أضف مشاركة إلى الموضوع: طلببرنامج شهر عسل
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
ما شاء الله يا ولد البحرين موسوعة يا عزيزي الله يقويك ما قصرت
هل يوجد ضرائب عالمطاعم او اي شي اخر ؟ -لاوجود لاي ضرائب فقط في بانكوك لما يستخدم التاكسي الهاي وي قد يطلب منك دفع ضريبة الهاي وي مو كثير تقريبا 35 بات او 50
هل يوجد ضرائب عالمطاعم او اي شي اخر ؟
وبالنسبة للتذكرة تكون عندنا في الرجعة الى بانكوك وهل مكتوب في التذكرة على اي مطار القديم او الجديد ؟ -طبعا الغالي الذتكرة تخليها عندك ،، لما تروح من بانكوك ولما ترجع من بوكيت ،، وطبعا كل البيانات مكتوبة في التذكرة ،، المطار القديم هذي بعض الشركات اللي تطير منه الى بوكيت اما انا قلت لك تحجز على اير اسيا وهذي تطير وترجع من المطار الجديد . وسوق جاينا تاون وين يكون ؟ قريب من وين ؟ -سوق جاينا تاون في شارع اسمه ياورات ، انت شعليك وين يصير وقريب من شنو انت اللي عليك بس تقول للتاكسي يوديك وخلاص ومو بعيد من منطقة العرب اللي بتسكن فيها. وكم سعر التكسي من الفندق الى المجمعات ؟ -يعتمد انت وشطارتك اذا بتقاصص او بتقنه يوصلك بالعداد ما بيطلع وايد يعني 150 الى 200 بات اما اذا خليته يقص عليك راح يبالغ بالسعر ،، وشي ثاني التاكسي او التوك توك اذا اتفقت معاه على سعر قبل ما يوصلك لا تقاصصه بعدين لان بتصير لك مشكلة عودة وذلين عصابات فـ حاسب عليك تدفع له حسب الاتفاق ولا تغير رايك ..
وبالنسبة للتذكرة تكون عندنا في الرجعة الى بانكوك وهل مكتوب في التذكرة على اي مطار القديم او الجديد وسوق جاينا تاون وين يكون ؟ قريب من وين ؟ وكم سعر التكسي من الفندق الى المجمعات ؟
اقصد الطيران الداخلي بروح من بانكوك الى بوكيت جم ومن بوكيت الى بانكوك للرجوع جم ؟ واي الاماكن والاسواق تحتاج الى تاكسي في بانكوك والمجمعات وياريت تحط صور عن السفينة الي قلت لي عنها ومسامحة تعبتك واااااااااااااجد معاي
هلا خوك قريت في موضوعك انة خوك يشتغل في طيران الخليج هفي عروض تذاكر ل تايلند لشهر 9 -والله ما عندي خبر عن العروض ،، اخوي طيار ما عنده علم بالعروض وغيره لانه مو شغله،، بس العادة شهر 9 تقل الاسعار لان تخلص الاجازة الصيفية ،،
h.jameel86 الحي الصيني او تشاينا تاون تقدر تورح له بأي يوم وما له يوم محدد مثل سوق الاحد لان سوق الاحد كل المحلات تفتح يوم الاحد ،، اما شاينا تاون اي يوم بس زيارته تفضل تكوم من الساعة 9 صباحا وحتى 3 عصرا والسوق يبيع كل شي ملابس وماكولات وتحف وغيره ،، وموجود بائعين متجولين يبيعون بضاعة تقليد الماركات مثل الساعات والشنط ..
