أضف مشاركة إلى الموضوع: ماذا عن اوضاع السعوديين في سوريا بعد الحداث السياسية الاخيرة
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
اخى هواى شرقى كم اعجبنى ردك الجميل الرائع والملئ بالصدق والحق وقول الكلامه الصادقه في اهل الحق بدون زيف وتزلف كم اعجبتنى اخى الكريم
المشاركة الأصلية كتبت بواسطة pigeon http://www.arabtravelersforum.com/tr...5/#post1515815 بصراحة أول مرة اتصفح هذه البوابة بعد ما حصل لأختي .........هي سافرت تركيا عن طريق البر والله كرهت عمرها في سوريا .. استغلال لأبعد درجة ورشاوي اجبارية ... أما طريق العودة أسوأ لأنها أمس كانت في سوريا ... والله يمرون السوريين يمهم في الطريق و يتفلون عليهم (أكرمكم الله ) لا حياء و لا أخلاق بعدين زيادة على هذا نصب بمعنى الكلمة سيارتهم اتعطلت اخذ عليهم 700 ريال والعطل بسيط في السعودية ما يكلف أكثر من السبعين ... لا والأخ مو عاجبو يقولون خذ 500 مرة مو راضي ويقول لهم ما مداكم تمشون عطلت سيارتكم بنفسي ادفعوا وسافروا ( ما يفهم ان ما معهم غير 500 ريال ومو راضي يصبر عليهم عشان يسحبون من الصراف) في الاخير اعطوه الجوال عشان يصلح لهم السيارة ... بالله هذي أخلاق غير انهم اضطروا يسحبون من الصراف بعد الورشة 500ريال ولما دخلو السعودية لقيت رصيدها ما في غير 190 ريال وهو كان فيه 15000 ريال والله ان بلدهم لولا المرور الاجباري ما كان احتجناهم عكس الأردن ما تلقى على شعبها كلمة ما شاء الله عليهم من جد أخلاق . آسفة على الاطاله . اخونا الحمامة..صباح الخير الله يهدينا واياك هالحين انت تتكلم وانت مصدق انه في احد يبي يصدق هالكلام وانا اخوك شباب عزاب يروحون ويجون ماحد الله يكرم السامعين تفل عليهم وانت تقول يتفلون على عايلة اختكم المصونة يااخي حدث العاقل بما يعقل وبعدين سالفت التعميم هذي منين جايبها يعني شعب باكمله وشمول اطيافه شملتهم في هالفعل الشنيع والقبيح؟ وسالفت الاستغلال هذي يعني مافيه ورش فالبلد غير هالورشة يصلحون سيارتهم عندها؟ واذا بتقول انهم في مكان مو قريب من اي مدينة كبيرة اجل من وين طلع لنا هالصراف العجيب اللي لقوه وصرفوا منه اغرب عملية صرف بالتاريخ حتى راح الرصيد وحلو انك قلت انهم هم اللي صرفوا عائلتكم الكريمه ماحد خذا البطاقة وهو اللي سرق الفلوس بصراحه يااخوي عيب والشعب السوري يشهد الله من سنين واحنا نعرفهم في بلدنا وفي بلدهم وفي اي بلد نلتقيهم طيبين وفيهم شهامة وكرم واصالة العروبه وازيدك من الشعر بيت انا اقولك هالكلام لك انت والا هم مو بحاجتي ولا بحاجة مدحي لهم لان الشخص الطيب اللي من اصل طيب مايرجي بفعله الكريم لامني ولا من غيري كلمة مدح وثناء لافي السر ولا في العلن وانا اذكرك يااخوي برابط الدم والدين والعروبة اللي تجمعنا مع كل اخوانا انا قلت اللي عندي واقصد فيه الشخص الواعي اللي يفهم وعنده استعداد لما يخطي يعترف بخطأه اما الشخص اللي في قلبه مرض وانشالله مايكون بيننا ويبي تفريق الصفوف واللعب على اوتار اللحن النشاز فهذا انا ارفع نفسي عنه ولاهو كفو بنظري يمثل نفسه فضلا عن ان يمثلنا احنا يالسعوديين بشكل خاص ويظهرنا بمظهر المسيء وستبقى سوريا بلدنا الثاني شاء من شاء وأبا من أبا واللي مو عاجبة يزعل على حالة لا يزعل علينا على فكرة نقطة اخيره انا توي جاي من سوريا قبل اقل من اسبوع جلسة السنة هذي اكثر من 20 يوم ماخليت مكان في سوريا يعتب علي مشيت في مدنها وقراها وسكنت ومريت مرور,, فالليل سافرت وفي النهار سافرت تعاملت مع الكل الحمد لله ماشفت منهم الا كل خير وهذا انا الحمدلله بالف خير ونعمة سليم معافا كل مااتذكر هواء سوريا العليل وانا طالع من البيت وصاكتني الرطوبة اتمنى لو باقرب فرصة ارجع لها لو بس سويعات بس عاد ماباليد حيلة ودمتم بالف خير
