رد: افضل خطوط ؟
وعليكم السلام ورحمة الله وبركاته
أنا دوم أسافر على طيران الخليج بس بالنسبة حق لندن رحت معاهم آخر مره بس كان هناك عرض على لندن وحصلت التذكرة بسعر جيد،،،
عموماً كأن الخطوط القطرية أسعارهم مناسبة جيكي في موقعهم، وبعض الأحيان تلاقين طيران الامارات بعد أسعارهم معقولة بعد جيكي في موقعهم ...
على فكرة طيران klm سعرهم رخيص مقارنة بالباقي بس مشكلتهم لازم ترانزيت في امستردام ويكون بالساعات ومن بعدها تغيير الطيران للخطوط الفرنسية وتنزل في مطار غير مطار هيثرو كأن اسمه سيتي أو شي ثاني، وإذا على مطار هيثرو تكون التذكرة أغلى، وما أعتقد يكون ذي الخيار مناسب لكم لأن فيه مرمطه وتعب ...
وإن شاء باقي الجماعة في المنتدى ما راح يقصرون معاج وراح يقتروح عليج شركات طيران ثانية..
وسفره موفقة وسعيدة بإذن الله