خوك لو سمحت الحي الصيني مفتوح طول الايام او بعض الايام وشنو نوعيته سوق او شنو مشكور تعبناااااااااااااااااك واجد معانا
jacob barca الغالي انا دايما اتواجد على النت من الدوام وللاسف محجوبة علينا خدمة المسنجر وبعض الموقع مثل الفيس بوك ! وفي البيت ما ادخل النت ،، اذا عندك اي استفسار او سؤال نزل موضوع وما راح نقصر معك او ارسل لي رسالة خاصة بالمنتدى ،، او اذا عندك بلاك بيري خبرني بعطيك البن كود او اكتبه لي ،،
h.jameel86 هلا اخوي ،، انا سويت لك جدول كامل وجاهز باقي الترتيب عليك انت عندك التواريخ وشوف كلندر التلفون شوف اليوم اللي يصادف الاحد خلال تواجدك ببانكوك وخصصه لسوق الاحد ،، يعني روح للبرنامج اللي وضعته لك وشيل وحط اللي يناسبك على حسب تواريخك وعدد ايامك ،، اما بالنسبة لبطاقة التلفون اشترها من اي مكان سواء في المطار او روح خذها من اقرب برادة سفن الفن هذي البرادة او البقالة في كل مكان منتشرة و ما تمشي 200 متر والا تشوف لها فرع خذ لك خط من شركة ون تو كول وطبعا الكردت موجود بنفس البرادة بالسعر اللي تبيه ابتداء من 100 بات على ما اضن وطالع ،،
وينك خوك مارديت عليي
بسم اللة الرحمن الرحيم.. اولا احب ابارك للمعرس واتمنى لة قضاء اوقات ممتعة بشهر العسل.. ثانيا احب ان اقدم شكري وامتناني لولد البحرين على مجهودة الخرافي.. ولانني مسافر عما قريب اريد ان اخذ كامل المعلومات من الاخ ولد البحرين.. ولد البحرين عزيز قلبي لوتكرمت ضيفني معك فالماسنجر لاني اريد اسألك عن كل شي بتايلند.. اللة لا يحرمنا منك ومن أمثالك.. هذا ايميلي: mailto:[email protected] في انتظارك بأسرع وقت شكرا مقدما
هلا خوك بصراحة كفيت ووفيت في كل شي بعد جمع المعلومات منك ومن الانترنت اولا : رحلتنا راح تكون 13يوم يومان في الطيارة بالروحة وبالرجعة والايام راح تكون 6ايام في بوكيت 5ايام في بانكوك وراح تكون اخر ليلة عشا على يخت لتوديع تايلند والطيارة راح تكون الساعة 8 في الليل والرجعة على ما اعتقد 10 الصبح بس عندي طلب ياريت تسوي ليي برنامج تفصيلي بالايام وفي الحسبان يوم الاحد الى السوق الاحد وعدم اختيار الاماكن السياحية يوم الاجازة تجنب الزحمة ونفس الاماكن السياحية الي ذكرتها مع الفنادق والاسواق والمجمعات ماعدا حديقة الحيوانات مانبغي انروحها لانة تمللنا منها في سفرتنا الى ماليزيا واذا عندك مطاعم حلوة في الحي العربي في بانكوك خبرنا فيها وبالنسبة الى بطاقة تلفون نقدر ناخذها من هناك وجم سعرها مع الكردت ؟
بصراحة خوك ولد البحرين شفت تصويرك لموضوع رحلة تايلند وكان اوكي بس حبيت اعرف شنو نوعية الكاميرا ومن وين وكم سعرها ؟ وبالنسبة للشحن في تايلند كم الوزن المسموح فية وشنو رايك في هالمطعم في بانكوك وشنو اسعارة ومن وينة نحجزة - مطعم ''سيروكو / Sirocco - ( في أغلى مطاعم بانكوك عشاء رومانسي فوق السحاب )
سفاري دريم وسيام بارك مع المرافق او بدون؟ -الغالي هم يوفرون مرافق علشان يسهل عليك الا يقطع التذاكر ويخلص امورك وانت براحتك لما تدخل الحديقة تقدر تقوله انك ما تحتاجه ويروح ويرجع لك لما تخلص يعني تتصل فيه او تقول يجيك في وقت معين لان المرافق هو نفسه السواق . وشنو الاماكن االي ماتنصحنا فيها -بوكيت لا تدخل شارع البنقلا رود ما يضلح للعوائل ،، بانكوك كل شي تمام واي يكون اجازتهم ويكون زحمة -اجازتهم يوم الاحد ،، وترا الزحمة في بانكوك موجودة سواء اجازة او لا وهل السوق الحرة الي في تايلند رخيصة او غالية -يفضل ما تشتري من السوق الحرة وكل شي متوفر هناك بره المطار وبالنسبة الي التكاسي من الفندق الى المجمع جم ياخذون؟ -يختلف اي مجمع تبي بس العادة المشاوير 150 الى 200 بات او اطلب منه يشغل العداد بعضهم ما يرضون يشغلونه وغيرهم عادي بدون ما تقول جم يقولك بالعداد وهل الفنادق لازم حجز من النت او اذا رحت هناك ولازم كانة كردت كارد -حجز النت بالكردت كارد يطلع لك ارخص واريح لانه تروح الفندق دايركت وتعطيهم الرصيد اللي فيه كود الحجز اللي بيوصلك على النت لما تحجز والمبلغ اغلبهم يخصمون لما توصل الفندق او اثناء خروجك منه ،، اما اذا بتحجز من الفندق مباشرة تدفع كاش او بالبطاقة كله واحد. وشنو فايدة المرافق الي في الرحلة -ذكرت لك فوق هو نفسه السواق ويسهل لك امور الدخول وقطع التذاكر واحيانا يرشدك داخل الحديقة مثلا بوقت عرض معين او شي تدري انت اول مرة تروح فيمكن تفوت اشيا ما تدري عنها بالحديقة لان لها اوقات معينة.
