بسم الله الرحمن الرحيم
عدنا..
قعدنا الصبح امبجر و تريقنا و عينا من الله خير
سوينا الشيك اوت
و طلعنا تقريبا على الساعه 9 و نص
و قلنا للسايق روح لبنتوته
قال في ميتم فيله بالطريج
يوم رحنا بصراحه ما تشجعت للدخول مجرد اشوف عظام فيله و رحلة ركوب على حسب ما عرفت منهم و مدتها تقريبا 45 دقيقه
فقلنا لا ما نبي
امش على بنتوته مانبي نضيع وقت و خصوصا مالنا خلق طرق طويله
المهم قال لنا السايق ان الطريج اللي يروح منه كل مره مو مضبوط هاليومين من كلام ناس جايين من بنتوته
يقول بسبب الامطار مدري احجار طايحه من فوق مدري اشصاير المهم ان بيروح من طريج جديد لاول مره يعرفه فتحملوا التضييع...
المهم قال قبل لا نروح لبنتوته بوديكم مكان
يوم وصلنا لال مثل حديقه كلها اشجار و واحد يشرح بالعربي فايدة كل شجره شنو ياخذون منها
و عقب في صيدليه من منتجات الاشجار و شرينا منهم مع عدم رغبتي بالشراء لكن زوجي اصر ان يبي يشتري
و طلعنا منهم ب500 دولار اعتقد انها حديقة البهارات اذا مو غلطانه
المهم عقب ميتم الفيله و حديقة البهارات تقريبا صار وقت الغدا
فوقفنا عند مطعم عنده بوفيه بسيط الشخص تقريبا ب450 روبيه
و كملنا المشوار لبنتوته
و طبعا السايق ضيع واجد و ضيع علينا وقت
و بالاخير خذينا طريج السريع الهاي وي
و عند نهايته تدفع رسوم تقريبا 300 روبيه
الطريج فاضي و ما فيه الا سياره او سيارتين
المهم بعد تعب شديد ياله وصلنا على الساعه 6 تقريبا
و سوينا الشيك ان بفندق تاج
هذي الغرفه
هذي البلكونه اعتذر على رداءة الصوره
و هذا الحمام عزكم الله و ملاحظه مهمه ان لا يوجد شطاف
و بعدها ريحنا بالغرفه و شغلنا النت مقابل رسوم الساعه ب 380 روبيه
لين جى وقت العشا نزلنا بوفيه الشخص ب 3500 روبيه
و بالبوفيه صار موقف اني الظاهر من الدوخه و تعب الطريج ما قمت اركز
[center]و انا بالبوفيه مدري اشلون الا طحت على وجهي
المهم ما بقى قرسون ما جاني يبون يشيلون ويرفعوني من الارض و يسألون ها اشلونج ان شاء الله ما تعورتي
[font="Arial"][color="navy"]من الاحراج قمت بسرعه و امشي بخطى متثاقلهرغم آلامي الداميه