الرد على الموضوع

في شي ثاني يا اخت ليمونة.
انسي العرب والخليجيين واهم شي يكون السعر مناسب وانتي ما شاء الله مطولة بالسفر فوق الشهر وبين تايلند وماليزيا. يعني اهم شي لازم تنتبهين على الاسعار ومو شرط تاخذين فنادق خمس نجوم.
وانا عن نفسي ما حجزت خمس نجوم في تايلند السنة هذي مع اني قاعد عشر ايام وفي ماليزيا حجزت خمس نجوم في مكانين في كوالا شقق فندقية بعيدة شوي عن الابراج بس رخيصة. لمدة سبع ايام. وفي سيلانجور حجزت الخيول الذهبية 3 ليالي اما افاموسا فحجزت 5 ليالي شقق فندقية بسعر 250 دينار.
يعني ركزي على السعر وانسي النجوم

انا ارشح فندق رامنق لودج بجانب السوق الليلي 4 نجوم وسعره حلو ... اولا كل الفعاليات والحياة بالليل كسوق ممتازة ومتوفرة كل الفعاليات والمطاعم العربية ومكاتب الرحلات السياحية ومنها المهاجرين اضافة الى خدمة التوصيل من والى المطار بالمجان
ويفضل ان تاخذي راي اهل الخبرة بعد

يعطيكم العافيه ابي رايكم في هالفنادق
royal lanna hotel
royal princess
في شنق
ماي بتقولولي ليش مارحتي d2
انا ما احب اقعد مكان مزدحم من العرب والخليجيين
فاخترت هالفندقين اتمنى ترشيح واحد منهم
وما رايكم في هذا المنتجع
bellevilla
وشكراااا

اختي ليمونة بس عندي ملاحظة قوية بالنسبة للوزن على طيران اير اسيا. انا حجزت من كوالا الى بوكيت ومن بوكيت الى شانغ ماي.ومن شانغ ماي الى كوالا وللاسف ما في وزن مجاني بالمرة ولازم تحددين الوزن المطلوب اثناء الحجز وعن نفسي حطيت 60 كيلو وخذو علي تقريبا 10 دنانير تقريبا
مع ملاحظة ان الوزن في السابق كان 15 كيلو
اعتقد ان الهاند باق حاليا فري لغاية 7 كيلو داخل الطيارة

السلام عليكم اختي ليمونه حزينه وان شاء الله اتكونين سعيده دووم..

اذا انج بتسيرين ماليزيا بعطيج جدول سياحي وان شاء الله تستانسون فيه.

أول يوم وثاني يوم في كوالالمبور اتروحين صنواي لاجون وتقعدين فيها يومين في الحديقه المائية والالعاب والفندق وايد فخم وحلوو .
وثالث يوم اتسافرين على لنكاوي وتقعدين فيها 4 ليالي في فندق اسمه بلانجي بيتش ونظامه اكواخ على البحر.
وثامن يوم اتسافرين على بينانج وتقعدين فيها 4 ليالي في فندق شنغريلا راسا سينج .
واخر الايام اتكونين في كوالالمبور يومين منها في جينتينغ في و5 ليالي في كوالا في فندق جراند ملينيوم.

واما عن تايلند انا بروحي ابغي برنامج حق 10 ايام .

وين اللي سكن في كوخ من اكواخ شنق ماي دلوني عليه ابي احجز

يعطيكم العافيه
بستشيركم في الجدول
وابي را يكم

26\6 27\6
الوصول الى تايلاند صباحا والمكوث في فندق النوفيتيل القريب من المطار

------------------

27\6 5\7
جنتنق وكوالا
-----------------
من الى
5\7 الى 11\7
كوالا شنق ماي

--------------
11\7 23\7
شنق ماي بوكت

---------------------

23\7 31\7
بوكت بانكوك

---------------

ما رايكم في الجدول
وشكرا
كنت اتمنى ان اذهب الى كوسا ماي شرايكم اضيفها والا بيكون متعب علينا كثرة التنقل

شكرا يا اخي الكبير عبدلله

الله يسر اموركم وتستانسون وترجعون بالسلامة

رحلة سعيدة

المشاركة الأصلية كتبت بواسطة ليمونة حزينة
http://www.arabtravelersforum.com/tr...4/#post5554904

اخوي عبدلله اخترت انا هذا
krisdadoi resort chiang mai
بس ماعرفت شلون اختار الكوخ العائلي الحل





