أضف مشاركة إلى الموضوع: قصة خطيرة شباب خذوا حذركم
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
اذا السالفه سالفة اسنان رح اليمن دكاتره عراقيين وبرخص التراب
إحفظ الله يحفظك.. قاعدة نوارنية علمنا إياها الحبيب المصطفى..صلى الله عليه وسلم.. إتبعها تغنم وتنعم بحياتك..
بصراحة كنت وضعت زيارة سوريا ليومين كمحطة قبل الانطلاق لتركيا .. لكن بعد ماسمعته سأعدل في برنامجي وتكون الرحلة الى تركيا مباشرة .. صحيح ان الإنسان لن يصيبه الا ماكتب الله له لكن الحذر طيب .. وكثرة الحديث عن سوء الأمن هناك لا تبشر بخير خصوصا اني لم يسبق لي زيارتها .. شاكر اخي على نصيحتك فقد جائت في وقتها ...
والله والله والله لوإنكم تستخيرون الله قبل السفر وعند السفر تقرأ دعاء المسافر والأذكاروالحصن الواقي بإذن الله بعد صلاة الفجر والمغرب مايصيبكم شي أبدا بقدرةالله بس كل هذا يا إخوان من البعد عن الأذكار والتحصينات اليوميه والله العظيم وبفضل الله من داومت عليها أحس كل شئ مسخر قدامي كنت رايح عالأردن وقفني امن الطرق علشان يعطيني مخالفه سرعه وأنا بالفعل كنت مخالف طالع في وجهي وقال روح روح الله يستر عليك وفي رجعتي وقفني هونفسه عند بلدة القطرانه وقال إنته اللي كنت مخالف أمس قلت أيوه قال ياعمي مش قادر عليك شو عامل بحالك وفيه حوادث كثيره سبحان الله والحل بإيدينا بس حنا غافلين عنه
الأخ خالد حفظه الله الله يحمييك و يسلمك و تأكد تماماً انك بكلامك هذا اثلجت صدري و ارتحت شوي و ما رح قول الا الله يخزيك يا شيطان أنا مشكلتي دوغري بعصب و بنرفز و أخير حسبي الله و نعم الوكيل الأخ الحبيب أبو عبد الرحمن المحترم يا قلبي ريتك تسلم لعيوني سامحني على عصبيتي شوي بس انا ما فيني شوف حدا عم يسب بلدي و ظل ساكت ما رح قول الا حسبي الله و نعم الوكيل و الله يخزي الشيطان الرجيم . و لك تحياتي الأخ شامي مغربي الحبيب الله يحي أصلك الطيب أنا يلي سيف بيدك يا أبضاي على راسي شواربك والله و لك تحياتي
أخي الحبيب هذه المنطقة التي سكنت بها يزورها بعض مواطنينا بقصد الحرام وللاسف الشديد لذلك وعند سكنك انت وصاحبك في هذا المكان فقد جلبتم لأنفسكم البلاء والشبهة .. وهذين الشرطيّين الدعيّين قالوا في أنفسهما وليس هذا تبريرا لهما بل إني سمعتُ مثل هذا الكلام من بعض السوريين الأشقياء الذين يُبررون تصرفاتهم السيئة فيقولون: لك أخي أنا أولى بمصرياتو لك آخدهم انا وطعميهم اولادي أحسن ما يعطيهم لل... (أكرمكم الله) وهذا خطأ بكل تأكيد والخطأ الثاني أيضا بل الجريمة هو ما يقوم به بعض شبابنا أصلحهم الله.. لذا نصيحتي اخواني لي اولا ولكم ثانيا هي أن نكون خير سفراء لديننا ولبلادنا فما أجمل ان تتعامل مع شخص في سوريا او غيرها ثم تجد منه كل حب و ود ثم تكتشف ان السبب مثلا هو ان شبابا او عائلات سعودية او كويتية تربطهم به علاقة طيبة او تعامل سابق جميل.. وانا على كثرة نزولي لسوريا فقد تعاملت مع المئات من السوريين فما وجدت من الكثيرين منهم الا الخلق والادب ومنهم من يوزن بالذهب كما ان هناك بعضا ممن يسبب لي الازعاج والأذى في مواطن معروفة مثل السوق او التاكسي او ما أشبه ذلك.. لذا انا أجد انه من الانصاف ان ننقد أنفسنا أولا ثم لانعمم ونظلم بلدا وشعبا كاملا.. اما الاخ الذي طلب عصيرا من احد البائعين فشتمه فانا لا أكذبه لكني أيضا أحب ان أسمع وجهة نظر البائع نفسه وكيف طلب منه الاخ هذا العصير! الأسلوب الذكي وطريقة الكلام المنمقة هي السبيل لكسب القلوب ولتجنب أصعب المشاكل ايضا..
