1: :x1:
:x1: :x1: :x1:
:x1:

الله يعطيك العافيه......

وساز نور كاتب موضوع ممتاز.....انا اشهد انكم كفيتو و وفيتو ياذيابه.....

العذر والسموحه على تاخري بالرد عليكم اخواني.....

اكمل كاكا بيك.....

احترامي و تقديري لكم اخواني.......

........................ اتبع كاكا


اخوك
~الوافـــــــي~[/align]

سفرة 1989 كاكا.

يزين ذى الصبح .... يوغسلافيا ... والحين دخلنها ... جنى 4 ساعات نوم كفايه ... دور على مطعم ... وعب بنزين

...... والخريطة تقطعت من كبرها ... فلها وصفطها ..... والخط السريع ما هو بعيد ... بلغراد .. 400 ك وحول

... ذي المحطة فى بدايه الخط السريع ... فطافيط .... بس ياحلوه ... ولا تدرين .. غسليها ... كلها .. مو بس الجام تمسحينها ... يزينها ... نادت ربعها ... ابشرن كلن بحسابه ... ومن شافكن بالدفع يزيد ...

....... كوليجا ..... ابى اخذ دوش ..... استانسو جايهم زبون دفيع ........

وش اوصف وخلى ...... سحاب ما هو بطبيعى ... على الخط السريع يمشي ... مره على الزفلت يغطيه ... ومره يرتفع

... عن فوق كبوت السيارة يمشي ... ومره يصعد فوق السيارة مو بعيد ...... سبحان خلقه ... منظر ولو هو بالحلم تصوره

...... من بعد مسافه ... يتحول الشارع الى سايد واحد رايح جاى ... والناس كلن بحاله ... الامانه ما نهضمهم حقهم

.... اخذ من الاغراض ... وطلع الفلوس وهم يخذون حقهم ويرجعون الباقى .... والسعر يكتبونه اكتابه .... ويعد امامك

اللى ياخذه ...

كانت الامور زينه ... عندهم وتيتو يحكمهم ... والدوله وحده مترامية الاطراف ... كلن بحالة .. سبحان مغير الاحوال

بعدها .... ويوم جيتهم فى 98 .. صرت ديرتهم صربيا .. وكرواتيا .. الخط اللى يمرهم ... ما من اذيه ... لكن احس

بانهم مو راضين على وضعهم ........

... المهم

سلام يابلغراد ... وصلتك ... مدينه بوقتها عامره .. ولو انها اشتراكية .. لكن ايطاليا بجنبهم وبكل شي تمدهم ..

......... كملت ممشاي ... مدري انا بليل او نهار .. ديره مغيمة .. والجبال تحيط بها .. ونيش جدامى .. والحدود

الهنغارية ... قريبة 400 وحول .. بذ الطرق الزراعى .. والغابات تحفه ... و البقر والجررات ما تقدر تمشي بالطريق

من كثرتها ...... وقف شوي بالطريق ويازين ريحته ..... اكلت يوم منه .. من الجوع ... وش لحمه .. اشفينيا ..

....... برسا .... ايه بقر ...... هين ....... بس عرفته ... خلاص بلعته ...

.... محطات الوقود متوفره ... وبعملتهم تعبي .. ماكو مشكلة .... ومدنهم الكبيرة كثيره ... واللغة الروسية مسيطره

هذه الحدود الهنغاريه .... حمدالله على السلامة من بعد ضيعه ... واهلى ماكلمتهم من تركيا .. خلنى ادخل المجر ويصير

خير .......... والحدود بين البلدين متجاورة .. ومتلاصقه ... حديدة بين الطرفين ... وكلن من رجال الشرطة او الجمارك

... يشيل صندوقه برقبته ... وتدفع ضريبة .. والله مدري وش له للصرب .. على المغادرة ...

وقريبا نكمل هنغاريا او المجر ..... كاكا .

