أضف مشاركة إلى الموضوع: الجو في شهر ؟؟
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
Hong Kong Novotel Citygate Hong Kong 2 Night Total : HKD 2,360.00 ------------------------------------ Melbourne Stamford Plaza Melbourne Hotel 3 Night Total: 557.18 (USD) ----------------------------------------- Sydney Four Points by Sheraton, Darling Harbour, Sydney 3 Night $452.10(USD) --------------------------------------- Gold Coast Circle on Cavill Apartments 6 Night AUD 984 Palazzo Versace Hotel Gold Coast 2 Night AUD 790 -------------------------- Hong Kong Novotel Nathan Road Kowloon Hong Kong 4 Night HKD 4,000 سعر التذاكر الرياض - هونج كونج - مالبورن- هونج كونج -الرياض شخص 5.882 انا وزوجتي = 11.764 ريال التذاكر الداخليه لوجهتين سعر التذكرتين لشخصين 1.415 ريال والسعر الاجمالي لتكاليف الرحله تذاكر + فيزا + اقامه = 26,400 ريال ... الله يعوضها باقي اماكن الزياره والرحلات واحتاج مشورتكم وما تقصرون ... اخوي حلو ومدلع عساك قريب
تسلم اخوي حلو ومدلع والله يجزاك خير وما نسيتك ابد في كل خطوه ادعي لك بكتب لك عن الاوتيلات وعندي كم استفسار اتمنى تجاوبوني عليها
السلام عليكم جميعا اشكركم جزيل الشكر واعتذر عن الانقطاع الخارج عن ارادتي وحبيت ابشركم فيزتي طلعت واموري متيسره اللهم المدام تدور ملابس شتوي في عز الحر ومو لاقيه حريم ولازم ملابس جديده للسفر ؟؟؟ وبنزل لكم الاوتيلات مع الاسعار والتفاصيل
أنا من رايي انك تروح لأي خطوط تودي لماليزيا وتحجز على اير اسيا على قولد كوست هذا بالنسبة للتذاكر لأنها بتكون ارخص
مرحبا اخوي سوري على التاخير برد بنسبة للفرجن بلوو هو طيران اقتصادي وانا جربت الجت استار وكانت حلوة وجربتها من غولد كوست الى ملبورن وبنسبة لهونغ كونغ معاك حق دام قطعت التكت وخلصت بس انسى وانسى وانسى اتقلل ايام سدني انا 8 ايام وكنت ابي اقعد زياده فحرام سدني بس ليلتين يعني اذا ولا بد قلل من غولد كوست ليله وضيفها في ملبورن اوخلهم مثل ماهم لان سدني احلى واجمل من ملبورن واذا رحت بتعرف ان كلامي صح اكفاية مناظر المدينة في سدني اترد الرووح بس انتبه بنسبة لطيران الاقتصادي على مسالت الوزن لان مايسمحون الا 20 كيلو لشخص واذا زاد تدفع ضريبه وهم الوزن عندهم غالي وانا اقولك شوف وزن الشناط قبل لا اتروح للمطارواذا حسيت في يزاده فحطها اشوية من الغراض بشنطة صغيره ودخلها معاك الطياره واي استفسار انا بلخدمه
مرحبا اخوي افا عليك اشهلحجي لا تعب ولا شي اعيوني لك وبنسبة للفيزا صدقني ماعليها خووف وان شاءالله بتطلع وماقلت لي كم صارلك من حطيتها بنسبة لطيران الداخلي اخوي في شركات اقتصادية ومعاك حق الكوانتس اشوي غالية بس ماقلت له هل سعر التذكره بس للخط الواحد او للخطين يعني هل 1400 لرحلة من ملبورن لسدني ومن سدني لغولد كوست ولا بس سعر كل رحلة يعني من ملبورن الى سدني 1400 والرحلة الثانية نفس الشي على العموم في عندك شركت الجت ستار وهي شركة اقتصادية وحلوة وانا شخصيا امجربها من غولدكوست الى لبورن وكانت وايد حلوة واي استفسار لا تتردد فيه
المشاركة الأصلية كتبت بواسطة tarek100 http://www.arabtravelersforum.com/tr...0/#post3006990 السلام عليكم وش رايكم احجز الفنادق بس ماطلعت الفيزة والاانتظر عزيزي ... لابد أن تكون الفيزا وتذاكر السفر جاهزيين ومن بعدها تقدر تحجز فنادق وخلافة لان الفيزا هي مدخلك لاستراليا وتذاكر السفر هي خط سيرك لاستراليا الانتظار أفضل من الجري لاسترجاع حقوقك مع تحياتي :115:
