الرد على الموضوع

المشاركة الأصلية كتبت بواسطة mr-X
http://www.arabtravelersforum.com/tr...1/#post2124811

الله يخليك يا عزيزي :24:

بس هل انت متأكد ان جناح في اماديل بيتش بـ 330 دولار ؟ مادري بس حسب ما قرأت انه اكثر
واحنا ثلاث اشخـاص يعني نبي شي يكفينا ..

مافهمت اخي العزيز يكفينا الثلاثة تقصد تسكنوا كلكم في جناح والا كل واحد بجناح ...

عموما هذا السعر اخذته من احد المواقع السياحية وبحدود 330 دولار مع العلم اني سبقت وان حجزت

عن طريق نفس الموقع من سنتين 200 دولار وانت عارف الاسعار بتتغير ... ويمكن اكثر ... وبـأمكانك الاتصال
بالفندق مباشرة وتسأل وتعمل مقارنة قبل اتخاذ اي قرار ...

ولك حرية الاختيار في اختيار الفندق الذي يناسبك ...

تقبل تحياتي ...

سعر لتر البنزين عشر دراهم تقريبا . في شهر 6/ 2008 استاجرت سيارة رينو كليو موديل (2007) من مطار كازا ب 400 درهم اليوم. وكنت طالع لاكادير والتانكي كان فاضي على الزيرو واذكر عبيتها من محطة بنزين عند المطار ب 440 درهم (230) ريال تقريبا . وكان سعر اللتر 10 دراهم يعني سعر اللتر هناك اكثر من عشر اضعاف سعره في السعودية.ووصلت اكادير بدون اعبي بنزين مره ثانيه. وعلى فكره صحيح ان البنزين غالي جدا لكني ارتحت بااستئجار السيارة اكثر من سفرات سابقة كنت استخدم فيها التكاسي وخصوصا داخل المدن ولا يهمك كلام اللي يقول شلون تعرف البلد ترى ماراح تضيع واولاد الحلال هناك كثير . لكن الاهم تتلتزم بحدود السرعه والسلامه لان هناك مافيه الا دفع مخالفات اذا ما التزمت بانظمة القيادة.

المشاركة الأصلية كتبت بواسطة اختكم2008
http://www.arabtravelersforum.com/tr...6/#post2172276

اسكن في الحياة الرجنسي فخم مره في كازا

اشكرك على المشاركة

لكن بالنسبه لاقادير ومراكش ..!!

حسب ما سمعت ان الشقق الآمنه او الفلل هي الافضل ..

ما بقى على السفر الا اسبوع تقريبا ً .. والله يعين :101:

اسكن في الحياة الرجنسي فخم مره في كازا

الظاهر الاخوان ملوو من هالمواضيع

عـ العموم الواحد منا يحتاج للنصيحه والمعلومه المؤكده

ولو نعتمد على المواقع وما فيها راح ننصدم بأن اغلبها غير الواقع

المشاركة الأصلية كتبت بواسطة عيون الشوق
http://www.arabtravelersforum.com/tr...3/#post2121833

بدل كازا بالرباط وراح تشكرني

موفق ولاتنسى التقرير يالغالي

عزيزي عيون الشوق شاكر لك

وبالنسبه لكازا اكيد مدينه حلوه لكن حسب ما قرأت انها مدينه عمليه مو للوناسه

او حسب علمي .. بصراحه ودي اعرف اكثر عنها يمكن ازود عدد الايام فيها

وبالنسبه للتقرير ان شاء الله راح يجيكم تقرير مفصل ولو تبون بالفيديو برضه :109:

بدل كازا بالرباط وراح تشكرني

موفق ولاتنسى التقرير يالغالي

موفق اخوي ,,,

أخي العزيز مستر اكس

ما شاء الله الجيب عامر من 60000 الى 80000 ميزانيتك في 15 يوم ... وماودعك اجي معك وتخليني

اشيل الشنط :109: ... عموما أغادير لاتحاول السكن في الشقق والفلل راح تتعب اقترح عليك السكن

بأماديل بيتش خذلك جناح عادي مطل بحدود 330 دولار ... ولا تشغل نفسك بالمداهمات والقلق النفسي

انت طالع ترتاح ... اما الباقي للمدن المختارة لك حرية الاختيار بين السكن في فنادق او شقق ... رحلة موفقة ...

تحياتي لك

وانا كذلك ’’

مزعووووط بالزاف
اشكرك على دعواتك عيوني بس ما قلت لي في أغادير ابي شقق فندقية
او اي شقق "آمنـه " في موقع حلو وكبيره


اخوي تركي 99
طنجه حلوه اكيد لكن بعيد وممكن تنحط ضمن المدن وبالنسبه للبنزين فهو غالي جدا بصراحه
وممكن نفكر نكنسل استأجار السياره ونخليها باص وقطار .