وش اقول فيك يالامير ........ ما يوفيك حقك ......... انت راعى الاوله ........ امير يالله انه يعزك

وترى سلامى واصل قبلها ...... وام خمس ... انشالله يجى وقتها ... و الدحروج ... يزين حمسه ... والمزرعة ..

قريبة .... بطراف الصمان ... قريه ... وان تبي غيرها ... حاضر ... الوريعه ... قريبه ... تعجبك ... المحل محلك وحنا

ضيوفك ..............

الوقت الحين .... اكيد احسن وامن .... ومحدن سال عنك .... تصول وتجول ... ويالله انه يرحم وقت الخرايط ..

جهاز صغير .. والتلفون .. ماعد فيه ... سنترال .. تجلس بالساعات تدور خط .. والله يسلم الثريا .. انت بعيد واللى

تبيه قريب .... بس ارسل ... الو ... ايه يايمه .. انا فوق جبال ماعرف اسمها .. يالله انه يغفرلى .. اشهد انى شيبت

فى امى ... اسابيع يالله يجيها رد منى .. شهرين ونصف ... ياوليدي انت وينك ... ياوليدي .. جيب خبز ان كنت قريب

.... والله لتبطين كان انتظرتي انى انا اجيب الخبز .......... كاكا.

هلا و ربى حيه ............... كاكا يحيك ويوصلك التحيه ........ شف وش وقتها ... تصدق بعد ذا العمر

....... انى اعيش حلاوتها ........ مع انى عقبها ... السفرات الى اوربا بالسيارة كثيره والدرب صار كنى واصل الرياض ... بس الاولى غير ويازين حلاوتها .......

شكرا على المتابعة وابشر اصرف ولا تحاتى ... كاكا.

من كاكا الى الاخ جاسم ................. شكرا على السؤال ....... وكاكا يهديك السلام ..... وترى ايران هناك شفناك

............ نبي المداخلة ... وما حصلت لنا ............. ابشر نبي نكمل ......... كاكا.

كاكا0000
السالفه طولت يالغالي000ترى تحمسنا وانت تسولف صرفت لي عمله من كثر ما حسيت اني انا اللي مسافر000
تحياتي00

سفرة 1989 كاكا .

ما طولها ........ الديرة صخه .......... والجو ما عليه كلام ....... والزد صافي وعرفت علته ... وتسنع حاله ..

... خلها على السنه ....... اشاور نفسي والليل انتصف نصفه ........ والحدود ما هى بعيد من 250 وحول .. ليل غدرا

..... ما بها نور ... والشوارع ... تهبهب الرياح الخفيفة ... بالاشجار ... تستوحش ... ويصيبك منها جفال ....

........ والطريق ... الله عليم به ... يمشي الحال ... ومنحنيات ... وقرى ما تشوف فيها من البشر احد .... سوى بعض

الخمارة ... اللى يطلعون من البارات ... قرويين ... كلن يالله يشيل عمرة ..... حاسب لا تدعمهم ... بالطريق ... محذفين

...... مالومهم ... من يبي يجيهم بالليل ساري ... والطريق ما يخلى قرية الا ودخلها ....... نادر ما تشوف من المزايين

........ بس ياولد خلك بحالك .... وحاسب من سكك الحديد ... مرة تشوف علامة ... ومرة النور الحمر بين ....

........... الظاهر والله العالم .... انا للحدود وصلنا ما هى بعيد ... والجوع ما خذ حقه ... ما عليه وصيت عبدالله ..

... متمسكين ....... الكتابه باللغة البلغارية ... يالله دخيلك ما تميزها ..... ويازين حظك ان شفت تحتها يكتبون بالانجليزي ...

... يالحبيب ... وش تبي ابي اروح الى يوغسلافيا ... بلغراد وين طريقها .... يقعد ساعة وهو يتكلم ... ما فهمت منه شي

......... تدري اخذ ورقة وقلم ... قام يكتب اسماء القرى اللى يمرها الطريق .... دوبجه ودوبرا و داه .. كله محصل بعضها ..