السلام عليكم وش رايكم احجز الفنادق بس ماطلعت الفيزة والاانتظر
مرحبا ابوي اهم شي خلصت الفيزا وارسلتها وان شاءالله بتخلص وماعليك انا موجود وتحت امرك بنسبة لفندق ملبورن انت تبي تسكن في الكراون تاور او الكراون بلازا لان اكو فرق وبنسبة لسعر فندق ملبورن حلو وايد بنسبة لغولد كوست السعر مبالغ فيه اذا كان هذا سعر الغرفه مع اني انصحك تاخذ الهوليدي ان لو تبي فندق بس ارجع واقولك نصيحتي خذلك شقة وايد احسن لك واسال عن اسعارهم بنسبة لفرساتشي سعره زين بس انا شفته في النت ارخص في سدني نصحتك بلستار ستي لانه وايد حلو وفخم بس اذا ماتبيه تقدر تحجز في الفور سيزنت وانا اشوف فنادق سدني بعد مبالغين في السعر السنه الي طافت ماخذين شقة غرفتين ومطله على المدينة والنهر بحدود ال 1300 ريال منا ماخذينها من الامارات للعطلات فابيك اتاكد من الاسعار ولا احجز من النت لان المكتب احسه رافع الاسعار ولا خذلك لفة على لامكاتب الثانية شوفهم واذا انت جربت حجوزات النت فمالك الا بوكنغ وفندقكم احجز منهم احسن لك واسعارهم حلوة وانت خذلك لفة على اسعار المكتب واسعار النت وشوف الفرق كم وسالت المكتب عن ترانزيت الكاثي باسفيك اذا في غير هونغ كونغ وارجع اقولك انا وياك ومتابع الموضوع واي استفسار انا بلخدمة
مرحبا اخوي لا اتضايق ولا شي اهم شي انت خلصت موضوع الفيزا ولا لا واي بنسبة لبرسبن تطلع لها بسيارة من غولد كوست واتصل على شركة التكاسي قبل وسو وياهم الموعد مال السفر ولازم اتروح من بدري وبنسبة لكوانزو وشنغهاي اي ابوي يستاهلون الزيارة للامانه انا مارحت لهم ولا حتى رحت لهونغ كونغ بس كوانزو بتلقى تقرير لخبيرة ونجمة سويسرا الاخت هداوة وهي رايحه لها مرتين والصراحه التقرير حلو وهي بلاد سوق وفيها اماكن حلوة وبنسبة لشنغهاي انا شفت لها صور في كتلوجات السفر وشكلها حلوة الصراحه وعلشانك باخذلي لفة على البوابة الصينية وبشوف لك اذا في تقارقر عنهم اما هونغ كونغ مايبيلها كلام لانها حلوة الصراحه وانا عرفت هشي من خلال التقارير والصور وان شاءالله ماتملل وبنسبة لطيران الداخلي في طيران اقتصادي اسمه جت استار حلو ممكن يكون ارخص لكم او تقدرون اتروحون عن طريق الكوانتس وانا متابع وياك الموضوع اي استفسار انا بلخدمة
اهلين اخوي حلو ومدلع للحين وانا متضايق من سالفه الفيزا الله يحلها بس وبالنسبه للحجز للحين ما حجزت رحلات داخليه وباذن الله ناوي اتبع مشورتك واخذها من ملبورن--- سيدني --- غولد كوست ----- برسبن بس شكلي من غولد كوست لبرسبن سياره والا ؟؟؟
تسلم اخوي حلو ومدلع بالضبط الترانزيت في الذهاب وفي العوده في هونج كونج افكر بالذهاب اخذ في ديزني وبالنسبه للتذاكر خلاص انا دفعتها وخلصت لا تحسفني وانا استبعد الاتحاد لان ما فيها ترانزيت والامارتيه من النت ما عرفت فيها ترتنزيت والا لا ولما رحت المكتب هو نصحني بالكاثي باسيفك وعلى طول اشتريت التذاكر والاوتيلات بديت اجمعها بس اليوم كان عندي عزيمه ولهيت شوي وبكرى باذن الله بحاول اخذ لي لفه على المكاتب مع اني شكلي بحجز عن طريق النت زي ما نصحتني تحياتي
