المشاركة الأصلية كتبت بواسطة خالد القادري
http://www.arabtravelersforum.com/tr...8/#post4674398
السلام عليكم ورحمة الله
اخونا سهم الحب جزاك الله كل خير على التقرير المميز
انا امس وصلت من مكة المكرمة . وسكنت بالرافلز بناء على تقريرك الجميل ولكن للاسف والله اني تندمت اشد الندم .
لاتعتقد اني اشكك في تقريرك لا والله ولكن يمكن لان تجربتك كانت اول ايام الافتتاح فوجدت الامور جميلة بحكم ان الحماس يكون موجود اول ايام الافتتاح . الله العالم انه من اسواء الفنادق الي تعاملت معاهم . وكانت هناك تراكمات من الاخطاء الي ما يسويها حتى فندق مبتدي . الوقت لايسمح حاليا لذكر ذلك وساعود لاحقا لاخبرك بما حصل معي بالتفصيل ولكن كلمه اخيره ... اداره اولوياتها الربح المادي والطمع والكذب لاتستحق منك هذا التقرير ودمتم سالمين .
المشاركة الأصلية كتبت بواسطة خالد القادري
http://www.arabtravelersforum.com/tr...6/#post4678656
صباح الخير اخواني
اسمح لي اخي سهم الحب ان اذكر تجربتي السيئة او المقرودة مع هذا الفندق آسف القصر . ورايح اعرض المشكلة بشكل مختصر واذا في استفسار انا حاظر .
اتصلت من ابوظبي بقسم الحجوزات وكلمني الاخ ...... وطلبت عدد 3 سقنتشر سويت ايام الاربعاء والخميس والجمعة وقلت له رايح اوصل الفندق يوم الخميس الساعة 6 صباحا . ورايح يبقى من حجز يوم الاربعاء 6 ساعات فقط فأذا بتتعاونون معاي في هال اليوم اوكي واذا لا انا مش رايح احجز . الاخ قالي ابشر بنساعدك ويمكن نلغي عليك يوم الاربعاء ونسامح فية لانه فعلا يعتبر يوم في نهايتة . انا قلت واللة كلام طيب يعني في اسواء الامور رايح ادفع نص يوم .
فعلا وصلت الساعة 6 وربع وكان موجود المدير الليلي الاستاذ دياب مرواني وقالي خلاص نحاسبك ليوم الخميس والجمعة وفعلا اخذ الفيزا كارد وسحبو عليها يومين بس . وكنت غيرت من 3 سقنتشر سويت الى 1 سنقنتشر وجناح رئاسي .
التكملة تحت .....
المشاركة الأصلية كتبت بواسطة خالد القادري
http://www.arabtravelersforum.com/tr...6/#post4678706
نكمل ...
يوم الخميس بعد الساعة 11 بالليل وكنت نايم اتصلو ورد عليهم ولدي الصغير وقالو لة قول للوالد ان يوم الاربعاء محسوب عليكم ( حد يتصل بعد 11 الليل ويكلم ولد ولا يكلم صاحب الشأن . بالله عليكم هاذي مو مهزلة ) على كل حال فجر قالي ولدي في واحد اتصل وقال ان يوم الاربعاء محسوب علينا . وانا رايح لصلاة الفجر مريت عالاستقبال وقلت منو اتصل فينا امس وقال يوم الاربعاء محسوب علينا . قالو واللة ماندري بما فيهم المدير الليلي وقالو اتصل بقسم الحجوزات يمكن هم اتصلو .
فعلا بعد الصلاة اتصلت وقالت لي الاخت اخليهم يتصلو فيك بعد الساعه 9 لانه دوامهم يبداء بعد 9 .
الساعة 9 ونص اتصلت الاخت ...... وشرحت لها الموظوع وقالت انا عندي بالسيستم يبين انك محاسب على يوم الخميس والجمعة وحنا آسفين على سؤ الفهم واعتبر مافي مشكلة .
