أضف مشاركة إلى الموضوع: محتاج مشورة للتخطيط للسفر
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
جدول حلو وتوزيع ممتاز ،، خذ لك طلة على تقريري لاخر سفرة في قسم تايلند الرئيسي بتحصله مثبت ،، بفيدك وايد خاصة انا المناطق اللي رحتها باخر سفرة بالضبط نفس اللي بتروحها ،،
مشكووور يالغالي على الرد، شرايك في جدولي:- ١- الوصول الى بانكوك و على طول اخذ طيران داخلي الى بوكت ٨ أيام ٢- مغادرة بوكت الى بانكوك و اطق لي باص لي بتايا لمدة ٦ أيام ٣-العودة الى بانكوك ٣-٤ أيام للتسوق و الترتيب للرجعه (عاد اذا بقت فلوس حق التسوق) ههههه
بس ياخي ليش ما تنصحني اسكن في شارع العرب مال بتايا ، انا ابي مكان حيوي و يكون كل شي يمي عشان ماتعنى له. تنصحني ااجر موترسيكل في بتايا والله ما يحتاي؟ -منطقة العرب مثل ما قلت لك حق المطاعم والاكل العربي والمقاهي بس غير ذي المكان مو نظيف مثل باقي الشوارع ،، وبالنسبة بانه مكان حيوي بالعكس بتايا كلها حيوية ولا تحاتي موضوع الروحه لمنطقة العرب المواصلات في بتايا برخص التراب عندك البيك اب ابو 10 بات اركب وطق الجرس مكان ما تبي ينزلك وعطه 10 بات ،، او عندك الموتر بايك تاكسي اركب وراه بالموترسيكل ويوصلك بـ 40 او 50 بات بس وطبعا هذي متعة بحد ذاتها واسرع بالتوصيل ،، وطبعا بتايا تصلح تاجر موترسيكل بس اذا ما عندك ليسن موتر سيكل بتتغربل مع المرور كله غرامات توصل الى 400 او 500 بات وهم يترصدون للاجانب والسياح . عموما منطقة بتايا صغيرة وكل شي جريب منك فلا تحاتي . اخر سؤال : الظاهر بخلي السفرة بوكيت و باتايا و بانكوك، أتوقع 1000 دينار تكفيني حق 20 يوم (بدون التذكرة الرئيسية)؟ - اي ان شاء الله تكفي بس تخفون يدكم على السوق وتحاسبون للصرف وخاصة في بوكيت تره الفلوس فيها تتبخر بسرعه ههه ،، لكن بتايا ولا تحس بالمصرف كل شي رخيص ،،
ما قصرت يا ولد البحرين كفيت و وفيت و مانسى بعد اخوي عبدالله الكويتي بس ياخي ليش ما تنصحني اسكن في شارع العرب مال بتايا ، انا ابي مكان حيوي و يكون كل شي يمي عشان ماتعنى له. تنصحني ااجر موترسيكل في بتايا والله ما يحتاي؟ اخر سؤال : الظاهر بخلي السفرة بوكيت و باتايا و بانكوك، أتوقع 1000 دينار تكفيني حق 20 يوم (بدون التذكرة الرئيسية)؟ و تسلم.
اخوي ولد البحرين شترشح من فنادق لي في بوكيت(باتونق بيج) و بتايا(شارع العرب) و بانكوك(شارع العرب نانا) و الميزانية ٢٠ دينار غير اللي رشحهم عبدالله؟ بوكيت الباتونق بيتش: - فندق c&n - فندق توني ريسورت - فندق اماتا ريسورت - فندق جانق ريسورت - فندق بومانبوري (غرفة ديلوكس ولا تاخذ سوبيريور) - بوبا بالاس بتايا : نصيحة لا تسكن بمنطقة العرب ما تسوه كلش خلك مكان ثاني وروح لمنطقة العرب للقهاوي او لتناول الوجبات بس،، اما فنادق شارع العرب المشهورة عندك : - في سي - مارين ينسباي - مون لايت بس الحجز يكون من الفندق وغير ذي دايما يبون بخشيش! يعني اسكن فندق محترم ونظيف بعيد عن شارع العرب احسن ،، وهذي فنادق حلوة ارشحها لك : - Baywalk Residence (فندق ممتازقريب من منطقة العرب و قريب من البحر بس سعره اكثر من 20 بجم دينار ) - Sabai Wing - Sabai Empress Hotel - Areca Lodge Hotel - April Suites Pattaya - Sabai Lodge Hotel - Sabai Resort - Pattaya Bay Resort - Nova Park Hotel بانكوك: - جراند ان (في شارع العرب) - ايبيز نانا - سولو 2 - Omni Tower Serviced Residences - Boss Suites - Heaven@4 Hotel - Unico Express (في شارع العرب) في بوكيت ناوي ااجر موترسيكل سكوتر بغيت محل مجرب و ثقة اذا ممكن و مشكورين. -اغلب المحلات مضمومنة اخوي وفي فنادق وايد تأجر بعد ،، انا ما اجرت من قبل حتى افيدك لكن اعرف وايد من الربع يأجرون بدون مشاكل ومو من محل معين ،،
لا شكرا علي واجب يا اخي العزيز
مشكورين اخواني ولد البحرين و عبدالله الكويتي اخوي ولد البحرين شترشح من فنادق لي في بوكيت(باتونق بيج) و بتايا(شارع العرب) و بانكوك(شارع العرب نانا) و الميزانية ٢٠ دينار غير اللي رشحهم عبدالله؟ في بوكيت ناوي ااجر موترسيكل سكوتر بغيت محل مجرب و ثقة اذا ممكن و مشكورين.