..... شكرا يالحبيب .......... على هونك والكتابه بالرسم طبقها ... ايه الحرف مثل هذا الحرف على اللوحة .. كمل طريقك ... اثريك ما نك هين .. كاكا .

...... ايه هذه الحدود يمكن ... بيت قروي ... ما يصير .... ايه هذه الحدود ... وشرطة الدولتين مع جماركهم .. متقابلين

.... تختلف بس ملابسهم ... وجاك يشيل صندوق برقبته معلقه ... من وين انت جاي ولوين انت رايح ... وان من اي ديره

...... لو تموت ما فهمتك او فهمتني ... تجمعو فاضين ... لقولهم صيده .. يقضون عليها ليلتهم ... تنادو بين بعضهم

.... وجابو صديقن لهم ... من مكتب الصرف ... يتكلم انجليزي .. مثلى مكسر ... بس نفهم بعض ... وكلن من عنده يسال

....... والمسكين .. يترجم ... وانا الضحيه .. اسولف ... جازلي الوضع ......

ان كان بها سوالف تونسني بوحدتى ... يازينهم ... يوم طلبت قهوه ... ما قصرو جابوها تركيه ... مع ضحك .. فوتكا

.... ما تبي ... لا مسلمان .... ما يشرب ... كوفيت ... خلنا نشوفها على الخريطة ... اوه ... بترول ... معاك شي منه

.... خلاص ختم الاول ... والثاني ختم ... معاك طبنقه .. حشيش ... لا ... حرام ..........

وين الحدود اليوغسلافيه ... خلاص هذا موظف يوغسلافيا ... ادخل

....... الليل بارد وبتاليه ..... ويوغسلاقيا دخلناها ...... وش رايك تمرح ... وفندقك ما يحتاج .. اسدح الكشن

....... وتمتع .... نومه هنيه ....... بس خلنى اشوف مكان ... وفيه دورات مياه ومطعم ...

........ والخط السريع ما هو بعيد عني الى بلغراد توجهى ........ كاكا, نكمل قريبا .

ياهلا والله بالامير .................... خابرك ..... بعد 500,000 يالله طلقتها ........ وش بقى فيها ... اخذت شبابها

تدري ........ من طبعي السيارة اللى اسافر عليها مره ... خلاص ادور غيرها .... لكن تغيرت الامور ... مالومك العشره

صعب فرقاها ......... ما خبى عليك سر ...... ياكثر خطابها ... يوم رجعت ... وقلت خلاص فكه ... بعد مدة ... يتغير الحال
بالدوام ... وانت خابر .... خلك راكد وشتر ما يليق بالمقام ... هوشة شايب ... اتركها ...... لكن الحب الاول ياسلام

.......... كاكا .

من كاكا الى ابو القحط ......................... من كاكا تحيه وتقدير ........... كاكا .

شكرا على التعليق , وبالنسبة للاماكن ....... فى ذي السفرة لاتنشدني عن شي ... سوى الوصول الى بولندا ..

....... كنت مغيم ......... والدير تعيش فى ظل الشوعية ........ وبالنسبة للسيارة الله ستر , وتذكر يوم فولتها فى تركيا

كان المؤشر فوق النصف بقليل ... يمكن هذا سبب انها لم تخبط المكينة , وبالنسبة لمن سافر بالسيارة قبلى

....... هناك الكثير وقد سبق ان بينت هذا ... ولكن يبقى السوال هل هناك من سافر لوحده ... نعم قابلته فى بولندا وهو بطريق ذهابه الى اقدانس ... على سيارة من نوع سوبرا تيوتا ... وهو من عائلة الركيبي .. كويتي ...

........ ومثل ما تفضلت كانت الدول الاشتراكية ممنوعة على السعوديين ... ومن يذهب هناك عن طريق ورقة والختم خارج الجواز ... حسب ما سمعت ... مع التحية كاكا .

من الأمير إلى كاكا .. تحياتنا تترا

سؤال ..