وانا مغادر الفندق الساعه 10 صباح يوم السبت والا على الاستقبال الاخ ........ قالي استاذي اسمح لي لازم تدفع يوم الاربعاء قلت له ياخي هيا لعبة عيال ولا شو كل مرة لكم راي . وقلت لة من اتصال ابوظبي والدخول للفندق والاتصال بقسم الحجوزات امس وتقولون مافي مشكلة والحين تقول ادفع . والله ان الاخ وجهة مقطع من الخجل وقام يدخل ويتصل ويرجع لي في كل مرة ويقول انا آسف وما اقدر اساعدك . فالآخر انا كنت مستعجل ولازم اطلع للمطار وما عندي وقت باقي وايد وطلبت اكلم المدير او اي مسؤل ولاكن لاحياة لمن تنادي . الاخ مسمر قدامي والظاهر ان حتى المدير الصباحي موب راظي يطلع ويتفاهم معاي . فالاخر وافقت ادفع لانه لا الاخ على الاستقبال يقدر يسوي شي ولا المدير طلع علينا . وهنية قالي عليك 130 ريال زيادة لانة يوم الخميس كان عددكم في الافطار 7 يعني واحد زيادة . اللة واكبر تحاسبوني على فطور طفلة زيادة وبعد تحاسبني على يوم كامل اقامة وانا مافطرت فية الي هو كان يوم الاربعاء لان المدير الليلي قالي هاليوم موب محسوب ومافية فطور ( باللة عليكم في
*** من هالفندق . حرمونا من افطار يوم كامل مدفوع علية ويحاسبني على افطار شخص زيادة يوم واحد فقط لان يوم السبت فطرنا 4 اشخاص )
المشاركة الأصلية كتبت بواسطة خالد القادري
http://www.arabtravelersforum.com/tr...6/#post4678766
اسمحو لي اخواني واللة اكتب وانا مستعجل ويمكن يكون بعض الكلام مو واضح بس انا حاضر لاي توضيح .
خلال اقامتي اتضح لي ان الخادم الشخصي ( البتلر ) ماهو الا
*** عالناس . هم مجموعة من الموظفين كل واحد يمكن يخدم 50 غرفة اذا فاظي جاك يربع واذا مشغول بالطقاق الي يطقك . والدليل اني طلبت لحاف واخذ اكثر من اتصال واكثر من 3 ساعات عشان يشرف بالحاف .
وكذلك طلبت غلايه (سخان الماي ) وقالو بعد 4 ساعات بيتوفر وبنوصله لك وبعد 5 ساعات اتصلت وقالو والله آسفين السخانات خلصن علينا وما عندنا شي . اوكي وشو الحل ماعندنا حل . ياساتر قصر بكبرة ومافية سخانة ماي . توكلت عالله ونزلت عند بن داوود وشتريت واحد وخليتة لهم مساكين الظاهر الازمة الاقتصادية مؤثرة فيهم .
اخيرا ....
اتصلت يوم المغادرة بالكنسيرج ديسك عشان اطلب سيارة للمطار قالي الاخ احنا ناخذ 1200 بس عشانك بناخذ 900 قلت ياخي انا رايح مطار جدة موب تبوك وماقصر نزل الى 800 . وبالصدفة وانا تحت شفت سيارات الجمس الي تتعامل مع الفندق وسألت الشباب وكانو سعوديين واللة انهم نشامة وطيبين ... بكم توصلون للمطار قالو اتصل على مكتبنا ... انزين بتصل بس بكم تودون للمطار قالو 350 ريال . قلت الفندق ليش يطلب 800 قامو يضحكون والظاهر ان الفندق قاصين على خلق الله
اخيرا .... اخوي سهم الحب انا والله سكنت عندهم بعد تقريرك ولكن انا اشوف بأمانة ان الهلتون ارقى تعاملا وانا اتعامل مع الهلتون من زمن بعيد وكذلك الخدمة اسرع والفطور احلى والذ .. تصدق اني في كل مرة اشغل الليت ( المبة ) مال تنظيف الغرف ان ما حد يجينا بالساعات وسكنت يومين بدون ماحد نظف غرفنا اسمح لي اقول تبا لهذا الفندق والله ما اسكنة حتى ببلاش ( قالو قصر ... مالت عليكم زريبة ام عليوي احلا منكم ) .
اخير السموحة منكم وانا تعمدت عدم كتابة الاسماء حتى لانشهر بأحد ولكن الاسماء عندي لمن يحب ان يتأكد . ذكرت اسم المدير الليلي لانه كان متعاطف معاي ولكن مابيده شي يسوية مادري ادراة سنغافورية اخذت من الطبع الصيني الي سافرت لها ولسنغافورة والله فيهم وليس الكل طمع وجشع غير عادي .