انا شيكت على الاماراتية عن طريق الايام الي حطيتهم واطلعت لي ب 6233 ريال من الرياض وانا اشوف سعرهم حلو وايد لو زايد اشوي احسن لك من الكاثي والاتحاد مسوين عروض التكت توصل على 4 الاف من الرياض الى برسبن ريال كان ودي لو اتاكد من هشي وحبيت استفسر من شي انا اشوف ان انت اتقول السفره من تاريخ 26 جولاي الى 18 اوغست والي اشوفه بنسبه لسترالية انك حاط من تاريخ 29جولاي الين 14 اوغست فستغربت شسالفه واشلون طريقت حجزك والتكت لان في 3 ايام قبل وصولكم لستراليا هل بتقضونها في هونغ كونغ وهي من تاريخ 26 و27 و28 ومكتوب وصولكم الى استراليا 29 في العوده نفس الشي لانك قلت ان بطيرون من استراليا تاريخ 14 بس بتوصلون الرياض تاريخ 18 اوغست عشان هشي استغربت وكنت بسال هل انت راح اتوقف وتاخذ اترانزيت في الروحه والرجعه ولا اشلوون
طيب ليش ماشيكت على الاتحاد سعرهم ارخص من الخمس الاف وفيها وسائل ترفيه عربيه ودام انت ماراح تاخذ ترانزيت واخوي انتبه انتبه انتبه الطياره الداخليه لا تاخذها من سدني الى برسبن خذها من سدني الي مطار غولد كوست لان غولد كوست فيها مطار بس داخلي عشان هشي ماتوصله الطيارات دولية بس الطيران الداخلي يروح له وبتكون اقربلك بوايد من برسبن لان برسبن ساعه ونص بسياره تبعد عن غولد كوست وماقلت لي شنو رسيت على الفنادق وهل بتمر على هونغ كونغ ولا لا لان حرام اذا مابتمر عليها لاتاخذ الكاثي بسفيك كان خذيتها على الاتحاد واستحملت وانت ماشيكت على الاماراتية او القطرية او الماليزية او السنغافورية لان حرام احس سعرك نرتفع وكان بتلاقي اسعار اقل او اقل شي بنفس السعر بس بطيران احلى وان شاءالله اتوفق في سفرتك وانا وياك ابوي بلي تامر عليه وتحت امرك ومابخليك ماعليك بظل اتابع الموضوع واي خدمة انا تحت امرك
السلام عليكم أخوي حلو ومدلع ولايهنون باقي الاخوان ابشرك اليوم شرية التذاكر خليت خط السير الرياض - هونج كونج - مالبورن -سدني - (بريسبن -غولد كوست ) - هونج كونج -الرياض مدة السفرة من تاريخ 26/07/2009 الى 18/08/2009 انا اشتريت التذاكر عارف انها مو على المخطط المطلوب والي اعطيتني اياه بس فيه مثل يقول مجبرا اخاك لا بطل والسبب ان خط السير الي اعطيتني اياه بيفرق معي في السعر حول 3 الاف علشان كذا هونت انا اخذتها بسعر 5882 ريال للشخص الواحد مع الترانزيت بدون رحلات داخليه واخذتها بهذا السعر لانك تعرف ان فيه فرق في سعر التذاكر حسب وقت الحجز كان ودي الرحله قبل 26 بس برضوا للاسف مالقيت استراليا من 29 /7 الى 14/8 وتوزيع مبدئي للايام 4 ايام - 3 ليالي (29-30-31-1) واهم شي رحله الثلج رحله داخليه (مالبورن ------------ سيدني) 4 ايام - 3 ليالي (1-2-3-4) واهم شي على ما اعتقد جوله للجبال الزرقاء كاتبين عنها في مجله الامارات رحله داخليه (سيدني-------------- برسبن) بعد الوصول مباشره الانتقال بالسياره لقولد كوست والي فهمت منك اخوي ان المسافه قريبه 10 ايام - 9 ليالي (4-5-6-7-8-9-10-11-12-13) وافكر اخر ليلتين اخذها في فرساتشي مع العلم ان رحلتي الساعه وحده فجر 14 واخيراً عبيت استمارة طلب الفيزا (الظاهر رايحين نخطب) وبكرا بروح اقدم للسفارة باذن الله عاد اذا ارسلتها بروق للفنادق والسكن وما نستغني عنك اخوي حلو عارف اني تعبتك بس وش السواه الله يجزاك خير انت كريم وانا استاهل تحياتي ودعواتي
اخوي حلو ومدلع كل رد لك غني ومفصل اكثر من الي قبله الله لا يحرمك شبابك و نشاطك قول امين ابشرك رحت اليوم لمكتب الامارات وابشرك بعد لقيته مسكر لانه يقفل الساعه خمس فموعدي معه بكرى باذن الله شكلي بطلع من الدوام على المكتب دايركت وبالنسبه للفيزا جهزت الصور وكل شي اوكي بس باقي البنك بكرى بمره بعد باذن الله مريت مكتب الصرح وعطوني خطين لسير الرحله زكلها على الباسيفك وزي ما توقعت السعر طلع فيه خطا بالنسبه للخطين ولو تعبتك معي لو ترشح لي الافضل الاول الرياض- هونج كونج-سيدني العوده مديبنه الظاهر قال اسمها بريسبن او شي قريب من كذا - هونج كونج - الرياض الثاني الرياض-هونج كونج- سيدني العوده مالبورن -هونج كونج - الرياض وكلها ترانزيت يومين في الذهاب ويومين بالعوده افكر اكتفي بواحد بس ماله داعي بالذهاب والعوده والاانت شرايك ؟؟؟ مع انهم كلهم ما عجبوني لان من كتاباتك السابقه حسيت ان خط السير الافضل هو كالتالي بالتغاضي عن مكان الاقلاع سواء الرياض او البحرين او المرور بدبي المغادره-----سنغفوره- برسبن(قولد كوست)-مالبورن-سيدني-هونج كونج ------العوده صح والاانا غلطان انا اهم شي عندي توزيع مدن استراليا والا الترانزيت على حسب الطيران صح دخلت فكره الطيران العربي اكثر في راسي بكرى بحاول اشوف الاماراتيه ربك ييسر والماليزيه فيها برامج عربيه ؟؟ بالنسبه للسكن اخذت اسعار من المكتب واغلى بكثير من الي عرضتها الله يعطيك العافيه مثلا فرساتشي حاسبها غرفه سوبيريور (مدري وش معناها) سعرها مع الافطار 1373 ريال مثلا الانتركونترنتال في سيدني سعر الغرفه المطله على المدينه 1008 اما المطله على الميناء 1369 وفيه اوتيلات ما فيها فرق كبير بس شكلي بحجز من النت افضل لانه زي ما تشوف فرق الاسعار
المشاركة الأصلية كتبت بواسطة THE IMMIGRANT http://www.arabtravelersforum.com/tr...3/#post2970923 اخي حلو ومدلع ... يعطيك العافية على هالتفاعل مع الاعضاء ... اجوبة مفصلة بشكل غير طبيعي ... لدرجة من كثر مو قاعد تحاول تفيد الاعضاء بمعلومات تفصيلية ... شكلك راح تلخبطهم ... امزح معاك انت كذا :24:... مجهود تشكر عليه ... ويجب على الاعضاء الاحباء ان يكثر من صالح الدعاء لك ... على فكرة وش صار على قطوتك :109::109::109: ... ... هلا وغلا بمشرفنا وكلامك شهادة اعتز فيها وتدري حتى انا للحظة خفت انهم يتخربطون بس بعد اذا اتخربطو يردون يسالوني وراح اجاوبهم وبتفصيل ويسلملي قلبك على هلحجي وكلك ذوق وبنسبة للقطوة لا تبطل الجروح ماحصلت من ايبها لي وتعقدت شكلي باخذ وحده ثانية ولاا لمى ارجع ممكن اقدر اتصرف واشوف حد ايبها لي لاني ماحصلت شركات ايوبونها والطيران لازم مع الراكب ومشكور على سؤالك بس ماشاءالله كل المنتدى عرف عن قطوتي شكلها بتصير قضية راي عام خخخخخخخخخخخ في ناس ردو علي بلموضوع وفي ناس ماردو ومادري عنهم ويسالون عنها ههههههه شكلي صرت مشهور مع القطوة ويعطيك العافية
وان شاءالله بعد ماتحجز وتظمن انك بتسافر راح اقولك افضل الرحلات الي جربتها وافضل الاماكن وعاد لاتنسى ادزلي بطاقة دعوه للعرس الا اذا ماتبي تعزمني هاي شي ثاني
اكيد ماعندي مانع بس لحين مارديت علي ولا قلت لي كم مدت سفرتك علشان نقدر نقسمها بنسبة لطيرانالامارات فسعرهم حلو بس هلتاكدت اذا مع الضرايب ولا لا وانا مانصحك فيها اذا كنت بتروح على السياحية اولا لان مدة السفره طويلة انت اتكلم عن 16 ساعه لو انت على الفرست كان مليت وتكسرت من القعده صح عشان هشي انا ضد انك اتروح على الاتحاد وثاني شي لان مابي اتكون وجهتك الاوله سدني وماقدر اقولك بعد روح وخذ طيارة داخلية وانت اوردي راح ترجع على سدني الناقل انا ارشح الاماراتية لان الاتحاد دايركت وهشي احنا مانبيه القطرية اتوقف في شرق اسياء واتكمل عنها الاستراليا لانها لحين مادخلت استراليا والاستراليا مافيها وسائل ترفيه لنا يا العرب الماليزيا حلوة شيك عليها لو قلنا انت خذت على الاماراتية اوكي بتطلع من البحرين الى دبي وبعدها بتطلع الى سنغافورة ارشح الحجز في سنغافورة في فندق غراند حياة او الماريوت وهم على اهم شارع فيها وهو شارع اورشيد بس اذا كان السعر