أضف مشاركة إلى الموضوع: تعالوا يابنات فساتين سهرات جديدة بنص وثلث وربع السعر في جدة
اضغط هنا للدخول
ماهي عاصمة السعودية ؟
يمكنك إختيار أيقونة لرسالتك من هذه القائمة
سيتم تحويلها www.example.com إلى [URL]http://www.example.com[/URL].
يمكن أن تقيم هذا الموضوع من 1 نجمة (سيء) إلى 5 نجوم (ممتاز) إذا كنت ترغب في القيام بذلك.
ربي يسسسعدك
جزاك الله خيررررر وجعله في ميزان حسناتك
ازيدكم من الشعر بيت ،،، بمركز الكورنيش الدور السابع هنالك العديد من المكاتب تبيع اقمشة سهرات واسعارها جدا رخيصه ويوجد لديهم الجمله و القطاعي ايضا حتلاقو كمان الفصوص بأشكالها وانواعها ايضا الاقمشه الساده و الملونه بأشكالها و انواعها ايضا بالدور الثامن اقمشة العبايات و الطرح العماري ايضا بالدور الخامس العطور و المكياج و الاكسسوارات معليش كنت بقول بيت شعر قلت قصيده بحالها هههه
بارك الله فيك ،،
الله يعطيك العافيه
مشكوررررر وين الصور يا أبو أمجاد تكفى جيب صور زوجي رافض يوديني يمكن إذا شاف الصور يقتنع
المهم بالفستان ليس بسعره فقط إنما.... أيضا بنوع القماش المصنوع منه الفستان ونوع الكريستالات أو التطريز المستخدم بالفستان ويعطيك العافية
جزاك الله خيررررررر
عزيزى أبو الأمجاد.. اسمحلى فقد اضطررت إلى حذف جزء من كلامك فيه تطاول على الأخ لايمكن قبوله ، فهو لم يطرح سوى رأيه وهذا من حقه..وإن كنت شخصياً أميل إلى طرحك أنت..
المشاركة الأصلية كتبت بواسطة ابو الأمجاد http://www.arabtravelersforum.com/tr...8/#post5555158 والله انك كاذب ولا صدقت الظاهر ان عندك محل في الاندلس ولا مجمع العرب ولا صيرفي وزعلان من الموضوع هذا يا كاذب انا اتحداك اذا لقيت فرق بين البضاعة الموجودة في الباشا والاخريات اللي في المولات عمائر الباشات على ايش قامت؟؟؟ قامت على بيع حبة وحبتين , قطعة وفطعتين ؟؟؟ محلات الجملة في الباشا هي اللي توزنع لكثير من المحلات في المملكة كلها , مو جدة بس اول شئ جزاك الله الف خير لوصفك لى بالكذب ويمكن لانك كاتب الموضوع الاصلى فمتحمس لفكرتك ما الومك ثانى شئ انا كاتب ان اغلب المحلات بالمولات اصبحت تصنع لنفسها موديلات خاصه لفروعها يعنى زمان اول تحول خلاص مافى مكاتب توزع فساتين الا لخارج جده او معارض ليست لها فروع بجده يعنى محل يكون من فرع واحد يعنى محلات البوادى مثلا تروح تلاقى بضاعه الباشا هناك طب وتخير الى تبى وتروح الباشا تلاقيها بسعر اقل لكن اتحداك تقلى معرض بعزيز مول مثلا وتلاقى بضاعته بالباشا مستحيل لانهم فروع كثير لهم واصبحو يروحو الصين ويصنعو ويوزعو لفروعهم - ثالث شئ قايل ان الى يبى بناطيل وبلايز وثياب نسائى فالباشا افضل له من المحلات الخارجيه حتى هذه ابشرك صار ما يشترى منهم الا الى عنده فقط معرض واحد والشئ الاكيد ان اغلب محلات المولات عندها مكاتب فى الباشا لكن الى توزعه على فروعها مختلف تماما عن الى تبيعه جمله للمعارض الباشا اصبح يوزع للى عنده فرع لا اكثر