خوك ياريت تحط صور عن الفنادق الي كتبتها وشنو رايك بفندق هوليدي ان وفندق tony resort وفندق سنترال كارون ياريت تحط لي صور عنهم وعن اسعارهم موجودين في بوكيت indra export cent هاي يبيع اشياء تقليد في وين ؟ المحل
هلا خوي ذكرت كم سؤال سفاري دريم وسيام بارك مع المرافق او بدون؟ وشنو الاماكن االي ماتنصحنا فيها واي يكون اجازتهم ويكون زحمة وهل السوق الحرة الي في تايلند رخيصة او غالية وبالنسبة الي التكاسي من الفندق الى المجمع جم ياخذون؟ وهل الفنادق لازم حجز من النت او اذا رحت هناك ولازم كانة كردت كارد وشنو فايدة المرافق الي في الرحلة
بصراحة خوك كفيت ووفيت ماتقصر نخدمك في الافراح ان شاء الله
هلا خوي مشكور وماتقصر بس شلون نحجز المنتجع من الكشكات الموجودة بالشارع ؟ وين يصير مكانة بالضبط -ماليسا فيلا يقع في شاطئ الكاتا بيتش ،، تحجزه اوفر لك من خلال الانترنت ولازم عندك فيزا او ماستركارد ، او تحجزه مباشره في المنتجع نفسه من الرسيبشن بس بيكون اغلى. وبالنسبة الى الصرف نصرف دولار او عملتهم ؟ -الصرف ،، اصرف في البحرين تقريبا 50 دينار الى بات تايلندي لزوم ومصاريف اول يوم والتاكسي اما باقي المبلغ عندك كله اصرفه دولارات ولا تاخذ دينار معاك كلش ،، وهناك بتايلند اصرف الدولارات الى بات طبعا حسب حاجتك يعني كل ما قريب يخلص منك البات اصرف دولارات ولا تصرف مرة وحدة لان الصرف يختلف من صراف الى اخر وبوكيت صرفهم ضعيف نوعا ما اما بانكوك يعطونك اكثر على كل 100 دولار ،، وشي اخر تجنب الصرف في المطار بيعطونك قليل. وكم فارق التوقيت بينهم وبينا -احنا قبلهم بـ 4 ساعات وشلون الجو بيكون في هاي الشهر 9 -جوهم واحد الغالي ما عندهم شتا ،، جوهم مشمس وممطر طوال السنة يعني دايما خذ معاك ملابس صيفية وشورتات وفنايل وبرمودة وجذي. وجم ساعة اذا كان على طيران الخليج - 7 ساعات طيران واحيانا اقل حسب سرعة الطيار وظروف الجو. والفنادق الي اخترتها انت هل نظيفة ولا تمشي الحال -لا تحاتي ما بختار لك شي مو زين ،، كلهم رخيص وقوي ويناسب ميزانتيك وبالنسبة للتنقلات للمجمعات او الاسواق الصغيرة تحتاج نروحها بتاكسي او مشي -في بوكيت حسب ما اذكر اخترت لك فندق بامبوري وهذا اول ما تطلع منه على ايدك اليمين تمشي 100 متر وتبتدي الاسواق حتى اخر الشارع وفي الليل تقلب اسواق ليلية ومجمع الجونسيلون على نفس صفة فندقك بس مشي تقريبا 15 دقيقة ،، اما بانكوك فندق في شارع العرب