أضف مشاركة إلى الموضوع: صقر بيرووت والكل ممكن تجون هنا
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
سلام اختي حلوة المبسم لاتاخذين في خاطرك ولايهمك حجابنا وسام عز وفخرعلى صدورنا لاتزعلين عزيزتي بعدين ماتنبسطين الرحله مايسوى عليك واحنا سفراء لبلدنا في اسلوبنا واخلاقنا واخيرا00اتنمنى لك رحله سعيدة وموفقة ودمتي بود
بانتظارك حلوة المبسم ... عسى رجعتي من بيروت وانبسطتي ... عطينا رايك وتقريرك بالتفصيل .. وباختصار هل تستحق ان الواحد يقضي فيها 3 ايام الاسبوع القادم .. وكيف الجو .. وهل فيه فندق غير السفير تنصحين فية ... ربي يوفقك
هلا اختي حلوة المبسم انشالله تقضون وقت حلو بلبنان وتردون بالسلامه انشالله
ثنكيووو ياصقر ونعم فيك اليوم برد جدا في بيروت والهوى طيرنا وجربت اغلب الاماكان الي قلتو لي عليها باقي اطلع فريا ومطعم منير واليوم جربت جراند كافية بجد مايستحون ابدا ماعبرونا فقط لاننا بالعباية وواضح تعاملهم موش تمام ويادوب خذو الطلب وتركونا انا عصبت وطلعت وتركت اهلي لحقوني لاني ماحب الاسلوب ذا وتوبة اروح له وبكرة نبدا يوم جديد والله يعين الجميع
المشاركة الأصلية كتبت بواسطة حلوة المبسم http://www.arabtravelersforum.com/tr...8/#post1123378 صقر بيروت كيفك اانا الان في بيروت ورسلت لك ايمل ياريت تقولي اهم مناطق الغداء والعشاء في منطقة الروشة قريب على فندقي ولو تعرف صالون كويس للمحجبات تقولي تكفى اعتبرني اختك وهل امن لي اخرج من بلليل ؟ وابغى اعمل شوبينغ حلووو فقط بالحمراء وياخوي نار اسعار السيارات شلون اهلين بالنسبه للمطاعم القريبه لفندق السفير / عندك مطعم كرمنا بجانب بيتزا هت على الروشه وهو فرع لي مطعم كرمنا اللي بالسوليدير ويعتبر مطعم راقي . بالنسبه لصالون التجميل الخاص بالمحجبات تجدينها بكثره في مناطق قريطم والساقيه وعائشه بكار وهي احياء قريبه من الفندق. اعذريني الآن لايحضرني اسم صالون محدد،ولاكن احاول اني افيدك لاحقا. وبالنسبه للخروج ليلا ما حددتي كيفية الخروج هل مع سائق خاص ولاماكن قريبه ومعروفه والوقت ما يكون بعد 11 مساء لانه بعد هذه الساعه تكون الطرقات شبه خاليه وخاصة وسط الاسبوع . اذا بغيتي تتسوقين انتبهي للاسعار تراهم اذا شافوك خليجيه راح يرفعون عليك السعر مباشره بس انتي كاسريهم بنصف السعر لان اغلب المحلات اللي بالحمراء ليست ماركات اصليه وتكون الاسعار بمتناول البائع يرفع وينزل السعر اذا اراد. اما الكلامك ان السيارات غاليه ! اكيد راح تكون غاليه لانك بنظرهم سائحه ومن الخليج جايه ومعك دولارات كثيره وهم بدهم يعوضون الركودالسياحي وعدم وجود زبائن كثيره لديهم بسائحه اوسائح خليجي يأتيهم مباشرة وجها لوجه . اتمنى لكم اقامه ممتعه في بيروت . تحياتي ،،،،،
