الرد على الموضوع

رد: في فترة انتظار بين الرحلتين وش اسوي واسئله اخرى

حياك
http://www.arabtravelersforum.com/travel577918/

رد: في فترة انتظار بين الرحلتين وش اسوي واسئله اخرى

اختي اكتبي ايميل وطرشيه ويكون بالانجليزي مع وضع البيانات والايميل والفيزا ورقم الحجز اللي كان على الايميل وكتبي ان التأخير في استرداد المبلغ سبب لكم مشكله كبيره ..

اما بخصوص السكن اضن ان يجب توفيره لكم .. جوفي هـ الرابط http://www.qatarairways.com/global/en/stop-over.html

وفيه كل المعلومات وكيفيه اخذ السكن وتره يوفرون لج وجبات بعد ..

رد: في فترة انتظار بين الرحلتين وش اسوي واسئله اخرى

مشكورين على مشاركاتكم
اخوي مهندس قطري
انا كنت حاجزه من النت
وكل ما نسأل عن الفلوس يقولون شيكو على حسابكم
اخر شي قالوا خلال 14 يوم والحين ننتظر
الله يجزاكم خير

رد: في فترة انتظار بين الرحلتين وش اسوي واسئله اخرى

اذا كان الانتظار اكثر من 6 ساعات الخطوط ملزمه بتوفير فندق وتنقلات من المطار للفندق والعوده كذلك الوجبات - اذا وصلتوا مطار الدوحه تروحون لخدمة الركاب وهم المسؤلين عن هذه الاشياء

رد: في فترة انتظار بين الرحلتين وش اسوي واسئله اخرى

بالنسبة لرحلة كوريا اللي كنسلتوها من وين سويتوا الحجز ؟ ما تقدرين تاخذين فلوسك الا من المكتب اللي دفعتوا له فلووس . يعني لو دفعتي عن طريق مكتب سيااحي لازم تاخذين فلوسك منه مو من القطريه .

رد: في فترة انتظار بين الرحلتين وش اسوي واسئله اخرى

تسلم اخوي

تقدر توصلني لرقم المدير في مكتب الخطوط القطريه اكلمه

بالنسبه للسكن
انا اقصد بالفندق يكون على حساب القطريه لان فترة انتظاري بين الرحلتين حوالي 7ساعات
لان بعض الخطوط تسكنك على حسابها اذا الفتره طويله
وسعر التذكره غالي لاني حجزت في وقت متأخر ومضطره احجز للسفره هذي واغلب خطوط الطيران كذا سعرها
السعوديه والاماراتيه وحتى التركيه دورت فيها
بالنسبه لمراجعة مكتب القطريه اذا كان على ترجيع الفلوس انا متأكدة انها بترجع
بس انا كنت كنت متوقعه انهم يعاملونا معامله خاصه يوم حجزنا عندهم مره ثانيه
يرخصون لنا في سعر التذاكر او يرقونا لدرجه اولى

سوق فلاجيو ما ذكرت عنه شي ولا بعيد عن المطار

ومشكور اخوي على ردك

رد: في فترة انتظار بين الرحلتين وش اسوي واسئله اخرى

السلام عليكم أختي، صباحج كله خير ووناسه انشاءالله،،
اول شيء تنورون بلدكم الثاني قطر انشاءالله، بخصوص المطار الجديد ترى للحين ما خلص يبغي له وقت، بخصوص انج تقدرين تقعدين في فندق او لا فطبعاً تقدرين، شوفي انا أنصحج بالاتي انشاءالله اول ما توصلون تاخذون لكم تاكسي على مكتب القطرية على طول، وتطلبون مقابلة المدير هناك وتشرحون لهم وضعكم وان المبلغ للحين ماسترد لكم، وبعدين ترى سعر التذكرة 5800 ريال للشخص الواحد على السياحية ترى واايد، وعقب ما تخلصون من هناك تقدرون تروحون سوق واقف وتتغدون في مطعم اصفهان وهو مطعم ايراني ويكلف حق الشخصين بين 150 الى 100 ريال تقريبا، عقبها تطلعون على الستي سنتر تاخذون لكم كم لفه وتدورون وعقب تروحون المطار على الساعة 6، بس في نقطة مهمة وهي ان الحصول على التكاسي عندنا في الدوحة صعبة فلو تحجزون لكم سيارة ليموزين من مكاتب تاجير السيارات بالمطار او تاجرون لكم سيارة احسن لكم بواايد من عبالة التكااسي،،
أي خدمة ثانية حاضرين لج طال عمرج،،،

في فترة انتظار بين الرحلتين وش اسوي واسئله اخرى

السلام عليكم
سفرتي لماليزيا على الخطوط القطريه
الهبوط في مطار الدوحه الساعه 11ونصف صباحا
والاقلاع الساعه 20 مساءا
وش اسوي في هالوقت وهل يحق لي اقامه في فندق على حساب القطريه
وهل المطار الجديد خلص عشان اقضي وقتي فيه ولا وش اسوي

علما ان الخطوط القطريه غلطانه في حقنا حيث حجزنا عليها الى كوريا منذ اكثر من 6 شهور وكنسلنا الحجز والى اليوم مارجعوا فلوسنا

واضطريت الحجز عليها لماليزيا الان لتأخري في الحجز وعدم توفر خطوط اخرى
وكان سعر التذكره ب5800 للشخص الدرجه السياحيه
وطلبنا تخفيض ماتجاوبوا معنا
وهل من حقي ان اطلب ترقيه للدرجه الاولى

مدري مو المفروض يعوضونا على صبرنا عليهم بحجز مبلغ 20 الف اكثر من 6 شهور

الاشخاص اللي نتعامل معهم اللي في مكتب الرياض احس انهم ما يحلون ولا يربطون
تقدرون توصلوني بالمدير المسؤول عن مثل هذي الحالات في قطر