اصلا من بعد تصريح الشخص اللي تغير دستور الدولة عشانه والوضع من سئ الى اسوأ وكملها فارق الشرع بالتصريح اللي حمل تهجم ووصف الاعمال والخدمات اللي تقدمها السعودية للدول العربية بانه لاوجود لها نهائيا مااعتقد ان بعد هالتصريح شئ يمنع اي شخص من انه يتهجم عليك انت واهلك في اي مكان وانت تعرف ان الشخص الاول والثاني بالدولة هاجمكم ليه اللي على قدك مايتهجم عليك ؟؟؟
أخي ماجد دهن السير اجباري لتجنب المشاكل ... واللي قال هذا الكلام واحد منهم وفيهم لما رحنا سوريا أول مرة تبهذلنا على الحدود .. ما كنا فاهمين انو البقشيش لازم !!! فصارت لنا مشاكل معهم ... مرة يقولون وقوفكم غلط ( بأسلوب وكلمات سوقية ) وبعدها قالوا السيارة مسروقة عليها بلاغ ...انتظروا .. قلنا إلى متى ... قال والله ما ندري ..يوم يومين ... قلنا نرجع قالوا ..لا بعدها جانا واحد و فهمنا ... والمرة الثانية على طول خرجنا من الحدود خلاص فاهمين ...لكن المحزن باص تركي مليان معتمرين ... والله اسمعنا واحد يقول لزميله السوري ... خليهم ملطوعين لبكرة لين ما يدفعون ... يعني الرشوة اجبارية لتجنب المشاكل .
المشاركة الأصلية كتبت بواسطة أخو بدوى http://www.arabtravelersforum.com/tr...3/#post1518603 بالعكس السياسة لها دخل بكل شيء وخصوصاً في عالمنا العربي اخي الفاضل اخو بدوي انا احترم رأيك لكن انا ماقلت هالكلام إلى عن قناعة شوف عندك لبنان الاوضاع السياسية فيها سيئة يعني هناك حرب طاحنة بنهر البارد ومع ذلك انا اعرف ناس سافروا هذه السنة لها عن طريق سوريا... واضف إلى ذلك تايلند كلنا نعرف ان السفر لها ممنوع بسبب امور سياسية لكن مع ذلك في ناس توهم راجعين منها ويثنون عليها بعد... هذا مااردت ان اوضحه بأن السياسة لا علاقة لها بالسياحة... ودمت بود ،،، ،،، ،،،
المشاركة الأصلية كتبت بواسطة صـــقـــر http://www.arabtravelersforum.com/tr...2/#post1516872 الوضع عادي ومافي اي مشاكل انا توني راجع من اسبوع تقريباً وخلوها قاعدة لاعلاقة بين السياحة والسياسة مهما كان السبب !!!!!!!!!!!!!!!!! بالعكس السياسة لها دخل بكل شيء وخصوصاً في عالمنا العربي
والله مادري انا كنت في سوريا لحالي والا ايه!!!!!!!! والله ما شفت هناك الا كل خير وكل احترام وتقدير ولا في استغلال عيني عينك ولا شي..وان كان هناك دهن للسير فكان بمزاجي وليس اجباري ...لكن غريبة اللي تقولونه...(ويمكن انا حظي زين) والله اعلم ...مع العلم اني انا توني جاي اليوم السبت18/8/2007م تحياتي
شباب الي هدفه ربحي لن يدخل السياسه بالسياحه وسوريا للاسف هي كذا هدفها ربحي واستغلال عيني عينك
الوضع عادي ومافي اي مشاكل انا توني راجع من اسبوع تقريباً وخلوها قاعدة لاعلاقة بين السياحة والسياسة مهما كان السبب !!!!!!!!!!!!!!!!!
حسبنا الله ونعم الوكيل . بتزيد مثل ها الحوادث ها اليومين
الوضع عادي وانا من قبل شهر كونت موحود في سوريا وكل مايقال غير صحيح يمكن حصل بعض مع بعض الاخوان هذا لايعني مع الكل واسئل الله التوفيق للكل
الوضع مطمئن ولله الحمد ولم يحصل شئ
ماذا عن اوضاع السعوديين في سوريا بعد الحداث السياسية الاخيرة كيف الاوضاع في سوريا الان بالنسبة للسعوديين بعد التراشق السياسي بين البلدين ؟وهل هناك اي مشاكل للسعوديين في سوريا او على الحدود؟ افيدونا
ماذا عن اوضاع السعوديين في سوريا بعد الحداث السياسية الاخيرة
قوانين المنتدى
