المشاركة الأصلية كتبت بواسطة عاشق الترحال 69
أنا عموماً من مؤيدي السفر بالسيارة وانا كنت رايح على سيارتي
بالنسبة للأمارات وعمان تقريباً قريبين من بعض في سعر البنزين
فل سيارتي يكلفني في حدود 70 ريال - كامري 4 سلندر
بالنسبة لي اللوحات الأرشادية غير مهمة شغل الجارمن وعطه المكان الي بتروح وفالك طيب
بالنسبة لتوفر محطات البنزين في الأمارات اوكيه متوفرة
في عمان لا بأس بها وانا انصحك اول ما يوصل عندك البنزين على النص اول محطة وقف وعبي ولا يهمك
أو أنك تعمل بحث باستخدام جهاز الجارمن عن محطات الوقوت الي على طريقك وتشوف كم كيلو باقي عليك
للمحطة الي بعدها وبناء عليه تقدر تقرر وين تعبي ، وبعض المحطات اول ما تطلع بتلاقي لوحة صغيرة كم
باقي على المحطة الي بعدها
الأمان في الطريق ممتاز
استثني الحيوانات السائبة
وانا الطريق رايح جاي بس دبر نفسك بكتف الطريق اذا واحد تهور وتجاوز ولا تركب راسك
نصيحتي لك وهي الي طبقتها في طريق العودة وممتازة
تحاول تخلي طريق عمان في النهار وهو تقريباً بياخذ منك 12 ساعة الى ان تدخل حدود الأمارات
مثلاً انا طلعت الساعة 5.30 الصباح دخلت الأمارات قبل المغرب والساعة 1.30 في الليل انا في البيت
طبعا انا من الاحساء يعني انت بالدمام بتصير عندك 3 في الليل انت في بيتكم
بخصوص المرتفاعات هي فقط في الطرق الجبلية وهي جميلة وما عندك مشكلة اذا جيرك عادي تريلات تمشي فيها
ما تمشي فيها بسيدان واذا اتوماتيك مثلي حطه في 2 واذا مرة قوية حطة في l
وصدقني متعة صلالة لما تسافر بسيارتك تاخذ راحتك على الآخر
واي استفسار انا حاظر وعيون لك يا غالي
كفيت ووفيت وبيض الله وجهك وانشاء الله تكون لنا زيارة إلى صلالة بالسيارة في القريب العاجل