المشاركة الأصلية كتبت بواسطة bigbin609 http://www.arabtravelersforum.com/tr...3/#post6751103 وعليكم السلام اخي العزيز جدول الرحلة 4 ايام شنغ ماي 7 ايام بوكت فندق بان لاماي بيتش 6 ايام بتايا فندق مارينا ينسباي منشن 3 ايام بانكوك فندق قريس الحجز عن طريق النت ارخص واحسن لك اخوك : عبدالله الكويتي هلا اخوي بو عبدالله مشكور على المرور يالغالي و نورت الموضوع، ممكن لاهنت رابط الفندق مال بتايا؟ و هل مكانه في منطقة العرب؟
المشاركة الأصلية كتبت بواسطة hash3300 http://www.arabtravelersforum.com/tr...7/#post6748203 السلام عليكم و رحمة الله و بركاته يا شباب انا افكر ازور تايلاند في شهر يونيو للسياحه، و حبيت اخذ منكم المشورة من حيث توزيع الأيام المدن اللي بزورها (بوكت و بتايا و شنقماي و بانكوك)و طريقة الوصول لها اذا كانت بالسيارة او بالطيارة علماً ان مدة الرحلة من ١٥-٢٠ يوم. استفسار ثاني: بالنسبة للسكن، هل من الافضل ان احجز عن طريق الانترنت قبل السفر او اقدر احصل فندق لما اوصل هناك، السفرة راح تكون شبابية و ما عندنا اغراض وايد. حالياً هذي الأسئلة اللي في بالي و ان احجت شي ثاني ادري انكم نشامى و ماتقصرون. وعليكم السلام اخي العزيز جدول الرحلة 4 ايام شنغ ماي 7 ايام بوكت فندق بان لاماي بيتش 6 ايام بتايا فندق مارينا ينسباي منشن 3 ايام بانكوك فندق قريس الحجز عن طريق النت ارخص واحسن لك اخوك : عبدالله الكويتي
هلا والله حيالله ولد البحرين ، ولد ديرتي مشكوووور اخوي على الرد السريع، بس عندي جمن سؤال سريع:- *ميزانية الفندق في حدود ١٠- ٢٠ دينار، اي أحسن احجز من الفندق نفسه او من مكتب سياحي؟ و اذا تشور علي جمن فندق تسوي فيني خير، اهم شي يكون في منطقة العرب و حوله مطاعم و قهاوي *اول ماوصل بانكوك، اي احسن اخلي بتايا اول محطة والله بوكيت؟ * ناس يقولون كوسموي احسن من شنقماي حق شباب، شرايك انت تسوى اروحها؟ و مشكووور مقدماً
توزيع الايام : بوكيت 7 ايام شانقماي 3 ايام بتايا 5 ايام بانكوك 4 ايام يبقى يوم واحد ويصيرون 20 تقدر تخليها في بتايا ،، بالنسبة للفنادق اذا تبي تختصر الوقت وتضمن الحجز فالنت ممتاز جدا ،، اما لانكم شباب فاعادي تلفون وتختارون فندق يعجبكم وحسب ميزانيتكم ،، واذا تبي نرشح لكم فنادق حدد لنا كم الميزانية لليلة الوحدة ونشوف لك شي حلو ومميز ،،
محتاج مشورة للتخطيط للسفر السلام عليكم و رحمة الله و بركاته يا شباب انا افكر ازور تايلاند في شهر يونيو للسياحه، و حبيت اخذ منكم المشورة من حيث توزيع الأيام المدن اللي بزورها (بوكت و بتايا و شنقماي و بانكوك)و طريقة الوصول لها اذا كانت بالسيارة او بالطيارة علماً ان مدة الرحلة من ١٥-٢٠ يوم. استفسار ثاني: بالنسبة للسكن، هل من الافضل ان احجز عن طريق الانترنت قبل السفر او اقدر احصل فندق لما اوصل هناك، السفرة راح تكون شبابية و ما عندنا اغراض وايد. حالياً هذي الأسئلة اللي في بالي و ان احجت شي ثاني ادري انكم نشامى و ماتقصرون.
محتاج مشورة للتخطيط للسفر
قوانين المنتدى
