أضف مشاركة إلى الموضوع: تكت ايزي تكت ايزي هذا تقريري باعزيزي
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
الله يعافيك يالبندري اتصلت على الخطوط السعوديه لاتأكد من هونج كونج قالوا لي انها الغيت وفتحت جوانزوا اصبح الان لايوجد رحله الى هونج كونج مباشر الا من الكاثي بافيسيك على ماعتقد وجوانزوا اصبحت مباشره من الخطوط السعوديه
يعطيك العافيه بس استغربت كل ماابحث عن رحله بالخطوط السعوديه يطلع لي هالتنبيه لم نتمكن من إيجاد نتائج لبحثك. الرجاء تغيير مواصفات البحث واعادة المحاولة. (66002 [-1])
الله يحيك ابن عرفان اما الصلاة في الصين هذا رابط لموقع يتكلم عن المسلمين في الصين والمساجد والمطاعم الاسلاميه وحتى الفنادق وفيه اوقات الصلات بالتفصيل http://www.islamichina.com/prayetime/img.php اما القبله فأعتقد انها الغرب ولأهمية المسأله سأطرح موضوع عنها
السلا عليكم ورحمة الله وبركاتة الحمد لله على السلامة س/ كيف أعرف وقت الصلاة والقبلة وهل هناك أماكن للصلاة ؟ شاكرين لكم
الله يبارك فيك ويسعدك يشرفني مرورك
تقريرجميل الله يبارك اخوي
تسلم اخوي عالرد والله إحنا قررنا نروح تركيا اسبوع زمان استرخاء+اكل بس ان شاءالله تكون هونج كونج في الخطط المستقبلية مع أني من هواة أوربا ولم ازر اي بلد شرق آسيوي من قبل تحياتي
الله يحيك ياليالي 2008 ويشرفني مرورك وقرائت موضوعي انا من ناحيتي احب الاكشن في السفر صح حصلت بعض الصعوبات فيه ولاكن كانت من اجمل الرحلات قد يكون سبب الصعوبات هي عدم الترتيب لاني نزلت البلد ماعرف الا اسم شارع ناثان فقط ولاحجزت فندق ولا حاجه ولاكن البلد جدا جميله وسياحيه ويستحق البلد زيارتها ولاكن يعيب هونج كونج حاجتين الاولى الاكل لم اجد ولا مطعم عربي ولاكن يوجد مطاعم هنديه وباكستانيه ولم اشاهدها واعتقد انها شعبيه والاكل عندهم جدا سي حتى في المطاعم الامريكيه ليست مثل عندنا في الطعم ولاكن قد تحصلون مطاعم في الفنادق الراقيه الثانيه الشعب ليس مثل الصينين مبتسمين وخدومين وهذا مأستغربته في هذا البلد ولاكن لاأعمم كنت مستغرب من هذا الامر ولكن جواب على هذا احد الاعضاء قوله ان شعب هونج كونج لديهم عنصريه ضد الهنود والباكستانين الموجودين في هونج كونج بكثره ومستقريين فيها من سنين ويحسبونا منهم واكد كلامي احد التكاسي يوم سألني من وين انت قلت من السعوديه ولم يفهم وكررتها لديه وقال باكستان قلت لا سعوديه قال الهند قلت السعوديه ولم يفهم ثم قلت انا من دبي وكررتها لين فهم على واعتقد لو رتبتوا سفركم انشاء الله ماتحصلون صعوبات وتستانسون ولاكن اعتقد حدها اسبوع بالكثير واهم حاجه يجب ان يكون لديكم كرت الفندق وكروكي له لان البلد جدا متشابه في الشوارع والمباني الغرض من السفر كان استكشافيه والتعرف على اسواق الصين والمكاتب الموجوده هناك واخذ فكره عنها يسعدني مرورك