ولو بشترى فستان ما بشترى هالنوعيه لسوء جودتها اصلا ما يمنع انك تلاقى فستان ولا اثنين ولا عشره موجوده بمعرض وتلاقيها فى الباشا اقل لكن ثق تماما انك بنفس سعرها بتلاقى الافضل واخيرا كلامى كله عن واقع تجربه وخبره سنين فى الباشا ولا زلت هناك ملحوظه اذا وجدت فستان فى معرض بمول كبير ووجدت نفسه فى الباشا معنى هذا ان الى اشتريت منه ماله فروع كثير فيشترى من هون اسهل له لان الصين تطلب كميات كبيره للتصنيع او صاحب معرض شاف موديل حلو بمكتب فيسحب فقط هالموديل كله من المكتب ويوزعه لفروعه الخاصه وبكذا يضمن ما يشوفه الزبون بمحل غير محله ولا يعرف سعره كم تقبل رائى بكل صدر رحب والاختلاف لا يعنى انى ضد كلامك فدائما سوق الجمله يكون ارخص لكن ما تلاقى كل الى تشوفه بالمعارض هناك
شكرا لك...............
المشاركة الأصلية كتبت بواسطة skyandsky http://www.arabtravelersforum.com/tr...6/#post5545596 حبيت اشارك معكم ليستفيد الاخرون الفساتين كلها صينى يعنى نوعيه الاقمشه بتكون من اقل اجود الاقمشه بالسوق لضمان سعر اقل اغلب المعارض والمحلات الى فى المولات الكبيره اصبحت تصنع لنفسها الموديلات وتوزعها على فروعها يعنى فى عمائر الباشا بتلاقون تصميم مختلف عن المعارض الا ان تم سرقه الموديل وهذا هو الغالب عمائر الباشا عباره عن ابراج متعدده وكل برج من من عده طوابق يمكن الاستفاده تكون فى ملابس غير الفساتين مثلا بناطيل بلايز اثواب نسائى اكثر من الاستفاده من الفساتين وبتلاقينها بسعر ممتاز الى من الكويت نصيحه ان جايه لاجل هالموضوع فقط نصيحه ريحى حالك المستوى دون المطلوب بكثير يعنى ممكن تفرين العمائر كلها ما تطلعين الا بفستان او اثنين لان اغلب المحلات اصبحت تصنع فساتين خاصه بها دون اللجوء للباشا للشراء واصبح الى يشترون من الباشا المعارض الى خارج مدينه جده او الى ماله فروع كثيره فيضطرون الشراء من الباشا واغلب محلات الباشا ما تبيع مفرد اغلبهم جمله ويبى لك يوم كامل لكثره عدد المكاتب وسوء خدمه المصاعد (تم الحذف بمعرفة الإشراف)انا اتحداك اذا لقيت فرق بين البضاعة الموجودة في الباشا والاخريات اللي في المولات عمائر الباشات على ايش قامت؟؟؟ قامت على بيع حبة وحبتين , قطعة وفطعتين ؟؟؟ محلات الجملة في الباشا هي اللي توزنع لكثير من المحلات في المملكة كلها , مو جدة بس
صح كلامك اخي الكريم مره اشتريت فستان تقريبا ب300 ريال ولقيته في احد المراكز 600 او 700 ماني فاكره بالضبط بس بصراحه شي لاحظته بما انو ذوقي صعب مو دايما الاقي فساتين حلوه يعني احيانا ينزلو فساتين خامتها حلوه واحيانا لا يعني الواحد بيغاله يروح كذا مرره الين مايلقى الشي المناسب انا تقريبا رحت ثلاث مرات من المرات كلها ما اشتريت الا فستان واحد وطبعا كله يرجع لذوق الشخص الناس اذواق بس بصراحه عندهم جلابيات مرره روووعه حدود 150 و 200 وتلاقيها في مراكز اخرى 500 وانت طالع يعني تقدر تقول المنطقه مميزه بالجلابيات اكثر من الفساتين