الحمدلله على سلامتك وهاذي حادثة تحصل في كل مكان بالعالم...
المشاركة الأصلية كتبت بواسطة بديع الشامي http://www.arabtravelersforum.com/tr...4/#post1122214 أهل المدينة على راسي من فوق و أهل السعودية و الخليج كمان على راسي من فوق بس اذا انت بدك تحاول تستفزني رح قلك شغلة لا تمرق من سوريا بالبر بالطيارة اريحلك و احسن و سلملي على الباص مين يزعل ابو عبدالله (بديع الشامي) لك روح خرطوش فردك أنا :24: انت على روسنا من فوق وريح بالك كل بلد فيه السئ والطيب يابو عبده:109: كلنا هنا اخوان واختلافنا ليس بالضروره يكون عن حقد بل نقد وعتب
أخي الغالي الحبيب بديع الشامي حفظه الله تعالى السلام عليكم و رحمة الله وسع بالك أخي الكريم و كل الكلام اللي فيه تجاوز من الطرفين راح يُحذف و انت و الله غالي علي لكن الإشراف يوجب علي العدل و الإنصاف مع الجميع مع تحياتي و تقديري لك
المشاركة الأصلية كتبت بواسطة بديع الشامي http://www.arabtravelersforum.com/tr...4/#post1122214 أهل المدينة على راسي من فوق و أهل السعودية و الخليج كمان على راسي من فوق بس اذا انت بدك تحاول تستفزني رح قلك شغلة لا تمرق من سوريا بالبر بالطيارة اريحلك و احسن و سلملي على الباص اهل الشام الطيبين ماحد يقدر يقول فيهم شيء المشكله باللي مسئولين بالمنافذ البريه والمحسوبين على اجهزة الحكومه كل بلد في الدنيا قيها الطيب وعكسه ولكن السائح يتكون لديه او انطباع عن البلد من اول ناس يتعامل معهم وهم افراد الجوازات والجمارك 000ناسف اذا كان النقد ازعلك 000وردا على طلبك اذاا كان السفر عوائل وتحتاج السيارة تبعك في السفر ايش العمل
عجيب غريب ..... عطيني عصير برتقال خذها من البراد يا......... كان ما عطاك اياها ولا عبرك .... ولا مؤاخذة وأنت شو كان ردت فعلك ... لا تقول مشيت وتركته أو اخذت علبة عصير ... ترى أنا بزعل منك المفروض تلتفت اليه وبأي حاجة قدامك تضربه فيها وشو ما صار يصير .... هذه الأشكال لو كما تقول ممكن تشوفها وين ما كان بس كله ولا كرامتك وهذه من القلب أنا عن نفسي لا أتحمل ..... لا تقول الحلم سيد الأخلاق ولا شي ... ساعتها بيضيع الفهم آسف بس انحرق دمي عليك وعلى صاحب القصة ... ويبقى الحذر واجب ولا تعميم العمدة
اخوي ابو عشق جدا غريب من الباب لطاقه يقولك كذا!!!!!!!!!!! صراحه انا صارلي عشر سنوات مااحد تلفظ علي ولله الحمد ونحن هنا لا ننزه سوريا عن المشاكل وقلة الاحترام ولكن نقول النقد يكون باسلوب محترم بعيد عن التجريح لانه لنا اخوان هناك محترمين مخلصين فلذلك من ينقد لابد ان يكون بعقلانية وتروي ولك مني الشكر ياعزيزي خاااالد
الف الحمدلله على سلامتك اخوي حر والله يكفينا شر من فيه شر والظاهر نبي نرجع نعيد موضوع الكلام والسب في سوريا مبين من الردود!!!!! الي يبي ينتقد ياجماعة الخير باسلوب راقي ومؤدب ومحترم بعيدا عن الكلام الفاضي الي لايودي ولا يجيب اي نتيجة والي مايحب سوريا ولا يحب يسافر لسوريا ليه يتكلم !!!!!!!!!! ملاحظه بسيطه لمشرفنا ابو عبدالرحمن في كلام عن الرئيس السوري ياليت تسوي له تعديل علشان تكون المشااركة سليمه بدون تجريح والف تحية وتقدير لكم خاااالد