مو مناسبة ممكن اتشوف فندق ارخص وفي فندق انا مجربه شخصياوهو حلو واي ومكانه حلو في بداية شارع اورشيد اهم شارع بسنغافورة وقريب من الجراند حيات والماريوت مايبعدك عنهم الا خطوات والفندق سعره رخيص مقارنه فيهم ويوصل الى النص يعي الغراند حياة ليلته بتكون 900 ريال او الف ريال اما الفندق الي اقولك عنه مايتعدى 450 ريال وانا شخصيا مجربه واسمه اورشيد بريد هوتيل وهو حلو وايد مصنف 4 نجوم ونظيف وايد ومايقل عن الخمس نجوم في ولا شي اللوبي حلو ومجهز بكل شي والمكان حلو والغرف حلوة وايد واذا الجراند حياة و الماريوت ماناسبوك بسعر فانصح فيه وبقوة وانا مجربه شخصيا وفيه مكتب سياحي تحت ممكن تاخذ منه الرحلات في سنغافورة وانا انصح في رحلة الى جزيرة سنتوسه وانصح انك اتروح الى السفاري نايت وانصح اتروح الى سنغافورة فلاي وانصح تاخذ لفة في الباص البرمائي ومن غير انك اتمشى في سنغافورة وفي الشارع الي كله مجمعات وهاي احلى الرحلات وممكن اتروح بعدرحلة الى الاسواق مثل السوق الهندي والمعبد الصيني وكم سوق بعد بس للامانه اعجبتني الرحلة ومن نصها تخلينا عن القروب ونزلنا وخذينا تكسي ورجعنا الفندق لانملينا الصراحه والمعبد والسوق الصيني والهندي مافيه شي وبعدها تطلع من سنغافورة الى غولد كوست وبطلع من مطار سنغافورة الى مطار برزبن الي يبعد عن غولد كوست ساعه ونص بسيارة وبعد ماتوصل المطار واتخلص الاجرات اتروح على غولدكوست بنحط المدة الافتراضية هي10 ليالي وللامانه انا قعدت 14ليله ومامليت منها السكن في شقة فندقيه اسمها السيركل حلوة وزينه وراح اتلاقي تقرير عنها في الوقع والمطبخ مجهز كامل من كل شي والاثاث حلو والموقع استراتيجي واحلى موقع في البرادايز كله لانه يقع في نص البرادايز وتحت في سوبرماركت وكله مطاعم وكوفيات وانصح فيه بشده واوسعلك من غرفة الفندق وفي بلكونه متى مامليت تقدر تطلع وتقعد عليها واتشم هو واتشوف الناس الي رايحه ولاي راده بس عيبهم التنظيف انه مب يومي اسبوعي بس ممكن تطلب من المكتب ان يقولهم نبي تنظيف يومي ويكتبه بلفوتشر لانه ارخص وممكن لمى اتكون اهناك وحسيتو ان تبون حد ينظف الغرفه ان تنزلون لهم واتقولون لهم بس راح تدفعون مبلغ معين او ممكن تطلبون التنظيف مرتين او 3 بلسبوع وممكن اذا تبي اتجرب الفرساتشي ان تسكن فيه اخر يومين وتستمتع في الليلة الرومنسية وفي بعد عني شقق حلوة اسمها الصن ستي وانا مجربها شخصيا خلوة وايد وتحت في برك سباحه داخلية وخارجية ومطعم مكسيكي بس عيبه ان هو يبعد عن البردايو 5 دقايق مشي فاذا انت اتحب المشي ممكن تستمتع في هلميزه وللامانه احنا انروح ونرجع مشي لانه مايعتبر بعيد بس في ناس مايفظلونه لان بعيد وانا اعتبر مكانه وايد حلو بحكم انه بعيد عن ازعاج البردايز وخاصه في الويكاند ويطل على البحر وتقدر اتمشى في البحر في الجزء الي يطل عليه بحكم ان مافيه ناس لان الناس اتكون موجوده في الشاطئ الي بلبردايز بس طبعا للامانه السيركل احلى بوايد كامنظر وموقع وكل شي ولا اتخاف بعد من الازعاج لان شققه فيها عوازل يعني من اتصكباب البلكونه والدرايش ماعان تسمع شي وبنسبة لغولد كوست تقدر اتروح للمدن الترفيهية مثل السي ورلد والموفي ورلد والدريم ورلد واتروح بعد الى رحلة السفاري حلوة وايد ويوم اتروح تحظر عرض الاوت باك حلو وايد وايد ويستحق الزيارة ويعطونك مترجم بلعربي واكل حلال واتروح لحديقة الحيوان وحديقة النحل وتقدر اتروح الى رحلة الريف الاسترالي ومن غير المجمعات مثل المارينا والبسفيك فير ومن غير التمشي في البردايز والاستمتاع في