اخي الكريم والله أنا رجعت ادور على كلمة السر عشان اسجل في المنتدى وارد عليك قرأت موضوعك وحسيت أني اجري في شوارع هونج كونج بصراحه ضحكتني وحزنتني وكان شرحك رهييب وماعاد أبغى اشوف الصور لأني ما حبيت البلد وخفت أني أواجه نفس مواقفك أنا دوبها تسللت فكرة هونج كونج الى راسي ، وكان موضوعك اول شي اقرأه عن البلد وبطللللت فورررررا فشكرااا لك ، لأني احسها تنفع رحلة شباابيه مو عائلية كمان أحلى شي في السفر هو الاكل وخصوصا التقليدي فإذا أنحرررمت منه تنقص السفرة حلاوتها بس ممكن سؤال ... هل انبسطت في سفرتك واش كان غرضك من السفر واتمنى لك سفرة اخرى ممتعه
fawaz1980 الله يعافيك و يشرفني مرورك Emirates Air السوق الله يسلمك ذهبت له بالصدفه عن طريق المتروا ولا اذكر اسم المحطه اللي عليها بس السوق موجود في منطقه جديده والثلاث الصور اللي منزلها تحت الاثاث هي بجانب السوق لو شاهده المترجم هناك قد يتعرف على المنطقه السوق حجمه متوسط ويوجد محلات متخصصه في المطابخ والابواب والستائر وورق الجدران ويكفيه اقل من يوم ولاكن لاتعتمدي عليه لان يوجد مدينة اثاث اعتقد انه اشمل وارخص
ليال نجدية .. موفقه باذن الله بسرد التقرير ... و حبيت اسال اذا ممكن ، سوق الاثاث الي انتي رحتيه وين مكانه لانه مبين انه فخم و راقي
الله يعطيك العافيه تقرير جميل ورائع
Mercure ههههه الله يسلمك ويشرفني مرورك بالتقرير المضغوط Dr Ajnby شكرا على الاطراء الجميل و انشاء الله في الايام القادمه افضل مـستـر مـيـمـو الله يحيك حريص وانا توني شباب ولو اكبر وش بسوي انا من الاشخاص لين قعدت على شي لازم اخلصه
ما شاء الله ليالي نجدية مسعجل على انهاء التقرير تحياتي
شكرا لك اخونا ليالى نجدية لقد امتعتنا بتقريرك المقتضب ونامل بامتاعنا بتقارير طويلة مستقبلية بعد هذى التجربة الاولى القيمة
الرمادي333 GZ_CHINA alhana.kullah اشكركم على المرور وتشرفني ردودكم الرائعه alzen السوق الله يسلمك ذهبت له بالصدفه عن طريق المتروا ولا اذكر اسم المحطه اللي عليها بس السوق موجود في منطقه جديده والثلاث الصور اللي منزلها تحت الاثاث هي بجانب السوق لو شاهده المترجم هناك قد يتعرف على المنطقه السوق حجمه متوسط ويوجد محلات متخصصه في المطابخ والابواب والستائر وورق الجدران ويكفيه اقل من يوم ولاكن لاتعتمدي عليه لان يوجد مدينة اثاث اعتقد انه اشمل وارخص تصيحح معلومه انا رجل ولست امرأه ولكن التمس لك العذر والسبب اسمي مؤنث وحاولت في المنتدى اني اغيره من ليالي نجديه لأنه مؤنث الى الليالي نجديه وهذا السبب في تعريف اسمي في بداية الموضوع نبهني في هذا الخطاء احد الاعضاء الله يجزاه خير
ياليت ياأختي تذكرين لنا مكان الأثاث إلي منزله صورها لأني بصرحة أول مره اشوف أثاث راقي بهالشكل رجائي لاتتأخرين لأني ناوي اروح في الأيام القادمة
الحمد لله على السلامه اخويه... تقرير مفيد ...واسلوبك جميل ويشد الواحد انه يقراه... عيشتنا الجو ... والحمدلله على السلامه على المواقف اللي صارت لك
لا انا طلعت الفيزه من الرياض وهذا رابط موضوعي بعد ماطلعت الفيزه http://www.arabtravelersforum.com/travel441612/