[glint]الـــفـــقـــر[/glint]
الحمدلله على السلامه ويا ليت الجميع ما يستهون بالسفر لسوريا لان الوضع خطير والسلام،،،،
تهاني بدون ماتسأليني عن السبب اطلب منك تسامحيني قاتل الله العجله .. قاتل الله العجله لا أبي أسأل ليش؟؟؟:101: يبدو اني سأتبرع لتصيد هؤلاء حتى ينظف البلد ياريت والله free3030 الردود للجميع الايجابي و السلبي وفي حدود الادب انت قلتها في حدود الأدب :101: ...... وأنا معاك بس مو تقولي ان كلمة ديرة خربانه ... ويضيع كرامته بسورية هذا كلام مؤدب
المشاركة الأصلية كتبت بواسطة tahaniS http://www.arabtravelersforum.com/tr...6/#post1120326 الظاهر الخفافيش بدت تطلع بعد ما شمت كلام عن سورية :105: الأخ حر محلق كتب شي وقصده ينصح الناس ونيته طيبة وكتب شيئ فيه من الصدق ما يشفع له تثبيت موضوعه والبعض بدأ باللف والدوران ورجعت ريمة لعادتها القديمة ورجعت الخفافييش مرة أخرى التي لا تظهر الا بالكوارث:112: وكلام الأخ شامي مغربي صحيح لأن هالأشكال عصابة مو شرطة وكان باين من الحركة اللي سووها بس الواحد وقتها ما راح يفكر بهالشي عندك نصيحة و فكرة مفيدة يستفيد من السائح اهلا وسهلا :113: :113: :113: :113: الردود للجميع الايجابي و السلبي وفي حدود الادب ماله داعي خفافيش وكلام فاضي
الحمد لله على سلامتك الوضع جداً خطيــر
الحمد لله على السلامه اولا ثانيا الله يسامحك بس فيه احد يضيع وقته وفلوسه واعصابه وكرامته بسفره الى سوريا... احسن شي صار انك عرفت وضع البلد وحرمت تروح مره ثانية...... مره ثانية الحمد لله على سلامتك
حمدلله على السلامه حر محلق الي صار لك شئ عادي لأن سفارتنا تغرد خارج السرب فكل سفارات العالم تقف مع مواطنيها في السراء والضراء وسفارتنا في دمشق متواجدين حق التكشخ والترزز على الفاضي يعني من آمن العقوبة أساء الأدب وياقلب لا تحزن :105: :105: :105:
انا قايل من زمان ديره خربانه ما احد سمعلي نصيحه
الحمد لله على السلامة ... الله يجعلها أكبر المصائب:101: بس المفروض انك ما تدخل الشرطي للداخل حتى لو شرطي شنو يعني يظل واقف عند الباب لما يخلص من كلامه وهو سأل أسئلة مالها داعي والمفروض ما تقوله كل شي عنك:114: على العموم سلامتك أهم شي :101:
قصة خطيرة شباب خذوا حذركم بسم الله الرحمن الرحيم السلام عليكم ورحمة الله وبركاته --------------------- خازوق ما راح أنساه طول عمري وكل ما تذكره أحقد على نفسي وأحس أني مغفل كبير القصة طوال الله عمركم سافرت سوريا معي صديقي وحبيب عمري دب قريش قصدي محمد تراه الحين سوى رجيم وأبشركم صار تقول عود بس مازلت أقوله دب قريش ، والهدف من سفري ابغي ازبط ضروسي المسوسة واللي بصراحة صرت استحي اضحك بسبب كمية الخراب الموجود في الداخل طبعا مو من أكل الحلاوة تراني متهلس والحلويات نجيبها بس في العيد حق الفطر يعني على قولة فيروز زوروني كل سنة مره حرام تنسوني بالمرة بس من شرب الشاي بكثرة وتدخين الروثمن الله يفكني ويفك المسلمين من شره وتعرفون حبيبنا حمد المانع وزير صحتنا خرب الصحة وجلس على تلها والمستوصفات الأهلية تسلخ ما ترحم وكمان مواعيد يعني قلق قالوا ترى سوريا أرخص قلت للدب مشينا قال تم ما عنده وقت يحب السفريات إن شاء الله تقوله جزر الواق واق يمشي ما يتردد عزوبي ما خش دنيا أخذنا إجازة أسبوعين وصلنا الشام وسكنا في برزة قريب من الكشك الفرنسي عند الشغالة أم عماد هذي كويسة وبنت حلال دريوشة، رحت للدكتور وليد وهذا بعد كويس معي توصية من واحد من الشباب حفر لي سنين في الجلسة الأولى من المسوسات وسوى حشوه لليوم سنعة نسيت أقول الشقة حجزناه من السعودية وتراني والدب خري مري يوم كنت عزوبي زيه بس من تزوجت صرت أطالع في البومات الصور وأتسمع للشباب وش شافوا وش سوو في سفرياتهم يوه مغطت الموضوع أكثر من اللزوم القصة تبدأ ثالث يوم راح الدب لحمامات المقدم يبغي يترو ش ويسوي سونا الله من زود النظافة وتركني في الشقة لحالي كان عندي موعد عند الدكتور راحت من عندي أم عماد بعد ما سوت الشاي لي فجاءة الباب يدق غريبة من هذا أكيد من ها الشواحيد واللي يقرون الكف طالعت مع العين السحرية شفت اثنين عسكر صراحة خفت قلت الدب مسوي شئ الله يستر فتحت الباب خير يا جماعة وش فيه قالوا ما فيه شيء بس حنا نحب نتطمن على السواح يحتاجون شيء ارتحت دخلوا وغلطتي تركت الباب مفتوح وهنا عرفت أني حمار كبير وسيده على الصالة استحيت منهم وقهويتهم شاي يا عله سم يهري وجلسنا نسولف وبدأ ت الأسئلة التقليدية من وين أنت ومن أي قبيلة وين تشتغل وربع ساعة سوالف بصراحة كنت ابغي أصرفهم بس هذولا شرطة المهم فجأة سمعنا صوت داخل الشقة سألوني عندك أحد قلت لا قالوا أيش هذا الصوت قلت مادري وتكرر الصوت المهم قالوا أنت متأكد قلت نعم قالوا ممكن نتأكد قلت تفضلوا ورحت معهم الشقة كلها غرفتين وصالة ودورتين مية أعزكم الله ومطبخ دخلنا المطبخ ما فيه شيء دورات المياة ما فيه شيء غرفة النوم الأولى فاضية المفاجاءة كانت الغرفة الثانية لقينا فيها وحده .............. أنا أنصدمت بالموقف هذي من وين جت وكيف دخلت الحين ركب الفلم علي قالوا شو أبو سعود بتكزب علينا وجلست أحلف إيمان أني أول مرة أشوفها قالوا العب غيرها واللي قهرني لما شافتهم قامت تبكي وتترجاهم بصراحة أنعقد لساني قالوا كم عمرك للبنت قالت عمري 16 سنة قالوا كمان قاصر الله لا يوفقك جاي هون تعربد والله لنأدب السعودية فيك قلت لحظة أنت مصدقينها قالوا هاي هي بغرفة النوم تبعك زلط ملط قلت طيب لحظة أخذت العسكر بعيد وسويت نفسي ذكي قلت إذا هي صادقة تعرف أسمي قالوا طيب نسألها أدامك سألوها