بعظ المغامرات مثل بيت الرعب والانفنتي المتاهة ومقهى الثلج وممكن اتروح الى الكيو ون واتشوف غولد كوست كلها واتقهوى بلكوفي الي فوق وانصح اتروح العصر قبل الغربو لشان اتشوفها بنهار والمغرب والليل وممكن تاخذ لفة على غولد كوست في القارب البرمائي وهو حلو وايد وكل الي ذكرتلك انا مجربه شخصيا ماعاد الريف الاسترالي الي ماصارت فرصه وانروحله وفي ناس مامدحوه وبعد غولد كوست تطلع من مطار غولد كوست الداخلي وهو قريب الى ملبورن وتقعد فيها يومين وتسكن في الكراون بلازا وهوحلو واذا غالي عليك شيك على فندق اسمه استانفورد بلازا ارخص من كراون وانا مجربه بس انا انصح بلكراون بلازا بنسبة الى ملبورن اذا ماراح اتروح رحلة الثلج فانصحك تقعد ليلتين بس بس اذا بتروح الى رحلة الثلج ممكن تقعد 3 ليالي لان رحلة الثلج بتاخذ منك يوم كامل لان الرحلة من الساعه 6 الصباح والعودة 9 بليل والاماكن الي في ملبورن ممكن اتروح الى المجمعات الي هناك مثل شادستون سنتر وهو وايد حلو وممكن اتمشى على ملبورن وتقدر تاخذ لك جولة بلحنطور وتستمتع فيها وممكن اتروح الى البانوراما واتشوف ملبورن من فوق واتجرب تجربة الغرفة الزجاجية هاي بنسبة الى ملبورن وبعدها تنتقل من ملبورن الى سدني وتقعد في سدني من 5 الى 6 ايام السكن انصح في ستار ستي وهو فندق وشقق وانصحك تاخذ الشقق لان اوسعلك واكبر وفيها بلكونه وتستمتع بلجو والمنظر والشقة نفس خدمات الفندق فيها تنظيف يومي وحتى الصحون لايكنا ناكل فيها غسلوها لنا وفيها روم سيرفس ونفس الفندق بظبط والشقة فيها مطبخ كامل مجهز وفيها غسالة وطاولت كوي وهاي ا لاشياء تنفعك ومن غير ان في سوبر ماركت تحت يشتغلون فيها عرب ومن غير ان فيها مطاعم فاست فود مثل صب واي ومحل ايس كريم وانا مجربها بنفسي وهي راقية راقية وايد وحلوة وايد وايد بنسبة للاماكن في سدني ممكن اتروح الى الاوبرا هاوس واتمتع بلمنظر وتاخذ تور داخل الاوبرا وممكن تحظر عرض مسرحي لو تبي وممكن اتقهوا بلكوفي شوب الي برا وممكن اتمشى بلهاربر والهاربر سايتوهو مجمع وفيه مطاعم وحلات وايد والمنظر روعه وممكن اتروح الى المتحف والى سوق فكتوريا وممكن تاخذلك يوم رحلة الى الجبل الازرق وممكن اتروح الى البانوراما فوق واتشوف سدني كلها هاي معظم الاشياء الي اتسويها وللامانه اكفاية انك اتمشى في الهاربر وعند الوبرا هاوس الصراحه المنظر والجو يرد الروح ويغنيك عن كل شي وبعدها تطلع من سدني الى هونغ كونغ وتقعد فيها يومين وممكن تستغلهم بتمشيا والسوق للامانه انا مارحت هونغ كونغ ورحنا بانكوك بدالها والصراحه في الوهله الاولى انصدمنا منها بس بعدها تاقلمنا اشوي ممكن لان احنا راجعين من استراليا بس احنا طولنا يعني قعدنا 4 ليالي اما انت اذا بتقعد سوان في بانكوك او هونغ كونغ انصحك تقعد ليلتين بس والفنادق في بانكوك انصح في الاند مارك وهو حلو وايد واذا غالي ممكن اتشوف غيره وارخص اما هونغ كونغ للامانه نا مارحت لها عشان هشي ماعرف فيها وبنسبة للمجمعات في بانكوك فهي حلوة في مجمعات راقيةوحلوة وفي مجمعات اقل مستوا باضعتهم التقليد متوفر بكثرة اما الماركات العالمية انا اشوفها اغلى من عندنا بس بعد في اشياء رخيصه بسيعتبر سوق هونغ كونغ افضل من بانكوك لانه ارخص وحتى ماركاتهم ارخص من عندنا وراح تقضي المدة في المولات التجارية وتستمتع وبعدها اتسافر الى دبي ممكن تاخذلك ليلة او ليلتين في دبي منها اتسوق واتمشى لو تبي وانصحك تحجز في فندق ذا ادرس العنوان وهو راقي وجديد وحلو وانا مجربه وتوهم فاتحينه في اكتوبر الي فات وهو جنب دبي