شكرا لك يعطيك العافيه
مشكورررررررررررررررررررررر اخوي
حبيت اشارك معكم ليستفيد الاخرون الفساتين كلها صينى يعنى نوعيه الاقمشه بتكون من اقل اجود الاقمشه بالسوق لضمان سعر اقل اغلب المعارض والمحلات الى فى المولات الكبيره اصبحت تصنع لنفسها الموديلات وتوزعها على فروعها يعنى فى عمائر الباشا بتلاقون تصميم مختلف عن المعارض الا ان تم سرقه الموديل وهذا هو الغالب عمائر الباشا عباره عن ابراج متعدده وكل برج من من عده طوابق يمكن الاستفاده تكون فى ملابس غير الفساتين مثلا بناطيل بلايز اثواب نسائى اكثر من الاستفاده من الفساتين وبتلاقينها بسعر ممتاز الى من الكويت نصيحه ان جايه لاجل هالموضوع فقط نصيحه ريحى حالك المستوى دون المطلوب بكثير يعنى ممكن تفرين العمائر كلها ما تطلعين الا بفستان او اثنين لان اغلب المحلات اصبحت تصنع فساتين خاصه بها دون اللجوء للباشا للشراء واصبح الى يشترون من الباشا المعارض الى خارج مدينه جده او الى ماله فروع كثيره فيضطرون الشراء من الباشا واغلب محلات الباشا ما تبيع مفرد اغلبهم جمله ويبى لك يوم كامل لكثره عدد المكاتب وسوء خدمه المصاعد
بارك الله فيك
الله يعطيك العافيه ويكثر من امثالك
من جهة العطوووووور نصيحه لاتقربون منها خساره على الفاضي لانها عطوور اماراتيه مخلوطه بالعربي غير مركزه انا مااعترف الا في باريس غاليري عطوره اصليه ومجربه
انا كنت في بوابة تركيا بس قلت خليني اشقر ترى اول مره ادخل هنا انا من المدينه وكلاك الاخ صح ميه بالميه وانا صارت معايا مرتين اشتريت فستان من عزيز مول 1800 ولقتوه اختي 600 ريال شوفو الفرق كيف بس مااقتنع رغم اني اخذت من عندهم مرتين والله زيها زي السوق وحابه انبه البنات الي يبغى يروح هناك لازم رجال لانها عباره عن عماره وجدااااا ضيقه وبعضها جمله وكمان بالمره مرو على الكورنيش جميع العطور الماركات باسعار معقوله وحتى المكياج الدور الخامس تحياتي
يعطيك العافية ابوالامجاد
الله يجزاكم خير على تفاعلكم وحرصكم على منفعة الغير (خير الناس أنفعهم للناس) بارك الله فيكم
شكراً على المعلومات المفيدة أبو الأمجاد.. يعطيك ألف عافية
مشكور اخي لكن انارحت لهم مره وقالولي اااااااااااااااااااااسف ما نبيع الا جمله
اخوي كرستال ممكن صور واتمني اي واحد يروح ياخذ لنا لو صوره وحده
بصراحه انا كنت في عمارة الباشا امس الاسعار رووووعه لاكن مستوى الفساتين عادي اللي استفد منه اني اخذت من الجلابيات الحلوه بأسعار 100 و 120 و 150 واغلى وحده لقيتها ب 200 بصراحه مميزه
مشكووورين وجزاكم الله خير اخوي انا ان شاءالله راح اكون بجدة يوم الجمعه نروح مكه 3ايام ونرجع لجده ناخذ فيها اسبوع اخي الكريم انا طبعا نشرت الخبر عند اخوتي خاصه ماشاءالله خواتي 5 وبناتهم ماشاءالله بعد عد وخربط فطاروا من الفرحه وطلبوا مني اجيب لهم كميه من الفساتين وطلبوا يشوفوا الصور لاني وعدتهم ان فيه صور فاتمنى اخوي لو صوره وحده مو مشكله بس اعرف مستواها اتمنى تساعدني يا اخوي