اتمنى من الأخوان اللي يعرفون اغادير ومراكش زين والاماكن اللي فيها يفيدوني .

حبيب قلبي الله يوفقك في سفرتك وان شاء الله تنبسط ومادامك نويت وشديت الرحال ابي اعطيك خطة سير ماتخر المويه وانت وكيفك .
خذلك يومين بكازا وانا اعتقد انك راح تنزعط في اول مدينه تجيها لكن اشرب ديو واقوي قلبك بعدها سير على مراكش بالقطار وخذلك خمسه ايام في فندق ولا في النخيل ولا اسوي دعايه للنخيل بس انا افضل النخيل وبعدها استاجر سياره وسواق وسير على اقادير ومنها طياره على كازا هم على بلدك اما البانزين الله يعينك عليه وترى من مراكش لاقادير 250 درهم تكفيكم بانزين وان شاء الله بنهاية شهر اوغست يشرفنا مزعوووط جديد

أغاديــر مراكــش كازا طنجه

السلام عليكم


اخواني اعضاء منتدى المسافرون صباحكم ورد

طبعا انا لي تقريبا حوالي الشهر وانا اتصفح المنتدى واقرا المواضيع عن المغرب ومدنها وفنادقها وبصراحه شي يسعد كثير تواجد هالمعلومات والنصائح من الجميـع ..

انا ان شاء الله رايح للمغرب في شهر " اوقست " القادم 30/7/2008 ..

العدد : ثلاث اشخاص ..
المدن الموضوعه بالرحله : أغادير .. مراكش .. ( الرباط أو طنجه ) ..المدة : 15 يوم تقريبا ً ..
المبلغ : تقريبا ما بين 60000 الي 80000 ريال المجموع ..

هههههههههه احس اني باقي بحط صورتي وتاريخ ميلادي :109:

المهم ..

حجزت سياره من كازا لمده 14 يوم .. مع العلم اني ما أدل الطرق في المغرب .. لكن لقيت ان استأجار سياره احسن بكثير ..
وحاب اسأل عن سعر البنزين بالمغرب حاليا كم ؟؟؟؟
راح اسكن في كازا يوم واحد فقط في فندق ramada al mohades لكن مادري هل هو جيد الفندق ؟؟
اتمنى منكم اذا ممكن التوضيح والنصح بالنسبه لباقي الرحله من حيث ...

مسار السفر من كازا الي اغادير .. !!

أغادير :

حاب اسكن يومين في فندق على البحر بسعر لا يتعدى 600 ريال لليله ... !!

بعدها حاب اسكن في شقق فندقية .. ياليت تفيدونا عن الشقق الفندقيه !!! بحدود 900 ريال باليوم !!
او شقق مفروشة ولكن آمنه ..
( لاني حسب ما سمعت حاليا بالمغرب ان فيه حملات مداهمات على الفلل .. وانا مابي وجع راس )

والتخطيط اني اقضى بأغادير ( خمس الي سبعة ايام ) ..
ياليت تعطوني آراءكم بخصوص باقي الأيام !!

وياريت تفيدوني بخصوص الحجوزات للفنادق او الشقق او الفلل افضل طريقه للحجز
لان البعض ما ينصح بحجز المواقع لانه مو مضمون .. وانا ابي شي أكيد ومضمون .

مراكش :

من خلال قراءتي لبعض المواضيع لقيت البعض ينصح بفلل النخيل .. والبعض ينصح بفنادق ..
ألفتره اللي بقضيها في مراكش تقريبا من ( خمس ايام الي اسبوع ) ..
وش الأفضل حسب رأيكم ؟؟؟ فلل او فنادق ؟؟
وايضا لا يتعدى سعرها باليوم 900 ريال !!

الرباط أو طنجه :

مادري الى الآن اي وحده فيهم راح اروح لكن بيعتمد على الباقي من الميزانيه ^_^ والمزاج
وطبعا نفس الاستفسارات السابقه بأغادير ومراكش راح تكون لطنجه او الرباط.



ملاحظــات :

حسب قراءتي لأغلب المواضيع انها قديمه نوعا ً ما ( التاريخ ) واتوقع ان الاسعار تغيرت الآن
وبعض الأمور تغيرت عن السابق . ياليت تفيدوني بهالخصوص ..

أمن المطار ... قرأت مواضيع تنبه من أمن المطار وانهم يعقدون المسافر علشان يدفع اكراميات

تقريبا ً هذا كل شي واذا طرى ببالي شي ما راح اتردد اني استفسر منكم مره ثانيه
( مالنا غناة عنكم حبايب ^_^ )




دمتم بخـير
تحياتي ®