أضف مشاركة إلى الموضوع: تجارة بالصدفة واتمنى من الله عز وجل التوفيق والسداد
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
مشكووورة سارونة ماقصرتي ربي يسعدك ويوفقك اخوي jim jam ابشر ولا يهمك والتقرير في الطريق وراح يكون بث مباشر من ارض الواقع لعيون المنتدى
اخي مروان نحن منتظرين تقريرك عن الصين واخبار الشاشات وبكم وكيف وعن شينزن وفنادقها وعناوين اسواقها لانسى تسجل كل شي علشان تعمل لنا تقرير دسم الله يوفقك ويفتح عليك ابواب الرزق ..
الاخت الغالية سارونة تكفين اريد رقم مترجمة ثقة من طرفك بما انك في الصين وياجماعة الخير ياعضاء المنتدى ومشرفيه مافي احد يقدر يساعدني في ايجاد شقة لمدة شهر تكفوووووون يالربع محتاج الفزعة انا حاليا في شنزن بفندق شانقريلا وبصراحة ودي اطلع بسرعة منه لأنه ماعجبني وغالي بعد لقيت شقة لمدة شهر ب 5000 ريمبي غرفتين نوم بس المشكلة اللغة وانا ما اعرف صيني ولا انجليزي هههههه فزعتكم
وينكم ياخبراء شنزن محتاج فزعة ابي فنادق كويسة وابي اسواق جيدة ساعدوني وماراح انسى اللي يخدمني واجيب له شاشة بسعر التكلفة وارسلها الى بيته انتظركم ساروووونة حتى موبايلي فيها نفس الخدمة شكرا على مرورك ورفعك للموضوع تحياتي
المشاركة الأصلية كتبت بواسطة اسيرالدوحه http://www.arabtravelersforum.com/tr...2/#post3828862 السلام عليكم ... الله يوفقك في رحلتك اخوي ... وحطيت على نفسك عبء ثقيل .... لكن فكرتك حلوة ... أهم شي ... لما تشرتي لهم ... تقولهم .. تراني راح اشتري لكم .... الشي الفلاني .... يعني تعطيهم اسم الماركة .. والمواصفات كلها ... واذا كان اصلي ولا كوبي ... عندك الماركات الصينية حلوة .. وفي ماركة دايما اشوفها في فندق كانتون .. اسمها ... Konika او شي من هذا القبيل ... خلك واضح معاهم وصريح على قد ماتقدر ... لانها مسئولية ... وعشان ... ايضا تكون سويت الي عليك ... وبخصوص تجربتك .... الله يعوض عليك ... وفعلا احنا نحاتي لما نتعامل معاهم وجها لوجه ... شلون لما نتعامل معاهم عن طريق النت ... مرة أخرى ... أتمنى لك التوفيق اخوي ... وماعندي اضافة أضيفها ... ماقصروا الاعضاء ... لكن مسألة السفر من عمّان ... تراها متعبة للغاية ... جرب القطرية او الاماراتية ... خط مباشر الى كوانزو ... بالتوفيق .. حياك الله مشرفنا الغالي وشاكر جدا لمرورك ونصائحك ماعليك انا واضح معهم جدا حتى قلت لهم تراني بكسب مبلغ معين من كل شاشة ورحبوا بالفكرة وطبعا عطيتهم فكرة واضحة عن كل شي وان شاء الله لما اوصل راح ابلغهم بالانواع والمواصفات احلى شي الوضوح والصراحة في التعامل وخوف الله قبل كل شي وربنا يوفق الجميع انا حاليا في المدينة وصلت امس العصر بعد ماطلعت عيني في مطار جده وعلى طاري الرحلات الحين بدخل الاماراتية والقطرية واشوف رحلة مباشرة الى الصين بدل التعب ومشكوووور وربنا يوفقك دنيا واخر يارب
السلام عليكم اخوي اذهب على طيران الاماراتية الى قوانزو سعر التذكرة من الرياض الى قوانزو 2500 ريال افظلك من عمان - هونج كونج - قطار الى شنزن بهذلة اللة يعينك هاذا رايي واللة يوفقك
اخي العزيز توصل بالسلامه وان شاء الله بالتوفيق في تجارتك الجديده بالنسبه لاسعار الشاشات الاصليه ما اعتقد ان هناك فارق اسعار كبيره لكن بالنسبه للكوبي يمكن تفرق نصف السعر معاك اما موقع على بابا اسعاره غير اسعار الواقع هناك ربما تلاقي ارخص وربما تلاقي اغلى بكثير ما هو على الموقع والله يعوض عليك النصب اللي تعرضت له . الشريحه تلاقيها في اي مكان في المطار وفي الشوارع جوار المطاعم وفي بعض البقالات الصغيره يعني ما في اي مشكله وخذ اي شريحه لان الاسعار اعتقد متقاربه هذه بعض المعلومات التي اعرفها المهم بالتوفيق اخي والله يفتح عليك .
