الرد على الموضوع

للعلم فنادق المنطقة العربية في بتايا لا تتأثر بالهاي سيزون
يعني ما تتغير اسعارها على مدار السنة
مثل فنادق فيسي وبوتيك ،، الخ
بس ما تصلح للعوائل نهائيا

اما الاتحاد 6130 على السياحية...

والبزنس 11780 بنفس التواريخ السابقة ..۔

للشخص الواحد ..۔

بصراحه الاسعار نار

جان زين هالسعر على نفس التاريخ اللي انا ابغيه

ان شاء الله ناوية اسافر على 16/12 لين 4/1/2012م

السياحية 5000 والبزنس 9080 للشخص الواحد على طيران الامارات

والتايلندية على نفس التاريخ السياحية 3840 اما البزنس 7560 للشخص ..۔

وانا ناوية اسافر على الاماراتية اهون من التايلندية اخر

مره كنت على التايلندية ماحبيت السفرة مع انه على البزنس

السلام عليكم ورحمة الله وبركاته


اخواني بالنسبه لأسعار الطيران رخيصه بالنسبه لاسعار الصيف

تذكره سياحيه على طيران الامارات بتاريخ 5 ديسمبر 2011 ب 3010 درهم دبي بانكوك دبي

أنا جيكت على السيريلانكية والعمانية وما كانو بهذي الأسعار


السيريلانكية



العمانية



أنا راعيت للأسعار فمن جذي تلاقي يوم زايد أو يوم قاصر لكن مع هذا ما توصل التذكرة 450 دينار ؟؟؟؟؟

موفقين

الله يعينا على الاسعار توني مشيكه على طيران الامارات السياحية 4320 للشخص

والبزنس 9080 للشخص يعني انا وزوجي 18160

الاسعار مولعه نار

ما شاء الله على طيران الخليج بـ 450 دينار !!!
أنا أخذتها قبل بـ 170 دينار !!!
الى هالدرجة ؟؟؟

اذا جذي التذاكر اعتقد إني بهون
لأنه ما تسوى

يا جمعه احد يأكد أو ينفي هالمعلومة
وبخصوص السكن ياليت أرخص الأسعار لأني بصراحة مليت وأبي اسافر أغير جو

موفقين

أحنه ان شاء الله ناويين على تايلند في ديسمبر
وتوني مخلصه حجوزات كامله
الطيران الدولي أسعارها نااار مولعه صارت قيمه تذكرت تايلند على طيران الخليج 450
وباقي الطيران يا ما حصلنا حج يا غاليه حدها وما تسوى تندفع لتايلند الي اصلا تذكرتها حدها رخيصه في شهور اخرى
فقررنا نروح عالسريلانكيه
ناس مدحوها لنا وحصلناها لشخصين وطفل ب 600 دينار بحريني
تمر في الروحه ترانزيت كولومبو لمدة ساعة تقريبا
وفي الرجعه تبقى في كولومبو حوالي 22 ساعه والفندق والمواصلات عليهم قلنا فرصه نشوف الديره وخاصه ان احنه مخططين نروح لها هالمره
بالنسبه للفنادق في بانكوك وشانغماي اسعارهم معقوله ونفس كل وقت تحصل الغالي والرخيص
لكن فنادق بوكيت ضو حدها اسعارها تدبلت في فنادق كنا ندفع لها 72 دولار وصل سعرها ل 128 وأكثر فبوكيت أغلى مقارنه بالباقي

بالنسبة للطيران الداخلي حجزنا عليه بس صراحه نسيت كم كنا دافعين قبل فمادري اذا زاد او نقص
أتمنى اني فدتك

بإنتضار ألخبيرة السياحيه ...

مشكور اختي الخبيرة السياحية على هذي الإطلاله والإجابه الواضحة والمحددة

فرحتيني بخصوص انه العرب في هالفترة لا يتواجدون بتايلند

اخي الكريم
الجو مثل ماقالوا الاخوان
وان شاء الله الفيضانات بتنتهي قبله
وقد بدأت بالانحسار فعليا
____
بالنسبه لشهر 12 وانه هاي سيزون فلمصلحتك اصلا ((ايش المشكله))
لقله العرب فلايخرب اي دوله غير العرب
ونحن لانسافر الا بهذا الشهر
واما بالنسبه للاسعار فكل شيء ثابت ماعدا الفنادق .۔ بعضها
لديهم اكثر من سعر حسب المواسم
،، ولا يمكن ابدا ان يكون دبل أو ضعف السعر

بالتوفيق لك وصدقني هو افضل شهر للسفر

بالنسبه لموسم الهاي سيزون في تايلند
الارتفاع الاساسي يكون في اسعار الفنادق
حيث انه معظم او جميع الفنادق في هالفتره ترفع اسعارها بنسبة تصل الى 100% عن الاسعار العاديه
لانه هذا اعلى موسم سياحي عندهم خلال شهر ديسمبر و شهر يناير !!
غير كذا الرحلات والمطاعم ماترتفع اسعارها

رحله موفقه !

مشكور اخي حسن الحمادي يا بو علي
فرحتني بالنسبه للجو وكدرتني بالنسبه للأسعار
يعني الأسعار تكون الضعف ؟ دبل
يعني مثلا اذا الغرفه لشخصين تكون الف بات كم تكون تقريبا
اذا كانت الميزانيه سبعه الاف ريال لعشرين يوم كم أزيدها ؟
مشكور مرة ثانيه عزيزي

الله يفرج كربتهم ان شاء الله ...

وباذن الله تعالى بسافر شهر 12...

اذا الله راد وتيسرت امورر تايلاند ...

و عليكم السلام و رحمة الله و بركاتة
اولا دعواتك بان تكون تايلند في شهر 12 امنه من ناحية الامطار و الفيضانات و غيرها """"

نعم ممكن تمارس كل الانشطة الرياضية بتايلند و على مدى العام و الاجواء تكون مناسبة ، نصيحة لا تسبح في الاماكن الغير مطمئن منها و عادة يكون البحر فيها تيارات مائية او الشاطئ غير امن ۔

شهر ديسمبر تكون في تايلند موسم الهاي سيزون و السياح في قمة تواجدهم بتايلند و الاسعار ترتفع و خاصة الفنادق ۔
تمنياتي لكم برحله سعيدة و موفقة """"

الجو شهر في تايلند

السلام عليكم
حبيت اعرف حاله الجو في تايلند شهر 12
هل هو بارد ؟
يعني اقدرالبس شورت وفانيله واسبح في البحر بدون الشعور بالبرد هههههههه
لاني ابي اروح والجو يكون صيفي وحار هههههههههه
واللي راحو قال انه تايلند على مدار العام تكون حارة وتقدر تسبح وتمارس الرياضات الصيفيه بس مو مصدق هههههههه
ثاني شيء حبيت اسئل عن الاسعار في شهر ديسمبر يعني هل الفنادق وحجوزات الطائرات من البحرين لتايلند مرتفعه ؟
والطيران الداخلي مرتفع ؟
بأختصار هل شهر 12 يعتبر موسم والاسعار مولعه نار لو شلون ؟
لاني ناوي اروح في شهر ديسمبر

مشكورين مقدما