انا اعرف الكوخ العائلي يجي طابقين انا شفتهم بماليزيا ما ادري عنهم بتايلند

تستاهلين كل خير يا اختي

هاهاهاهاها
ما أستاهل أنسى والله راسي مفتر من فرارة الحجوزات وللحين ماحجزت كل يوم لهم خيار الذهاب الى ماليزيا
والبعض يريد الذهاب فقط الى تايلاند وعدم الذهاب الى ماليزيا وانا محتاره السفره طويله 35 يوم
اذا بقضيها فقط في تايلاند شلون بتتقسم
وبالنسبه للمنتجع اللي في شنق ماي ماعرفت احجز اللي اكواخ

حياج الله يا اختي مو ملاحظه اسئلتج واجد صايره هههههههههههههههههه ياليمونة
اتمني لكم رحلة موفقة يا اختاه

نوفوتيل المطار الدولى - Novotel Suvarnabhumi Airport Hotel
يقع على بعد 5 دقائق سيرا على الاقدام من المطار الدولى (سوانابووم)ويتألف من 612 غرفه وأجنحه جميعها ذات تصميم ممتاز يناسب أصحاب الترانزييت الطويل أو الإقامه السريعه لمدة ليله مرورا بالعاصمه بانكوك ,


أمارى مطار دون موانج - Amari Don Muang Airport Hotel
فندق أمارى المطار يقع بالقرب من المطار الدولي السابق دون موانج .قريبا من المطاعم العالميه مع كافة التسهيلات التجارية ، ويجعل منه خيار شعبي للجميع مع قطاع الاعمال والترفيه على حد سواء للمسافرين.


الوزن للطيران الداخلي والا اعرفه 20 كيلو فقط لا غير

اخواني شلون على الوزن انا بكون محمله عفش وماجله حق العيال يعني وزن وبطير مباشره من وصولي بانكوك على اسيا والوزن المسموح اتوقع لا يكفي ما الحل
كل اقتراحي اهو اني احجز فندق قريب من المطار للراحه ووضع الحقائب وبعدها الرجوع للمطار والسفر ما رأيكم
وشكرا

اخوي عبدلله اخترت انا هذا
Krisdadoi Resort Chiang Mai
بس ماعرفت شلون اختار الكوخ العائلي الحل

- فندق كريسدادوى ريسورت شيانغماى - Krisdadoi Resort Chiang Mai

يقع هذا النتجع على مساحة 20 فدانا فوق الجبال الخضراء بإرتفاع 700 متر فوق سطح البحر ويبعد عن مركز المدينه حوالى 20 دقيقه بالسياره ويعد هذا المنتجع ملاذا لمحبى الهدوء والتمتع بالطبيعه والشلالات الجميله وسط الحدائق النباتيه والأشجار الإستوائيه , والمنتجع

فئة 3 نجوم ويتألف من 20 كوخ (بانجالوه) منها ما هو مناسب للعائلات بمساحات كبيره وأخرى صغيره مناسبه للأسر الصغيره وقضاء أيام العسل وجميع الأكواخ مجهزه ومزوده بكافة وسائل وسبل الحياه العصريه بالإضافه إلى مرافق عامه جيده وخدمات ممتازه من إدارة

المنتجع تشمل التوصيل إلى المناطق السياحيه فى مدينة شيانغماى .



- فندق ماندرين أورينتال دهارا ديهفى - Mandarin Oriental Dhara Dhevi

يقع منتجع ماندرين أورينتال على مساحة قدرها 52 فدانا فى مكان هادئ وجميل وسط الطبيعه الخلابه وحقول الأرز الشهيره بمحافظة شيانغماى , منها 3100 متر مربع عباره عن منتجع صحى متكامل مع مجمع ملاعب للإسكواش والتنس مع ختيار أنيق من المطاعم التايلانديه

, والمنتجع من سلالة الخمس نجوم ويتألف من 142 أجنحه فاخره وفيلات رائعه على الطراز التقليدى لشمال تايلاند مع كافة وسائل وسبل الراحه والمرافق المتعارف عليها وخدمات عامه جيده .


- فندق بان ساباى فاليدج ريسورت سابا - Ban Sabai Village Resort & Spa

عباره عن منتجع صحى محاط بحديقه إستوائيه تحتوى على ما يزيد عن 20 نوع من النباتات الطبيعيه الرائعه , يبعد المنتجع عن مركز مدينة شينغماى مسافة 5 كيلو مترات وهو فئة 4 نجوم ويتألف من عدد 9 فيلات مختلفة الأحجام تبدأ بعدد 4 فيلات على نظام لانا المعاصر

لمحافظة شينغماى و4 فيلات بنظام مسابح خاصه وفيلا واحده على نظام منزل مكونه من طابقين الأول على نظام غرفة نوم حجم كبير مع حمام رئيسى داخلى والدور الأرضى مفتوح مع جاكوزى سباحه , وجميع الفيلات تبدأ بمقاسات 70 متر مربع وتنتهى عند 144 متر مربع

, وجميعها ذات تجهيز ممتاز وخدمات رائعه من مرافق عامه إضافه إلى وصلات الإنترنت .