الاسواق العادية الليلية حواليك وفي مجمع صغير مقبل الفندق اما الاسواق الكبيرة والمجمعات الكبيرة تحتاج تاكسي تقريب ربع ساعة الى 20 دقيقة يعتمد على الزحمة وهناك يتكلمون اي لغة يفهمون انجلينزي او لا -انجليزيتهم ضعيفة يعني بعض الكلمات انجليزي وشوي اشارات ويفهمون عليك ،، اما السوق كل بائع عنده حسابة يكتب لك السعر وانت تفاوضه وتكتب له سعرك بالحسابة لين ما تتفقون ، الحياة سعلة هناك مو معقدة وشنو احسن المحلات الي تبيع شنط وثياب مال جاينا -تقصد كوبي ون انا ذكرت لك كذا محل في البرنامج اللي سويته لك ،، الاشيا التقليد تحصلها في مجمع ام بي كيه و مجمع نانا سكوير اللي مشاهد فندق في محل فوق بالطابق الثاني صاير بالزاوية طبعا المحل ما يبين يبيع كوبي لكن اذا دخلت اسأل العجوز اللي فيه وراح توديك غرفة داخل وبتطلع لك ساعات وشنط كوبي ،، وعندك بعد سوق البات بونق متوفر اللي تبيه وبالنسبة الى الرحلاات الى جميس بوند وغيرة اذا من الكشكات الي في الشارع كلهم وياهم بوفية غذا او عشا او مو الكل -رحلة جيمس بوند ورحلة بي بي هذي شاملة الغداء ومثل ما قلت لك تختار القارب الكبير ولا تختار السريع ،، القارب الكبير الغداء طازج يطبخونه على المركب ويكون بوفيه وطبعا طول الرحلة المشروبات الغازية والماء والفواكه مجانا. اما فانتزيا شو هذي انت تختار تبيها مع العشا او بدون ، ونظام العشا بوفيه مفتوح في ركن خاص للمسلمين. وبالنسبة الى سفاري دريم كم سعر تذكرة الدخول ؟ -ما فهمت المقصود بسفاري دريم ؟ اذا تقصد دريم ورلد الملاهي هذي تذكرتها من مكتب موسى البانكوكي تقريبا من 1000 الى 1200 بات للشخص تكون شاملة كل الالعاب واللعب غير محدود لين تتعب ويوفر لك المكتب سيارة خاصة مع مرافق تايلندي يتحدث العربية وبدون اكل اما سفاري ورلد هذي الشخص 1000 بات من نفس المكتب بدون أكل واما ملاهي سيام بارك الشخص 1000 بات شاملة غداء في الحديقة واللعب غير محدود وبالنسبة الي العشا ع الباخرة الي قلت عنها نحجزها من الفندق تقريبا كم؟ - هذي بعض الفنادق فيها مكاتب ترتب لك او تروح اي مكتب تسأل مثلا مكتب موسى البانكوكي او اي واحد بالشارع طبعا السعر يختلف من مكتب الى اخر وهي مو رخيصة لان شاملة التوصيل من والى المرفأ + بوفيه عشاء وجولة بالنهر على عبارة فخمة تقريبا السعر بين 1500 الى 1700 بات للشخص طبعا مو ضروري تروح بس اعتقد حركة حلوة تكون هدية رومانسية للمدام في ليلة وداع تايلند .