مرحبأ اختي العزيزة إذا انتي سكنتي في فندق السفير :24: فالفندق حلو جدأ وقد سكنت فية أكثر من اربع مرات وأرتاح فية كثير لأنة هاي ومحترم يعيب فيه فقط صغر اللوبي ويوجد فيه مطعم إيطالي جدأ رائع وأيضأ يوجد فيه صالون حلاقة وفية بنت بإمكانك أن تسأليها عن الصوالين النسائية . ولايفوتك ال غي بي سي مول الأشرفية عنده ماركات جدأ جميلة بس شوي غالي وأذكر طلعت منة بـ 700 دولار تقريبأ . وإنشالله يردون من هم أكثر خبرة مني تحياتي
صقر بيروت كيفك اانا الان في بيروت ورسلت لك ايمل ياريت تقولي اهم مناطق الغداء والعشاء في منطقة الروشة قريب على فندقي ولو تعرف صالون كويس للمحجبات تقولي تكفى اعتبرني اختك وهل امن لي اخرج من بلليل ؟ وابغى اعمل شوبينغ حلووو فقط بالحمراء وياخوي نار اسعار السيارات شلون
المشاركة الأصلية كتبت بواسطة Q8_78 http://www.arabtravelersforum.com/tr...9/#post1121769 وين صقر بيروت تراني في بيروت صارلي فتره خلنا نشوفك اهلين حبيب البي Q8_78 الحمدلله على السلامه ارسلت لك رقم الجوال على الخاص . وشو ما بدك بيصير تحياتي ،،،،،
وين صقر بيروت تراني في بيروت صارلي فتره خلنا نشوفك
اهلين معك السلامه انشاء الله بغيت ارسلك رقم السائق حسن لانه يقدر يجيب لك تخفيض 40% تقريبا على فندق السفير . لانك قلتي انك تبين تسكنيين فيه . او اذا بدك سياره او شوفير . لاكن تجدين رقمه في موضوعي /ماذا تريد ان تعرفه عن لبنان _ صفحه (11) . رحله سعيده واقامه ممتعه في بيروت . تحياتي ،،،،،
تروحين وتردين بالسلامه انشالله
انا اليوم مسافرة باذن الله ادعو لي ولو احتجت شئ بدخل واكتب لكم صقر بيروت جاني خاص منك بس مايفتح ليش؟ يلا مشكور اخوي
اهلين اختي الكريمه ( حلوة المبسم) اشكر لكي اعطائي الثقه بالاستفسار وانشاء الله اوفق في اعطائك الصوره الواضحه بالنسبه لفندق السفير فهو اختيار موفق لما يتمتع به هذا الفندق بمزايا حلوه . واقترح عليك استأجار سياره بسائق تكون تحت طلبك بأي وقت وتذهبين بها الى اي مكان بخصوصيه وامان اكثر من سيارات الاجره . اماكن التسوق كثيره مثل ستي مول (جيان) بالدوره على طريق جونيه. مجمع تجاري متكامل جديد وكبير وفيه اغلب الماركات وكفي شوبات وسينما وملاعب اطفال . abc الاشرفيه مجمع حلو فيه جميع الماركات ومطاعم وسينما . مجمع فردان 732 ومجمع فردان 730 وفيها ماركات ومقهى اموري واستاربكس الفردان. شارع الحمراء ولاكن يغلب عليه الماركات المقلده وليست الاصليه /والصناعات اللبنانيه والتركيه وغيرها. abc فرع الضبيه يقع على نفس طريق جونيه . موسم الثلج مازال حتى الان لم ينتهي يبي يمديك عليه انشاء الله وهذي فرصه لكي بتوديع الثلج قبل انتهاء موسمه الحالي . اتمنى لكي اقامه ممتعه في لبنان . تحياتي ،،،،،
الله يسعدكم معلومات رهيبه موني يسلمووو يالبي بالفعل كلامك حلووو واانا كنت مخططة اخذ شتوي كويس نبهتيني انا ابغى ااعمل شوبيغ مرتب وابغى هوت كيتور يلا مشكورة على المساعده
