أضف مشاركة إلى الموضوع: سبتمبر في سيرلانكا غييييير تغطية مصورة
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
السلام عليكم جهد تشكر عليه ياليت تكلم لنا التقرير وتفيدني عن اسعار الفنادق
امممممممممممم اخوي تصلح تكون منطقه لشهر العسل ولالا والله عجبتني مره
متااابع ويعطيك العافية
الله على هيك تقااارير ترررد الرووووح وتوسع الصدر وصدق يوم شفت وجه ملحان رجعت لي الابتسامة والضحكة كانت ايام لاتنسى معه وذكرياات خالدة لا تمحى واااصل فنحن موعودين بحلقااات ماتعة جميلة لك خالص الود والتقدير
يعطيك العافية على التقرير اللي واضح انه رائع البداية قوية ..۔ اتمنى الاستمرار على ذلك ومتابع معكم تحياتي
الحمد لله على السلامه تصوير بغاية الروعه ومناظر بغاية الجمال سلمت يداك متاااااااااابع تحياتي لك
يعطيك العافية على طرح التقرير المفصل والجميل منتظرين الجزء الثاني تحياتي لك
...................
ماشاء الله رحله موفقه اود الاستفسار عن ميزانية الرحله وجزاك الله خير .
ما شاء الله تقرير مميز .۔ والأحلى لهجتك الله يحفظك .۔ آحسك وآحدن من الجماعة ^_* متابع ^_^
وفقك الله بنتظارك فمنكم نستفيد
المشاركة الأصلية كتبت بواسطة last time http://www.arabtravelersforum.com/tr...4/#post6217494 بداية اكثر من رائعة وجودك الأروع ،،
المشاركة الأصلية كتبت بواسطة gtrcar http://www.arabtravelersforum.com/tr...6/#post6217346 ما شاء الله بدايه ممتازه الصراحه كل شي مرتب ومنسق اخوي بخصوص سفاري النهر هل صحيح انها موجوده في مدينة beruwala وكم المسافه بينها وبين بنتوته وهل زرت منطقة kalutara الموجود في بنتوته ؟ وهل عندك فكره في ركوب القارب الزجاجي glass bottom boat الموجود في hikkaduwa هايكدوا القريبه من بنتوته ؟ وشكرا بخصوص مدينة ( بيرويلا ) و ( بنتوتة ) جنب بعض ،، على سبيل المثال المسجد الموجود في التقرير هذا في مدينة بيرويلا ،، وسفاري النهر في بنتوتة واحنا ساكنين في بنتوتة ،، يعني المدينتين جنب بعض ،، مع العلم لمن أراد السكن ،، فـ فيه فندقين ( الأول اسمه تاج ) و الثاني ( ايدن ) ،، وهالفندقين تقريباً افضل فندقين ،، لكن الافضلية لـ ( إيدن ) ثم ( تاج ) ،، بخصوص المنطقة ،، الإسم حقيقة ما مر علي ،، لكن ،، ان كانك تعرف وش فيها لعلي افيدك ،، وبخصوص القارب الزجاحي ،، فهو مضحك حقيقة ،، وان كانه اللي شفته ،، وهو اللي تقصده ،, فهو قارب متهالك ،، وفيه قزازة عرضها متر وطولها متر ،، وانت تشوف الاسماك ( حسب ما يدّعون ) من خلالها ،، حقيقة ما ركبته ولا كان عندي اركبه ،، لإنه مضحك ، في نظري ، وما يستاهل من يضيع وقته عشانه ،،
المشاركة الأصلية كتبت بواسطة شارلوك هولمز http://www.arabtravelersforum.com/tr...8/#post6216238 ماشاء الله بداية جميلة اخي بجمالك واااااااصل هولمز اكيد بانتظارك أشكرك على تواجدك ،، قريباً راح انزل الجزا الثاني منور
بداية اكثر من رائعة
ما شاء الله بدايه ممتازه الصراحه كل شي مرتب ومنسق اخوي بخصوص سفاري النهر هل صحيح انها موجوده في مدينة Beruwala وكم المسافه بينها وبين بنتوته وهل زرت منطقة Kalutara الموجود في بنتوته ؟ وهل عندك فكره في ركوب القارب الزجاجي glass bottom boat الموجود في Hikkaduwa هايكدوا القريبه من بنتوته ؟ وشكرا
ماشاء الله بداية جميلة اخي بجمالك واااااااصل هولمز اكيد بانتظارك
سبتمبر في سيرلانكا غييييير تغطية مصورة [center][size="4"][font="Simplified Arabic"][color="Black"]بسم الله الرحمن الرحيم اي بو ون ,, كوهامدا ,, ^ يعني : تسيف الحال ,, اخباركم ؟ الموضوع بـ رعاية : التوك توك ,, السيارة الشعبية الاولى في سيرلانكا :: التقرير من إعداد : السيد / كلمات :: :: تصوير : فهد العمار ، مهند المهنا :: يالله حيّهم , يالله حي كل(ن) بأسمه ,, ما ودي أطوّل عليكم بالمقدمة ,, لكن لعل هذا أول موضوع لي في هالمنتدى ,, إن شاء الله يحوز على رضاكم ,, مع العلم ,, أني أعيد وأكرر ,, الإستفسارات ,, أنا بإنتظارها ,, نقطة مهمة قبل ما ابدا ،، المكتب اللي نسقت معه ،، علمني عنه واحد من الشباب الله يعطيه العافية ،، وبلغني ان هالمكتب جايبه من هالمنتدى المبارك ،، لذلك ،، وكتقديم شكر لهذا المنتدى ولهذا القسم بالتحديد ،، حطيت هالتقرير اللي أسال الله انه يجوز لكم ،، وان شاء الله من يحتاج المعلومة يحصلها هنا ،، او يستفسر وبإذن الله اقدر افيده ،, ولو اني اعرف العضو نفسه اللي فادني ،, ان كان شكرته بإسمه الله يعطيه العافية ،، لاني طحت في مكتب تعامله اكثر من راقي ،، أخليكم مع التقرير ,, في يومٍ من الأيام ,, وفي إستراحتنا الرائعة ,, وفي ذاك الجو الهادئ ,, حيث كانت تلك المركى ( اللي كنت متسند عليها ) ,, خطرت في البال فكرة ,, وهي ( السفر ) ,, ولكن إلى أين ,,؟؟ من هنا بدأت رحلة التشاور ,, لنتفق على بلاد الشاي ,, سيرلانكا ,, لذلك ,, قررنا السفر أنا والاستاذ فهد والاستاذ مهند ,, وكانت حقيقة رحلة رائعة , استانسنا فيها , وكانت الرحلة موفقة بكل المقاييس ,, لا من وقت الرحلة أو المدة اللي حددناها أو السواق او حتى المرشد ,, والفنادق برضوه ,, مع وجود سلبيات بسيطة راح اعلمكم عنها ,, [ حجز الطيران ] تاخرنا في مسالة الحجز ,, والسبب أننا ما صملنا على السفر الا في وقت متأخر حقيقة , بحثت عند الخطوط القطرية , الإماراتية , السعودية , السيرلانكية ,, ما حصلت في نفس الوقت اللي حنا بنروح فيه ,, ( 1 - 8 سبتمبر ) ,, وفجأة خطرت في بالي ( الخطوط الكويتية ) ,, وكل من علمته ضحك علي ,, ولقيت بالخطوط الكويتية ,, ورحنا وجينا عليها ,, حقيقة ,, الخطوط الكويتية سيئة ,, والسعودية افضل منها ,, لكن كنت احمد ربي اني ما لقيت على الخطوط السيرلانكية لإني قابلت واحد هناك وسب الخطوط السيرلانكية سب ما يخرش المية ,, الشاهد ,, أننا رحنا على الخطوط الكويتية ,, واللي ما كانت قد الطموح ,, وإختيار ( خطوط الطيران ) واللي اصلاً منحدين عليه ,, كان أسوا شيء في رحلتنا ,, مع العلم اني أتمنى ان الخطوط الكويتية تتطور أكثر من كذا ,, [ حجز الفنادق ,, وبرنامج الرحلة ] هذي طبعاً نقطة مهمة جداً , يا أنك تحجز في مكاتب السياحة هنا في ديرتنا ,, وهم طبعاَ أضمن ,, لإنك توقع عقدك وأنت على بينة وتعرف من توقع عقدك معه ,, او أنك تخاطب المكاتب في سيرلانكا وهذي حقيقة فيها نوع من المخاطرة وخصوصاً إذا كنت ما تعرف المكتب هناك ,, ورايح على عماها ,, الحاصل ,, أننا خاطبنا مكتب في سيرلانكا ,, وتواصلنا معه بناءاً على توصيات من بعض الاصدقاء ,, وكان المكتب مضمون في تعامله ,, كلمناه ,, علمناه متى راح نجي ومتى راح نمشي ,, و بالطبع لابد أننا نشيك على ديرتهم و وش أفضل الاماكن هناك وافضل الفنادق ,, بلغناه عن اللي الاشياء اللي نبيها ,, الرجل ما قصر ,, بعد يوم ,, ارسل لي رسالة عالجوال وفيها الخطة المقترحة ,, وبعد التعديل والاخذ والرد ,, رسينا على هالخطة : 1- 2 سبتمبر ( فندق eden ) واسم المدينة ( بنتوتة ) 3 سبتمبر ( فندق grand ) واسم المدينة ( نوراليا ) 4 سبتمبر ( فندق tea factory ) برضوه ( نوراليا ) 5 - 6 سبتمبر ( فندق amaya hills ) واسم المدينة ( كاندي ) 7 سبتمبر ( فندق hilton residence ) واسم المدينة ( كولومبو ) ثم اعتمدنا هذا الجدول ,, وحوّلت له ( 100 دولار ) , وهنا المشكلة اللي كلمتكم عنها ,, كل المكاتب تطلب منك مبلغ مثل هالمبلغ أو حوله ,, عشان يضمنون حقهم ,, وبالتالي انت راح تحول المبلغ وما معك اي شيء رسمي ,, الشاهد ,, أننا حولنا المبلغ وانتهى موضوع حجز الفنادق ,, مع العلم أننا تأخرنا في هالجزأية برضوه لأني كلمته تقريباً في 22 من رمضان ,, وكنا مأملين على فنادق لكن ما حصلت ,, ومع ذلك الفنادق اللي رحنا لها كانت جدا رايقة ,, [ نقاط عن سيرلانكا ] أولاً ,, أسبوع واحد ,, كافي جداً لزيارة سيرلانكا ,, ثانياً ,, العاصمة كولومبو ما أنصح بالبقاء فيها مدة طويلة لأننا جلسنا فيها يوم واحد عشان التسوق فقط ,, ثالثاً ,, يفضل انك تخلي زيارتك لكولومبو اخر يوم عشان تكبر في عينك هالمدينة :d: ,, لإنك راح تزور مدن داجة ,, ولما تروح لكولومبو بعدها راح تحس بأنها مدينة متطورة ,, لكن لو انك جاي من الرياض دايركت على كولومبو راح تطيح من عينك
سبتمبر في سيرلانكا غييييير تغطية مصورة
قوانين المنتدى