اخوكم عبدالله الكويتي

سلام علييييييييييييهم أخباااااااااااااركم شلونكم

اخواني خواتي ابي اكواخ اسكن فيها كم في شنق ماي
ياليت ادلوني عليهم
والله كنت اعرف عنهم الكثير بس مخ مافي اللحين
وشكرااا

يا اخواني وخواتي ابي شقق في بوكت وبانكوك

[b]مافي الناس قامت ماترد ليش مادري وينكم يا خبراء وسفراء[/b]

بالنسبه لكوالا شقق اسكوت جيده وسعرها مناسب

ثااااااااااااااااااااااااااااااااااااااااااااانكس

http://www.booking.com/searchresults...tml?aid=358324

المشاركة الأصلية كتبت بواسطة q8hunter
http://www.arabtravelersforum.com/tr...6/#post5426016

اختي الفاضلة ، اذا تبين فندق في بوكيت رخيص وزين ، يعني مو فخم ولاهو سيء وموقعه حلو ، انصحج انج تحجزين بفندق توني ، ليلته بموقع بوكنغ 10 دنانير تقريبا((يابلاش)) خاصه انج بتاخذين غرفتين ..

يعطيك العافيه يا اخوي والله سعره يا بلاش بس انا في بوكت ابحث عن شقه من غرفتين ومطبخ ياليت لو في احد عنده فكره عن شقه في بوكت وقريبه على الششاطيئ
مره من المرات احدى الخوات قالت عن شقع بس ناسيه اسمها من الحلو يذكرني فيها وينج يا الباربي ادورين معاي عن شقه في بوكت

يعطيكم العافيه يا اخواني عدت اليكم للمره المليون
اخواني وخواتي احتمال كبير يتغير برنامجي لبانكوك
ويصبح المكوث بين اراضيها 35 يوم
والان المشكله والحيره وين اروح يا اخواني بها 35 يوم
اتمنى الكل يشراك بمقترحات ولاتخلون ليمونه لحالها
حتى لو اطلع من بانكوك وين اروح اقترحولي حتى لو دول قريبه وين
يا النشااااااااااااامه ساعدوني والله اليوم نايمه واحلم اني للحين مو مخلصه شي وافكر ومحتاره مره اقول اكنسل السفره واروح السودان والا الهند او الصومال واريح راسي
اف تعبت
ساعدوني
حاولت اني احجز فندق لي في كوالالمبور طلع علي حييل سعر غالي يعيشني في تايلاند اسبوع سكن ومصاريف
ماراح اقرق وايد بخليكم اللحين تحت ايدينكم الحلوه
صرفت بات قبل يومين
28 دينار كويتي 3000 بات
و100 دولار 27,450 دينار
وشكرااا

يعطيكم العافيه اخواني راسي احتاس ومحتاره وضايعه

ابي احجز طيران داخلي من بانكوك الى كوالالمبور يوم 26-6 الى 7-7 او 6-7
روحه بس ابي اعرف السعر والرايح راد كم\ عشان اقارن
او

كوالالمبور شنق ماي 6 ايام
او بانكوك شنق ماي
بانكوك كوالالمبور بانكوك
بانكوك شنق ماي بوكت بانكوك
بانكوك بوكت بانكوك
هاههاهاها ضيعتكم مثل ما انا ضايعه
ياربي تعبت
مافي وقت للحين ماحجزت شقق

2 كبار 4 اطفال

اختي الفاضلة ، اذا تبين فندق في بوكيت رخيص وزين ، يعني مو فخم ولاهو سيء وموقعه حلو ، انصحج انج تحجزين بفندق توني ، ليلته بموقع بوكنغ 10 دنانير تقريبا((يابلاش)) خاصه انج بتاخذين غرفتين ..