أختى جود الجود .. بعد شكر الغالى ابو الأمجاد على الوصف إلا أن تلك الأماكن معروفة جداً خاصة لو بتروحى بتاكسى.. البلد - عمارات الباشا خلف مسجد الباشا سوق النجار - شارع الستين دوار الدراجة مركز الحفنى : تقاطع التحلية مع طريق المدينة وخذييهم بالترتيب المذكور على التوالى
المشاركة الأصلية كتبت بواسطة ام عزيز7 http://www.arabtravelersforum.com/tr...2/#post5379822 هذا غير ان معظم الفساتين اللي عندهم مقاساتها محدوده .. اما xs xxl و هالمقاسات اللي تقعد ما يشتريها احد .. في هذه النقطة انا لست معك انا شفت مقاسات كثيرة وكل انواعها متوفرة انا اشتريت لزوجتي فستان , وعندما سألت البائع عن توفر المقاسات والالوان , قالي كل المقاسات موجودة وكل الالوان موجودة لان الموديل جديد توه واصل وباقي منه بضاعة كثيرة وللمعلومية البعض من النساء يخافون ان الموديلات اللي هناك قديمة وانا اقولهم لااااااااااااااا لان هذا الموقع فيه تجار الجملة اللي يغذون جميع مناطق المملكة , لذا تجد كل الجديد هناك , وربما تجد موديلات نزلت عندهم , لا تنزل في الاسواق الثانية الا بعد ايام او اسابيع لانك انت اصلا تشتري من المورد اللي يوردها من الصين وتركيا ولبنان
المشاركة الأصلية كتبت بواسطة (جود الجود) http://www.arabtravelersforum.com/tr...8/#post5382718 الله بحزاك خير ويبارك فيك أنا من الرياض وشكل وصفك واضح لكن كيف أصل لدوار البيعة من أي طريق؟ وياليت وصف سوق النجار مع جزيل الشكر دوار البيعة نهاية طريق المدينة النازل يعتبر الميدان هو اخر نقطة في طريق المدينة النازل على يمينه يوجد مسجد الجفالي اللي كان مشهور بالقصاص الله يستر علينا الوصف باختصار اول ما تطلع من المطار وتمسك طريق المدينة النازل وكأنك رايح على وسط جدة , امشي في هالطريق مسافة ممكن 15 كيلو , لا يمين ولا يسار , دوار البيعة راح تلاقيه في اااااخر الطريق وهو نهايته والوصف بالشرح المفصل والغثيث لو مثلا جيت من المطار ومسكت طريق المدينة النازل وكأنك رايح على شارع حراء او صاري او التحلية او او او ) يعني تمسك طريق المدينة وتعدي تقاطعه مع حراء وتعدي كمان تقاطعه مع صاري ومع قريش ومع التحلية وتستمر في خطك زي ماانت وتمشي من تحت الكوبري المربع , وتعدي تقاطع التحلية , راح تجي على يمينك امارة جدة وخلفها شركة ارامكو وجنبهم وكالة نيسان وعلى يسارك شركة لكزس والبنك السعودي للتسليف ووتمشي في خطك زي ماانت , لا يمين ولا يسار الان راح تدخل في منطقة شعبية قديمة برضو امسك خطك حتى يقفل الخط في وجهك يصير في وجهك دوار البيعة اللي احنا نقصده ونتكلم عنه ... .............................................. سوق النجار في شارع الستين ( دوار الدراجة ) . هذا سلمك الله , وانت نازل من المطار , وايضا مسكت طريق المدينة النازل راح تعدي تقاطعه مع كوبري حراء وصاري وقريش , اذا وصلت تقاطع الكوبري المربع مع طريق المدينة اطلع الكوبري المربع واتجه يساراً على شكل حرف (ال) بالانجليزي , اذا اتجهت يساراً ونزلت من الكوبري المربع , امامك اشارة ,بعد ما تعدي الاشاره ستصل الى اشارة دوار الدراجة , طالع على يسارك ستجد سوق النجار بالبركة وصلت ايضا ستجد الاسعار الجيدة في مركز الحفني , مركز الحفني على تقاطع طريق المدينة مع التحلية .مباشرة انا انصحك باستخدام القارمن ياشباب وبقووووة فقط خذ احداثيات المواقع وتوكل