وبالنسبة الي العشا ع الباخرة الي قلت عنها نحجزها من الفندق تقريبا كم؟
كلمة شكر للمميز ولد البحرين دائما بالموعد وصدره رحب للجميع والكل يدعي لك ويتمنى لك كل السعاده ويعلم الله ماعرفته هنا الا من ايام لكن بجد انسان يستحق منا كل التقدير والإحترام وخلك اخوي مع ولد البحرين وانت الكسبان ورحلة سعيده يارب
الغالي ماليسا نظام فلل مع بركة سباحة خاصة ،، وراح يطلع عليك غالي ،، يعني الليلة تقريبا بين الـ 70 الى 80 دينار شاملة الافطار ،، تقدر تشوف صور المنتجع من خلال الرابط التالي : http://www.agoda.ae/asia/thailand/ph...tes_hotel.html
خلك مع ولد البحرين ... توزيع رائع ولايهون البقية ربي يسعدهم رحلة سعيدة ومبروك مقدما
مشكور ولد ديرتي البحرين نور العين وما قصرت بس بسالك تقدر تفيدني بمنتجع مليسيا في بوكت ليلة واحد ويمكن اضيفه للبرنامج واذا عندك فكرة عن اسعاره
في بانكوك هل تكفي 3ايام لانة معظمها اماكن تسوق هل تكفي؟
عليكم السلام ورحمة الله وبركاته أخي الكريم ، من 1-9 الى 13-9 شكلها اكثر من عشرة ايام ، بشكل عام اقترح عليك التقسيم التالي 4 ليالي شنغماي 5 ليالي بوكيت 3 ليالي بانكوك من بانكوك الى شنغماي التنقل بالطيران الداخلي وكذلك من شنغماي الى بوكيت ومن بوكيت الى بانكوك ((طبعا تقدر تحجز من هناك او من النت وانا انصحك من النت ارخص)) في شنغماي انصحك بفندق رويال برنسيس . في بوكيت انصحك بأحد الفنادق التالية بوراساري تارا باتونق بان لاماي في بانكوك انصحك باحد الفنادق التاليه اماري بوليفارد امباسادور مجمعات واسواق بانكوك MBk اللوتس البق سي روبنسون اسواق المنطقه العربية((نانا))
طلببرنامج شهر عسل السلام عليكم ورحمة الله وبركاته اني اول مرة اذهب الى تايلند واريد مساعدتكم من أ الى ي في الاتي من فضلكم(( مع العلم انه شهر عسل لشخصين)) وفي بالي بوكيت-شنغماي-بانكوك- واذا في مجال بتايا واي التقسيم افضل وتكون رحلة ((اقتصادية وجيدة)) والرجاء التقسيم على اساس -التسوق-الاماكن السياحية-الاماكن الترفيهية واذا في امكانية الذهاب لجزر؟وكيفة الذهاب ةالتكلفة تاريخ الرحلة 1-9-2011 الرجوع13-9-2011 طيران الخليج-البحرين مدة الرحلة في الطائرة 7ساعات و25 دقيقة الميزاية700 -800 دينار بحريني((بدون التذاكر وبدون مصاريف التسوق))فقط للفنادق والتنقلات ودخول الاماكن السياحية 'طبيعة الجو في هذا الوقت من السنة اولا بالنسبة لساعة الوصول الى مطار بانكوك ..ماهي المنطقة الاولى التي سوف اقوم بزيارتها ((الاقرب للمطار)) واي وسيلة نقل افضل واي افضل الفنادق وهل تفضلون حجز فندق عن طريق النت ((بالنسبة للتنقلات الداخلية يكون طيران داخلي او تاكسي)) وكيف تتم العملية ثانيا اريد افضل المواقع الترفيهية والسياحية((مع تكلفة الدخول)) والتسوقية(اسواق التقليد درجة اولى)) واي المطاعم افضل وهل اسعارها مناسبة؟ واي افضل الفنادق في مناطق تايلند -بوكيت-شنغماي-بانكوك- بتايا ثالثا هل يوجد مجال ان انزل في منتجع ليلة او اكثر وكم السعر والافضل اقتصاديا رابعا ما رأيكم ان التحق بمكتب للسياحة في تايلند هل سيكون افضل ((مع ذكر اسم مكتب للسياحة اذا امكن)) والتكلفة واذا لديكم مساعدة في شي اخر الرجاء مساعدتي مع جزيل الشكر والامتنان
طلببرنامج شهر عسل
قوانين المنتدى