[quote=ظفار عزي وفخري;5859016]
وجهة نظرك نحترمها لكن اشوف من الواجب الرد عليك
قلت انك سمعت عن صلاله واجوائها الحلوه طيب ما سمعت انه في ها الفصل تظهر فيه هالحشره والي تاتي متزامه مع هالفصل وما سمعت انه ايجارتها مرتفعه وما سمعت انه وووووووو اكيد كنت عارف قبل ما تجي بالسلبيات طيب ليش زرتها ؟؟؟؟؟
ولا زرتها عشان تنتقد وطلع فيها عيوب الدنيا كلها او لحاجه في نفس يعقوب مثل ما يقولون
الله اعلم بالنيات
شي طبيعي تعتبرها مبالغه لانك قادم عشان تشوف عيوبها بس
عندك فنادق خمس نجوم (هيلتون وكراون وماريوت ) و شقق فندقيه تم افتتاحها قريب وقمه في النظافه واسعارها مناسبه و فلل للايجار ليش ما سكنت فيها ولا تدور على الرخيص بس وجاي تنتقد واذا فيك كسل ومو قادر تبحث هذي مشكلتك
الاسواق موجوده في كل مكان وعندك استقرار هايبر ماركت ولولو هايبر ماركت وسنتر بوينت وماكس وفيه مول راح يفتتح في بداية 2012 لمستثمر كويتي
وبعدين اقولك انت جاي عشان الطبيعه ولا جاي عشان تتسوق لو جاي عشان التسوق عندك دبي وغيرها بتحصل فيها ضالتك اما صلاله للي يحب الطبيعه والرحايل والتخيم والجلوس فيها وهذا احلى شي فيها مو محتاجين للمولات والخرابيط
عندك مطعم بن عتيق الشعبي وعندك الكنتاكي وبتزات هت وفيه مطاعم تركيه وصينيه وشاميه واذا بعد قرفان من هالمطاعم اطبخ بالبيت
اللحوم الزينه موجوده في السوق المركزي واذا مو حاب الصومالي عندك اللحوم البلديه بس صعب تشتريها لانها غاليه عليك
في بخاخ بالصيدليه يبعونه رخيص يحمي من هالبعوضه
حتى الطين والحجر ما سلمو منك
حلات صلاله ببساطتها اقولها واعيدها صلاله للي يحب الجلوس والاستمتاع بالطبيعه حتى لو كان راح يخيس في الوحل اصلا لو ما توسخت بالطين الممزوج بالرذاذ ما تعتبر جلسه حلوه واعتقد فيه كراسي خفيفه يبعونها اذا كنت حاب الجلوس او تشتري بساط للجلوس على الارض
زين انك ذكرت شي ايجابي
يكون احسن اتمنى ما ترجع لها حتى لو تطورت لانك تبع المولات مو تبع الطبيعه
فديت صلاله واهل صلاله الي تارسينها
تبغى الحقيقه اول عومااني اجدهــ بهذا الاسلوب اللي اترك للغير الحكم عليه وهذا بعد تعديل بعض الالفاظ التي تعبر عن فكره وعقليته وثقافته ..
بصراحه الشي المعروف بدول الخليج ان الشخصيه العومانيه دايم تكون هادئه يفرض احترامه على الغير .. لكن انت الله يهديك ..