أضف مشاركة إلى الموضوع: تحيه من قلب محب
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
الف شكر يا غالي
اخوي الكريم خاااالد ياليت تزور موقع الشقق وتقلي رائك الموقع مصاحب له موسيقى http://www.danaresidence.com/aindex.htm بالنسبه للفنادق مثل فندق الشام ولا غير هالفندق من الافضل اني احجز من السعوديه ولا ممكن احجز بعد ماوصل الشام ؟ بالنسبه للتكاسي راح نتفاهم عليها اكيد بس ارجع واسالك نفس سؤالي في الرد الاول عليك اش الفرق لو كانت سياره خاصه ولا تكاسي اذا تعرف الجواب ياليت تفيد اخوك . بالنسبه للشقق لسه ماقررت ولسه ماقررت فنادق ولا شققبس كلامك صحيح قدسيا بعيده شوي ومشكور يالغالي على تعاونك وان شاء الله يكون بيننا تواصل في اقرب وقت . الله يعطيك الف عافيه اخوك الـعــقــد
اخي الفاضل ابو عبدالرحمن في البدايه شرفتني بتواجدك الله يحفظك ثاني شئ انت يالغالي تشرفنا في اي وقت هذا موقع الشقق لكن الموقع مصاحبه موسيقى يرجى غلق السماعات http://www.danaresidence.com/aindex.htm ياليت اذا سمح وقتك تشوف شققهم واذا كانت الشقق الي سكنتها انت افضل ولا هالشقق افضل ؟ ونصيحتك ياطويل العمر على عيني وراسي لكن تفكيري انه ابتعد شوي عن زحمة الشام بس ياليت لو تتكرم علي وتخبرني عن فنادق كويسه ومجربه واسعارها كمان زينه في الزبداني وبلودان..... وبالنسبه لموضوع السياره فكرت فيها :114: لكنها اول سفره مع المدام وماودي يحصل شئ ماحسبت حسابه نبي السفره هذي نتعرف على الاوضاع وان شاء الله مره ثانيه تكون بالسياره . الله يعطيك الف عافيه اخوك الــعــقــد
هلا بك اخوي العقد ياغالي الشرف لنا بمعرفتك اولا وانا سعيد بخدمتك اخي الكريم وبالنسبه للشقق ذكر اخوي السائح الهروي شقق ان شاء الله تكون ممتاازه وبالطبع لانها قد سكن عندهم اكيد يعرفها زين والشقق الي مثل هالنوع قليل جدا في سوريا وتنعد على اصابع اليد واغلب الشقق الموجوده تستاجرها من مكتب عقار واذا حاب اخدمك انا تحت امرك فيه شقق جدا رائعه وفي اماكن حلوه ومن ناحية الفنادق فندق الشام جدا رائع وله ميزه جميله ورائعه انه يقع في وسط البلد يعني ماتحتاج لاي تكسي الا في المشاوير البعيده ....... نرجع لتكاااااااسي مثل ماذكرت لك هاذي اسعارهم واذا حاب انا اعرف شخصيا سواق تكسي يخدمك ورجل امين وطيب بالمره ولانزكي على الله احد ولكن من واقع التجربه ومن ناحية الشقق الي في قدسيا انا والله ما احب تكون بعيد عن البلد خصوصا معك الاهل احب تكون قريب من وسط البلد علشان تاخذ راحتك في التمشي على رجليك انت والاهل لاني صراحه من هواة المشي اسواق ومحلات وكل شي قريب عندك بعكس قدسيا ... وايميلي موجود عندك وانا انتظرك ياغالي خااااالد