الزد وين هي فيه الحين ..؟؟

معقولة ..؟؟ معقولة تفرط فيها يا كاكا ..؟؟؟
هانت عليك عشرتها ..؟؟

تصدق يا كاكا .. يوم جيت ابيع سيارتي أم ( 500.000 ) كلم .. كادت العبرة تخنقني .. :110:
تصدق اني الحين كلما شفت سيارة مثلها ، على طول أناظر لوحتها ،، ولو يوم شفتها ، فأنا حاط في بالي إني أستوقف سائقها ، وأستوصيه خير فيها ، وأطلبه ، أني أسوقها لو كيلو واحد ...

فعلاً كانت نعم الرفيق ، ونعم الأنيس ، ونعم ( الموتر ) الله يبيح منها ... :109:

المحب
ســــــــــــــــاز نور

كاكا صراحه انا مستغرب ان المكينه ماقامت عندك او يبدو انك مشيت عليها مسافه قصيره ولحقت عليها والمفروض هي تخلط بعد ساعتن او ثلاث هذا لوكان ديزل خالص وليس معه بانزين

كاكا عطنا تفاصيل اكثر عن اجمل اماكن فيه طبيعه من البلدان التي مريت عليها
ويمكن كاكا يكون خطا مشترك منك ومن راعي المحطه وهو انك نسيت لا تقوله ان السياره بانزين وعبالك ديزل بحكم انه الديزل هو المزود الاساسي للسياراتهموهو نيته صافيه والعكس صحيح

من كاكا الى المنتصر بالله ..... اخجلتنا ياشيخ .... والقصد واضح ... ضحكتنا تملاء الوجه من تحمد بالسلامة ..

من الرجعه من الرحلة , عقب 16 عام ... توها تصلنا .... والامير محدن مثلة ... متحزم بجنبية ... و التيوس تبي تنقرض من عقبه ... يالله دخيلك ... تصدق بانه ... يعد مواليد هذه السنه ... عشان كشتته الجايه ... يحللها ..

............... ومور الوالدين .. سوالفها تطول .. ومو وقتها ... لى اخو اكبر منى بكم سنه ... ما خبي عنه شي ..

......... هو بوقتها .. مدلعني .. ومرهى على الفلوس ... ان بقيت شي ما قصر .. ويوم نويت السفر .. هو اللى يعرف بس... خطتي ... روح ولا تشيل همها ... وانا من عندي .. اعدلها .... ودور لك العذر .. والسيارة ان صار بها شي

........ لاتخاف ... ارسل مرسول .. ونجيك وين ما كنت .. وتشجع ولا تخاف .. وان بقيتها .. لا تتردد وعملها ..

........... ابلشتنا يالله انه يطول بعمرك يالمنتصر بالله .. سوالف ما ودنا نبينها ... وعطيتنا اكبر من حجمنا ... وهى ان

......... بقيت الصج ... خبال ... اولها .. ونعره مالها داعي .. عند العقال ... ولا ابي اضحك على نفسي وعدلها ...

.................. اشكرك من كل قلبي على المشاركة ........... ولا تحرمنا من وجودك معنا ... وبعلم وش قصة .. كاس

العالم سنه 1998 فى فرنسا ... يجي وقتها ... اخوك كاكا .

ابو القحط ......... انت وين كانت ............ اشك بانك انت اللى بجنبي ...... من كاكا لك التحيه والسلام ... كاكا

............ ابشر بعلمك .... ولو انك جبت العله ....... وترى سوريا ما مريتها ... من العراق .. لتركيا دخلت ...

....................... كاكا يهديك السلام ............................... كاكا .

من كاكا الى احم احم ..... قلتلك تفضل .. مفتوحلك الباب .... ما من اجناب .......... وحاضرين ... نبي نتابع

................... و من كاكا لك التقدير والاحترام .................. كاكا .

من كاكا الى ابو القحط ........................... بعد التقدير ......... من كاكا , مقبوله ولو انها ما هى بواضحة

........... حاولت ان اقربها وعرف من اي مكان من اقدانس .... واللى متاكد منه انها ... ما هى من سابوت ... ياقربها

........... على فندق الجراند ... فى اول اقدانس جهت البحر .......... شكرا على التواصل ... كاكا .