والله محتاره بالفنادق مومحصله غرف او اخذ شقق شرايكم

المشاركة الأصلية كتبت بواسطة ليمونة حزينة
http://www.arabtravelersforum.com/tr...2/#post5397972

يا مال العافيه مامنكم قصور
والله محتاره يالربع ويا ربيعاتي بالفنادق والاسعار نار ومحتاره في بوكت وش اخذ
يا اخوي عبدلله والعصيمي ولد البحرين والبقيه وييييييينكم ابي فندق يطل على شاطئ الباتونق وفيه مسبح خاص
لا تنسون معاي فروخ يعني ابي غرفتين وحده لي والثانيه لفروخي بعد عمري هالفروخ
وسلامتكم

بصراحه يا اختي انا ودي انج تاخذي بفندق الهوليدي ان لانه فيه مسابح حق الاطفال
زين شوفي تارا بيتش و فندق بان لاماي بيتش وراد اذكر لج اغلب الفنادق بالبوتنق بيتش

اخواني خواتي لاتنسون اني راح اروح ماليزيا 10 ايام
يعني بتكثر علي التنقلات وحجوزات الطيران الداخلي يا ويلي
ابي فنادق او شقق فندقيه او عاديه في بوكت وبانكوك
وراح ارووح بوكت وشنق ماي وبانكوك
ماليزيا
ولانكاوي
كولالمبور
بينانج
كوالا

في الباتونق ما في فنادق بمسبح خاص اختي ،،

كل الفنادق بدون مسابح خاصة تقريبا وكلها يفصل بينها والبحر شارع الا فندق باتونق باي قاردن patong bay garden هذا تقريبا على الشاطئ

هلا اختى ليمونة يوم شفت طلبج بالبداية استغربت يوم ليمونة تبى جدول عيل أنا شو اسوى افتر راسى من الفنادق ومن ترتيب برنامج يومى الصغارية الى يبى شوبنق والى يبى العاب .
تروحين وترجعين بالسلامة ان شاء الله .
تقبلى تحيات أختج ام جمال.

ماشاء الله عليك يا ليمونة كل واحد يبي يخدمك
شوفو للانسان المحبوب كل يبي يخدمه
الله يوشفقك

شقت الفندق يا قصتي وعجبني بس شوفيلي انا شنو يبلي غرفتين لي ولفروخي بيطلع يمكن علي واااايد
10 ايام

في بوكيت
خواتي مجربين هالفندق وايد حلو وخدمتهم حلوة
وعلى الشاطي ( الباتونق بيتش )

Patong Beach Hotel


ان كتب لي ربي السفرة بالعيد بحجز فيه

http://www.booking.com/hotel/th/pato...tml?aid=358324

هلا وغلا بأختي ليمونه
جدول الرحلة
يوم بانكوك للراحه من عناء السفر
5 ايام شنغ ماي فندق ريال برنسيس
8 ايام بوكت فندق الهوليدي ان او تارا بيتش
6 ايام بانكوك للتسوق فندق نوفيتيل سيام او لاندمارك


اخوكم عبدالله الكويتي *

معقـــــــــــــــــــــــولة اختي ليمـــــــــــونة حزينة , انتي نجمـــــــــــة بوابة تايلانــــــــــــــــد


ما شاء الله عالتواضع ( من تواضع لله رفعــــــه )


رحلة مــــــــــــــــــــــوفقة

ليمونة تحتاج برنامج ؟؟ لا وفي تايلند ؟؟ الله يالدنيا سبحان مغير الاحوال خخخخ

المفروض العكس انتي تعطين الزوار برامج سياحية
ملاحظة: بسبب مواضيع وردودج راح افصل نظارة طبية ! ما شاءالله قوس قزح كتبي بلون واحد او اثنين بالكثير

ما قلتي لنا جم ميزانية السكن لليلة الواحدة ؟ وكم شخص بالرحلة ( بالغين واطفال ) ؟

وتبين اكثر من منطقة؟ ولا بس بوكيت وبانكوك لان 20 يوم وايد نوعا ما اذا تتوزع على منطقتين !

المهم بقترح التوزيع التالي وانتي خبرينا بعدين اذا تستبعدين شي اما الفنادق في انتظار ميزانيتكم للسكن

التوزيع :

4 ايام شانقماي
8 ايام بوكيت
8 ايام بانكوك

احتاج برنامج سياحي في ماليزيا و تايلاند

شلونكم يا النشامه اخباركم
صبحكم الله بالخير
مساكم الله بالخير
اخواني خواتي
احتاج مساعدتكم لوضع برنامج سياحي وممتع لي ولفروخي
سفرتي بتكون ان شااءلله شهر بروح 10 ايام ماليزيا والباقي بيتوزع في تايلاند
معي اطفال من عمر 5 سنوات لي 10
يعني احتاج اماكن مناسبه لوناستهم
وشكرااا
اختارو لي فنادق واماكن سياحيه
وشكرااااااااااااااااااااا