مول وحلو وايد واذا طلع عليك غالي ممكن تحجز في فنادق شارع الشيخ زايد مثل المروج روتانا او شنغريلا او الفيرمنت او دوست دبي وكلهم انا مجربهم او شقق شيلسي الفندقية حلو بعد وايد وعلى شارع الشيخ زايد وممكن اتجرب فندق الكنبنسكي وهو الفندق الي في امارات مول وعند المجمع حلو وايد بعد وممكن اتروح الى المجمعات التجارية اهناك مثل دبي مول وامارات مول ووافي ستي وفيستفال ستي وبرجمان ومركاتو ومجمعات وايد بعد انا كتبتلك افضلهم واتروح سوق جميره اتمشى فيه ودبي والك واتروح المارينا دبي وممكن تلغي دبي واتروح بعدها الى البحرين على طول طبعا هاي جدولي لك سوان للفنادق او لتنظيم او للمدة واذا تبي اكثر ممكن انزيدلك اشوي في غولد كوست والمدة هي سنغافورة ليلتين غولد كوست 10 ليالي قابله للتمدين اذا تبي ملبورن 3 ليالي سدني 5 ليالي قابله لتمديد اذا تبي هونغ كونغ او بانكوك ليلتين او 3ليالي دبي ليلتين اوليلة او ممكن نلغيها يعين المدة بتكون لك قريب ال 22 ليلة او23 ليلة واتمنى تستمتع فيها وهاي رايي في توزيع الايام بنسبة للسعار فهي اتراوح يعني في غولد كوست وسدني اسعارهم نفس الشي تقريبا السكن ممكن بين ال 700 الى ال 900 ريال لليلة في الشقة اليقلتها وهيعباره عن فرقة صالة مطبخ حمام بلكونه في ملبورن بيكون اغلى اذا خذيت شقة ولا سويت عشان هشي خذلك غرفة والسعر بكون نفسهم تقريبا بنسبه لسنغافورة اذا جراند حياة او الماريوت نفس الشي بين ال 800 الى الف ريال لليلة اما لو اورشيد بريد فبكون سعره اقل من 450 ريال لليلة بنسبة لهونغ كونغ ماعندي خبر بفنادقهم وماعرف اسعارهم بنسبة لبانكوك فنفس سعر سنغافروة ممكن اتحصل فنادق غالية وممكن ارخيصه بس مابتحصل غالية وايد حدهم افخم شي ب 600 ريال وعلى فكره في بانكوك كان معانا سواق عنده فان مكيف وكان يقضي اليوم كله ويانا ويودينا الى المجمعات وينطرنا واذا احتجنا نتصل عليه علشان يشيل الاغراض وهشي كله بس بالفين بات يعني 200 ريال بس ويكون عندك من الصباح الى الليل وانا اشوف سعره وايد زين واذا تبيه ممكن اعطيك رقمه بنسبة لدبي اتراوح اسعارفنادقها يعين المروج ودوست ممكن اتحصلهم ب 600 ريال وممكن اعلى اشوي وشنغريلا والفيرمنت اعلى بشوي وذا ادرس بيكون قريب الالف هو والكنبنسكي انصحك تاخذ البكج من الامارات للعطلات نصيح نصيح نصيح اذا بتروح عل ىالسياحية لاتنسى تطلب التوصيل من والى المطار وراح اتكون محسوبه عليك بس على الاقل تظمن من يوصلك بسياره حلوة ويستقبلك اما لو على البزنس فتكون مجانية وهم دقيقين في مواعيدهم يعني لا اتخاف محد يستقبلك ولا اتخاف حد يتاخر عليك بلعكس وحتى لو ما اكدت عليهم هم بكونون عارفين وقت تنقلاتك الا اذا صار اي تغير وانت بسفر تتصل على الامارات للعطلات الي في استراليا واتقولهم علشان ينبهونهم ويعدلون لك الوقت وكلها وبجونك في كل تنقلاتك ويستقبلونك في كل المناطق سوان في سنغافوره او غولد كوست او ملبورن او سدني او بانكوك او دبي وبياخونك من والى المطار وانا اكدت عليهم لان في بعظ المناطق مطاراتهم اتكون بعيده مثل برزبنت وغولد كوست ومثل مطار بانكوك واما الباقي اتكون اشوي بس يعتبرون مب قراب نوعا ما مثل سنغافورة وملبورن وسدني عشان هشي ان اانصح بهشي تقريبا انا خلصت وكل الي عندي قلته الصرف انصح يكون من يرتك والشرايحهم ترا ارخيصه مو غالية بس لازم تتصل عليهم وتعطيهم المعلومات علشان يفعلونها لك وتقريبا هايكل الي عندي واي استفسار انا بلخدمة