مشكور على التقرير بس عندي سوءال دخلت كوانزو بدون فيزا ولا كيف ؟
المشاركة الأصلية كتبت بواسطة cutewael http://www.arabtravelersforum.com/tr...8/#post5056328 ههههههههههه كأني قاعد أقرأ قصه لأجاثا كريستي والله الحمدلله على السلامه الله يسعدك اخوي وبالله كل دقه بتعليمه تقبل تحياتي الله يحييك ويسعدني مرورك
الجزء الاخير صوره الكورنيش والاطلاله الرائعه وانا راكب الفري على ماعتقد هذا سوق يطل على البحر غير متأكد الساعه 8 مساء عندهم ربع ساعه تبدأ الابراج بالعرض الضوئي العماره تحتها شارع والله اول ماشفته سويت مقارنه بين باصات الرياض ولا هونج كونج هههههههه صباح اخر يوم كان الجو رائع اتمنى ان التقرير نال اعجابكم اعذرونا على عدم الترتيب لان هذا اول موضوع انزله بالصور والقادم افضل
السلام عليكم .. ماشاء الله عليك سعد .... كتبت كل شي مرة وحده .,... لو انك حطيته على دفعات ... لكل افضل لتقريريك ,... لكن بصراحة تقريرك شيق ... ويشد الواحد لقراءته .... يعطيك العافية اخوي
هونج كونج شارع ناثان وتستمر رحلة البحث عن الفندق العماير تشبه بعض ههههههههه اعجبني شكل المحل بس مادخلت حتى محلات رولكس فيه كم واحد على الشارع صراحه محلاتهم كلها مليانه فيه قوه شرائيه عندهم غير طبيعيه حتى المركات العالميه مثل قوتشي كارتير وغيرها الطبقيه في هونج كونج واضحه وبقوه يعني موجوده سيارات رولز رايس مازراتي وغيرها بصراحه قمة القرف اتحداك تذوق الغرفه في m هوتيل فندق 3 نجوم والله لوكان عندنا حطوه 20 نجمه بس مشكلته الغرفه جدا صغيره رولكس تذكرني بشركة الاتصالات من كثره الدعايات فندق يتبع
سوق الاثاث اللي كلمتكم عنه جدا راقي بس غالي صراحه حرام اللي يشتري اثاث غالي من السعوديه هذا ارقى بكثير من اللي عندنا بس المشكله في الشحن ممكن يتأثر هذا المنطقه المحيطه بالسواق بس للمعلوميه فيه مدينة اثاث قريبه من كوانزوا انا مازرته ولا ادري عنه انا شفت هذا السوق واعجبني المنطقه المحيطه بالسوق منطقه جديده ونظيفه بس كلها سكنيه مافي فنادق من مكتب الاخ محمد قي الطريق بالقطار الى هونج كونج يتبع
الله يكرم النعمه شارع بكين على ماعتقد الشارع فيه اسواق قريبه منه ممتازه لاكن ليست رخيصه طلبه صينين خارجين من متحف مقابل فندق بارك فيوا على طول على امتداد شينا هوتيل بس شينا هوتيل زاويه باص مربوط بحبل
التقدم العمراني اخر صوره في الطريق وصلنا بالسلامه صوره للحديقه خلف فندق بارك فيوا فيه معلم كباب مسلم خارج الحديقه على ماسعمت من المنتدى رحت اول ماشفته ماعجبني طريقه بدائيه يشوي في الشارع بس كم يوم اتعبنا الجوع عوت له وكلت 3 سندوش كباب وماجا الا العافيه ملعب في الحديقه قمة الحوسه في الغرفه
موب سهل ذا الصيني معه بنورما ههههههههه الصوره هاذي بعد ما دخلنا الصين على ماعتقد شنزن
نصائح قيمة و الحمدلله اللي لحقت الطيارة و عنوانك ذكرني بهدف الهلال في الغرافة!
