اهلا باخي العزيز المبقع
لي الفخر بانك من المتابعين ووالله ان هذا شيء يفرحني
اي والله منو ما يدور الرخص هههه
شوف انا سكنت بجميع النجوم في سريلانكا بس بقى نجمه وحده ما حصل الي الشرف معاها ههههه
كاندي : تيلانكا ( مجربه مرتين وفندق جميل واطلالته اجمل على البحيره من فوق ) - فندق سويس هوتيل - فندق ديفون
نوراليا : ما انصحك بغير الشاليهات والخيار الثاني هو جراند بس اغلى منه ( لمن يحب الفخامه )
بنتوته : ايدن جميل بعد وارخص من الباقين - فندق تانجيرين ( بكالوتارا تبعد حوالي 20 كيلو عن بنتوته ومجربه عباره عن منتجع كبير بس احواض السباحه عاديه مو كبيره وفيه ميزه افضلها انه مافي عرب هههه )
كولومبو : فندق سافاير نجمتين ونظيف وراهي ولما كنت فيه كان فيه حفله زفاف يعني كويس وميزته قربه من السوق والمطاعم لانه صاير بوسط الشارع العام
وفي عندك فندق قول فيس الصراحه مكانه حلو حيل على الشاطئ العام
خلينا نجي الحين لسنغافوره :/
والله من كلامك هذا حمستني لها اكثر ههههههه
انا الي ناوي عليه بسفرتي القادمه هو السفر لتايلند او الصين او ماليزيا بس غيرت رايي لسنغافوره لان في لي احد من الاصدقاء هناك ودعاني بس طبعا ما راح يتكفل بمصاريفي هههههه
وانت تقول تدور الرخص وماخذ فندق ليلته ب 1800 ريال يا الظالم لا يكون مافي فنادق رخيصه يعني ؟ انا شفت تقرير واحد رايح لها لمده اربع ليالي مع زوجته وولده الصغير وكانت مصاريفهم الاجماليه 1790 دولار سنغافوري من غير الطيران طبعا
وشنو سالفه الفيزا ؟ قصدك فيزا كارد يعني ؟ انا عندي فيزا كارد وشنو الاجراءات !؟
ما عليه كثرت عليك بالاسئله واي شيء بخصوص سريلانكا ترا الشباب ما راح يقصرون ان شاء الله وانا وياهم طبعا تدري عاد ما عرفت انك المبقع الا الحين لما رديت علي بخصوص سنغافوره امس رديت عليك من غير ما ادري منو صاحب الموضوع هههههه