تسلم اخوي حلو ومدلع ما قصرت والله يبيض وجهك ويريح بالك بالنسبه لطلباتي في السفره ابغى ريلاكس وجو حلو ما يهمني التسوق قد الراحه والتمشيات والمتنزهات امس لقيت طيران الاتحاد سعر التذكره 4100 من البحرين بس شكل الرحله البحرين ابوظبي - ابوظبي سيدني يعني ما فيه توقف او ما وضحوه في موقع الخطوط ؟؟ طيب شرايك سيدني - غولد كوست - مالبورن بس والا فيه مدن تستاهل الزياره ؟؟ وجزيره فيجي سمعت انها قريبه شرايك؟؟؟ المده مفتوحه والميزانيه ما حسبت كم تقريبا بس ودك بالزين المعقول وما فكرت بمبلغ معين انت تتوقع كم الميزانيه المناسبه ؟ مع التذاكر اليوم المساء باذن الله بمر كم مكتب سياحي وبجيب عروضهم واعرضها عليك اذا ما عندك مانع وما خاب من استشار ولك مني كل الشكر والتقدير ===== اخوي hml تسلم والاعضاء ما يقصرون باذن الله جزاك الله خير تحياتي وتقديري
المشاركة الأصلية كتبت بواسطة tarek100 http://www.arabtravelersforum.com/tr...8/#post2961734 السلام عليكم ورحمه الله وبركاته اشكر لكم مواضيعكم وتقاريركم الاكثر من رائعه وان كنت لا اسجل اعجابي بها مباشره ولكن يشهد الله اني ادعي لكل عضو كتب موضوع او رحله واستفدت منها نيابة عن جميع الاعضاء نرحب بك في منتدانا الغالي وسؤالي لكم اليوم واتمنى ان تتقبلوه بصدر رحب بصراحه تعبت وانا افكر بوجهه السفر في الصيف وشكلي استقريت على استراليا استقرارك في محله وبلد يستاهل الزيارة بس خايف من البعد ومن البرد احب اطمنك البعد الذي تتكلم عنه صار شي من الماضي لان وسائل الترفيه في الطائرات كسر هذا البعد ومن ناحية اخرى اختيار محطة للتوقف ايضا نوع من التغيير فينسي البعد اما للبرد فلايخوف لان طوال اليوم الجو حلو ويبدأ يبرد بعد غياب الشمس يعنى المغرب وهنا يحتاج الشخص جاكيت لكن البرد لايمنع الشخص من الخرورج مثل برد اوروبا او كندا مع العلم انا وزوجتي بس ما معنا اطفال (شهر عسل يعني ) مبروك مقدماً نصايحكم كيف بالنسبه للجو الجو حلو ومثل ماسبق ووضحنا افضل خطوط واسعار التذاكر تقريبا تختلف اسعار الطيران من شركة إلى شركة ولكن يكون هذا الاختلاف متقارب في الدرجة السياحية وتمن التقارير حسيت احلى شي قولد كوست بس كيف توزيع الايام مع العلم ان اجازتي مفتوحه للحين ما قدمت اجازتي استراليا جميله ومن ضمنها قولدكوست وبها مناطق سياحية حلوة لكن حدد مدة سفرك بالايام والمدن التي ترغب في زيارتها واقترح ان تعمل عصف ذهني وتضع برنامج من نفسك والاعضاء سيوزعونها لك ويرتبونها حسب خبراتهم وفي النهاية عليك الاختيار عارف اسئلتي كثيره بس ودي اروح وخايف بنفس الوقت اعقلها وتوكل استنى تجاوبكم كل اعضاء المنتدى تحت امرك شكري وتقديري لكم والشكر موصول لك ايضا على انضمامك للمنتدى
12 مشاهده ولا رد شدعوه انتوا كريمين وانا ان شاء الله استاهل ياليت تريحون بالي تجاوبوني
الجو في شهر ؟؟ السلام عليكم ورحمه الله وبركاته اشكر لكم مواضيعكم وتقاريركم الاكثر من رائعه وان كنت لا اسجل اعجابي بها مباشره ولكن يشهد الله اني ادعي لكل عضو كتب موضوع او رحله واستفدت منها وسؤالي لكم اليوم واتمنى ان تتقبلوه بصدر رحب بصراحه تعبت وانا افكر بوجهه السفر في الصيف وشكلي استقريت على استراليا بس خايف من البعد ومن البرد مع العلم انا وزوجتي بس ما معنا اطفال (شهر عسل يعني ) نصايحكم كيف بالنسبه للجو افضل خطوط واسعار التذاكر تقريبا وتمن التقارير حسيت احلى شي قولد كوست بس كيف توزيع الايام مع العلم ان اجازتي مفتوحه للحين ما قدمت اجازتي عارف اسئلتي كثيره بس ودي اروح وخايف بنفس الوقت استنى تجاوبكم شكري وتقديري لكم
الجو في شهر ؟؟
قوانين المنتدى