ههههههههههه كأني قاعد أقرأ قصه لأجاثا كريستي والله الحمدلله على السلامه الله يسعدك اخوي وبالله كل دقه بتعليمه تقبل تحياتي
تكت ايزي تكت ايزي هذا تقريري باعزيزي تحيه طيبه معكم الاخ سعد اكتب اليوم تقريري عن سفري لهونج كونج والصين رغم ان الموضوع متاخر شوي بس الظروف اشغلتنا كانت ترتيبات الرحله بسيطه بعض معلومات من المنتدى طبعتها وتوكلنا على الله لا حجزت فندق ولا فيزه ولا خوي ركبنا الطياره الخطوط السعوديه في منتف الليل في7-1 -2011 لمدة عشر ايام متجه الى هونج كونج في الطياره اختفوا ربعنا السعوديين كلهم فلبنيه لان الطياره ترانزيت وصلنا صباح الجمعه تقريبا الساعه 12 والحمد الله لقيت بعض الربح ينزلون قلت ان كانوا بيروحون لكوانزو بخاويهم زي منتوا عارفين اللغه Eمكسره والبلد اول زياره سلمت عليهم قلت رايحين لكوانزوا قالو رايحين قلت زين بخاويكم قالوا حياك صاروا مثلي اول زياره حتى اللغه جدا ضعيفه والله كانوا اجاويد بس نسيت اساميهم اتفقنا نركب الباص اخذنا الشنط شوي الا يجنا واحد هندي يقول سياره بالعربي قلنا لا شكرا رحنا نسأل عن الباص في المطار والهندي يلاحقنا شوي الا يجي خويه يمشون ورنا بمسافه تقريبا 100 متر بطريقه توحي بشك انا صراحه قفلت معي وعودت للهندي وكرشته ركبنا الباص لين كوانزوا وصلنا الساعه تقريبا 8مساء طبعا تغير الباص عند الحدود وجوزات الصين بس كانت الامور ميسره في الباص لقيت ايضا 2 سعوديين وايضا ابو أحمد زوج الاخت في المنتدى ام أحمد واكتشفت انهم نفس الفندق اللي كنت ناويه بارك فيوا سكوير قلت اجل معكم صار الفندق جدا قريب من موقف الباصات عند شينا هوتيل تقريبا 100 متر نفس الشارع مقابله حجزنا الفندق وخذنا خصم من الاخ عبد الله من الكويت في الدور الرابع الله يجزاه خير على ماعتقد كان السعر 260 يوان البلد من اول يوم تشأمت منه والسبب ريحة اكلهم الله يكرم النعمه كانت جدا مقرفه حتى في غرقتى اشمها بس انا ماخذ احتيطاتي معي كيستين توست جبنة كيري علبتين مع عسل مع مربى برتفال مع جبن سايل وغيرها من المعلبات في الصباح التالي جاني المترجم ورحنا سوق التجميل كان السوق متخصص في العطور والمكيجات والصابون والشمبو ومعاجين الاسنان كل مايختص التجميل السوق جدا كبير وكل الموجود تقليد من من تايد الى دوف مرور سانسلك وغيرها من الاسماء العالميه حتى بعضها مكتوب عليها بالعربي يعني تقليد في تقليد باقي الايام لم استعين بالمترجم على نصيحة ابو احمد اخذت ورقة المتروا وحددت موقع الفندق على المحطه وصار كل مشاويري بالمتروا وكان جدا بسيط ورخيص جدا تقريبا من2 الى6 يوان على المشوار اصبح برنامجي اليومي انزل الصبح الى رسبشن الفندق اخليهم يحددون عنوان السوق على ورقه المتروا انزل على المتروا اخذا تذكره الى المشوار المقصود رحت سوق الشنط سوق الهديا سوق تحف شارع بكين سوق الاثاث في كوانوا رحتله بالصدفه وكان جدا راقي لدرجه ماتخيلتها بس غالي جدا وكان الاكل اكثر ماروح له بيتزا هت كان ممتاز وزرت المطاعم العربيه كذا مره بس كانت مبالغين في السعر اما ماكدولز ماعجبني كان سيئ اكل منهم مجبر اما النصايح اللي اقدمها لكم 1- ابتعد عن السكن في المنطقه العربيه لان اكثرها افارقه وجدا شعبيه ومخيفه فقط للأكل 2- اعتمد على المتروا في كل مشاويرك وان كان المشوار لا يصل اليه المتروا اذهب الى اقرب محطه اليه ثم خذ تكسي من باب التوفير 3- لاتصرف الا من محل وابتعد عن المتجولين 4- اسكن قريب من محطة المتروا وقبل خروجك من الفندق خذ كرت الفندق مع تحديد موقع الفندق بورقة المتروا للعوده 5- احجز الفندق من النت فهوا ارخص بكثير وتذكرة الطيران 6- الذاهبين من السعوديه احجز على الخطوط السعوديه ارخص بكثير +بدون ترانزيت تصل التذكره الى 1700 ذهاب وعوده بس من النت انطباعاتي 1- الشعب الصيني طيب لابعد الحدود ومتعاون والابتسامه لاتفارقه 2- مشكلة الاكل عندهم جدا سيئه 3- لديهم الجهل عندهم بشكل غريب حتى بعضهم لا يعرف السعوديه ولا مصر ولادبي 4- الاسعار مو رخيصه زي ماتعتقد عدنا في السعوديه ارخص منهم بكثير في المواد الغذائيه اما الاسواق فتعتمد على الكميه يعني الصين بلد الكميات 5- الشرطه منتشره في كل مكان وايضا متعاونين تذكرة قصه مره كنت ذاهب الى بيتزا هت وضيعته رحت استوقفت عسكري حتى أسئله وكان معي ورقه اسم المطعم مشى العسكرى معي تقريبا ربع ساعه الى باب المطعم وكان جدا مبتسم من ادهشني تعامله كنت ابعطيه مكافئه بس خفت انه يفهمها رشوه ونروح فيها هههههه موقف طريف مره كنت في مطعم سبا وطلبت كبسة لحم مع بيبسي قلت للجرسون واحد بيبسى بره الثلاجه مافهم قلت بيبسي في كرتون مافهم قلت بيبسي حار شوي اشوف ذا البيبسي يدخن وحاطه في صحن ويحطه عندي والمسه صار العلبه مولعه نار الرجال حاطه في تاوه وحميه هههههههه ايضا موقف اخر في احد جلساتي مع ابو احمد نصحني الا اعتمد على مكتب واحد وان اذهب الى اكبر قدر ممكن من المكاتب حتى احصل على بضاعتي قلت بكره الصبح اروح لبعض المكاتب اول ماصحيت اكلت فطوري واخذت الشاي ونزلت على الدور الرابع في الفندق لانه موجود مكاتب مكتب ابو عبد الله يسار لا انا رحت يمين ولقيت مكتب على اليسار ودخلت عليه سلمت عليه وكان الشخص يتكلم انجليزي شرحتله الموضوع بلغتي البسيطه قال خلاص انا مستعد اجيبها لك بسعر رخيص بس في تايوان وحنا في اطراف الحديث رن جواله وكان نغمته صفارة انذار ابتسمة له بعد المكالمه استكملنا الحديث قال من وين انت قلت من السعوديه فجأة قام يضحك استغربت من ضحكته قلت وش المضحك قال انا من اسرائيل ابتسمة له وقلت في نفسي خلني اسكر الموضوع واطلع بس المشكله كان ماخذا رقم جوالي الصيني سكرت الموضوع وطلعت وانا اطلع الا يدخل في المكتب شخص اخر ايضا يهودي لابس الطاقيه الصغيره بعدها اتصل على في المساء وقلت له ابجيك بعد يومين الى هونج كونج اليوم التالي ضفيت شناطي وسلمت الغرفه ورحت على هونج كونج بالقطار وقفلت جوالي اول ماوصلت على محطة القطار في هونج كونج ذهبت الى مكتب سفريات وطلبت فندق 3 نجوم في شارع ناثان وقريب من المتروا كان ارخص فندق اسمه Mهوتيل وسعره 1400 دولار هونج كونج رحت الفندق كان في حاره خلف الشارع وكان عماره تقريبا 27 دور قديمه بس الفندق من الداخل راقي بس الغرف ظيقه حطيت شناطي ونزلت الى الشارع وذهبت الى مطعم ماك وجبة سمك ثم ذهب الى الكورنيش وادخل الفنادق اسأل كلهم فل حصلت في طريقي مسجد وكان مفتوح دخلت سلمت على الموجودين وكان اكثرهم باكستانيه المسجد ماشاء الله عامر كان مفتوح الساعة 9 في الليل وفيه حلاقات قرأنيه وكان فيه برامج وانشطه كملت طريقي الى الكورنيش ثم بغيت ارجع امشي في شارع ناثان المباني كلها متشابه ما عرفت الفندق اسئل مافي احد راضي يجاوبني كان شعب هونج كونج عكس الصين180 درجه في التعامل اخذت تقريبا ساعه او اكثر وانا ابحث عن الفندق وصلت الفندق في منتصف الليل اليوم التالي نزلت الصباح الساعه 9 ابحث على فندق راحت ساعتين وانا ابحث ماحصلت شي وفي العوده ايضا نفس المشكله مافي احد يجاوب حتى