قلت أسمي صح البنت جالسة تتسمع قبل لاتدخل غرفة النوم قالوا لها خلاص البسي نوديكم للقسم وقامت تولول وتقول الله يلعن ابو المصاري وقال العسكري أبو شنب أشقر والله غير تختخ في الحبوس يا كلب يا أبن الستة والستين كلب بلعتها وسكت قلت يا جماعة الخير والله ما اعرف البنت ولا عمري شفتها قالوا اخرس يا نوري تغرر بقاصر عشان مصاري قلت ياجماعة الخير تراني ابن ناس وعيلة محترمة وأنا السوالف هذي ما اعرفها قالوا والله راح نأدبك هات الجواز قلت ياجماعة نتفاهم قالوا على شو بدك نتفاهم قلت اللي تشوفونه قال واحد بدك تعطينا رشوة قلت لا مو رشوة هذه قهوة لك وصديقك قال طيب والبنت المسكينة اللي ما احد بيرضى يتجوزها قلت نرضيكم كلكم قالوا شوف البنت كم بدكي قالت أنا مادفعلي شيء وخلص مني قلت الله المستعان كم تبغين قلت 10000 ورأه يعني ( 10000ليرة) قلت خلاص نعطيها عشرة قالوا وحنا قلت كل واحد عشرة قالوا سعرنا بسعر العرصة الله لايوفقك قلت لا نزيد كل واحد خمسة قالوا أبو سعود ماتحس المبلغ مو محرز قلت والله هذا اللي عندي قالوا خلاص بس لا تعودها قلت بقلبي هو أنا سويت شيء الله يلعن أبوكم وأبوها يا عيال الحرام هزيت رأسي دفعت لهم المبلغ وأنا مو مقهور والله مطرطع بس خفت ما راح يصدقني أحد يقولون وش مطلعك الشام ولو قلت السفارة تفزع معي تخبرون ما حولك احد قلت ندفع ونفتك من الفضيحة اللي قهرني البنت لما سألوها كم عمرك قالت 16 سنة يا جماعة الخير تصدقون لو قلت لكم يمكن عمرها الحقيقي أكبر من الشحرورة . المهم بعد ما طلعوا من الشقة قلت مابدها الجماعة جلسوني على الخازوق ضبيت عفشي وعفش الدب وقلت راحت القريشات اللي كنت مصمدهم ابي ازبط فيها ضريساتي ولما جاء الدب علمته بالسالفة قال نروح نشتكي ونسوي زحمة قلت اليوم بإذن الله وأنا في السعودية قال موعد الدكتور قلت أتصل عليه واشرح له الوضع ماني بجالس في ذي الديرة بعد النصبة يارجال هذولا مافيا فلم كامل عشان يبتزوني، لا وأنا من كثر فرفرتي بالشام كني من أهلهاو أدل كني بوسط الرياض ومقطع أربع ولكيع ينضحك علي يخسيء بشار وأبوه وقلت للدب تكفى واللي يرحم والديك لا تعلم أحد أنهم ضحكوا علي ترى بصير مسخرة ويشرشحون فيني وإن سألنا أحد نكذب نقول ماتوفقنا هناك والأسعار زي بعض يوه يا حمد المانع ذنبي في رقبتك لو حسنت من وضع المراكز مو أحسن من المرمطة لنا توبة ما عاد أسافر لسوريا وحرمتني من طريق التل والحبايب هناك ما عاد فيه فطورات بعد السهرة خير شر . الحين أفكر لو عسلقت معهم كنت ابي أنفضح ينخرب بيتي وأنمنع من السفر ويتشمت فيني اللي يسوى واللي مايسوى بس جت سلامات وهذي نصيحة أخوكم انتبهوا من النصابين ولا تسوي فيها واثق من نفسك ترى نصبهم فن وشغل عصابات --------------------------------- للتنبيه وما يمنع الشخص يستفيد من هيك حكايات -------- أسكن في فندق وريح بالك
قصة خطيرة شباب خذوا حذركم
قوانين المنتدى