الرد على الموضوع

رد: ليش كلكم فندق هيلتون في موريشيوس

هلا أخوي أنا العام الماضي رحت لي كونينيير ولجيند

وحقيقة كان لي كونينيير غرفة جميلة وتطل على البحر وديكورها ممتاز وفيه غرفة للألعاب بس واجهتني مشكلة دورات المياه تكرم يعني لم أخذ دوش الموية أحياناً تدخل الغرفة لأنهم على نفس المستوى ، والمطعم حقهم جيد والشاطئ كبير وحلو.

ولكن بالنسبة لي ليجند فندق رائع بمعنى الكلمة سواء ديكور ولا تصميم ولا طيبة عاملين ومعاملة حقيقة أتعب وأنا أمدح فيه قضيت فيه أحلى الأيام وأنصح أي شخص يروح له ويقول له هني مون وهم يتكفلون بالباقي

عكس لي كانونينيير اللي طلب مني صورة عقد الزواج عشان يرتب لنا بعض المميزات الخاصة واعتذرت منه أني ماحضرتها قال حاول يدزونها لك بالفاكس قلت ياخي ماقصرت مانبي منكم شي قال المشكلة الإدارة مركزين على هالنقطة أما ليجند فحاجة ثانية كل يوم أرجع الغرفة ألقى حركة جديدة مرة مرتبين لي شتلات الورود على شكل زهور على كامل السرير وثانية مسوين الفوط على شكل أوزتين يعنقون بعض ومرة عزمونا على عرض فرقة تاثية لموريشيوس بس الشهادة لله عيبهم الوحيد فيه رائحة فالشارشف وأعتقد لأنهم ما يجففونهم عدل بعد الغسيل بس مقارنة بخدمتهم وتعاملهم ماراح أعطيه هم وخصوصاً أنك ممكن تنبهم لهالنقطة وأكيد بياخذونها في عين الاعتبار

تروح وترجع بالسلامة والله يوفقك

رد: ليش كلكم فندق هيلتون في موريشيوس

أخي الفنادق الجميلة كثيرة في موريشيوس ...

ولكن موظفي عطلات الإمارات يعطونك فقط المتاح لديهم ...

للأسف .. الأخوان في المنتدى يجربون فندق واحد فقط ... ومن ثم الجميع يذهبون هناك ..

أنا راح أجرب هذه السنه فندق مريديان في الشمال الغربي وهو فندق أربع نجوم وسعره رخيص نوعاً ما ..

مع تمنياتي للجميع بسفر سعيد ..

رد: ليش كلكم فندق هيلتون في موريشيوس

البارادايس كويس مره
وماادري اذا احسن من الهيلتون ولا لا
بس عموما هالديره كل اوتيلاتها حلوه
انا جربت 3 وكل واحد احلى من الثاني

رد: ليش كلكم فندق هيلتون في موريشيوس

أنا عني قسمت رحلتي بين الهيلتون والبيل مارج.

رد: ليش كلكم فندق هيلتون في موريشيوس

اخوي انا الرجال حق الخطوط الاماراتيه هو اللي نشب لي على الهيلتون .,والاانا سئلته عن شوقر بيتش واشياء ثانيه وقال الهيلتون احسن شي لكم ولاتناقشوني كذا قالي ومشينا على كلامه مدري ليش؟؟!!!!!

ليش كلكم فندق هيلتون في موريشيوس

السلام عليكم،،،

بس سؤال يزاكم الله خير،، لاحظت الكل يسير فندق هيلتون،، مع انه في وايد فنادق،، انا ان شاء الله ساير عقب كمن يوم وحاجز في فندق (باراديس هوتيل) واللي متأكد انه اروع وايد من الهيليتون وفندق (لا كانونير) في الشمال... إللي سار احد هذه الفنادق.. يفيدنا...

ويزاكم الله خير....