الله بحزاك خير ويبارك فيك أنا من الرياض وشكل وصفك واضح لكن كيف أصل لدوار البيعة من أي طريق؟ وياليت وصف سوق النجار مع جزيل الشكر
جزاك الله خير ابو الامجاد .. فعلاً كلامك صح 100 % 100 لكن للأمانه , الفساتين فيها عيب رئيسي عند معظم النساء : و هو ان يباع من الموديل الواحد يمكن 100 قطعه ... فتخيل تجي وحده و تحظر المناسبه و غيرها 2 او 3 لابسين نفس الفستان .. عشان كذا افضل التصميم او البراند على الجاهز .. هذا غير ان معظم الفساتين اللي عندهم مقاساتها محدوده .. اما xs xxl و هالمقاسات اللي تقعد ما يشتريها احد .. و زيادة على ما ذكر اخونا ابو الامجاد .. جميع هذي الفساتين معروضه في سوق النجار بنصف السعر .. يعني الفستان اللي بعزيز مول بـ 1200 بالنجار 600 - 700 و هكذا .. و اي استشاره بخصوص التسوق النسائي .. انا حاضره .. و الله يحييكم .. .. و بالتوفيق للجميع .. .
جزاك الله خير على المعلومة المهمة وجعله في ميزان حسناتك
يعطيك الف عافية اخوي الكريم
فيه صور بسيطة عندي بالجوال اذا اسعفني الوقت نشرتها لكن زي ماقت لكم اقرب مول من البيت شوفي فساتين السهرات اللي هناك هي نفسها اللي بسوق الجملة
مثل ما قال مشرفنا شاعري ياليت اخوي ابو الامجاد انك تصور للاعضاء المحلات وصور بعض الفساتين حتى تتضح لهم الصورة .
اختي روحي على اقرب مول من بيتكم وشوفي فساتين السهرات اللي عندهم هي نفسها بالضبط
بناءً على رغبة أختنا من الكويت الحبيبة ..ياليت أى أحد يروح هناك ويستطيع التصوير نكون جميعاً ممتنين له .
الله يعطيك العافيه وانشاءلله نروح ونشووف دمت بكل خير
كلامك سليم اخي الكريم مئة بالمئة دمت بود سالم
noufahs ههههه ورطتوني معاكم يابنات انا وش دخلني في الماركات ............ لا , الفساتين اللي هناك ماهي ماركات الفساتين اللي هناك نفس اللي موجودة في محلات السهرات اللي في المولات اغلبها صناعة صينية والقليل منها تركية ولبنانية حسب علمي ان هذي هي كلها اللي موجودة في السوق وانا هناك في السوق , جالس اشوف بضايع كثيرة تنشحن الى اغلب مناطق المملكة الرياض - الدمام - الخبر - الحساء - ابها - الباحة - الطايف - وووو الخ ....
مشكور اخو والله يوفقك يارب لو تكرمت ممكن صوره وحده لاحدى الفساتين ابشوف مستواها لاني من الكويت وصعبه علي اجي وبالاخير مو المستوى المطلوب واكررر شكري لك
جزاك الله خير والله يعطيك على قد نيتك الفساتين اللي تحكي عنها ماركاات ؟؟؟؟؟؟؟؟؟؟
عيب انا رجال
مشكوووووووورة أختي الكريمه،، والله يسعدك دنيا واخره...