احينا ادور حول الفندق اكثر من نص ساعه حتى أحصله عودت تقريبا الساعه 12 وزياده قلت باجدد ليله زياده قالت الموظفه 1950 دولار اليوم قلت لايمكن امس 1400 واليوم 1950 قالت امس مكتب سياحي واليوم مباشر من عندنا قلت خلاص ابي اسوي شك اوت طلعت الغرفه وانا ارتب الملابس قلت في نفسي البلد مافيها فنادق اطلع انا وشنطتي العزيزه تعوذت من ابليس ونزلت قلت خلاص موافق قالت الفيزه قلت مامعي قالت اجل السعر اخر كاش 2200 فيزه 1950 قلت اجل شيك اوت والشناط عندكم لمدة ساعتين نزلت ابحث عن فندق اخر كلهم فل ابحث عن مكتب سياحي ماحصلت دخلت حاره جدا قديمه وشعبيه وشاهدة عمارة جدا قديمة فيها لوحه تولح وتطفا مكتوب هوتيل طلعت الدور العاشر الرسبشن وكان الفندق جدا مشبوه ووسخ قالوا 300 دولار ودفعت بدون تردد ولا عطوني فاتوره ولا اخذوا صورة جواز ولاحاجه عطوني مفتاح مصدي فقط نزلت الشارع اروح اخذ الشنط وانا خايف من الفندق وصلت الفندق وقلت خلاص بجدد ودفعت 2200 اخر يوم ماتفرق وخليت 300 حقت المفتاح المصدي ونطلته في الشارع صار المجموع 2500 دولار هونج كونج في نفس الليله دخلت موقع booking وحصلت الفندق اللي ساكن فيه 800 دولار صارت القيمه اللي دافعها فندق 5 نجوم قمة القهر بعد التمشيه في اليوم السابق وراح نص اليوم في بحث فنادق وتضيع فندقي في الرجوع والسبب موقعه في حاره وكروكي الفندق مو واضع صحيت الصبح مبكر علشان اخر يوم لازم استغله والاقلاع الساعه 5 العصر نزلت الفندق اسلم الغرفه والشناط تحت في الرسبشن وكرت الفندق فيه تمشيت وفطرت في ستار بوكس اللي في الكورنيش وركبت الفري ودخلت الاسواق يوم جت الساعه 12 بغيت اعود الفندق بحثت شارع ناثان محاصلته محطة متروا ماحصلته اسال ماحد يجاوب قلت بركب تكسي ركبت التكسي قلت شارع ناثان وصلت الشارع ابحث كرت الفندق ماحصلته الوقت يمضي الساعه اكثر من 1 صراحه توهقت لقيت ورقة المتروا وحددت المحطه يوم وصلت المحطه نزلت قمت ابحث عن مدخل الحاره اللي فيه الفندق حصلت الفندق خذت الشناط بسرعه ثم نزلت على المتروا بسرعه اركب القطار اخذت بالقطار اكثر من نص ساعه غيرت المسار اكثر من مره وصلت المطار الساعه 3 الا ربع شحنت الاغراض قصيت البوردنق تعديت الجوزات تو السالفه ماخلصت الحين خلاص باقي اقل من ساعتين من الاقلاع رحت مطعم ماك اخذت وجبة سمك نريح شوي بعدها رحت اصرف فلوسي فبل الاقلاع اول كشك قلت الجهاز خربان رحت صرافه ثانيه صرفت الفلوس بعدها قمت ابحث عن اغراضي فجأة ماحصلت الجواز والبوردنق صراحه انصدمت اسألها قالت ماطعلت شي ابحث يمين يسار ماحصلتها اشيك في الشنطه الصغيره مره مرتين ثلاث مالقيتها اروح ركض الى ماك اسال المحاسب ماحصلت شي اروح لطاولتي مالقيت المغسله ايضا ماحصلت قلت مافي الا خيار واحد ان اروح الصرافه الاولى اللي خربان الجهاز حقهم او اروح الجوزات واخبرهم رحت الصرافه الاولى لقيت اني ناسي الجواز والبوردنق في الطاوله وقالت الموظفه لو تأخرت كان رحت الجوزات وسلمتها هدت اعصابي واخذت الجواز والطياره باقي اقل من ساعه على الاقلاع وحمدت الله وركبت الطياره هذا التقريري لم يكتب الا رد الجميل الى اعضاء المنتدى واحب اني اسلم على كل شخص قابلتهم في الصين اولهم الاخ العزيز ابوأحمد والى الاستاذ محمد بطي الرميثي والى المهندس محمد والى الاخوه 2 اللي رافقتهم بالباص الى كوانوا اتمنى اني وفقت في كتابة التقرير رغم التعبير النجدي سعد الجزاء الثاني الصور
تكت ايزي تكت ايزي هذا تقريري باعزيزي
قوانين المنتدى