جزآك الله خير .. الحرص واجب والنصيحه زينه لأخواننا المسافرين
هذآ أنا عايش في الصين ولا تخلو يومياتي من مواجهة هالنصابين ..
لكن الحمدلله قدرت أتعامل معهم .. خصوصا سائقي التاكسي النصابيين والمتمرديين ..
وعلى كثر ماانتقدت سائقي التاكسي في إيوو إلا أن سائقي التاكسي في غوانزو اخطر وأكثر فسادا ..
في إيوو شغاليين على (الكد)مايشغلون عداد ويركبون أكثر من شخص وهذه بدأت الحكومة تحد منها
بوضع كاميرات مراقبه داخل سيارات التاكسي وبوضع رجال أمن خاصيين بمراقبة سائقي التاكسي
أما غوانزو .. فحدث ولا حرج .. تبديل عملات مزوره .. سرقة موبايلات ..
آخر موقف حصل معاي كان من أيام وأثناء ذهابي للمطار وقف بي التاكسي في وسط الشارع العام ..
وطلب 150 يوان أو أنزل من التاكسي !! طبعا أخونا في الله غير رأيه مايبي يوصلني بالعداد ..
وأنا مستحيل أنزل وسط الشارع العام لأني لو نزلت عز الله تورطت محد راح يوقف لي وبتروح الرحله علي
وسويت الحركه اللي يخاف منها كل سائقي التاكسي .. فتحت كاميرا الموبايل والتقطت صورة لبطاقتة
وقلتله أتعوذ من إبليس وأطلع عالمطار أو ترا مابتشوف طيب
..
السائق جلس يتبرطم وشكله يسب ويشتم المهم قلتله والله لو تسب لين الصباح نزول ماني بنازل وان مامشيت الوعد الشرطه ...
والله وتوكلنا على الله لين المطار وطول الطريق وهو يتبرطم ويتحلطم
مع نفسه ..
أهم شي عدم الخوف منهم .. الشوارع مراقبه .. البلد أمان .. وهم يخافون من حكومتهم خوف الموت ..
والله يعيننا ويعيننكم عليهم ..