مرحبا اختي حلوة المبسم... انا توني من يومين راجعة من لبناان الصرررراحة الرحلة كانت فضيعه ... رحنا على الخطوط الجوية القطرية سكنا في الكراون بلازا ما حتجنا ناخذ تكاسي أكثر شي مشي لأن شارع الحمرا كل شي فية :101: اما جو بيروت مثل جونا اللي بالخليج في برودته يعني عادددي بس لين تروحين فوق يبرد بس فرايا يبيلها جاكيت ثقيل وواقي شمس لأنج بتسمرين هناك اما سووقهم كلش مافي بضاعة الا الشتوووي بس الحين بالتدريج قاموا ينزلون الصيفي لأن كلة عندهم سيل ونصيحة لاتروحين الحبتوور موول لأنه مافية شي رحناه وكان الشارع زحمة والمجمع ميت مافية روووح تحسفنا انا رحنا هناك ابد وبعيد روحي اي بي سي الأشرفية فضيع وقعدت المطاعم فوق تجنن جنج في أوروبا وروحي ستي مول هو مجمع تجاري كبير والمطاعم اللي رحناها منويلا ومنير اللي برمانه وفي مطعم في الروشه عالبحر ماعرف شسمة بعد اوكيه اما الحلويات فشرينا البقلاوه من عند أمل البحصلي ومعمول الفستق عندها طعمة لذيذ والموالح شريناها من عند قوديز اللي بالفردان وانا من رايي اذا بتطلعين اجري لج سيارة اوفر من التكاسي هاي بس في الأيام اللي بتروحين فيها رحلات مثلا فارايا اوجعيتا او التلفريك او جبيل واذا تبين اسامحي محلات للمجوهرات قولي لي ...انشالله اذا كان عندي وقت راح أنزل صور :24: اي نسيت أقولج ودي معاج مظلة يمكن تمطر عندهم لأن فنادقهم مش نفس أوروبا تعطي مظلات ولا تودين معاج ملابس نوم ثقيلة لأن مافية تكيف والغرف تستوي حر خير شر ماتقدرين تفتحين المكيف ومافية درايش يعني فليل تفطسين من الحر :110: ولين تقولين لهم حر يقولون لج هاي نظام الفنادق في الشتا عندهم :114: واي استفسار انا حاضره..
الأخت حلوة المبسم حياك الله معنا وأنشالله تجدين من الأخ صقر بيروت وجميع الزملاء أجابة على تساؤلاتك لكنني لا أظن أن الموضوع بحاجة لفتح نافذة موضوع جديد لطرح سؤالك بأمكانك أختي الفاضلة الذهاب إلى موضوع الأخ صقر على هذا الرابط وطرح سؤالك فية وأنا أؤؤكد لك أن أخونا صقر والجميع لان يتأخر في خدمتك. لأن فتح موضوع جديد على كل صغيرة وكبيرة يشكل عبئ على البوابة ويسبب في تراجع الكثير من المواضيع المهمة عن المقدمة http://www.travel4arab.com/vb/showthread.php?t=53020
هلا روان مشكورة على المساعدة يالبي طيب سووال الان لمى اطلع من جدة ع بيروت احتاط باللبس الثقيل لاني ابرد بسرعه ولا عادي يعني والبرد مومره قوي؟ وعموما باخذ الاب توب معي واكون على تواصل وياكم
صقر بيرووت والكل ممكن تجون هنا مساكم الله بالخير ياحلوين صقر بيروت اخوي اش رايك بفندق السفير وابي تقولي عنة ااذا تمام وعن فارياا ودي العب بالثلج وابغى اعمل شوبينغ لاينتهي وهل تئيد نستئجر سيارة خاصة بنا ولا نقضيها تكاسي ؟؟؟ وياريت المنتدى يفتح الخاص لنا ويسهل التواصل بينا لان صراحه كذا موتمام كل مانبي شئ موضوع وننتظر وانا رحلتي خلاص مابقى عليهاشئ اخوي صقر بيروت ياريت تفزع لي
صقر بيرووت والكل ممكن تجون هنا
قوانين المنتدى