أضف مشاركة إلى الموضوع: تجربتي البائسة في مطعم الوزان
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
المشكلة تقديم الشيشة بنفس المكان تصور تأكل وأنت تستنشق روائح كريهة من الغير.. أطفالك وأولادك وحوامل يتضررون هذي تجعل المطعم كريه عفوا مهما كان نوع الأكل وهذا مايميز الوزان عن البقية انه مايقدم شيشة ومعسلات
بالعكس انآ اشوفه من افضل مطاعم المشويات .. رغم أن اسعاره مبالغ فيها ،
ببلوس على البحر امام مسجد العنانى... كوزين حلوانى فى التحلية بجوار فيفا سنتر على اليمين .. أنصحك تجربى كمان جوديز وخاصة فرعهم الأول فى كورال بيتش مول
هذا المطعم غريب بصراحة أحيانا أكلهم مره حلو وأحيانا الحمد لله على النعمة يعني عن تجربة وأنا وزوجي دايم نطلع له وإذا أحترنا في المطاعم قلنا الوزان المشاوي بصراحة حلوة وأحيانا تكون مو مره تمام أذكر مره طلبنا ريش وطلعت الحمد لله على النعمة بس يفتقدوا للتنظيم والترتيب أكثر ربي يعوضك أخوي بس ياليت تقولي عن ببلوس وحلواني وين عنوانهم بالتفصيل الممل شاكره لك
بصراحة أكله عااادي .. يعني لا لك ولا عليك! يعطيك العافية ع مشاركتنا تجربتك.
اتفق مع الاخ جمال علماً ان يلدزلار وكوزين حلواني مستواهم هبط بس كوزين بدأ يستعيد عافيته ومادري حالياً عن يلدزلار وغوديز ماحبيته نهائياً وما اعتبره مطعم لانه يقدم الاكل للزبائن في وسط المول !! اما الوزاّن بصراحه مشاويه حكاية
سبحان الله لولا اختلاف الاذواق لبارة السلع انا اشوفو احسن مطعم شامي بعد يلدزلار طبعاً ماجربت حلواني وبالنسبة لجوديز انا اشوف مشاوية جدا عادية ومبرده تحياااااااااااااااااتي
مطعم سيء وغالي ماني عارف زحمه على ايش مثل ما ذكرو الاخوان المطاعم اللبنانيه المذكوره بالاعلى هي الافضل وممكن تضم لهم المطعم اللبناني في بيلاجيو شكرا
هالمطعم أكلت فيه خابور والله على بالي مطعم يستاهل طلع ( الله يكرم النعمة ) لا والمضحك اني أصريت أسكن فوقه مباشرة ( بودل ) شارع التحلية لكن الحياة تجارب وكل عزيمة فاشلة بتعليمة .
الحمد لله إنه طلع فيه ناس زيي مو حابين المكان ولا الأكل باقي غوديز ما ذقته وببلوس صح هو اللي جنب تيانا كأنك تاكل في أحد مطاعم لبنان والله إلى الآن متحسف على العزيمة الفاشلة اللي أمس مشكورين
يا أخى عندك فى جدة ثلاث مطاعم لبنانية لاتروح لغيرهم : - جوديز (بالم بيتش مول ، وستارز أفينيو مول) - بيبلوس . - حلوانى . عندك كمان بالم بيتش يعنى يمشى الحال ، بالنسبة للوزان كان زمان وصار له فترة طويلة خايس صار زى شامى
على الطاري ,,, كيف بيبلوس !! هل هو اللي في الحمراء ؟؟ بجوار تيانا ؟؟ مقابل مسجد العناني ؟؟\
هذا المطعم اكره بشدة السبب ان سعرهم في قسم العوائل اغلى من سعرهم في قسم الشباب يعني مثلا انا كنت خابر سعر كباب اللحم زماااان قبل الغلا , سعره سفري 18 ريال وسعره محلي في قسم الشباب 21 ريال , طبعا مافيه شي اسمه خدمة سعره محلي في قسم العوائل كان تقريبا 28 ريال + خدمة 15% ليش هذا النصب في اختلاف الاسعار؟؟ يعني يبعيوا الطلب على قسم العوائل اغلى سعراً من قسم الشباب وكمان فوقها 15% خدمة ؟؟؟؟ يعني لو طلبت طلبات في قسم الشباب بسعر 150 ريال , راح يكون سعر نفس هذي الطلبات في قسم العوائل بحوالي 220 ريال , ليش هذا النصب والاحتيال . للدرجة هي احنا حمير .
غريبه ياغالي المطعم ممتاز ومشاويه ممتازه وله سمعته شوف مسوي له موضوع بتوقيعي ومافيه شحم ولا شي يمكن على حظك ذاك اليوم ماتوفقّت فيه والا النصر كان مهزوم
مطعم عادي جدا واخذ له سمعه اكبر من حجمه كوزين حلواني روعه مرررره اكل وجلسات وهادي
مطعم اكله جدا عادي يعني انا اشوفه مقبول ولكن مايستاهل اسعاره ومعوضين ان شاء الله والحياة تجارب
تجربتي البائسة في مطعم الوزان السلام عليكم ورحمة الله وبركاته صارلي أكثر من 7 سنوات إذا بغيت مطعم لبناني مع العائلة أروح ببلوس وإذا الميزانية لك عليها أروح كوزين حلواني المهم ما عمري فكرت أغيرهم وفي يوم عجيب.. سمعت واحد من الشباب يمدح مطعم الوزان وقرأت عنه كذا تعليق رغّبني فيه دقيت الصدر وأخذت زوجتي وعيالي ورحنا نتعشى هناك طلبنا كأي مطعم شامي حمص باللحمة ومتبل وفتوش وكيلو مشاوي مشكلة ومشروبات غازية وننتظر.. وننتظر جات المقبلات.. ولما ذقتها (الحمد لله على النعمه) الفتوش كأنه سلطة خضراء عادية بدون ملح ولا فجل ولا رجلة ولا دبس رمان ولا سُمّاك الحمص كأنه معلب وحاطين عليه شوية بقدونس وكذلك المتبل ولما جات المشاوي قلت الله يستر كفتة اللحم كلللللللللللها شحم! والكباب أبيض من كثر قطع الشحم الشيش طاووق مو ناضج مضبوط وفيه موية والبطاطس المقلية بدون ملح واللي مقطعها بدون نفس وربي تفشلت مع زوجتي حتى الشغالة ما اكلت زين!! هذي تجربتي ولن تكرر أبــــــــــــــــــدًا خلينا على ببلوس وكوزين حلواني أنظف وأفخم وأطيب!! كل الشكر لكم وأتمنى تقييم المطعم لمن جربوه
تجربتي البائسة في مطعم الوزان
قوانين المنتدى
