نصيحة بخصوص إلغاء الحجز للفنادق الغير مسترد من البوكينج
السلام عليكم ورحمة الله وبركاته
يالغاليين أنا في ماليزيا وانتهى حجزي في فندق Holiday Inn في بينانغ يوم 17 قبل الساعه 12 وهذا خطأ مني في الحجز لأني المفروض أكمل اليوم وبكره الصبح أنتقل للكاميرون فضطريت أسوي حجز جديد عن طريق البوكينج ولكني غلطت للمرة الثانية وخليت التاريخ ليلة 19 يناير !
طبعاً بعد الحجز عرفت إني غلطت وحاولت ألغي الحجز فكان الحجز غير مسترد والخصم 430 رينجت فضطريت ألغي الحجز وأحجز مرة ثانية ( اليوم ) .ونزلت للرسيبشن وأنهيت الاجراءات ، لكن المشكلة الان في المبلغ الغير مسترد وبدون فايدة بيضيع وأنا حجزت وألغيته بسرعه ..
فتصلت على 2643 3320 20 +44 (العربية) وهي خدمة العملاء للبوكينج وشرحت لهم الموقف فقالوا خليك معانا واتصلوا على الفندق وأقنعوهم ما يخصموا مبلغ الإلغاء ورجع كلمني الموظف وقال نصيحة قبل أي إلغاء اتصل علينا واحنا بنحاول نلغي الحجز بدون ما يخصموا مبلغ الاسترداد .. وهذي نصيحتي من يحتاج يلغي حجز لا يلغيه إلا بعد الاتصال على خدمة عملاء البوكينج وهم إن شاء الله يقدروا يلغوا الحجز بدون أي مبلغ ..
أطيب تحية
