أضف مشاركة إلى الموضوع: استفسار المالديف و سنغافوره اقتراحات بديله
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
انا مع فكرة الاخ snatch سنغافوره مع بالي او مع جزيرة كوه ساموي في تايلاند خيار جدا رائع ونفس التقسيم ويوجد فيها اماكن جدا مترفه وفخمه للسكن
وعليكم السلام ورحمة الله وبركاته مساك الله بالرضا الف مبروك مقدما والله يكتب لك الخير ويرزقك الذرية الصالحة وجهة نظري الله يحفظك طبعا بيمزانيتك وباراحة تكفيك وتزيد انك تحط مع سنغافورة جزيرة بالي الاندونيسية أو فوكيت بتايلاند ممكن تسافر من سنغافورة لبالي او فوكيت او لنكاوي عن طريق airasia وبتكلفة لاتزيد عن 1500 ريال ذهاب وعودة لسنغافورة اقسم المدة مثال 6 ايام بالي 6 ايام سنغافورة (خلي سنغافورة بالاخير ) علشان تكون العاب وتماشي وتسوق بالي حلوة وفلة وفيها منتجعات فخمة (بانيان - بولغاري - اليلا وغيرها ) اذا تبي فلل عالبحر او عالنهر كلها موجودة خذلك يومين في فلة ومنتجع واسترخي و خذلك اربع ايام في فندق لان وقتك بيكون كله برا مجرد وجهة نظر والله يسهل جميع امورك يارب
اسال الله لك التوفيق والسداد
هلا بكم ، وشكراً لكم على تجاوبكم السريع اول شئ انا في بالي المالديف .. لكن لانها ماتستاهل من يطول فيها فحطيت معها خيار ثاني الي هو سنغافوره ليش سنغافورة لانها بلد متحضر ونظيف وفيه تسوق مع سياحه ولم يتم غزوها بشكل ملفت من قبل الخليجيين زي ماليزيا عن طريق حسبه سريعه التذاكر تقريباً ثمانية الاف ريال والسكن في المالديف ثلاث ليالي مبدايا ثمانية الاف من غير معيشه هذي 16 الف طارت الباقي 14 الف نخصم 4000 للمالديف. اكل ولو حصل العاب مائيه ونقل من المطار للسكن صفالي عشرة الالف لسنغافورة لمدة خمس ليالي والي احس انها ماتكفي خاصه انك بتسكن في مكان زين وتتمشى وبتجيب هدايا فالمقترح الثاني هو المالديف وماليزيا من خلال العروض الي اشوفها في النت احصل من عشرة ايام الى 14 يوم في حدود عشرة الاف ريال.وفيه بسبعه فلو قلنا اني بجلس سبع ايام في ماليزيا نظريا العشرة الاف بتكون كافيه !! من الموبايل
ماقصروا الأخوان مستشارنا أبو عزيز , ومميزنا طلال وفهد , لو تركز على دوله وحدة بهالمبلغ لأن الدولتين غاليه وأنت عريس وتبغى دلع عمرك وتريح بالك, والتذاكر شهر أوغست مرتفعه شوي . الله يوفقكم يارب.
هلا بك اخوي اعتقد ان المشكلة ليست في الخيارات اكثر من انها مشكلة ميزانية ميزانيتك 30 الف ريال ممكن تكفي لعدد من الايام في موريشيوس او في سنغافورة لو وضعنا سؤالك كما يلي ماهي مقترحاتكم لقضاء شهر عسل بميزانية بحدود 30 الف ريال في شهر اغسطس ولمدة 10 اللى 14 يوم الجواب وقتها ممكن يكون اما موريشيوس او سنغافورة او المالديف ولمدة اسبوع ممكن ايضا بنفس الميزانية لمدة تصل الى 10 ايام تايلاند أو مايزيا أو بالي أو جنوب افريقيا ممكن تجمع بين المالديف وسنغافورة لكن وقتها تزيد الميزانية الى 45 الف ريال والله أعلم
استفسار المالديف و سنغافوره اقتراحات بديله السلام عليكم ، مساكم الله بالخير يالغالين انا لي فتره وانا اتقلب بين المواقع والمنتديات الى ان انقلب راسي ، ، فقلت مالي الا اشاور عشان على قولتهم امسك الجاده ، ثم ابدا ارتب رحلتي على روقان واتابع الاسعار الموضوع تقريبا واضح وهو يتعلق بالمالديف وسنغافوره لكن التساؤل هو من قد مسك خط للمالديف ثم سنغافوره وباي خطوط ؟؟ النقطه الثانيه انا في بالي شهر العسل يكون بين هالديرتين فالله يتمم لنا على خير ويوفقنا ، فالي جرب وحده منهم ، هل تنصح فيها لعرسان جدد النقطه الرابعه ميزانيتي تقريبا 30 الف هل هي كافيه لهالديرتين مع التذاكر والتسوق والتمشيه؟ النقطه الخامسه موعد السفر ان شاالله بيكون في شوال اوقست عيد الفطر ،هل فيه اقتراحات بديله غير ماليزيا الي كل الشعب فيها وغير اندنوسيا والفلبين وسيريلانكابين وشكراً ...
استفسار المالديف و سنغافوره اقتراحات بديله
قوانين المنتدى