أذا تبي تحيره ،، خيره أول رحلة لي لدوحه الخير
مساء الخير على الجميع ،،،
أخواني أهل قطر عسا دايم أيامكم سعاده يا رب
أخوكم ماجد ،، ببساطة من كثر ما سمعت وقريت وتابعت عن قطر جاني الحماس أنو أجيكم وأشوف هالدوحه وهالقطر على الطبيعة ،، ومن قبل لا أجي وأنا ألحين جالس في الرياض أدري اللي في بالي واللي متوقع أشوفه راح أشوف أكثر منه بكل تأكيد ...
بأدخل في الموضوع علطول ...
أنا جاي لقطر يوم الثلاثاء أو الأربعاء 12 يناير وماشي الجمعه 14 بحول الله ،،
أستغليت وجود كأس أسيا ومباراة المنتخب السعودي أمام الأردن عشان أحضرها ،،
وقلت بالأساس جيتي للسياحه في المقام الأول ...
ومعاي أخوياي ثلاثه ،،
مباراة المنتخب السعودي راح تكون في ملعب الريان ..
وأبحث عن سكن جميييييل وبنفس الوقت سعره مناسب ،، مو مهم يكون قريب من الملعب مره
لأنو معاي قارمن ولا عندي أشكاليه .. بس أبيه يكون متوسط بين أكثر الأماكن جمالا في الدوحه
والأهم والمهم واللي كل شي أنه يكون هااااادي أحنا جايينكم من زحمه الرياض وكذا وندور الهدوء
الخيارات كثيره بالمنتدى ما شالله تبارك الرحمن ،، بس ودي باللي يناسب الشروط أو المزايا اللي ذكرتها فوق متحمس للجيه كثييير ... الله يجيبك يا 12 يناير