أضف مشاركة إلى الموضوع: حياكم شباب توني راجع من بيروت
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
وش دعوى أخوي حق وواجب أهلا وسهلا فيك
شكرا جزيلا اخي صدى الصمت على سرعة التجاوب ولك مني الف تحيه.
السلام عليكم أشكرك أخوي mothabitعلى إطرائك وبالنسبه للسوليدير عزيزي 25دولار تدفع للكرسي مع طبق عشاء أو صحن فاكهه وليس للطاوله والأسعار قد ترتفع إلا ال 70 دولار للكرسي أحيانا ولكن متوسط السعر والمتداول هو 30 دولار وحياك الله وأنا حاضر لأي تفاصيل تبغاها عندي وعند الشباب خير وبالتوفيق
اخي صدى الصمت: اشكرك على هذا الطرح الجميل وكنت اتلهف الى مزيد من التفاصيل واتمنى ان اراها في مشاركاتك القادمه. سؤالي ايها الحبيب عن السوليدير هل صحيح ما سمعناه عن ان المطاعم بالساحه تفرض رسم 25 دولار على كل طاوله؟ ولك تحياتي
بسم الله الرحمن الرحيم السلام عليكم جميعا أخوي فيصل بالنسبه للشقه فهي شقه ملك خاص لأحد ألأصدقاء وهم لا يقومون بتأجيرها وآسف على التأخير بالرد شكرا لك
ممكن اعرف كم اخذت الشقه وممكن عنوان الشقه او رقم تلفونهم شكرا
ههههههههههههههه الله يسلمك يا خوي المشاغب صدق إنك مشاغب يا خي أحسن النيه وأشكرك على مرورك بالتوفيق........
أشكرك أخوي مسافر2010 على مرورك بالتوفيق
ما قصرت ويعطيك العافية
الله يسلمك أخوي سفير الغيوم وأشكرك على مرورك هذي نبذه عن رحلتي وسامحوني ترى ما عرف أكتب يالله أقرا يعني الأسلوب شوي تعبان لكن أحرجني سفير الغيوم ولعيونه بكتب عزيزي بتكلم بصراحه برنامجي بشكل عام كان ماشي صح لكن أنضرب بالنهايه طيب الطلعه كانت مكونه من جزئين الأولى تبدا من الساعه 2 الظهر والثانيه تبدأ من الساعه 8 الليل حرصنا إننا نروح للمناطق إلي فيها طبيعه ومناظر حلوه أثناء النهار وبالليل يكون جلسه في أحد المطاعم فوق الجبال مره رحنا لبرمانه هذي منطقه جبليه يكثر فيها السعوديين خاصه وهي منطقه مرتبه وهاديه مقارنه بالأماكن الأخرى تمشينا فيها وأستمتعا بالأجواء البارده والمناظر الحلوه وتغدينا في مطعم منير وتقهوينا وروقنا وطلعنا من برمانه ورجعنا للشقه رحينا وغيرنا ورحنا نشوف مجمع ال abc الأشرفيه تقريبا هو أفضل مجمع عندهم قليله مجمعاتهم لأنهم يعتمدون على أخذ محلات على شارع حيوي وخلاص كل محل لحاله خاصه الماركات الفخمه وبعدها رحنا للسولدير مكان كله مقاهي ومطاعم حق فشخره عادي تشوف مشاهير هناك والأرض كلها مكياج هالخليجيات ما قصروا الدعوه هناك تحدي تقهوينا وضاقت صدورناورجعنا للشقه وجلسنا بالبلكونه أهم شي إذا رحت لبنان وسكنت في منطقه مرتفعه شوي لا يفوتك منظر الشروق شي روعه وتشوف السحاب على قمم الجبال شي يخوف ويوم رحنا لمغارة جعيتا وشفناها وأنبسطنا وطلعنا لعاليه وفريناها هي وبحمدون بالنهار قلنا عشان لا يفوتنا المنظر ورجعنا للشقه وبالليل رحنا لمطعم جنة بحمدون كلها كويتيين مره ما تحس إنك بلبنان ويوم رحنا للتلفريك إلي ياخذك فوق عند الكنيسه وبلليل رحنا لعاليه في بتي كافيه كل ربعك هنا ضحك ووناسه وفيه مطرب خليجي أسمه طلال هزاع إنسان خلوق وتراه طلع في نجم النجوم لا تنسون تصوتون له طيب ويوم رحنا للبحر في منطقه إسمهاالبردون على ماظن تقريبا 30 دقيقه من جونيه وبالليل رحنا للبتي كافيه تقريبا كل يوم هناك لازم نطق الكرت ومره رحنا للموفنبك عندهم مركبه إي تحت غواصه وفوق قارب يمشيك ويمر بك تحت صخرة الإنتحار (الروشه) وتمشينا منا ومنا وبالليل على البتي كافيه ويوم رحنا لنهر الكلب كانكم تعرفون فيديو كليب ويلي حق راشد هناك كان مصور الفديو مكان حلو بس النهر كان شبه جاف وعاد يوم رحنا للحمرا محل الأسواق الوحيد تقريبا إلي تطون محلات مجمعه بحاره بس مو داخل مجمع وعقبه بد يخرب النوم وحالتنا حاله وصرنا نطلع بالليل بس رحنا لزحله دير تقريبا 30 دقيقه من بحمدو منقه جبليه أعلى من بحمدون وبرمانه وأزين شي إنها ما فيها خليجيين ومره رحنا لبتي كافيه إلي باروشه ما تقضي السهره إلا على 7 الصبح ومره رحنا لجونيه وسهرنا هناك وهذي رحلتي وأغلب الأماكن إلي رحتلها كاني ما نسيت شي زي ما شفتوا أغلب لبنان أماكن جلسات وبراد ما فيها مجمعات أو أشياء غريبه تتميز فيها كثير أو محلات فيها رسومية دخول وآسفين على الإطاله بس تحملوني وشجعوني عشان أكتب مره ثانيه إلا كانكم تبون الفكه ههههههههه تحياتي....
أخوى صـــــــــــــــــــدى الصـــــــــــــمت 00000الحمد للة على الســـــــــــلامة 00000 الرجاء منك أعطائنا نبذة عـــــــــــــن الرحلة الى بيروت 000000
الله يسلمك أخوي مهاجر بصراحه أنا كنت ساكن في سكن خاص لواحد من الشباب معي في ضبية منطقه سكنيه هادئه أما الجديد فبصراحه هذي أول مره أزور لبنان لكن على حد علمي من كلام الشباب أن الخليجين زادوا بشكل مفرطوبس وإلا الأماكن هي هي والجو هو هو ومشكور ويعطيك العافيه
صدى الصمت الحمدلله على السلامه وين سكنت ؟ وش الجديد هالسنه في لبنان ؟
حياكم شباب توني راجع من بيروت السلام عليكم شباب وصبايا المنتدى بشكل عام الأوضاع حلوه هناك الجو روعه فوق الجبال تحت عادي الصرفيات أنت تقدر تتحكم فيها ولوضع بشكل عام دجه أي سؤال أنا حاضر
حياكم شباب توني راجع من بيروت
قوانين المنتدى