هلا فيكم نسيت نقطة مهمة جدا جدا جد المحلات اللي هناك تغلق ابوابها يوم الجمعة يعني يوم الجمعة عندهم اجاااااااازة
يعطيك الف عافيه على الانقاذ من بكره وانا بالسووووق خخخخخ
مشكور والله يعطيك العافيه
تعالوا يابنات فساتين سهرات جديدة بنص وثلث وربع السعر في جدة طبعا الصيف على الابواب , والزواجات فيه كثيرة ياربي زد وبارك ووفق الشباب والبنات وطبعاً زي ماانتوا عارفين ان تجار الجملة موجودين في جدة وطبعا اغلب تجاز التجزئة في المملكة كلها وليس جدة فقط , ياخذون بضاعتهم من تجار الجملة من هنا من جدة لذا وصفني قريبي على محلات جملة فساتين السهرات في جدة منطقة البلد رحتها ووجدت الاسعار خرافية وشي غير معقووول البته وراح اعطيكم أمثلة على الاسعار والمقارنة بينها وبين اسعارها في المولات , ويشهد الله علي انها صحيحة فستان اشتريته لزوجتي بمبلغ 400 ريال , وجدته في احد المولات بجدة بمبلغ 1200 ريال آخر سعر . فستان اشترته قريبة لي بمبلغ حول 1100 ريال , اقسم بالله العظيم اني وجدته في سوق الجملة بمبلغ 200 ريال فقط فستان ايضا اشترته قريبة لي بمبلغ 1250 ريال وجدته في سوق الجملة بمبلغ 650 ريال قبل المراعاة فستان لقيه قريبي بمبلغ 500 ريال , تقول اخته انها رأته في احد المولات بمبلغ 1900 ريال والاسعار هكذا واللي ما يصدق يروح , واللي مايشتري يتفرج والتفرجة ببلااااااش بقي لنا ان نذكر الموقع الموقع اسمه عمائر الباشا , قريبة جدا من مركز الكورنيش في البلد الوصف بالضبط وانت قادم من جهه دورا البيعة وداخل على المنطقة المركزية او الى البنك الاهلي في شارع الملك عبدالعزيز , سينقسم بك الشارع الى قسمين , يمين ويسار وكلها تؤدي الى المكان الذي نريده , ولكن من الأفضل ان تسلك الطريق الايسر منهما , سيصبح متحف نصيف على يمينك . بمجرد ماتصل هالمتحف ادخل اللفة اللي على يسارك , ستصل الى تقاطع , اتركه وعديه ستجد مسجد على يسارك , لقد وصلت , انظر امامك مباشرةستجد عمارة كبيييييرة لونها ابيض عليها رخام ابيض قديم وشبابيكها على هيئة رواشين جدة القديمة , هذي هذه عمائر الباشا , حيث ان خلف هذه العمارة 3 عمائر اخرى شوف لك اقرب موقف لسيارتك , تحت عمائر الباشا هناك مواقف بسعر 3 ريال للساعة او وقف سيارتك في مواقف مركز الكورنيش حيث ان المسافة مشي على الاقدام لا تأخذ اكثر من 3-5 دقائق فقط المحلات اسفل عمائر الباشا اغلبها يبيع قطاعي وجملة , القليل منها يبيع جملة فقط في البرج (ب) الدور الرابع هناك محل اسمه باستيل يبيع قطاعي .اما البقية هم اللي في الاسفل , حوالي 20 محل او اكثر بقليل بالتوفيق وانا والله ماوضعت الموضوع الا لتستفيد اخواتي واللي عندهم زواجات وورطانين من الغلاء الفاحش في اسعار فساتين السهرات اللي موجودة في المولات العرب مول والرد سي مول وعزيز مول والاندلس مول والتحلية وجدة مول وصيرفي ووو الخ طلبي فقط دعوة صادقة واللي مو واضح معاه الوصف مو مشكلة نعيده له سلام
تعالوا يابنات فساتين سهرات جديدة بنص وثلث وربع السعر في جدة
قوانين المنتدى