حياك الله اخوي واشكرك على المرور اخترت الخطوط الاردنية لعدة اسباب اولا لأني املك بطاقة رويال بلس وهذه تعطيك اميال ومكافأت عند السفر وانا ودي اجمع ههههه ثاني شي عشان سعر التذكرة كان مناسب 2400 ريال عمان - هونج كونج - عمان ثالث شي وهو الأهم اني موجود في جده ولازم اروح المدينة ازور الوالدة الله يطول في عمرها واسلم عليها واطلع تبوك عشان اناقش بعض امور الشاشات مع قريب لي هناك لأنه يريد كمية كبيرة وقال نحتاج لجلسة .... ومن تبوك اروح عمان بالسيارة واوقف سيارتي في عمان عند بيت احد اصدقائي واخليه يوصلني المطار هذا المخطط بالكامل دمت في حفظ الله
الله يوفقك يا اخوى تروح وترجع بالسلامة لكن وش معنى الخطوط الاردنية !!!
تجارة بالصدفة واتمنى من الله عز وجل التوفيق والسداد السلام عليكم ورحمة الله وبركاته اقف لكم احتراما ولهذا المنتدى الأكثر من رائع يعلم الله كم استفدت من المواضيع المطروحة سواء كانت من مشرفين او اعضاء وفقكم الله جميعا بإذن الله تعالى سوف اسافر الى الصين بعد كم يوم وتحديدا لمدينة شنزن اسمحولي اقولكم مخطط رحلتي واتمنى من اصحاب الخبرة توجيهي ومساعدتي ستكون الرحلة على الخطوط الاردنية من عمان الى هونج كونج ومنها بالقطار او الفيري الى شنزن والعودة في نفس الاتجاه سبب الرحلة سياحة وتجارة اقولكم ايش نوع التجارة انا بصراحة معزم اشتري شاشات lcd سوني 60 بوصة والقصة طريفة ومسلية وحبيت اني اشاركم فيها كنت جالس في بيت ولد خالي في مدينة جده وقلت له انا رايح الصين قال وش عندك قلت ابد تمشية وودي اشتري لي لاب توب وجوال اي فون الجديد واي باد وشاشة lcd 60 بوصة لأن اللي عندي 42 واحسها صغيرة قالي اجل انا ابي شاشة جيب لي معاك قلت اوكي اول ما اوصل اشوف الاسعار واتصل عليك تحول الفلوس واشتريها واشحنها لك اتفقنا ورجعت البيت ...... ثاني يوم كل اصحابنا من الشباب او المقربين ماشاء الله متصلين علي كلهم يبون شاشات هههههههه لا وبعد 60 بوصة المهم شرطت عليهم نفس الشروط بعضهم حول الفلوس من الحين بسعر تقريبي واذا نقص شي بتصل فيهم قرأت فيما قرأته بالمنتدى وعلمت ان الاجهزة الالكترونية موجودة في شنزن وهذا سبب ذهابي الى هناك نسيت اقول لكم شغله حصلت معي في موقع علي بابا ومنها عرفت اسعار الشاشات دخلت موقع علي بابا وطبعا هو مشهور بالشركات والمصانع الصينية المهم اشتريت شاشتين lcd سوني 60 بوصة بمبلغ 1040 دولار ورسلتها عن طريق الوسترن يونيون 4000 ريال وانتظرت ايام حتى استلمت رقم الشحنة عن طريق شركة ems طبعا ما اخذت رقم البوليصة الا بعد ما طلعت روحي المهم جلست 24 ساعة على النت اتتبع الشحنة الين وصلت الرياض ومن بعدها جات جده ويوم استلمتها وش طلعت ......................؟ صندوق صغير جدا بحجم كف اليد قلت في نفسي قدام الموظف تبع البريد السعودي وقعت بالاستلام وفتحت الصندوق العجيب ههههه وكانت المفأجاة سماعة سلكية لراديو ههههههههههه ليتها واير لس على الأقل ههههه وبعدها اشتكيت لموقع علي بابا عن هذه الشركة وبالفعل وقوفها عن العمل هههههه وانا ما استفدت ولا شي ويوم سألتهم كيف ارجع فلوسي قالوا بالانجليزي هههههه حسبي الله ونعم الوكيل وعسى الله يعوضني خير والحين انا راح شخصيا عشان اشتري اللي ابيه وامشي على المثل القديم اتمنى من كل شخص يقرأ موضوعي ان يفيدني بأي شي يراه مناسب لي كما وضحت الفنادق المترجم ايش رأيكم استأجر سيارة ولا لا انا راح اجلس مدة طويلة في الصين اكثر من شهر تنصحوني استأجر شقة مفروشة افضل لأني عملت بحث على النت ولقيت شقق مفروشة بأسعار تتراوح بين 2000 الى 5000 ريمبي وفي نقطة مهمة ...... الجوال انا شريحتي بالسعودية موبايلي وسألتهم عن التجوال في الصين وقالوا الدقيقة ب 6 ريال و60 هلله للاستقبال ياليت تفيدوني بأفضل شركات الجوال في الصين لأنه لازم شريحة صينية اول ما اوصل المطار انتظر تفاعلكم معي وعلى فكرة انا راح اتواجد في المنتدى طوال فترة اقامتي بالصين في شنزن يعني اي خدمة اي سؤال اي استفسار انا موجود وتحت امركم وطبعا راح انزل تقرير بالصور ونقل حي ومباشر طوال فترة اقامتي في شنزن او اي مدينة اخرى وهذه هدية بسيطة ومتواضعة مقابل الكم الهائل من المعلومات التي استفدتها من هذا المنتدى الرائع وانتظروني قريبا في حفظ الله ورعايته
تجارة بالصدفة واتمنى من الله عز وجل التوفيق والسداد
قوانين المنتدى