أربعة ايام في سريلانكا الاحلام صور
بسم الله الرحمن الرحيم
والصلاة والسلام على اشرف المرسلين
سيدنا ونبينا محمد عليه وعلى اله وصحبه اجمعين
اخوانا اعضاء هذا الصرح الرائع
اقدم لكم فيما يلي مقتطفات مصورة من رحلتنا الى سريلانكا
ارض الماء والخضرة بس بدون وجه حسن لان بصراحه
مو حلوين بس قلوبهم حلوه ونفوسهم طيبه ..
[color="#464646"]
بدايه احيطكم علما بان هدفنا من الرحلة كان (عمل) في المقام الاول
وذلك لاستقدام عمال ( 10 سائقين ) وبعد ما نخلص الشغل نتمشى ..
مدة الرحلة كانت اربعة ايام تقريبا واليوم الخامس كان عودتنا ..
طبعا انوه ان الرحلة لم تكن في الحسبان ولم تكن مخطط لها مسبقا
يعني انا شخصيا عرفت قبلها بيوم عن طريق صديقي الي رح
تشوفون صوره في الرحله وهو الي قال لي وش رايك تسافر معي سريلانكا بكره ..
قلت له قداام طبعا مافي باكج ولا شي ..
كل شي كان خبط لزق عشوائي مع اني شخصيا اول مره اطلع برا المملكه ..
المهم بحاول قدر الامكان اني ماكثر كلام عشان تستمتعون بالصور واعذروني على القصور
لان والله هذا اول تقرير سفر اسويه ...
البداية ماكنت اعرف اي شي عن سريلانكا بس يوم دريت بالرحله دخلت النت وقريت كثير
معلومات وعن الاماكن السياحية والفنادق وكل شي ..
كنت اسجل المعلومات والاسماء ب.. والحمد لله ماحتجنا في سريلانكا سوا للسائق
انطلقنا من مطار جدة الدولي على متن الاماراتية متجهين الى دبي
الاماراتية بصراحة لا توصف من ناحية الخدمات والراحة وا لمتعه
اول ماوصلنا انا وخوي مابغينا ننزل وقعدنا نصور مع المضيفات ههههه
لمحبي الافلام مارح تحسون بالملل ابد على متن الطائره لانها مزوده باخر الافلام الحديثه وكذلك افلام قديمه
وكلها مترجمة للغه العربية ...
صور على السريع من مطار دبي الرائع
اول شي كنت اصور التفتيش الي بالمطار متحمس جاني العسكري قال لي ممنوع التصوير في المنطقه هذي
قلت له طيب عادي امسحها قال اكيد بمسحها شوي وقال خلاص لا تصور هني قلت له اصور داخل قال ايه عادي صور
المهم بعدههاا دخلت جوه صورت موظفه على الكاونتر قالت لي ليه تصور مين سمح لك
قلت لهااا العسكري برا قال صور هني خخخخخ لا حووول قلت في العرب يبقون عرب بكل مكان .. حطيت الكاميرا بعدها بالشنطه وريحت راسي ..
جلسنا نتمشى في المطار حتى جا موعد رحلتنا
انطلقت الرحلة من مطار دبي الى العاصمة السريلانكية كولومبو الساعه اثنين ونص صباحا . الطائرة كانت اصغر بس الخدمات نفس الشي رائعه جدا ..
اليوم الأول
وصلنا لمطار سريلنكا الساعه التاسعة صباحا وانهينا اجراءتنا وتمشينا فيه شوي
[color="#464646"]
بعدها توجهنا لمكاتب السياحة ودخلنا مباشرة لمكتب سبق وقريت عنه واسم المكتب (ابانس) ومديره اسمه (سري)
حاول يعطينا باكجات بس صرفناه وقلنا له دبر لنا بس سائق .. ما نحتاج باكج .
تعامله بصراحة رائع و ماقصر على طول جاب لنا سائق سبق له واشتغل في السعودية ويتكلم عربي وانجليزي
سياره نظيفة و مكيفة ..
هذي صورة من بعيد لمكتب ابانس.. على فكرة ماطلعنا شرائح جديده استخدما شرايحنا (موبايلي) فيها تجوال
ومشت الامور عال العال ..اهم شي مانكثر اتصالات
هذي صورة السائق و السيارة وش رايكم فيه ..
هههههههههههههههه لامزح هذا كان واقف برا المطار والسياره هذي للي مارح سريلانكا من قبل اسمها توك توك
وتصنع في الهند وهي منتشره بكثرة جدا وتعتبر وسيلة المواصلات الاولى للشعب وسعرها جديده حسب كلام
السواق حوالي 3500 دولار تقريبا
[center][b][size="4"][font="Tahoma"]المهم الصورة الي تحت هي لسواقنا واسمه نيمال اذا رحتو اطلبوه بالاسم لا يفوتكم