مع السلامة احبائي .......آسف اذا لم يرق لكم ماكتبنا
المشاركة الأصلية كتبت بواسطة خالد القادري
http://www.arabtravelersforum.com/tr...8/#post4679288
شكرا اخت طلحة والاخ عبدالله
آخر المستجدات ..... ( حشى نشرة اخبار )
بعد ماكتبت التقرير هنية دخلت على موقع فنادف رافلز الرئيسي بسنغافورة وبس كتبت ان عندي تجربة سيئة مع رافلز مكة في آخر الاسبوع ... وقد جآنا الرد التالي من مدير العلاقات العامة :
dear mr .....
thank you for emailing us regarding raffles makkah palace. Our general manager for raffles makkah palace will be calling you soon to understand what may have happened and to address your concerns. Please allow us to extend our apologies at this point and we truly appreciate your feedback.
best regards
vivian
vivian koh | senior manager, public relations & communications
raffles hotels & resorts | 250 north bridge road #10-00 raffles city tower, singapore 179101
t: +65 6496 1145 | f: +65 6339 1713 | http://us.mc1217.mail.yahoo.com/mc/[email protected] | http://www.raffles.com/ | http://www.raffles.com/en_ra/leftfoo...allery/ebooks/
وفعلا اتصل بي بعد 5 دقايق الاستاذ نصر السعودي المدير العام لقصر رافلز مكة وبأمانة كان قمة الذوق والاخلاق .
المهم بعد ماهليت علية كل الي عندي قالي ياريتك طلبت المدير العام قلت والله الاستقبال مارضو اكلم حد .
وبعدين قدم كل كلمات الاسف وتقبلتها منهم وحلف انه يعزمني على ليلة مع الافطار ببلاش وقلت واللة اسمح لي مااجيكم ابد ولو كان فري اوف تشارج وعطى يمين ايمان ولكن والله مااظني اروح لهم مرة ثانية مع اني شكرتة على اتصالة واهتمامة بالموظوع والاهم من ذلك انه اعترف بأن كل ماذكرته ماكان يجب ان يحصل وذكر بانه كتب كل الملاحظات الي ذكرتها وسيقوم بالتحقيق بالموظوع بشكل دقيق
كتبت هذا للامانة ....ودمتم سالمين يامعشر العرب المسافرون
.
.
.
والله ياعزيزي ما اقدر أقول إلا الله يعوضك خير
ومثل ما أنا طرحت وجهة نظري وكانت ايجابية فـ أنت كمان من حقك طرح وجهة نظرك حتى لو أنها سلبية
هدفنا هنا تبادل الخبرات
والمتلقي هو القادر على الفرز وبالتالي اتخاذ ما يراه مناسب في حال كان هذا الفندق من ضمن خياراته
الجميل في الأمر ياغالي .. انك لم تسكت .. بل وصلت شكواك لأعلى مستوى
وهذا أمر محمود من اجل أن يتعدل الاعوجاج الحاصل
ولو كل واحد منا عمل مثل ماعملت في كل مكان نرتاده وندخله .. لتعدلت كثير من الأمور
اهنيك على عدم سكوتك
كما أهني نفسي بتواجدك معي في تقريري المتواضع
لكن يجدر بي ذكر أمر لم اكتبه في ثنايا التقرير ألا وهو
في يوم وصولي .. وعند وقت العشاء .. فقط أحببت أن اسألهم عن إمكانية جلب عشاء لي من المطاعم الموجودة في الوقف
كلمت البتلر ولما حضر سألته عن هذا الأمر .. فذكر انه لامانع .. واستأذنني بكل أدب انه لايستطيع الخروج من الفندق وجلبه
بل من سوف يجلبه لي هو البل بوي
فقلت مو مشكلة .. كتبت الطلب وأعطيته الفلوس ... دقائق معدودة ومن ثم عاد ومعه الطلب من مطعم كنتاتكي : )
كما يجدر بي أن اشدد على ما ذكرته أنا في بداية تقريري حول المميزات اللي حصلت عليها من فواكه
وشاي بكل طرق تقديمه وحلويات .. وماء ..... الخ
وأعيد للمرة الثانية أن كل ماذكرته حصل بالفعل
كما أنني نوهت حول أسعار السيارات عندهم
وقلت أن الكابريس تبدأ بـ 500 ريال وإنني رفضت هذا الأمر
لأني اعرف اني بالمواقف بحصل ارخصصص منهم .. وبالفعل أخذت كامري جديدة مع سواق عسل الله يذكره بالخير
ووقف بنا بمستشفى من اجل زيارة عزيز
ومن ثم وقفنا بمطعم وبالاخير عطيته 200 ريال
أعيد ما بدأت به أخي العزيز وأقول لك
الله يعوضك خير
اخيرا
الموضوع وصاحبه سعيدين جدا بتواجدك أخي الكريم خالد وبكل ما طرحته لنا
ودي ووردي
.
.
.
سهم الحب