كاكا الحمدالله علي السلامه وهذي صوره قدانسك هديه لك من الاقمار الصناعيه

من المنتصر بالله ....الى كاكا

ليه ما أستحق رد من كاكا بيك

وش القصة طامرنا مرة وحدة وش دعوى

ولا احنا مش اد المقأم

من الأمير / ساز نور ،، إلى كاكا بيك ،، نرسل تحية وتقدير

ياولد .. جعل ام ٍ جابتك للجنة .. تتكلم عن الرحلة وكأني أنا اللي أسوق مو أنت :101:

يالحبيب يالحبيب .. تركد تركد .. أنا ودي أعرف .. انت ليش عجل ...؟؟؟!!!!!!!!

طاااااااااااير بالعجة الله يرحم والديك .. توك ظاهر من حدود العراق وداخل ٍ لديرة الأكراد .. شوي إلا انت في حدود بلغاريا ...!!!!!!!

حنا نبي نستفيد .. ما نبيك تقطع الـ 200 كيلو .. والـ 300 والـ 400 كيلو بهالسرعة .. تركد واعطنا مشاهداتك ،، ونصائحك .. حتى يستفيد القاريء

لك تحياتي يا ذيبان
ســــــــــــــــاز نور

تابع سفرة 1989

تابعت السير من بعد نومه ما يعلم فيها غير رب العباد .............. واكملت المسير الى استنبول .... وكانت الزحمة على اشدها ... والطرق شبه مسكره من كثر الازدحام ....... قبل الوصول الى الجسر الفاصل بين استنبول الشرقية والغربية

او ما يسمى ... جسر القارة الاوربية فوق مضيق الفاسفور ................ وكان شلكة رهيب وجميل جدا ... ولكن يعيبه

هو عدم وجود مكان تستطيع الوقوف فيه للتمتع بجماله ..................... المهم .. دخلت ستنبول بعد الظهر بعد ضيعه

بشوارعها المزدحمة .... وفضلت اكمل الرحلة دون توقف فيها ... وشوف عاد من يدلك الى الطريق المؤدي الى الحدود البلقارية

.......... والخريطة وما ادراك ما الخريطة التى كنت احملها .... تاخذ عليك هل المساعة التى امامك من كبرها ... خريطة

العالم اجمع ........... تعال وقف وطبق الخريطة على الطريق .... ... استمريت بالسير بعد جهد جهيد .... واخذت طريق المطار ... ومنها بدات العلامات واضحة ...... حول بلغاريا المكتوبة ... باللون الاصفر ..... صوفيا ... وهى عاصمة

بلغاريا ..... على طريق منفذ ادرنا التركي ... وكانت تبعد حوالى 200 ك تقريبا .... ولما وصلت كانت الشمس قد غابت

.... وقبل الدخول الى الحدود ... بحوالى 5 ك كانت هناك محطة وسوبر ماركت ومطعم .... ومن توصيات عبدالله .. والتى كان يؤكد عليها

ان اتوقف هنا وان اشتري ما اتوقع احتاجة من ماكل .. وكذلك ترس السيارة بانزين ...... وبعد ان عملت المطلوب , تحركت الى الحدود القريبة ... وكان الجو ممطر مطر خفيف ... وقد تفاجاءت بكثرة الازدحام ... وبشكل غير طبيعى

.... و مما لفت انتباهى بان الجميع كان يتوقف على جنب .. قبل الوصول الى كونترات الجوازات .... وكان يحملون معهم امتعة غير التى يحملها معه المسافر عادة ... اثاث مساكن ... وفرش وحيونات ... سي موطبيعي يحدث

.... وكان هناك الكثير من رجال الشرطة والقوات الخاصة تنظم خروج هؤلاء الاشخاص .... ... ولم انتبه لما حدث بسيارتى

حدث شي غير طبيعى للسيارة .......... تبع قريبا .كاكا

تابع 0000تابع0000تابع0000ياكاكا