أخي الكريم العقد حياك الله و بياك و أهلا و سهلا فيك و اسمح بتأخر الرد عليك لأني شفت الشباب ماشاء الله عليهم ما قصروا خصوصا و اللي رد عليك من أخبر الناس فشكر الله لهم أخي الكريم بإمكانك إضافة رابط الشقق الفندقية عادي و ما في مشكلة ..لكني ما أنصحك بالسكن في قدسيا لأنها بعيدة كثير عن وسط دمشق و من الأفضل السكن في وسط البلد و أنا أرشح لك فندق المريديان بسعر 100 دولار و عندك شقق فندقية حلوة أيضا أنا جربتها في وسط البلد بسعر 2000 ليرة و مكانها في بناء الثورة خلف عمارة الطابو في السمانة بسوق ساروجه ... وبعدين انت طال عمرك لماذا اخترت السكن فقط في دمشق ؟ أنا اقترح عليك مثلا الزبداني و بلودان فهاتين المنطقتين روعة في شهر 5 ( مايو ) خصوصا إذا كان معك سيارتك ... يا سلااام نصيحة لك تعال بسيارتك و خذ لفة على سوريا كلها من أقصاها إلى أقصاها و روح دمشق و حمص و حلب و أريافهم و مصايفهم فهذا أفضل لك خصوصا في شهر مايو لأنك ماراح تلقى أحد من السواح و سيخلى لك الجو و ستجد الأسعار ببلاش و الخدمة على أحسن ما يكون بإذن الله تعالى ... مع تحياتي و تقديري لك
ما شاء الله عليكم يا ابو وليد وابو الياسر بصراحه ما قصرتوا بالمره يعطيكم العافيه
اخوي (أبو الياسر) بالنسبة للشقق ما أعرفها بالضبط لكن قدسيا كما سبقني أخي خالد بأنها بعيدة نوعاً ما عن البلد لكن شوف الفنادق ياكثرها بساحة المرجة وحول الأسواق وياليت من يفيدك لأني لم أجرب شقق عائلية ياليت لو تتكرم علي وترشح كم فندق يكون مستواها ممتاز وماتكون اسعارها خياليه وبالنسبة للسائق كان يأخذ من 800 - 1000 ليرة باليوم وبعد غلاء البنزين ممكن يصل إلى 1300 وإذا رغبت في سائق راسلني على الأيميل وراح أشوف لك رجل طيب ولا نزكيه على الله مثل ماقلت لاخوي خالد هالاسعار ماكنت اتوقعها لكن بسالك سؤال اذا تسمحلي تنصحني بالتكاسي يوميه ولا اخذ سواق بسياره خاصه ونتشرف بمعرفتك يالغالي...... والله يعطيك الف عافيه اخوك الـعــقــد
تحيه من قلب محب [center][color="Blue"][size="5"]السلام عليكم ورحمة الله وبركاته الاخوه الاعضاء الكرام لدي بعض الاسئله اتمنى ان اجد جوابها لديكم بالنسبه للسكن انا شفت شقق اسمها دانا للاقامه موقعها والله اعلم في قدسيا وشفت موقعها على النت واذا تسمحلي ادارة الموقع انزل موقعهم نزلتها لكم . بس ابي اعرف اذا فيه احد مجربها وبعد رائ الي ماسكنها في موقعها مع العلم اني بكون مع المدام راح يجي واحد يقول اسكن في فندق ازين وانا ودي اسكن في فندق بس مستوى هالشقق شفته افضل من الفنادق الاربع نجوم وياليت اذا احد يعرف فندق نظيف يستاهل سعره يقلي واذا بعد تعرفون شقق نظيفه مثل هالشقق تبلغوني عن عنوانها واسعارها ..... الشئ الثاني الله يطول في اعماركم انا ما احب الهجوله واروح ادور تكاسي واحوس بينهم ولا ابي اكلف عليكم واقلكم عطوني رقم سواق الشئ الي ابي اعرفه كم ياخذ السواق عليك لو تبي تحاسبه باليوميه واكيد يفرق المبلغ اذا كانت سياره خاصه ولا تاكسي بس المتوسط في اليوم كم ياخذون وتفرق لو كان اليوم بالشام ولا بالريف انا عندي اسئله كثيره بس بنزلها على فترات علشان ماتملون:109: مع العلم اني مسافر باذن الله في شهر مايو
تحيه من قلب محب
قوانين المنتدى